საერთაშორისო სავალუტო ფონდთან პროგრამა წელს არ განახლდება - ის რაც მოსალოდნელი იყო და ლოგიკურადაც ასე ჩანდა ფინანსთა მინისტრმა ოფიციალურად დაადასტურა. გიორგი კაკაურიძემ დღეს თქვა, თუ როგორი იქნება საქართველოსა და IMFის ურთიერთობა მომავალში და მომავალ წელს ოქტომბერში გამოჩნდება. შემოდგომის შუაში არჩევნებთან ერთად საქართველოსა და საერთაშორისო ურთიერთობებში ცივილიზებულ სამყაროსთან ურთიერთობის ბევრი დეტალი უნდა გამოიკვეთოს თუმცა ფაქტია სავალუტო ფონდის ახლადდანიშნულ წარმომადგენელთან ერთად 2025 -ის გეგმებზე საუბარი მისი თბილისში ბოლო ვიზიტისას დაიწყო. #ახალიამბები #BusinessMediaGeorgia
იმ ფონზე როდესაც ე.წ. "რუსული კანონის" მიღებას არაერთ სექტორზე პირველადი ნეგატიური გავლენა უკვე აქვს და დასავლეთის მხრიდან სულ უფრო აქტიურად ისმის განცხადებები შესაძლო სანქციებთან მიმართებაში, მთავრობა ოპტიმიზმს ინარჩუნებს და ეკონომიკური ზრდის პროგნოზს ცვლის. როგორც აღინიშნა, მთავრობის განახლებული პროგნოზის მიხედვით, წელს საქართველოს ეკონომიკა აქამდე ნავარაუდევის ნაცვლად 5.2%-ისა, 6%-ით გაიზრდება. მეტიც, ეს მხოლოდ საბაზისო სცენარია და მთავრობის პოზიტიური მაკროეკონომიკური სცენარის მიხედვით, წელს შესაძლოა, ეკონომიკური ზრდი ტემპმა 7 %-საც გადააჭარბოს. #ახალიამბები #BusinessMediaGeorgia
აშშ საქართველოსთვის ფინანსური დახმარების გადახედვას არ გამორიცხავს. ამის შესახებ სახელმწიფო დეპარტამენტის პრესსპიკერის, მეთიუ მილერის გუშინდელი კომენტარიდან ირკვევა, რომელიც მან ტრადიციული პრესბრიფინგის დროს გააკეთა. მისივე თქმით, ვაშინგტონმა საქართველოსთან კავშირების გადახედვის შესახებ„რუსული კანონის“ მიღების საპასუხოდ დაახლოებით ორი კვირის წინ განაცხადა. როგორც მან აღნიშნა, აქ საუბარია პოლიტიკის სერიოზულ გადახედვაზე და ეს არ არის მხოლოდ რიტორიკა. #ახალიამბები #BusinessMediaGeorgia
#ბიზნესსიახლეები bm.ge-სგან / 06 .06.2024 იტალიური საკრუიზო კომპანია Costa Cruises საქართველოს ბაზარზე შემოდის; დისტრიბუტორებსა და სავაჭრო ქსელებს შორის ურთიერთობა დამატებით რეგულირებას არ საჭიროებს - რითეილ ასოციაცია; თხილის შემგროვებლების დეფიციტია - მეთხილე ფერმერთა კავშირი; "ქვეყანაში სოციალური საწარმოებისთვის დამხმარე სახელმწიფო პროგრამები ფაქტობრივად არ არის" - “სოციუმი”; #ახალიამბები #BusinessMediaGeorgia
თბილისი დღეიდან 2 დღიანი ადგილობრივი ეკონომიკური განვითარების მეთოთხმეტე ფორუმის მასპინძელია. მერიის ეკონომიკური განვითარების საქალაქო სამსახურის დაორგანიზებული ლედ ფორუმის სახელით ცნობილი ეს ღონისძიება, რომელსაც BMG-ე ერთდროულად რამდენიმე გადამღები ჯგუფი ესწრება. ჯანსაღი ქალაქი არ არის მხოლოდ ხედვა, ეს ჩვენი ვალდებულებაა" - თბილისში ადგილობრივი ეკონომიკური განვითარების მე-14 ფორუმი გაიხსნა. ფორუმი თბილისის მერმა კახა კალაძემ გახსნა და მათ შორის ისაუბრა იმ საინვესტიციო მიმზიდველობაზე რაც დედაქალაქს აქვს. რას სთავაზობენ მუნიციპალიტეტები ინვესტორებს, რა საინვესტიციო პროექტები ხორციელდება ქალაქებში და შეიცვალა თუ არა ინვესტორების განწყობები ქვეყანაში პოლიტიკური არასტაბილურობის ფონზე? #ახალიამბები #BusinessMediaGeorgia
სახელმწიფო აუდიტის სამსახურის მიერ 2023 წელს ჩატარებული აუდიტების შედეგად გამოვლენილი დარღვევების ჯამურმა მოცულობამ 21.2 მლნ ლარი შეადგინა. უწყების ინფორმაციით, აღნიშნული ძირითადად საბიუჯეტო რესურსების არაეფექტიანი, არაეკონომიური და არამიზნობრივი გამოყენების შემთხვევებია და არ მოიცავს აღრიცხვა-ანგარიშგების მიმართულებებით იდენტიფიცირებულ ნაკლოვანებებს. სახელმწიფო აუდიტის სამსახურის ყოველწლიური ანგარიშის თანახმად, რომელიც პარლამენტს უკვე წარედგინა. #ახალიამბები #BusinessMediaGeorgia
მთავრობამ „ელექტროენერგიის ბაზრის მოდელის კონცეფცია” დაამტკიცა, რომლის მიხედვითაც მიმდინარე წლის 1 ივლისიდან ენერგეტიკულ ბირჟაზე ვაჭრობა ნებაყოფლობითი იქნება. ამასთან, გარდამავალ პერიოდში გენერაციის ობიექტებს უბალანსობაზე პასუხისმგებლობა არ დაეკისრებათ, ხოლო ბირჟა სრულყოფილად 2025 წლის 1 ივლისიდან ამოქმედდება. ენერგეტიკის დარგის წარმომადგენლები აცხადებენ, რომ ბირჟის ნებაყოფლობით რეჟიმში ამოქმედება სწორი გადაწყვეტილებაა. რა საკითხებს ასახელებენ ბაზრის მოთამაშეები ბირჟის გახსნის პროცესში გამოწვევად და რა მოლოდინებია ენერგეტიკულ ბირჟასთან მიმართებით? #ახალიამბები #BusinessMediaGeorgia
მზადება თხილის სეზონისთვის. ფერმერებისთვის მთავარი გამოწვევა წელსაც ფაროსანაა. ფაროსანასთან განსაკუთრებული ბრძოლა სამეგრელოში უწევთ, თუმცა თხილის მწარმოებელ ასოციაციებში არ გამორიცხავენ, რომ გამოწვევა კახეთშიც შეიქმნას. ამასთან, კერძო სექტორში მუშა ხელის დეფიციტზე მიუთითებენ. რეგიონებში თხილის შემგროვებლების ნაკლებობაა, მათი ნაწილი სამუშაოდ ან დედაქალაქში, ან ევროპაში მიდის. #ახალიამბები #BusinessMediaGeorgia
საქართველოს ეროვნულმა ბანკმა "ფინანსური ორგანიზაციების მიერ მომსახურების გაწევისას მომხმარებლის უფლებების დაცვის წესის" ცვლილებები დაამტკიცა, რომელიც ძალაში 2024 წლის 1-ელი ივლისიდან შევა. ცვლილებების მიხედვით, მომხმარებელს უფლება ექნება უარი თქვას დისტანციურად დადებულ ხელშეკრულებებზე, ასევე, ერთ მილიონ ლარამდე გაცემულ სესხებზე/კრედიტებზე მათი გაფორმებიდან 14 დღის განმავლობაში. ასევე, ცვლილებებით განისაზღვრა ფინანსური ორგანიზაციის ვალდებულება საფინანსო პროდუქტის მიწოდებამდე მომხმარებელს ზეპირსიტყვიერად გააცნოს ხელშეკრულების მნიშვნელოვანი პირობები. ხოლო ინტერნეტ და მობაილბანკში უზრუნველყოს გარკვეული ტიპის ინფორმაციისა და ხელშეკრულების განთავსება. სტუმარი: ლაშა გზირიშვილი - სებ-ის მომხმარებელთა უფლებების დაცვისა და ფინანსური განათლების დეპარტამენტის უფროსი; #ახალიამბები #BusinessMediaGeorgia
სახელმწიფო აუდიტის სამსახურის მიერ 2023 წელს ჩატარებული აუდიტების შედეგად გამოვლენილი დარღვევების ჯამურმა მოცულობამ 21.2 მლნ ლარი შეადგინა. უწყების ინფორმაციით, აღნიშნული ძირითადად საბიუჯეტო რესურსების არაეფექტიანი, არაეკონომიური და არამიზნობრივი გამოყენების შემთხვევებია და არ მოიცავს აღრიცხვა-ანგარიშგების მიმართულებებით იდენტიფიცირებულ ნაკლოვანებებს. სახელმწიფო აუდიტის სამსახურის ყოველწლიური ანგარიშის თანახმად, რომელიც პარლამენტს უკვე წარედგინა. ანუკა ჯოხაძე გვიერთდება აუდიტის 2023 წლის ანგარიშიდან ამონარიდებით. რა წერია აუდიტის 2023 წლის ანგარიშში, სად ფიქსირდება ყველაზე მეტი დარღვევა? #ახალიამბები #BusinessMediaGeorgia
ენერგეტიკულ ბირჟაზე ვაჭრობისას გენერაციის ობიექტებს საწყის ეტაპზე უბალანსობაზე პასუხისმგებლობა არ დაეკისრებათ. სემეკის თავმჯდომარის, დავით ნარმანიას განცხადებით, 1 ივლისიდან ბირჟაზე ჰესები, ასევე მსხვილი კომპანიები ნებაყოფლობით რეჟიმში ივაჭრებენ და ბირჟაზე გარდამავალ პერიოდში იმპორტირებული ელექტროენერგია არ გაიყიდება. რა რეჟიმში ამოქმედდება 1 ივლისიდან 6 ჯერ გადავადებული ენერგეტიკული ბირჟა? #ახალიამბები #BusinessMediaGeorgia
#ბიზნესსიახლეები bm.ge-სგან / 04.06.2024 ბიზნესის რომელი დარგები ასაქმებს ყველაზე მეტ ადამიანს? ბიზნესსექტორში საშუალო ხელფასი ₾1 985-მდე გაიზარდა; ქვეყნის საზღვრებს გარეთ, პირველი Rooms-ის გახსნა ევროპაში გვინდა - ჩეხერია; ბოლნისში ადგილწარმოშობის ღვინის ფესტივალი გაიმართა; #ახალიამბები #BusinessMediaGeorgia
მთავრობისგან დაპირების შესრულებას ითხოვს სადისტრიბუციო ბიზნესი, რომელიც მთავრობისგან სამართლიანი ვაჭრობის შესახებ კანონპროექტის დღის წესრიგში დაბრუნებას ელოდება. კომპანიებში ამბობენ, რომ ერთ-ერთი კომპონენტი, რაც პროდუქციას აძვირებს, რითეილ სექტორის მხრიდან მათთვის დაწესებული მაღალი გადასახადებია. შესაბამისად, დარგის წარმომადგენლები აცხადებენ, რომ რითეილ სექტორსა და დისტრიბუტორებს შორის არსებული ურთიერთობები დამატებით კანონმდებლობით უნდა დარეგულირდეს. რას ითხოვს სადისტრიბუციო ბიზნესი და რა პოზიცია აქვს თავად რითეილ სექტორს? #ახალიამბები #BusinessMediaGeorgia
დაინტერესებული კომპანიის მოძებნას ვერ ახერხებს მთავრობა შიდა ფრენებთან დაკავშირებით გამოცხადებულ ტენდერში. კომპანიების ნაწილს ეკონომიკის სამინისტროს პირობები არ მოეწონა. ნაწილი კი აღნიშნავს, რომ შიდა ფრენებისთვის საჰაერო ხომალდები არ ყოფნით. სამინისტრო კომპანიებთან მოლაპარაკებებს აახლებს და წინასწარი ინფორმაციით მხარეთა პოზიციების დაახლოება ჭირს. #ახალიამბები #BusinessMediaGeorgia
შიდა ფრენებზე გამოცხადებული ტენდერი ჩაიშალა. კომპანიების ნაწილს ეკონომიკის სამინისტროს პირობები არ მოეწონა. ნაწილი კი აღნიშნავს, რომ შიდა ფრენებისთვის საჰაერო ხომალდები არ ყოფნით. სამინისტრო კომპანიებთან მოლაპარაკებებს თავიდან გადის, ბიზნესი კი პოზიციებს არ თმობს. მარიამ ქვრივიშვილი ირწმუნება, რომ ავიაკომპანიებთან პოზიციების შესაჯერებლად მიმდინარე დისკუსია უახლოეს პერიოდში დასრულდება და ახალი ტენდერი გამოცხადდება. #ახალიამბები #BusinessMediaGeorgia
სადისტრიბუციო ბიზნესი მთავრობას სამართლიანი ვაჭრობის შესახებ კანონპროექტის დღის წესრიგში დაბრუნებას სთხოვს. კომპანიებში ამბობენ, რომ ერთ-ერთი კომპონენტი, რაც პროდუქციას აძვირებს, რითეილ სექტორის მხრიდან მათთვის დაწესებული მაღალი გადასახადებია. შესაბამისად, დარგის წარმომადგენლები აცხადებენ, რომ რითეილ სექტორსა და დისტრიბუტორებს შორის არსებული ურთიერთობები დამატებით კანონმდებლობით უნდა დარეგულირდეს. რას ითხოვს სადისტრიბუციო ბიზნესი და რა პოზიცია აქვს თავად რითეილ სექტორს? #ახალიამბები #BusinessMediaGeorgia
რა პერსპექტივა აქვს ქვეყანაში გაზის ტერმინალის პროექტის განხორციელებას, რაზეც საუბარი წლებია მიმდინარეობს, უნდა დაჩქარდეს თუა რა პროცესები და არის თუ არა რაიმე რისკები რაც უნდა გავითვალისწინოთ? სტუმარი: არჩილ მამათელაშვილი - ენერგეტიკოსი; #ახალიამბები #BusinessMediaGeorgia
მაისში ინფლაცია ბოლო ერთ წელში ყველაზე მაღალ ნიშნულზე დაფიქსირდა. გასულ თვეს წლიურად ფასების საერთო დონე 2%-ით გაიზარდა, თვიურ ჭრილში კი ინფლაცია 0.4%-ი იყო. ფასების მატება მათ შორის საწვავის გაძვირებითაა განპირობებული. ბოლო ერთ წელში ადგილობრივ ბაზარზე ბენზინი 31%-ითა გაძვირებული. რაც შეეხება სურსათის ფასებს, ერთ წელში სურსათის ჯგუფში შემავალი პროდუქცია 0.7%-ით გაძვირდა. ბოლო პერიოდში ლარის გაუფასურების ფონზე კი ბიზნესი სამომხმარებლო პროდუქტების ფასების დამატებით ზრდას არ გამორიცხავს. ნუცა შუბაშვილი გაეცნო კერძო სექტორის და ეკონომისტების მოლოდინებს. #ახალიამბები #BusinessMediaGeorgia
#ბიზნესსიახლეები bm.ge-სგან / 03.06.2024 Rooms Bakery - პურ-ფუნთუშეულის ახალი ბრენდი Rooms-ისგან; "მერიტოს" ყოველწლიურ დაჯილდოებისთვის პროექტის წარდგენის ვადა 7 ივნისამდე გახანგრძლივდა; "ჰასიმ" ასორტიმენტი გააფართოვა - რა სერვისს სთავაზობს კომპანია მომხმარებელს? "უვიზო რეჟიმის ამოქმედება, მოთხოვნის ზრდის კუთხით წინ გადადგმული ნაბიჯი იქნება" - რა ღირს ჩინეთში მოგზაურობა? Kalo House – რას სთავაზობს ქედაში გახსნილი ახალი ტურისტული ობიექტი სტუმრებს? #ახალიამბები #BusinessMediaGeorgia
რუსული კანონის გავლენა ტურიზმზე. გაუქმებული ჯავშნები და შემცირებული ტურისტები. კერძო სექტორში კვირებია რუსული კანონის ნეგატიურ შედეგებსა და მოლოდინებზე საუბრობენ. განსხვავებული პოზიცია აქვთ ეკონომიკის სამინისტროში. რა გავლენა ექნება გამჭვირვალობის სახელით მიღებულ კანონს ტურიზმზე? რას ელოდება სამინისტრო და როგორ აფასებს უწყება გაუქმებულ ჯავშნებს? #ახალიამბები #BusinessMediaGeorgia
ივლისში საქართველოს გავლით ჩინეთიდან თურქეთში სატრანზიტო ავტოგადაზიდვა დაიგეგმა. შუა დერეფნის ისტორიაში პირველად, ჩინეთიდან საქართველოში ორგანიზებული საპილოტე ავტოგადაზიდვა ჯერ კიდევ 26 მაისს შესრულდა. ჩინეთის ქალაქ ურუმჩიში დატვირთული ავტომობილები საქართველოში ყაზახეთის, კასპიის ზღვისა და აზერბაიჯანის გავლით შემოვიდნენ. ეკონომიკისა და მდგრადი განვითარების მინისტრის მოადგილის გურამ გურამიშვილის ინფორმაციით, ამჯერად ტვირთის საბოლოო დანიშნულების ადგილი საქართველო იყო, თუმცა, სამომავლოდ შესაძლებელია, შუა დერეფნის მარშრუტით ავტოგადაზიდვები ჩინეთიდან ევროპაში შესრულდეს. რაც შეეხება შეეხება ამ მარშრუტით ავტოგადაზიდვის ვადებს, გურამ გურამიშვილის ინფორმაციით, ჩინეთიდან ევროპაში საზღვაო გზით ტვირთის გადაზიდვას 52 დღე სჭირდება, მაშინ, როცა შუა დერეფნის გავლით საქართველოს პორტებამდე საკონტეინერო გადაზიდვა 12 დღეშია შესაძლებელი. მისი შეფასებით, გადამზიდავი კომპანიებისთვის ეს პროექტი და მარშრუტი უაღრესად მიმზიდველია. რა პერსპექტივა აქვს საქართველოს, როგორც შუა დერეფნის ერთ-ერთ მნიშვნელოვან მოთამაშეს? რამდენად მიმზიდველია ჩვენი ქვეყნის გავლით ტვირთების ჩინეთიდან ევროპაში გადაზიდვა და რას იგებს ამით საქართველო? სტუმარი: გიორგი ზუმბაძე - SKYLOG-ის მმართველი პარტნიორი #ახალიამბები #BusinessMediaGeorgia
მაისში ინფლაცია ბოლო ერთ წელში ყველაზე მაღალ ნიშნულზეა. გასულ თვეში წლიურად ფასების საერთო დონე 2%-ით გაიზარდა, თვიურ ჭრილში კი ინფლაცია 0.4%-ი იყო. ფასების მატება ყველაზე მეტად ტრანსპორტის ჯგუფსა და საწვავის გაძვირებას უკავშირდება. წინა წელთან შედარებით, ბენზინის ღირებულება 30%-ით არის გაზრდილი. რაც შეეხება სურსათის ფასებს, ერთ წელში სურსათი 0.7%-ით გაძვირდა. ბოლო პერიოდში ლარის გაუფასურების ფონზე კი ბიზნესი სამომხმარებლო პროდუქტების ფასების მოსალოდნელ ზრდაზე საუბრობს. #ახალიამბები #BusinessMediaGeorgia
რუსული კანონი ძალაშია. სალომე ზურაბიშვილის უარის შემდეგ, პარლამენტის თავმჯდომარემ „უცხოური გავლენის გამჭვირვალობის შესახებ“ კანონს ხელი თავად მოაწერა. როგორც პაპუაშვილმა განაცხადა, კანონის მთავარი მიზანი გარე ჩარევების მიმართ საქართველოს პოლიტიკური, ეკონომიკური და სოციალური სისტემების მედეგობის განმტკიცებაა. კანონზე მთავრობის სხდომის დაწყებამდე ირაკლი კობახიძემაც ისაუბრა. პრემიერმა აღნიშნა, რომ გამჭვირვალობის კანონის მიღებით მხოლოდ საქართველომ, მისმა სუვერენიტეტმა და მისმა უსაფრთხოებამ გაიმარჯვა. ხელისუფლებაში დარწმუნებულები არიან, რომ რუსული კანონი ეკონომიკურ ზრდასა და ინვესტიციების შემოდინებაზე ნეგატიურად არ აისახება. როდესაც კერძო სექტორის მხრიდან ნეგატიური შეფასებები გვესმის, რა უქმნის მმართველ გუნდს დადებით მოლოდინებს? #ახალიამბები #BusinessMediaGeorgia
DRG-ის სქემით დაფინანსების მექანიზმის ცვლილების აუცილებლობა ისევ დღის წესრიგშია. სქემის განახლებისთვის სტაბილური ინსტრუმენტების შექმნაზე საუბრობს ჯანდაცვის მინისტრიც. „მინისტრის საათის“ ფორმატში პარლამენტში ყოფნისას მინისტრმა არ დააკონკრეტა რა ცვლილებას უნდა ელოდოს ბიზნესი თუმცა ამბობს რომ სამუშაო პროცესში სფეროს წარმომადგენლებიც ჩართულები არიან. რა სჭირდებათ ბიზნესის წარმომადგენლებს, რა პრობლემებზე საუბრობენ ექიმები და რა შეიძლება შეიცვალოს DRG-ის სქემაში; #ახალიამბები #BusinessMediaGeorgia
საქართველოს ეკონომიკა აპრილში წლიურად 11.8%-ით გაიზარდა. ოთხი თვის ჭრილში ეკონომიკური ზრდის მაჩვენებელი ქვეყანას 9%იანი აქვს. საქსტატის მონაცემებით მეოთხე თვეს დღგ-ის გადამხდელ საწარმოთა ბრუნვამ 12.8 მილიარდი ლარი შეადგინა, რაც წინა წელთან შედარებით 19%-ით მეტია. გოგიტა თოდრაძის ინფორმაციით, აპრილში ქვეყანაში 6 700 ახალი საწარმო დარეგისტრირდა. პირველი კვარტლის მომხიბვლელი შედეგების ფონზე ეკონომისტების ნაწილის მოლოდინი საშუალო და გრძელვადიან პერსპექტივაში დამაიმედებლად არ გამოიყურება, მთავარი ფაქტორი კი რამაც მაკროეკონომიკური პარამეტრები შეიძლება გააუარესოს გამჭვირვალობის სახელით განსახილველად შემოტანილ და უკვე დამტკიცებულ კანონს უკავშირდება. #ახალიამბები #BusinessMediaGeorgia
DRG-ის სქემით დაფინანსების მექანიზმის ცვლილების აუცილებლობა ისევ დღის წესრიგშია. სქემის განახლებისთვის სტაბილური ინსტრუმენტების შექმნაზე საუბრობს ჯანდაცვის მინისტრიც. გუშინ პარლამენტში „მინისტრის საათის“ ფორმატში გამოსვლისას განაცხადა. მინისტრმა არ დააკონკრეტა რა ინსტრუმენტების შექმნაზეა საუბარი, თუმცა აღნიშნა, რომ ის დაეხმარება მოდელის სისტემურად გაუმჯობესებას. #ახალიამბები #BusinessMediaGeorgia
რა რისკებს ქმნის ოფშორული ზონებიდან საქართველოში აქტივების გადმოტანაზე დაწესებული საგადასახადო შეღავათები და ექნება თუ არა მსგავსი ტიპის საგადასახადო შეღავათებს რაიმე დადებითი ეკონომიკური ეფექტი? სტუმარი: დავით პაპიაშვილი - „კრესტონ ჯორჯიას“ მმართველი პარტნიორი #ახალიამბები #BusinessMediaGeorgia
აპრილში საქართველოს ეკონომიკა 11.8%-ით გაიზარდა. იანვარ-აპრილის საშუალო ზრდა კი 9 პროცენტია. სტატისტიკის ეროვნული სამსახურის ინფორმაციით, გასულ თვეს კერძო სექტორის, ანუ დღგ-ის გადამხდელ საწარმოთა ბრუნვამ 12 მილიარდ 800 მლნ ლარი შეადგინა, რაც წინა წელთან შედარებით 19%-ით მეტია. ამასთან, აპრილში ქვეყანაში 6 700 ახალი საწარმო დარეგისტრირდა. ამ ფონზე კი ეკონომისტების ნაწილი მიიჩნევს, რომ რუსული კანონის პირობებში გრძელვადიან პერსპექტივაში ეკონომიკა შემცირდება. #ახალიამბები #BusinessMediaGeorgia
#ბიზნესსიახლეები bm.ge-სგან / 30.05.2024 Rooms Hotel-ის შემოსავლების 12% Rooms Catering-ზე მოდის - როგორ ვითარდება ახალი მიმართულება? “საქართველოს უზარმაზარი ტურისტული პოტენციალი აქვს” - Accor-ის რეგიონული დირექტორი; საქართველომ წელს $3.6 მლნ-ის ფორთოხალი იყიდა - სად ვყიდულობთ ხილს? ამ ეტაპზე პურის გაძვირების საფრთხე არ არსებობს - ლევან სილაგავა; #ახალიამბები #BusinessMediaGeorgia
მაგთიკომს შესაძლოა ახალი ვალდებულებები დაუწესდეს - კომუნიკაციების კომისიამ ბაზრის კომპლექსური კვლევის სახელით კიდევ ერთი ინფორმაცია გამოაქვეყნა და აღნიშნა, რომ კვლევა ევროკავშირის ექსპერტებთან ერთად ჩატარდა. რა არგუმენტებზე დაყრდნობით თვლიან კვლევის ავტორები რომ ბაზრის მსხვილი მოთამაშისთვის განსხვავებული წესების შემოღება უნდა მოხდეს და რას შეცვლის მათი შეფასებით, ასეთი წესები ბაზარზე #ახალიამბები #BusinessMediaGeorgia
ენერგეტიკული ბირჟის ამოქმედებამდე კვლავ რჩება რამდენიმე ბუნდოვანი საკითხი - ჯერ ისევ უცნობია ის პირობა რითაც 1 ივლისს ენერგეტიკული ბირჟა უნდა გაიხსნას. რა საკითხებს ასახელებენ ბაზრის მოთამაშეები ბირჟის გახსნის პროცესში გამოწვევად, რა კითხვები არსებობს და რა მოლოდინებია ენერგეტიკულ ბირჟასთან მიმართებით, რომელიც ეტაპობრივად 1 თვეში უნდა გაიხსნას. #ახალიამბები #BusinessMediaGeorgia
პარლამენტის თავმჯდომარეს ნახევარ საათზე მეტი დასჭირდა იმისთვის, რომ ქართულ ოცნების დეპუტატების საკმარისი რაოდენობა რეგისტრაციის გავლისთვის საკმარისი ხმების შესაგროვებლად შეკრებილიყვნენ. ყოფილი კოლეგა ჯანდაცვის მინისტრის სტატუსით საკანონმდებლო ორგანოში ინტერპელაციის ფორმატში დღის მეორე ნახევარში წარსდგა. მოხსენებას ოპოზიციონერი დეპუტატები არ ესწრებოდნენ. ქართული ოცნება კი ძირითადად მადლობითა და აპლოდისმენტებით გამოვიდა. ჯამში 10-მდე კითხვა დაისვა და ის ძირითადად დიარჯის, კადრების დეფიციტის, საყოველთაო ჯანდაცვის პროგრამასა და დევნილების განსახლებას შეეხებოდა. #ახალიამბები #BusinessMediaGeorgia
"მე მგონი, შთამბეჭდავია“ - ჯანდაცვის მინისტრი უწყების შედეგებით კმაყოფილია. მიხეილ სარჯველაძემ დღეს კანონმდებლებს ანგარიში, რომლის დიდი ნაწილი წინა მინისტრის ზურაბ აზარაშვილის საქმიანობის პერიოდს ემთხვეოდა, მინისტრის საათის ფორმატში წარუდგინა. წარმატებული საქმიანობის მაგალითად სარჯველაძემ ჯანდაცვის მიმართულებით გაწეული ხარჯები წარადგინა #ახალიამბები #BusinessMediaGeorgia
ენერგეტიკული ბირჟის ამოქმედებამდე კვლავ რჩება რამდენიმე ბუნდოვანი საკითხი - ჯერ ისევ უცნობია ის პირობა რითაც 1 ივლისს ენერგეტიკული ბირჟა უნდა გაიხსნას. რა საკითხებს ასახელებენ ბაზრის მოთამაშეები ბირჟის გახსნის პროცესში გამოწვევად, რა კითხვები არსებობს და რა მოლოდინებია ენერგეტიკულ ბირჟასთან მიმართებით, რომელიც ეტაპობრივად 1 თვეში უნდა გაიხსნას? #ახალიამბები #BusinessMediaGeorgia
რა სურს წითელ დრაკონს შუა დერეფანში და რას ცვლის ჩინეთის გამოჩენა შავ ზღვის რეგიონში, რა სარგებელი და საფრთხე აქვს ანაკლიის პორტში ჩინეთის შემოსვლას? სტუმარი: გიორგი მელაშვილი - ევროპულ-ქართული ინსტიტუტის დამფუძნებელი #ახალიამბები #BusinessMediaGeorgia
მაგთიკომს შესაძლოა ახალი ვალდებულებები დაუწესდეს - კომუნიკაციების კომისიამ ბაზრის კომპლექსური კვლევა დაასრულა. კომკომის ინფორმაციით, კვლევამ, რომელიც ევროკავშირის ექსპერტებთან ერთად ჩატარდა, „მაგთიკომი მნიშვნელოვანი საბაზრო ძალაუფლების მქონე ოპერატორად გამოავლინა და და აქვს რეკომენდაცია მისთვის ახალი ვალდებულებები განისაზღვროს, თუკი კომისია გაითვალისწინებს ამ შეთავაზებას „მაგთიკომი“ ვალდებული იქნება ყველა მსურველი კომპანია საკუთარ ქსელზე დაუშვას, რა არგუმენტებზე დაყრდნობით თვლიან კვლევის ავტორები რომ ბაზრის მსხვილი მოთამაშისთვის განსხვავებული წესების შემოღება უნდა მოხდეს და რას შეცვლის მათი შეფასებით, ასეთი წესები ბაზარზე? #ახალიამბები #BusinessMediaGeorgia
ინვესტიციების მოლოდინით და მოტივით კიდევ ერთი ვეტო დაძლეულია. პარლამენტმა ე.წ. ოფშორების კანონზე პრეზიდენტის მოტივირებული შენიშვნები არ გაითვალისწინა და ვეტო დაძლია. კენჭისყრაზე 64-მა დეპუტატმა პრეზიდენტის ვეტოს წინააღმდეგ მისცა ხმა. ვეტოს დაძლევის შემდეგ კი, ივანიშვილის 83-მა დეპუტატმა კანონის თავდაპირველი ვერსიის საბოლოო მიღებას დაუჭირა მხარი. 3 დღის ვადაში კანონი ხელმოსაწერად კვლავ პრეზიდენტს გაეგზავნება. ამჯერად მას ვეტოს გამოყენების უფლება არ აქვს. სალომე ზურაბიშვილს კანონზე ხელის მოსაწერად და მის გამოსაქვეყნებლად 5-დღიანი ვადა ექნება. #ახალიამბები #BusinessMediaGeorgia
ანაკლიის პორტს ჩინური კომპანია ააშენებს. ბოლო წლებში არაერთხელ დასმულ კითხვას პასუხი ლევან დავითაშვილმა 99% იანი სიზუსტით გასცა - ღრმაწყლოვანი პორტის პროექტში სახელმწიფოს პარტნიორი სავარაუდოდ ჩინური ჰოლდინგი ხდება. სახელმწიფო კონგლომერატ Сhina Communication Construction-ის და China Harbor Investment-ის მონაწილეობის შექმნილი კონსორციუმი ერთადერთი იყო, რომელმაც ინვესტორის შესარჩევ კონკურსში საბოლოო წინადადება წარადგინა და როგორც დღეს პირველმა ვიცე-პრემიერმა თქვა, დიდი შანსია, რომ გამარჯვებულადაც გამოცხადდება. დღეს ლევან დავითაშვილმა განმარტა, რატომ გამოეთიშა პროცესს მეორე მონაწილე ლუქსემბურგულ-შვეიცარიული კომპანია, თუმცა მედიასთან თავად მას არ უთქვამს, რომ ანაკლიის პორტის სავარაუდო ინვესტორი ჩინური კონსორციუმის შვილობილი კომპანიები აშშ-ის მიერ არის სანქცირებული. ვინ აშენებს ანაკლიას და რა როლის აქვს ქვეყნისთვის უმნიშვნელოვანეს ღრმაწყლოვან პორტში ჩინურ ტვირთებსა და ინტერესებს. #ახალიამბები #BusinessMediaGeorgia
#ბიზნესსიახლეები bm.ge-სგან / 29.05.2024 Ezo 2024 -ის გახსნითი ღონისძიება გადაიდო - როდის ჩატარდება? Tekto Landmark: $28 მილიონიანი პრემიუმ კლასის საცხოვრებელ კომპლექსი ქობულეთში; CityPay.io და Octobank დაპარტნიორდნენ; ქართულმა Cargon-მა აზერბაიჯანში წარმომადგენლობა გახსნა; რა მოცულობის ნუშის და კაკლის მოსავალს მიიღებს საქართველო? #ახალიამბები #BusinessMediaGeorgia
პრეზიდენტის კიდევ ერთი ვეტო დაძლეულია - პარლამენტმა ე.წ. ოფშორების კანონზე პრეზიდენტის მოტივირებული შენიშვნები არ გაიზიარა. ცვლილებები, რომელიც საგადასახადო კოდექსში შევიდა საქართველოს მოქალაქეების ოფშორული კომპანიების მიერ აქტივების საქართველოში გადმოტანის შემთხვევაში ოპერაციები გადასახადებისგან ათავისუფლებს. როგორც პრეზიდენტი, ასევე ოპოზიციის წარმომადგენლები აცხადებენ, რომ აღნიშნული ცვლილებები აჩენს შესაძლებლობას, რომ საქართველოში რუსეთიდან ოფშორებში გატანილი “შავი ფულისა” და აქტივების საქართველოში გადმოტანა მოხდეს. #ახალიამბები #BusinessMediaGeorgia
ჩინელი ინვესტორები ანაკლიის პორტში - ღრმაწყლოვანი პორტის პროექტში სახელმწიფოს პარტნიორი სავარაუდოდ ჩინური ჰოლდინგი ხდება. სახელმწიფო კონგლომერატ Сhina Communication Construction-ის და China Harbor Investment-ის მონაწილეობის შექმნილი კონსორციუმი ერთადერთი იყო, რომელმაც ინვესტორის შესარჩევ კონკურსში საბოლოო წინადადება წარადგინა და როგორც დღეს პირველმა ვიცე-პრემიერმა თქვა, დიდი შანსია, რომ გამარჯვებულადაც გამოცხადდება. აღსანიშნია, რომ ანაკლიის პორტის სავარაუდო ინვესტორი ჩინური კონსორციუმის შვილობილი კომპანიები აშშ-ის მიერ არის სანქცირებული. დღეს ლევან დავითაშვილმა განმარტა, რატომ გამოეთიშა პროცესს მეორე მონაწილე ლუქსემბურგულ-შვეიცარიული კომპანია. მისი თქმით, მათთვის სახელმწიფოს 51%-იანი ჩართულობაც არასაკმარისი იყო. #ახალიამბები #BusinessMediaGeorgia
ე.წ რუსული კანონის მიღება და დასავლური ქვეყნების მიმართ მტრული რიტორიკა ინვესტიციებს შეაფერხებს - ანალიტიკოსები პროცესების ეკონომიკაზე გავლენას ელიან. როგორც უსაფრთხოების კვლევების რეგიონული ინსტიტუტის დამფუძნებელი სოციალურ ქსელში წერს ბოლო პერიოდში უპრეცედენტოდ მაღალი იყო ფინანსური სექტორის დაინტერესება საქართველოს მიმართ, თუმცა სადაზღვევო კომპანიებმა საქართველო უკვე მაღალი რისკის ქვეყნებში შეიყვანეს და არ მისცეს ინვესტორებს რეკომენდაცია საქართველოში რისკის გაწევაზე... შეშფოთებას არ იზიარებენ საქართველოს მთავრობაში, პირველი ვიცე-პრემიერი ლევან დავითაშვილი დღესაც ამტკიცებდა, რომ საქართველო არჩეული კურსს არ გადაუხვევს და ქვეყანა ინვესტორებისთვის ისევ მიმზიდველი იქნება? სტუმარი: ნათია სესკურია - უსაფრთხოების კვლევების რეგიონული ინსტიტუტის (RISS) დამფუძნებელი/ RUSI-ს ასოცირებული მკვლევარი; #ახალიამბები #BusinessMediaGeorgia
ანაკლიის პორტში სახელმწიფოს პარტნიორი სავარაუდოდ ჩინური ჰოლდინგი ხდება. Сhina Communication Construction-ის და China Harbor Investment-ის მონაწილეობის შექმნილი კონსორციუმი ერთადერთი აღმოჩნდა, ვინც ანაკლიის ღრმაწყლოვანი პორტის ინვესტორის გამოვლენის საერთაშორისო კონკურსში საბოლოო წინადადება წარადგინა. „პირველადი შეფასებით წინადადება სრულყოფილადაა წარმოდგენილი და დიდი შანსია, რომ კომისიამ ის გამარჯვებულად გამოაცხადოს. რატომ გამოეთიშა კონკურსს შვეიცარულ ლუქსემბურგული კომპანია და რა დაჯდება ანაკლიის პორტის პირველი ფაზა? #ახალიამბები #BusinessMediaGeorgia
კომპანიების შავ სიას უფრო ვამკაცრებთ - ამის შესახებ დღეს შესყიდვების სააგენტოს ხელმძღვანელმა ლევან რაზმაძემ განაცხადა. როგორც რაზმაძე ამბობს, შესაბამისი ცვლილებები ახალ კანონშია გაწერილი, რომელი ძალაში 2025 წლის 1 იანვრიდან შევა. რა იცვლება შესყიდვების კანონმდებლობაში, როგორ ამკაცრებს მოთხოვნებს შავ სიაში მოხვედრილი კომპანიებისთვის ახალი კანონი და რა გზები რჩება ბიზნესს იმისთვის, რომ შავ სიას თავი დააღწიოს? #ახალიამბები #BusinessMediaGeorgia
#ბიზნესსიახლეები bm.ge-სგან / 28.05.2024 ევროპული გრანტი 2 თვით დაგვიპაუზდა… მოვლენებს აკვირდებიან - მცირე და საშუალო ბიზნესის ასოციაცია; "იქნებ წლევანდელი ტურისტული სეზონი არ ჩავარდეს“ - ბიზნესის მოლოდინი და ახალი სასტუმროები; "მოლოდინი, რომ ჩინეთი საქართველოს დერეფნისთვის მაფორმირებელი იქნება, მცდარია" - ცაგარეიშვილი; IT სექტორში საშუალო ხელფასი 6 940 ლარია - რამდენ ადამიანს ასაქმებს ინდუსტრია? „ტაოფუდი“ საქართველოს მასშტაბით სარეალიზაციო არეალს აფართოებს; #ახალიამბები #BusinessMediaGeorgia
საერთაშორისო მედიაში საქართველოში მიმდინარე პოლიტიკურ მოვლენებზე საუბარი არ წყდება. ავტორიტეტული მედიები თითქმის ყოველდღიურ რეჟიმში მათ აუდიტორიას "რუსული კანონის" და მის ირგვლივ განვითარებული ვითარების შესახებ უყვებიან. ბოლო პერიოდში განსაკუთრებული აქცენტი კი ენტონი ბლინკენის განცხადებასა და "ქართული ოცნების" პასუხზე კეთდება. #ახალიამბები #BusinessMediaGeorgia
კანონის მხარდამჭერად გაფორმებული მმართველი პარტიის წარმომადგენლების განწყობების მიუხედავად მოლოდინი რომ “რუსული კანონის” სახელით დამკვიდრებული კანონი სარგებელს მოიტანს რთული საპოვნელია. ბიზნესის შეფასებები, ეკონომისტების მოსაზრებები პროგნოზებს საიმედოს ნაკლებად მოიცავს. ქვეყნიდან კაპიტალის გასვლა, საინვესტიციო მიმზიდველობის დაკარგვა, საკრედიტო რესურსის გაძვირება - სპეციალისტების შეფასებით, ეს იმ ნეგატიური ეკონომიკური შედეგების მხოლოდ მცირე ჩამონათვალია, რაც შესაძლოა, საქართველოს ე.წ რუსული კანონის მიღება დაუჯდეს. ლონდონის ბირჟაზე ქართული კომპანიების აქციების ფასის დინამიკა და ეროვნული ვალუტის რეაქცია პროცესებზე თუ მოლოდინებზე, რომელიც ფუნდამენტურ ფაქტორებში მნიშვნელოვან ცვლილებაზე რეაქციად ჯერ ვერ შეფასდება. #ახალიამბები #BusinessMediaGeorgia
ფინანსური სანქციების ცალკეული პირებისთვის დაწესებამაც კი შესაძლოა ავიასექტორს დარტყმა მიაყენოს - სექტორის წარმომადგენლები სტრატეგიული კურსის ცვლილებაზე შიშობენ და მიიჩნევენ, რომ ამ მოვლენებს ავიაბაზარზე ნეგატიურ გავლენა ექნება, დაზარალდება ქვეყნის რეპუტაცია, რაც ინვესტორების ნდობას შეარყევს. რა გავლენა შეიძლება ჰქონდეს ავიასექტორზე შესაძლო სანქციებს და რა კითხვები აქვთ დღეს სალიზინგო კომპანიებს? სტუმარი: გიორგი კოდუა - "ეარ ჯორჯიას" დამფუძნებელი დამფუძნებელი #ახალიამბები #BusinessMediaGeorgia
ქვეყნიდან კაპიტალის გასვლა, საინვესტიციო მიმზიდველობის დაკარგვა, საკრედიტო რესურსის გაძვირება - სპეციალისტების შეფასებით, ეს იმ ნეგატიური ეკონომიკური შედეგების მხოლოდ მცირე ჩამონათვალია, რაც შესაძლოა, საქართველოს ე.წ რუსული კანონის მიღება დაუჯდეს. ეკონომისტების ნაწილი აცხადებს, რომ მმართველი გუნდის წარმომადგენლების მიმართ მოსალოდნელი სანქციები ფონზე საქართველოს როგორც ქვეყნის რისკი იზრდება, რაც იმას ნიშნავს, რომ ქვეყანას ფინანსური რესურსის მოზიდვა გაუძვირდება. #ახალიამბები #BusinessMediaGeorgia
პარლამენტში რუსულ კანონზე პრეზიდენტის ვეტოს განიხილავენ, პარალელურად კი საკანონმდებლო ორგანოსთან აქცია არა რუსულ კანონს იმართება. პლენარული სხდომა პოლიტიკური განცხადებებით დღეს 12 საათზე დაიწყო. რომლის დასრულების შემდეგ ჯერ კენჭს უყრიან „უცხოური გავლენის გამჭვირვალობის შესახებ“ კანონპროექტზე საქართველოს პრეზიდენტის მოტივირებულ შენიშვნებს, მისი ჩაგდების შემთხვევაში კი სამი მოსმენით მიღებული კანონპროექტისთვის კიდევ ერთ კენჭისყრაზე ხმის მიცემაა საჭირო იმისთვის, რომ ვეტო დაძლეულად ჩაითვალოს. ქართული ოცნების დეპუტატები კანონზე პრეზიდენტის ვეტოს დაძლევას აანონსებენ. #ახალიამბები #BusinessMediaGeorgia