#ბიზნესსიახლეები bm.ge-სგან / 28.05.2024 ევროპული გრანტი 2 თვით დაგვიპაუზდა… მოვლენებს აკვირდებიან - მცირე და საშუალო ბიზნესის ასოციაცია; "იქნებ წლევანდელი ტურისტული სეზონი არ ჩავარდეს“ - ბიზნესის მოლოდინი და ახალი სასტუმროები; "მოლოდინი, რომ ჩინეთი საქართველოს დერეფნისთვის მაფორმირებელი იქნება, მცდარია" - ცაგარეიშვილი; IT სექტორში საშუალო ხელფასი 6 940 ლარია - რამდენ ადამიანს ასაქმებს ინდუსტრია? „ტაოფუდი“ საქართველოს მასშტაბით სარეალიზაციო არეალს აფართოებს; #ახალიამბები #BusinessMediaGeorgia
საერთაშორისო მედიაში საქართველოში მიმდინარე პოლიტიკურ მოვლენებზე საუბარი არ წყდება. ავტორიტეტული მედიები თითქმის ყოველდღიურ რეჟიმში მათ აუდიტორიას "რუსული კანონის" და მის ირგვლივ განვითარებული ვითარების შესახებ უყვებიან. ბოლო პერიოდში განსაკუთრებული აქცენტი კი ენტონი ბლინკენის განცხადებასა და "ქართული ოცნების" პასუხზე კეთდება. #ახალიამბები #BusinessMediaGeorgia
კანონის მხარდამჭერად გაფორმებული მმართველი პარტიის წარმომადგენლების განწყობების მიუხედავად მოლოდინი რომ “რუსული კანონის” სახელით დამკვიდრებული კანონი სარგებელს მოიტანს რთული საპოვნელია. ბიზნესის შეფასებები, ეკონომისტების მოსაზრებები პროგნოზებს საიმედოს ნაკლებად მოიცავს. ქვეყნიდან კაპიტალის გასვლა, საინვესტიციო მიმზიდველობის დაკარგვა, საკრედიტო რესურსის გაძვირება - სპეციალისტების შეფასებით, ეს იმ ნეგატიური ეკონომიკური შედეგების მხოლოდ მცირე ჩამონათვალია, რაც შესაძლოა, საქართველოს ე.წ რუსული კანონის მიღება დაუჯდეს. ლონდონის ბირჟაზე ქართული კომპანიების აქციების ფასის დინამიკა და ეროვნული ვალუტის რეაქცია პროცესებზე თუ მოლოდინებზე, რომელიც ფუნდამენტურ ფაქტორებში მნიშვნელოვან ცვლილებაზე რეაქციად ჯერ ვერ შეფასდება. #ახალიამბები #BusinessMediaGeorgia
ფინანსური სანქციების ცალკეული პირებისთვის დაწესებამაც კი შესაძლოა ავიასექტორს დარტყმა მიაყენოს - სექტორის წარმომადგენლები სტრატეგიული კურსის ცვლილებაზე შიშობენ და მიიჩნევენ, რომ ამ მოვლენებს ავიაბაზარზე ნეგატიურ გავლენა ექნება, დაზარალდება ქვეყნის რეპუტაცია, რაც ინვესტორების ნდობას შეარყევს. რა გავლენა შეიძლება ჰქონდეს ავიასექტორზე შესაძლო სანქციებს და რა კითხვები აქვთ დღეს სალიზინგო კომპანიებს? სტუმარი: გიორგი კოდუა - "ეარ ჯორჯიას" დამფუძნებელი დამფუძნებელი #ახალიამბები #BusinessMediaGeorgia
ქვეყნიდან კაპიტალის გასვლა, საინვესტიციო მიმზიდველობის დაკარგვა, საკრედიტო რესურსის გაძვირება - სპეციალისტების შეფასებით, ეს იმ ნეგატიური ეკონომიკური შედეგების მხოლოდ მცირე ჩამონათვალია, რაც შესაძლოა, საქართველოს ე.წ რუსული კანონის მიღება დაუჯდეს. ეკონომისტების ნაწილი აცხადებს, რომ მმართველი გუნდის წარმომადგენლების მიმართ მოსალოდნელი სანქციები ფონზე საქართველოს როგორც ქვეყნის რისკი იზრდება, რაც იმას ნიშნავს, რომ ქვეყანას ფინანსური რესურსის მოზიდვა გაუძვირდება. #ახალიამბები #BusinessMediaGeorgia
პარლამენტში რუსულ კანონზე პრეზიდენტის ვეტოს განიხილავენ, პარალელურად კი საკანონმდებლო ორგანოსთან აქცია არა რუსულ კანონს იმართება. პლენარული სხდომა პოლიტიკური განცხადებებით დღეს 12 საათზე დაიწყო. რომლის დასრულების შემდეგ ჯერ კენჭს უყრიან „უცხოური გავლენის გამჭვირვალობის შესახებ“ კანონპროექტზე საქართველოს პრეზიდენტის მოტივირებულ შენიშვნებს, მისი ჩაგდების შემთხვევაში კი სამი მოსმენით მიღებული კანონპროექტისთვის კიდევ ერთ კენჭისყრაზე ხმის მიცემაა საჭირო იმისთვის, რომ ვეტო დაძლეულად ჩაითვალოს. ქართული ოცნების დეპუტატები კანონზე პრეზიდენტის ვეტოს დაძლევას აანონსებენ. #ახალიამბები #BusinessMediaGeorgia
საქართველოს იურიდიული ფირმების ასოციაციის წევრები, რომლებიც 21 უმსხვილეს იურიდიულ კომპანიას აერთიანებენ, მოუწოდებენ პარლამენტს, რომ გამოიყენონ შესაძლებლობა და არ დაძლიონ პრეზიდენტის ვეტო. იურისტები ამბობენ, რომ უცხოელი კლიენტები უკვე სვამენ კითხვებს და ეჭვ ქვეშ აყენებენ პროექტების განხორციელებას. #ახალიამბები #BusinessMediaGeorgia
ლარის კურსის რყევა მიმდინარე პოლიტიკურ პროცესებთან კავშირში არ არის ირწმუნებოდა დღეს სების პრეზიდენტის მოვალეობის შემსრულებელი საქართველოს პარლამენტში ყოფნისას. ნათია თურნავამ საკანონმდებლო ორგანოში ცენტრალური ბანკის შედეგების წარდგენასთან ერთად დეპუტატების კითხვებსაც უპასუხა თუმცა მედიასთან კომუნიკაციაზე უარი თქვა. და მაინც რა გზავნილები აქვს სების პრეზიდენტობის მოვალეობის შემსრულებელს და რითი ხსნის იმ პროცესებს რასაც საფონდო თუ სავალუტო ბირჟაზე ხდება. #ახალიამბები #BusinessMediaGeorgia
#ბიზნესსიახლეები bm.ge-სგან / 27.05.2024 IT სექტორში საშუალო ანაზღაურება ბიზნეს სექტორის საშუალოს 3.5- ჯერ აღემატება; "ბიზნესს და ინვესტიციებს გაურკვევლობები არ უყვართ” - მარიამ ქოიავა FDI-ზე; $13 მლნ ინვესტიცია და პროფესიული გადამზადების 250-ზე მეტი კურსი - როგორ მუშაობს USAID-ის პროგრამა; ,,ემპი დეველოპმენტმა“ რიგით მე-13 საერთაშორისო სტანდარტების სავაჭრო ცენტრი ,,გორი მოლი“ გახსნა; საბავშვო სამოსის ბრენდმა "ლიმომ" მეორე საწარმო გახსნა; "სოფგამამ" ავეჯის ახალი საწარმო გახსნა - ინვესტიცია 200 000 ლარია; #ახალიამბები #BusinessMediaGeorgia
საქართველოს სავალუტო რეზერვების მოცულობა ადეკვატურობის დონეს ჩამოსცდა - ამის შესახებ საუბარია IMF-ის მიერ გამოქვეყნებულ მიმოხილვაში, რომელიც საქართველოს ეკონომიკას შეეხება. IMF-ის შეფასებით, მიუხედავად იმისა, რომ საქართველოს ეროვნულმა ბანკმა გასული წლის განმავლობაში რეზერვების შესყიდვის მიმართულებით მნიშვნელოვანი ნაბიჯები გადადგა, წლიურ ჭრილში სავალუტო რეზერვების დონე მაინც შემცირებულია. მიმოხილვაში ასევე საუბარია იმ საქართველოს ეკონომიკაზე მოქმედ ისეთ რისკებზე როგორიცაა მიგრანტების ეფექტის შენელება და ასევე საქართველოში რეფორმების ტემპის კლება. ეკონომისტების შეფასებით, სავალუტო ფონდის გზავნილები განსაკუთრებით აქტუალურია ქვეყანაში ბოლო პერიოდში განვითარებული მოვლენების ფონზე. #ახალიამბები #BusinessMediaGeorgia
საქართველოს ეროვნული ბანკის პრეზიდენტის მოვალეობის შემსრულებელი აცხადებს, რომ ლარის ბოლოდროინდელი მერყეობა ნეგატიური მოლოდინების გაღვივებით და ხელოვნური აჟიოტაჟითაა გამოწვეული - ეს განცხადება ნათია თურნავამ პარლამენტში გამოსვლისას გააკეთა, სადაც ეროვნული ბანკის საქმიანობის 2023 წლის ანგარიში წარადგინა. ამასთან, ნათია თურნავა მიიჩნევს, რომ აშშ-ს მიერ კონკრეტული პირებისთვის დაწესებული შესაძლო სამგზავრო სანქციები საქართველოს ფინანსურ სისტემაზე არ აისახება. რა განცხადებები გაკეთდა საკანონმდებლო ორგანოში და რა კითხვები ჰქონდათ დეპუტატებს? #ახალიამბები #BusinessMediaGeorgia
რატომ დაუპირისპირდა ოცნება დასავლეთს? სად მივყავართ მთავრობას და სად მიდის საქართველო? სტუმარი: დიმიტრი ცქიტიშვილი - „პროგრესული ფორუმის“ თავმჯდომარე #ახალიამბები #BusinessMediaGeorgia
"ჩემი ადვოკატი" - ასე ჰქვია ორგანიზაციას, რომელიც თბილისის მოსახლეობას სამოქალაქო და ადმინისტრაციულ სამართალში, უსასყიდლოდ, იურიდიულ დახმარებას უწევს. „ჩემი ადვოკატი“ ბენეფიციარებს თბილისის ათივე რაიონში უწევს მომსახურებას და მოქალაქეებს იურიდიული დახმარების მიღება საკუთარ უბანში, საცხოვრებელ სახლთან ახლოს შეუძლიათ . ბენეფიციარების მიღება თბილისის მერიაში არსებულ, „ჩემი ადვოკატის“ სივრცეშიც არის შესაძლებელი. ამასთან, ორგანიზაცია იმ უმაღლეს სასწავლებელთან თანამშრომლობს, რომლის სტუდენტები იურიდიულ კლინიკაში პრაქტიკულ, საადვოკატო საქმიანობას ეწევიან. სტუმარი: მარინა ბერაძე - თბილისის მერიის ა.ა.ი.პ "ჩემი ადვოკატის" დირექტორი #ახალიამბები #BusinessMediaGeorgia
სრულიად სექტორი დღეს იყო ერთიანი და ე.წ. კანონის უკან გაწვევას ითხოვდა, - ამის შესახებ „სასტუმროებისა და რესტორნების ფედერაციის“ დამფუძნებელმა, შალვა ალავერდაშვილმა ეკონომიკის მინისტრთან ტურიზმის სფეროს წარმომადგენლების შეხვედრის შემდეგ განაცხადა. #ახალიამბები #BusinessMediaGeorgia
„ძალიან მაღალ ეკონომიკურ ფასს გადავიხდით,“ - ამის შესახებ რონდელის ფონდის ევროპული კვლევების ცენტრის დირექტორი აცხადებს. კახა გოგოლაშვილის თქმით, ამერიკის მხრიდან მმართველი პარტიის წარმომადგენლების დასანქცირების შემდეგ, არაა გამორიცხული ევროკავშირმა საქართველოსთან ურთიერთობების დროებით გაყინვის გადაწყვეტილება მიიღოს, შეჩერდეს ის პირდაპირი დახმარება, რასაც ქვეყანა აშშ-დან და ევროკავშირიდან იღებს, გაუარესდეს ქვეყნის საინვესტიციო რეიტინგი და ქართული კომპანიებიდან უცხოური კაპიტალის გადინება დაიწყოს. რა პერსპექტივა ელის საქართველოს სანქციების პირობებში და როგორ მოქმედებს განვითარებული პროცესები ქვეყნის საინვესტიციო იმიჯზე. ელენე გოგბერაშვილი ესაუბრა მესამე სექტორის წარმომადგენლებს და მეტს თავად გვეტყვის. #ახალიამბები #BusinessMediaGeorgia
რას ნიშნავს საქართველოსთან მიმართებაში აშშ-ის მიერ წარმოდგენილი სავიზო სანქციები, გამოაცხადებს თუ არა დასავლეთი დამატებით შეზღუდვებს ქვეყანაში მიმდინარე პროცესებზე პასუხისმგებელ პირებზე და რა გავლენა აქვს მიმდინარე მოვლენებს საინვესტიციო გარემოზე? სტუმარი: ზვიად კორძაძე - „კორძაძის საადვოკატო ბიუროს“ მმართველი პარტნიორი; #ახალიამბები #BusinessMediaGeorgia
სავიზო სანქციების პირებისთვის, რომლებიც პასუხისმგებელნი ან თანამონაწილეები არიან საქართველოში დემოკრატიისთვის ძირის გამოთხრაში - აშშ-მა სანქციების რეჟიმი დააწესა საქართველოში დემოკრატიის გაუარესებისა და ე.წ. რუსული კანონის მიღებასთან დაკავშირებით. როგორც სახელმწიფო მდივნის ენტონი ბლინკენის განცხადებშია ნათქვამი, ამერიკის შეერთებული შტატების ვიზების შეზღუდვის ახალი პოლიტიკა იმ პირების მიმართ გამოიყენება, რომლებიც პასუხისმგებელნი ან თანამონაწილეები არიან საქართველოში დემოკრატიისთვის ძირის გამოთხრაში. სავიზო შეზღუდვა გავრცელდება მათი ოჯახის წევრების მიმართაც. ენტონი ბლიკენი ასევე აღნიშნავს, რომ ამ ქმედებების საპასუხოდ სახელმწიფო დეპარტამენტმა ასევე დაიწყო შეერთებულ შტატებსა და საქართველოს შორის ორმხრივი თანამშრომლობის ძირეული გადახედვა. როგორ აფასებენ ქართული ოცნების დეპუტატები აშშ-ის მიერ დაწესებულ სანქციებს და რა შეფასებები კეთდება პარლამენტში? #ახალიამბები #BusinessMediaGeorgia
მოსასვენებელი ოთახები ბავშვებისა და მძღოლებისთვის, მგზავრების მოსაცდელი დარბაზი და ელექტრონული ტაბლოები - ახალი კანონქვემდებარე აქტები, რომლებიც პირველი, მეორე და მესამე კატეგორიის ავტოსადგურებისთვის ფუნქციონირების წესისა და პირობებს ადგენს ძალაშია. რა პირობები უნდა დააკმაყოფილონ ავტოსადგურებმა, როგორ განისაზღვრება ავტოსადგურის კლასი და გააძვირებს თუ არა მგზავრთა გადაყვანას ბაზარზე ამოქმედებული ახალი მოთხოვნები; #ახალიამბები #BusinessMediaGeorgia
საქართველო ავტოჰაბის ფუნქციის დაკარგვის რისკის წინაშეა - ამის შესახებ ავტო იმპორტიორთა ასოციაციაში აცხადებენ. დარგის წარმომადგენლები ეკონომიკის სამინისტროსთან შეხვედრას და სექტორის წარმომადგენლებისთვის გარკვეული რეგულაციებს დაწესებას ითხოვენ. რა პრობლემებზე საუბრობენ ავტოიმპორტიორები და რა განაპირობებს ავტომობილების რეექსპორტის შემცირებას - დეტალებით ნუცა შუბაშვილი შემოგვიერთდება მომდევნო გამოშვებაში #ახალიამბები #BusinessMediaGeorgia
საქართველომ ელექტროენერგიის ექსპორტი დაიწყო. აპრილის მდგომარეობით, საზღვარგარეთ 58 მილიონი კილოვატსაათი ელექტროენერგია გაიყიდა. ძირითადი საექსპორტო ბაზარი კი კვლავ, თურქეთია. როგორია ტენდენციები და რა განაპირობებს ელექტროენერგიით ვაჭრობის დინამიკას ელენე გოგბერაშვილი გაეცნო მონაცემებს. #ახალიამბები #BusinessMediaGeorgia
საქართველომ ელექტროენერგიის ექსპორტი დაიწყო. აპრილის მდგომარეობით, საზღვარგარეთ 58 მილიონი კილოვატსაათი ელექტროენერგია გაიყიდა. ძირითადი საექსპორტო ბაზარი კი კვლავ, თურქეთია. #ახალიამბები #BusinessMediaGeorgia
2025 წლიდან ავტოსადგურებს სავალდებულო სერტიფიცირების გავლა, მგზავრთ გადამყვან ოპერატორებს კი შესაბამისი რეისების განსახორციელებლად ნებართვების მოპოვება მოუწევთ. შესაბამისი ტექნიკური რეგლამენტები საკანონმდებლო მაცნეზე უკვე გამოქვეყნდა. რა იცვლება ავტოსადგურების მფლობელებისთვის, მგზავრებისთვის და ავტოსატრანსპორტო საშუალებების მძღოლებისთვის? #ახალიამბები #BusinessMediaGeorgia
შუა დერეფანს აქვს შანსი განვითარდეს ახლა ან არასოდეს - ვაშინგტონში, Cosmos Club-ში, ტრანსკასპიური ფორუმის მერვე შეხვედრაზე შუა დერეფნის მნიშვნელობაზე, განვითარების გზებსა და იმ გამოწვევებზე იმსჯელეს, რაც ამ დერეფანს გააჩნია. დისკუსიებზე ტრანსპორტისა და ლოგისტიკური კავშირის განახლების აუცილებლობაზე, დერეფნის მულტიმოდალურობით გამოწვეული შეფერხებების შესაძლებლობად ქცევასა და აშშ-სა და კასპიის რეგიონის ქვეყნებს შორის ბოლო 2 წელიწადში 40 მილიარდამდე გაზრდილ სავაჭრო ურთიერთობებზე ისაუბრეს. აღინიშნა პორტების გამტარუნარიანობის ზრდის მნიშვნელობაც უპირველესად საქართველოში - როგორ ხედავენ შუა დერეფნის როლს ვაშინგტონში და რა მიმართულებით საჭიროებს გადაუდებელ ინვესტიციას სატრანსპორტო დერეფანი? სტუმარი: მამუკა მურჯიკნელი - Wondernet Express Investment Group -ის გენერალური დირექტორი #ახალიამბები #BusinessMediaGeorgia
საქართველო ავტოჰაბის ფუნქციის დაკარგვის რისკის წინაშეა - ამის შესახებ ავტო იმპორტიორთა ასოციაციაში აცხადებენ. ასოციაციის ხელმძღვანელის, ალექსი ნონიაძის განცხადებით, დარგის წარმომადგენლებისთვის მნიშვნელოვანი პრობლემაა ქართულ ბაზარზე მომრავლებული უცხოელი დილერები, რომლებსაც საქართველოში ავტომობილები ჩამოჰყავთ და ქვეყნიდან რეექსპორტის მიზნით თავადვე გაყავთ. მისი თქმით, სწორედ ეს გარემოებაა ერთ-ერთი მიზეზი, რის გამოც მიმდინარე წლის ოთხ თვეში მსუბუქი ავტომობილების იმპორტ-ექსპორტი შემცირდა. დარგის წარმომადგენლები ეკონომიკის სამინისტროსთან შეხვედრას და ბაზარზე გარკვეული რეგულაციებს დაწესებას ითხოვენ. #ახალიამბები #BusinessMediaGeorgia
#ბიზნესსიახლეები bm.ge-სგან / 22.05.2024 საქართველოს თხილის ექსპორტიდან მიღებული შემოსავალი შეუმცირდა; საქართველოს ბანკის მხარდაჭერით, დეველოპერული კომპანია „სი აი ჯი“ ახალ სამშენებლო პროექტს ახორციელებს; "ინდოეთის ვიზები ისევ პრობლემაა" - ტურისტული სექტორი ინდოელი ტურისტების წილზე; "წელს 2-3 ბაზარი დაგვემატება" - "აჩინებული" CASPIAN AGRO 2024-ის შედეგებს აფასებს; 150 000-ლარიანი თანადაფინანსების გრანტების პროგრამის გამარჯვებული სტარტაპერები 1 ივნისს გამოვლინდებიან; #ახალიამბები #BusinessMediaGeorgia
მე-3 ქვეყანაში ან ქვეყნიდან გადაზიდვის ნებართვების გაცემა ახალი წესის მიხედვით განხორციელდება. შესაბამისი დადგენილებით, საერთაშორისო გადაზიდვებისთვის სანებართვო დოკუმენტი ასოციაციების დონეზე გაიცემა, გასაცემი დოკუმენტაციის კვოტებიც სახმელეთო ტრანსპორტის სააგენტოებისთვის გამოიყოფა, გაცემის წესს კი მხოლოდ სააგენტო განსაზღვრავს. მიუხედავად იმისა,რომ განსაზღვრული წესით ნებართვები მხოლოდ ასოციაციების დონეზე გაიცემა, მესამე ქვეყანაში ან ქვეყნიდან საერთაშორისო სატვირთო გადაზიდვის სანებართვო დოკუმენტის განაწილებასთან დაკავშირებით საბოლოო გადაწყვეტილებას ისევ სააგენტოს დირექტორი მიიღებს. ცვლილებები 20 მაისს სრულად შევიდა ძალაში. 2025 წლის 1 მარტიდან კი ამოქმედდება მუხლი, რომლის მიხედვითაც გადამზიდველი ვერ იქნება პირი, რომელსაც არ გააჩნია საერთაშორისო საავტომობილო სატვირთო გადაზიდვის ნებართვა. #ახალიამბები #BusinessMediaGeorgia
ეროვნული ბანკის გადაწყვეტილებით მონეტარული პოლიტიკის განაკვეთი შემცირდა. განაკვეთი 8.25%-დან 8%-მდე შემცირდა, შედეგად რეფინანსირების განაკვეთი შემცირდა იმ ნიშნულამდე, რომელიც 2021 წლის თებერვლის შემდეგ მას არ ჰქონია, რადგანაც გასული სამი წლის განმავლობაში ეროვნული ბანკი გამკაცრებულ მონეტარულ პოლიტიკას ინარჩუნებდა, ხოლო განაკვეთის შემცირება 11%-იანი ნიშნულიდან გასულ წელს დაიწყო და ამ დრომდე გრძელდება. ეროვნული ბანკის მიერ გამოქვეყნებულ პრესრელიზში ნათქვამია, რომ რეფინანსირების განაკვეთის შემცირების საფუძველი შექმნა ინფლაციის შემცირებულმა მაჩვენებელმა, რომელიც სამიზნე 3%-იან დონეზე დაბალია. თუმცა, ამასთან ეროვნული ბანკი გარკვეულ რისკებზეც მიუთითებს. #ახალიამბები #BusinessMediaGeorgia
მე-3 ქვეყანაში/ქვეყნიდან საერთაშორისო სატვირთო გადაზიდვის სანებართვო დოკუმენტის გაცემის ახალი წესი დამტკიცდა. შესაბამისი დადგენილება განსაზღვრავს საერთაშორისო სატვირთო გადაზიდვის სანებართვო დოკუმენტის გაცემის და მის გაცემაზე უარის თქმის წესსა და პირობებს. საკანონმდებლო მაცნეზე გამოქვეყნებული ინფორმაციის თანახმად, სანებართვო დოკუმენტები გადამზიდავ კომპანიებზე მხოლოდ დარგობრივი ასოციაციების გავლით გაიცემა, შესაბამისად, იმისთვის, რომ გადაზიდვისთვის საჭირო ნებართვა კომპანიამ მოიპოვოს შესაბამისი ასოციაციის წევრი უნდა იყოს. #ახალიამბები #BusinessMediaGeorgia
ეროვნული ბანკის მონეტარული პოლიტიკის კომიტეტის დღეს მიღებული გადაწყვეტილებით, რეფინანსირების განაკვეთი შემცირდა იმ ნიშნულამდე, რომელიც 2021 წლის თებერვლის შემდეგ მას არ ჰქონია, რადგანაც გასული სამი წლის განმავლობაში ეროვნული ბანკი გამკაცრებულ მონეტარულ პოლიტიკას ინარჩუნებდა, ხოლო განაკვეთის შემცირება 11%-იანი ნიშნულიდან გასულ წელს დაიწყო და ამ დრომდე გრძელდება. მიუხედავად იმისა, რომ ეროვნული ბანკი კომიტეტის შემდეგ გავრცელებულ პრეს რელიზში აღნიშნავს, რომ უკანასკნელ პერიოდში გაზრდილია გაურკვევლობა როგორც საგარეო ფაქტორების, ასევე შიდა ფაქტორებთან მიმართებით, თუმცა დაბალი ინფლაციის გათვალისწინებით მონეტარული პოლიტიკა მაინც შერბილდა. როგორ ასაბუთებს ამ გადაწყვეტილებას ეროვნული ბანკი? სტუმარი: თამთა სოფრომაძე - "ეროვნული ბანკის" მონეტარული პოლიტიკის განყოფილების უფროსი; #ახალიამბები #BusinessMediaGeorgia
ეროვნული ბანკის მომენტალური პოლიტიკის კომიტეტმა რეფინანსირების განაკვეთი 0,25 პროცენტული პუნქტით, 8%-მდე შეამცირა. ეროვნული ბანკის მიერ გამოქვეყნებულ პრესრელიზში ნათქვამია, რომ რეფინანსირების განაკვეთის შემცირების საფუძველი შექმნა ინფლაციის შემცირებულმა მაჩვენებელმა, რომელიც სამიზნე 3%-იან დონეზე დაბალია. თუმცა, ამასთან ეროვნული ბანკი აღნიშნავს, რომ უკანასკნელ პერიოდში გაზრდილია გაურკვევლობა როგორც საგარეო ფაქტორების, ასევე შიდა ფაქტორებთან მიმართებით. ეკონომისტების ნაწილი აცხადებს, რომ დაბალი ინფლაციის პირობებში ეროვნულ ბანკს მონეტარული პოლიტიკის შერბილების შესაძლებლობა ჰქონდა, ნაწილი კი ამ გადაწყვეტილებას პოლიტიკურს უწოდებს. #ახალიამბები #BusinessMediaGeorgia
მკაცრად მოვუწოდებთ ხელისუფლებას კანონის გაწვევისკენ - ევროსაბჭოს ვენეციის კომისია საქართველოს ხელისუფლებას კატეგორიულად ურჩევს გააუქმოს სამი მოსმენით დამტკიცებული „აგენტების კანონი“, რომელიც საფრთხეს უქმნის ფუნდამენტურ უფლებებსა და თავისუფლებებს. კომისია აცხადებს, რომ რუსულ კანონში ფუნდამენტური ხარვეზებია, რომლებიც გამოიწვევს მძიმე ნეგატიურ შედეგებს შეკრებისა და გამოხატვის თავისუფლების, პირადი ცხოვრების ხელშეუხებლობის, სამოქალაქო პროცესებში თანამონაწილეობის მიმართულებით. რა შეფასებები აქვთ ვენეციის კომისიის გზავნილებზე იურისტებს? #ახალიამბები #BusinessMediaGeorgia
იურგენ კლოპის მერსისაიდული კარიერის განხილვა - დიდი ეპოქის დასასრული #ახალიამბები #BusinessMediaGeorgia
#დღისრიცხვი: $327.6 მილიონი - დონალდ ტრამპის სოციალური ქსელის ზარალი; ➡️გიორგი არონია - "საქმიანი საღამოს" წამყვანი; #ახალიამბები #BusinessMediaGeorgia
#ბიზნესსიახლეები bm.ge-სგან / 2.05.2024 გურამ ბაღდოშვილი რესტორან „ჩვენი“-ს პირველ ფილიალს ლისაბონში ხსნის; ღვინის ექსპორტი ისტორიულ მაქსიმუმზეა - ზრდა რუსეთში რეკორდულმა გაყიდვებმა განაპირობა; "მსოფლიოს წამყვანი სტარტაპ აქსელერატორები თბილისში არიან" - სააგენტო დეტალებზე; „გასული წლის მძიმე სეზონის შემდეგ, რაჭასთან მიმართებით ბევრი კითხვა გაჩნდა“ – სასტუმრო „გარემო“; კოსტავაზე ქათმის პირველი რესტორანი "წიწილა" გაიხსნა; თბილისში გასტრობარი „დაირა“ გაიხსნა - რას სთავაზობს ობიექტი სტუმრებს? “პურის ფასს არაფერი ემუქრება” - პურპროდუქტების ასოციაცია; #ახალიამბები #BusinessMediaGeorgia
2024 წლის პირველ კვარტალში საქართველოში მოქმედი პორტებისა და ნავსადგურების ტვირთბრუნვა შემცირდა. საქსტატის ანგარიშის თანახმად, პირველ კვარტალში ქართული პორტები 3.4 მილიონ ტონა ტვირთებს მოემსახურნენ, რაც წინა წლის ანალოგიურ პერიოდთან შედარებით 8%-ით ნაკლებია. საქსტატის ინფორმაციით, ტვირთის 45.7 პროცენტი ზოგადი სახის (გენერალური) ტვირთი იყო, 31.1 პროცენტი - თხევადი ტვირთი, ხოლო 23.2 პროცენტი - ნაყარი ტვირთი. პორტებისგან განსხვავებით გაზრდილია საქართველოს რკინიგზის ტვირთბრუნვა. 2024 წლის I კვარტალში, საქართველოს რკინიგზის მეშვეობით 3.2 მილიონი ტონა ტვირთის გადაზიდვა მოხდა, რაც წინა წლის ანალოგიურ პერიოდთან შედარებით 2.5%-ით მეტია. #ახალიამბები #BusinessMediaGeorgia
სპილენძის მადნები წლების განმავლობაში საქართველოს ერთ-ერთი უმსხვილესი საექსპორტო საქონელი იყო, თუმცა 2024 წლის განმავლობაში აღნიშნული საქონლის ექსპორტი 95%-ით შემცირდა და მხოლოდ $12 მილიონი შეადგინა. წინა წელთან შედარებით საექსპორტო შემოსავლის კლება 245 მილიონ დოლარს შეადგენს. ამასთან, მნიშვნელოვანია გარემოება, რომ მაშინ როდესაც საქართველოდან სპილენძის მადნების ექსპორტის ვარდნა შეინიშნება, გლობალურ ბაზარზე სპილენძის ფასი რეკორდულად მაღალია და ის ტონაზე $11,000-ს აღწევს. შესაბამისად, იმ შემთხვევაში თუკი საქართველოდან ექსპორტი განხორციელდება, ქვეყანას სპილენძიდან რეკორდულად მაღალი შემოსავლის მიღება შეეძლებოდა. საქართველოდან სპილენძის მადნების ექსპორტის 2/3 ყოველწლიურად რეექსპორტს შეადგენს, ხოლო 1/3 ადგილობრივი წარმოების სპილენძია, თუმცა 2024 წლის განმავლობაში შემცირებულია როგორც ადგილობრივი წარმოების სპილენძის მადნების, ასევე იმპორტული სპილენძის მადნების რეექსპორტიც. საქართველოდან სპილენძის მადნები ძირითადად ევროკავშირის ბაზარზე გადიოდა, შესაბამისად, ამ კატეგორიის საქონლის ვარდნით, EU-ში საქართველოს ექსპორტიც შემცირდა. 2023 წლის ანალოგიურ პერიოდთან შედარებით ევროკავშირში ექსპორტი 132 მილიონი დოლარიდან 9.9 მილიონ დოლარამდე შემცირდა, რაც 93%-იან ვარდნას წარმოადგენს. 2024 წლის პირველ 4 თვეში საქართველოდან საქონლის ექსპორტი 10.1%-ით შემცირდა. უმსხვილესი სავაჭრო პარტნიორების პირველ სამეულში ყირგიზეთთან ერთად ადგილებს რუსეთი და ყაზახეთი ინაწილებენ. უმსხვილეს საექსპორტო მიმართულებებს შორის 4 თვის ჭრილში არც ერთ ევროკავშირის წევრ ქვეყანას არ ვხვდებით. როგორ შეიძლება აისახოს მიმდინარე მოვლენები ექსპორტზე და რა ტენდენციებია ვაჭრობაში საქართველოსა და მის პარტნიორ ქვეყნებს შორის #ახალიამბები #BusinessMediaGeorgia
ბაზარი მშვიდდება, ლარის გაუფასურება ერთჯერადი ემოციური რეაქცია იყო - ასე აფასებს ეროვნული ბანკის პრეზიდენტის მოვალეობის შემსრულებელი ბიემჯისთან ბოლო პერიოდში სავალუტო ბაზარზე განვითარებულ მოვლენებს. ნათია თურნავა აცხადებს, რომ გასულ კვირას ლარის გაუფასურების მიზეზი მოკლევადიანი აჟიოტაჟით იყო გამოწვეული და არა ფუნდამენტური ფაქტორებით. #ახალიამბები #BusinessMediaGeorgia
გაუქმებული ჯავშნების ფონზე ბიზნესმა ზარალის დათვლა დაიწყო და პროგნოზირებს, რომ თუ რეალობა არ შეიცვლება ზაფხულის ტურისტულ სეზონს მნიშვნელოვანი საფრთხე ემუქრება. კანონმა უარყოფითი რეაქცია გამოიწვია ტურიზმის ინდუსტრიაში... საფრთხეშია ტურისტული სეზონის წარმატება- ეს ფრაზა კი ტურიზმის ალიანსის განცხადებაში იკითხება, რომელიც გუშინ გავრცელდა. ამის პარალელურად ეკონომიკის მინისტრის მოადგილე მარიამ ქვრივიშვილი ამბობს, რომ საქართველოში ტურიზმის ინდუსტრია წელს რეკორდულ ნიშნულზე იქნება. რა გავლენა აქვს მიმდინარე პროცესებს ტურიზმის სექტორზე, რამდენად მასშტაბურია ტურისტების მხრიდან საქართველოში დაგეგმილი ვიზიტების გაუქმება და რას უნდა ველოდოთ მიმდინარე სეზონზე? სტუმარი: თამუნა თანდაშვილი - საქართველოს ტურიზმის ალიანსის თანადამფუძნებელი; #ახალიამბები #BusinessMediaGeorgia
პორტებისა და ნავსადგურების ტვირთბრუნვა შემცირდა. საქსტატის თანახმად, წლის პირველ კვარტალში ქართული პორტები 3.4 მილიონ ტონა ტვირთებს მოემსახურა. კლება 8%-ია. შემცირებულია საჰაერო გადაზიდვებიც. პარალელურად, გაიზარდა სარკინიგზო ტვირთბრუნვა. 2024 წლის I კვარტალში, საქართველოს რკინიგზით გადატანილია 3.2 მლნ. ტონა ტვირთი1, რაც 2.5 პროცენტით მეტია გასული წლის შესაბამისი პერიოდის მაჩვენებელზე. გადამზიდავ კომპანიებში აცხადებენ, რომ გეოპოლიტიკურმა ვითარებამ ტვირთების გადაზიდვის მარშრუტები შეცვალა, რამაც რკინიგზაზე მოთხოვნა გაზარდა. რა მიზეზებით მცირდება საზღვაო გადაზიდვები და რა პერსპექტივა აქვს სარკინიგზო გადაზიდვების ზრდას? #ახალიამბები #BusinessMediaGeorgia
2024 წლის პირველ 4 თვეში საქართველოდან საქონლის ექსპორტი 10.1%-ით შემცირდა. უმსხვილესი სავაჭრო პარტნიორების პირველ სამეულში ყირგიზეთთან ერთად ადგილებს რუსეთი და ყაზახეთი ინაწილებენ. უმსხვილეს საექსპორტო მიმართულებებს შორის 4 თვის ჭრილში არც ერთ ევროკავშირის წევრ ქვეყანას არ ვხვდებით. როგორ შეიძლება აისახოს მიმდინარე მოვლენები ექსპორტზე და რა ტენდენციებია ვაჭრობაში საქართველოსა და მის პარტნიორ ქვეყნებს შორის? #ახალიამბები #BusinessMediaGeorgia
ინვესტორების ინტერესების გათვალისწინებით ხსნის მმართველი პარტია საგადასახადო კოდექსში ცვლილებებს რომელთან დაკავშირებით პრეზიდენტის მოტივირებული შენიშვნების გაუთვალისწინებლად ვეტოს დაძლევას მხარი საფინანსო საბიუჯეტო კომიტეტზე უკვე დაუჭირეს. სხდომის წევრებს პრეზიდენტის მოტივირებული შენიშვნები პრეზიდენტის საპარლამენტო მდივანმა, გიორგი მსხილაძემ წარუდგინა. პრეზიდენტი მიუთითებს, რომ კანონი საქართველოს საინვესტიციო სტატუსის შესახებ გარკვეულ რისკებს წარმოშობს. პრეზიდენტის წარმოდგენილ შენიშვნებში აღნიშნულია, რომ შეღავათი აჩენს შესაძლებლობას, რომ საქართველოში რუსეთიდან ოფშორებში გატანილი შაბი ფული და აქტივების გადმოიტანონ. ამასთან, დოკუმენტში მითითებულია, რომ ცვლილებები, შესაძლოა, რუსეთის ფედერაციისთვის დაწესებული სანქციების გვერდის ავლის საბაბად იქცეს. #ახალიამბები #BusinessMediaGeorgia
#ბიზნესსიახლეები bm.ge-სგან / 20.05.2024 "კანონმა უარყოფითი რეაქცია გამოიწვია...საფრთხეშია ტურისტული სეზონის წარმატება" - "ტურიზმის ალიანსი"; "ტოქსიკური გარემო, რომელიც დღესაა შექმნილი, ყველაზე მეტად აზიანებს ბიზნესს" - რესან ქიქავა; "წლიურად €100 მლნ-ზე მეტი იხარჯება ბიზნესების ცნობიერების და პროდუქციის ხარისხის გაზრდისთვის" - მეღვინე; "დონა" ბათუმში მესამე ფილიალს ხსნის; აკადემია IDEA ბიზნეს კონცეფციას ცვლის და სტომატოლოგიურ კლინიკას ხსნის; #ახალიამბები #BusinessMediaGeorgia
საპენსიო სააგენტოს საქმიანობის ცვლილებებზე პარლამენტმა კანონპროექტის განხილვა დაიწყო. ეკონომიკის სამინისტროს მომზადებული ცვლილების თანახმად, საპენსიო სააგენტოში დამოუკიდებლად არსებული საინვესტიციო და სამეთვალყურეო საბჭოების ნაცვლად, ერთი მმართველობითი ორგანო - მმართველობითი საბჭო შეიქმნება. იზრდება ლიმიტებიც, რომლის ფარგლებშიც საპენსიო ფონდი მსხვილი პროექტების დაფინანსებას შეძლებს და ეს შესაძლებლობა დაბალრისკიანი საინვესტიციო პორტფელის შემთხვევაშიც დარჩება. დღევანდელ საკომიტეტო სხდომაზე ყველაზე მეტი შენიშვნა სწორედ საპენსიო თანხებით მსხვილი პროექტების დაფინანსების საკითხზე ისმოდა. #ახალიამბები #BusinessMediaGeorgia
პარლამენტის საფინანსო-საბიუჯეტო კომიტეტმა ე.წ ოფშორების კანონზე პრეზიდენტის მოტივირებულ შენიშვნებს მხარი არ დაუჭირა. კომიტეტმა სალომე ზურაბიშვილის მოტივირებული შენიშვნები საგადასახადო კოდექსში შესულ ცვლილებებზე დღეს განიხილა. სხდომის წევრებს პრეზიდენტის მოტივირებული შენიშვნები პრეზიდენტის საპარლამენტო მდივანმა, გიორგი მსხილაძემ წარუდგინა.პრეზიდენტი მიუთითებს, რომ კანონი საქართველოს საინვესტიციო სტატუსის შესახებ გარკვეულ რისკებს წარმოშობს. როგორც სალომე ზურაბიშვილის შენიშვნებშია აღნიშნულია, დარგის ექსპერტთა აზრით, ეს შეღავათი აჩენს შესაძლებლობას, რომ საქართველოში რუსეთიდან ოფშორებში გატანილი შაბი ფული და აქტივების გადმოიტანონ. ამასთან, დოკუმენტში მითითებულია, რომ ცვლილებები, შესაძლოა, რუსეთის ფედერაციისთვის დაწესებული სანქციების გვერდის ავლის საბაბად იქცეს. რისთვის იღებს ქართული ოცნება ოფშორების კანონს და რა რისკებს ხედავს ოპოზიცია? სტუმარი: რომან გოცირიძე - დეპუტატი, ევროოპტიმისტები; #ახალიამბები #BusinessMediaGeorgia
საპენსიო სააგენტოს საქმიანობის ცვლილებებზე პარლამენტმა კანონპროექტის განხილვა დაიწყო. ეკონომიკის სამინისტროს მომზადებული ცვლილების თანახმად, საპენსიო სააგენტოში დამოუკიდებლად არსებული საინვესტიციო და სამეთვალყურეო საბჭოების ნაცვლად, ერთი მმართველობითი ორგანო - მმართველობითი საბჭო შეიქმნება. იზრდება ლიმიტებიც, რომლის ფარგლებშიც საპენსიო ფონდი მსხვილი პროექტების დაფინანსებას შეძლებს და ეს შესაძლებლობა დაბალრისკიანი საინვესტიციო პორტფელის შემთხვევაშიც დარჩება. ოპოზიციონერ დეპუტატებს ეკონომიკის სამინისტროს მიერ მომზადებულ საკანონმდებლო პაკეტზე არაერთი შენიშვნა აქვთ, მათ შორის აცხადებენ, რომ მსხვილ პროექტებში საპენსიო თანხების ჩადება არაერთ რისკს უკავშირდება. საკომიტეტო მოსმენაზე ასევე კითხვები დაისვა, თუ რატომ ეზღუდებათ მოქალაქეებს საპენსიო დანაზოგების კერძო აქტივების მმართველ კომპანიებში გადატანა. #ახალიამბები #BusinessMediaGeorgia
მთავრობის სხდომა მთავრობის ადმინისტრაციაში
ოფშორების კანონი ისევ პარლამენტშია. დღეს საფინანსო-საბიუჯეტო კომიტეტი პრეზიდენტის მოტივირებულ შენიშვნებს განიხილავს. სალომე ზურაბიშვილმა ე.წ ოფშორების კანონს ვეტო 3 მაისს დაადო და მოტივირებული შენიშვნებით "საგადასახადო კოდექსში" ცვლილებები პარლამენტს უკან დაუბრუნა. პრეზიდენტი მიუთითებს, რომ კანონი საქართველოს საინვესტიციო სტატუსის შესახებ გარკვეულ რისკებს წარმოშობს. როგორც სალომე ზურაბიშვილის შენიშვნებშია აღნიშნულია, დარგის ექსპერტთა აზრით, ეს შეღავათი აჩენს შესაძლებლობას, რომ საქართველოში რუსეთიდან ოფშორებში გატანილი შაბი ფული და აქტივების გადმოიტანონ. ამასთან, დოკუმენტში მითითებულია, რომ ცვლილებები, შესაძლოა, რუსეთის ფედერაციისთვის დაწესებული სანქციების გვერდის ავლის საბაბად იქცეს. შენიშვნებს კომიტეტზე პრეზიდენტის საპარლამენტო მდივანი წარადგენს. #ახალიამბები #BusinessMediaGeorgia
მინისტრის მოადგილეს სჯერა, თუმცა ე.წ რუსული კანონის 3 მოსმენით მიღების და სახელმწიფო დეპარტამენტიდან სანქციებთან დაკავშირებული გზავნილების, თუ ევროკავშირის წარმომადგენელთა კრიტიკის შემდეგ - ტურისტული ინდუსტრია კანონის ეფექტს უკვე გრძნობს. პროტესტის მიზეზის თუ მას მოყოლილი ქმედებების გავლენით განსაკუთრებით თბილისის ცენტრში მდებარე სასტუმროების ჯავშნები შემცირდა. ტურისტული სექტორის წარმომადგენლები კონკრეტულ ზარალებს უკვე ითვლიან. რა მდგომარეობაა სექტორში და მოვლენების ფონზე რა მოლოდინები აქვთ სასტუმრო ბიზნესის წარმომადგენლებს. #ახალიამბები #BusinessMediaGeorgia
ე.წ რუსული კანონის გავლენა სადეპოზიტო პორტფელზე. ექსპერტთა ნაწილი არ გამორიცხავს, რომ ქართული ოცნების კანონმა უცხო ქვეყნებისა და საქართველოს მოქალაქეებში შიში გამოიწვიოს. მათი თქმით, ქვეყანაში არსებული გაურკვეველი ვითარება და მთავრობის კურსის ცვლილება, სადეპოზიტო პორტფელზეც აისახება. #ახალიამბები #BusinessMediaGeorgia
როგორ დაკორექტირდება მოლოდინები შემდეგი ანგარიშისას ეს გამოჩნდება. მოკლევადიანად პროცესების შეფასებისას ინფლაციის ზრდის რისკი განახლდა. რა გავლენა ექნება ლარის კურსის ცვლილებას სამომხმარებლო პროდუქტზე და არა მხოლოდ - ბოლო დღეების განმავლობაში ეროვნული ვალუტის პოზიციების დაკარგვის გამო ბიზნესი ინფლაციის რისკებზე ალაპარაკდა. კერძო სექტორში ამბობენ, რომ თუ ტრენდი გაგრძელდება ინფლაციური პროცესებიო შეიძლება დაჩქარდეს. #ახალიამბები #BusinessMediaGeorgia