სამედიცინო დაწესებულებები მთავრობის 520-ე დადგენილების პირველ შედეგებს იმკიან. რამდენიმე კლინიკის წარმომადგენლებმა BM.GE-სთან უკვე განაცხადეს, რომ ხელფასები შეამცირეს, ნაწილმა კი ადმინისტრაციული მიმართულებით თანამშრომლები დაითხოვა. ეს იმ ფონზე, როცა ჯანდაცვის სამინისტროს საყოველთაო ჯანდაცვის პროგრამაში ჩართული სამედიცინო დაწესებულებების მიმართ დავალიანებები ჯერ ბოლომდე არ გაუსტუმრებია. #ახალიამბები #BusinessMediaGeorgia
ავტოდილერებისთვის შესაძლოა სომხეთის ბაზარი დაიხუროს, მიზეზი სომხეთის ევრაზიულ საბაჟო კავშირში გაწევრიანებაა, სადაც წევრი ქვეყნებისთვის განბაჟების ერთობლივი ტარიფი მოქმედებს და იქ, მესამე ქვეყნებთან საქონლით ვაჭრობის დროს დამატებით, საკმაოდ მაღალი გადასახადებია დაწესებული. იმის გათვალიწინებით, რომ სომხეთი საქართველოდან ავტომობილების რეექსპორტის კუთხით ერთ-ერთი მოწინავე რეგიონია, ავტოდილერებმა უკვე დაიწყეს შესაძლო რისკებზე საუბარი. მათი თქმით, მას შემდეგ რაც სომხეთი ევრაზიული ეკონომიკური კავშირის ტარიფებზე გადავა, განბაჟების გადასახადი განისაზღვრება მანქანის წლოვანებისა და ძრავის სიმძლავრის მიხედვით. ასევე, გადასახადი დამოკიდებული იქნება იმაზე, თუ ვის შემოჰყავს ქვეყანაში ავტომობილი – კერძო პირს საკუთარი მოხმარებისთვის, თუ ავტოდილერს გასაყიდად. ორივე შემთხვევაში გადასახადი რამდენჯერმე მაღალი იქნება, ვიდრე ახლა. რა ხდება დღეს ავტომობილების ბაზარზე, რა პერსპექტივები აქვთ კომპანიებს და რა გათვლებს აკეთებენ? ზვიად ზიზიაშვილი - კომპანია "ჯეიეფაისის" დირექტორი #ახალიამბები #BusinessMediaGeorgia
ჩინეთის დაავადებათა კონტროლის ცენტრის მონაცემებით, ამ ეტაპზე კორონავირუსის 2700-მდე შემთხვევა დაფიქსირდა, საიდანაც 97% ჩინეთის ტერიტორიაზე, დანარჩენი კი სხვა 12 ქვეყანაშია იდენტიფიცირებული. გარდაცვლილთა რაოდენობამ 80-ს მიაღწია. მსოფლიოს არაერთი ქვეყანა ვირუსისგან თავის დასაცავად სხვადასხვა ღონისძიებას მიმართავს. #ახალიამბები #BusinessMediaGeorgia
2020 წლის 17 იანვარს საქართველოს მთავრობამ დაამტკიცა დადგენილება, რომლის თანახმად, მნიშვნელოვანი საკანონმდებლო ცვლილებებისთვის რეგულირების ზეგავლენის დოკუმენტი მომზადდება. ეს ცვლილება არ შეეხება კანონებს, რომლებიც მხოლოდ ტექნიკურ ცვლილებებს წარმოადგენენ, მაგალითად, როდესაც მთავრობა სამინიტროს სახელს ცვლის, სამინისტროს ფუნქციები და სტრუქტურა კი, უცვლელი რჩება. RIA ანუ რეგულირების ზეგავლენის შეფასება არის პროცესი, როდესაც კანონპროექტის მეშვეობით შემოთავაზებული პოლიტიკის მოსალოდნელი გავლენის დადგენა და შეფასება კეთდება ისეთი ანალიტიკური ინსტრუმენტების გამოყენებით, როგორიცაა, მაგალითად, ხარჯ-სარგებლის ანალიზი. მთავრობის დადგენილების მიხედვით, განსაზღვრულია სტანდარტი, რომელსაც RIA უნდა აკმაყოფილებდეს, ასევე განსაზღვრულია ისიც თუ რომელი ტიპის კანონების მიღებისთვის არის აუცილებელი მისი მომზადება. ბიზნეს სექტორის დიდი ნაწილი ამას წლებია ითხოვს, თუმცა არსებობს განსხვავებული მოსაზრებებიც. სტუმარი: ალექსანდრე პაპიაშვილი - საერთაშორისო ურთიერთობებისა და პროექტების მართვის დეპარტამენტის დირექტორი #ახალიამბები #BusinessMediaGeorgia
“სასტუმრო “ბუდაპეშტს” ისევ ვაკის პარკის მიმდებარე ტერიტორიაზე ავაშენებთ” - ამის შესახებ ბი ემ ჯის პროექტის ხელმძღვანელმა გიორგი ზაქაიძემ განუცხადა. როგორც ინვესტორი ამბობს, ისინი უკვე 1 წელია ელოდებიან მერიისგან პასუხს ადგილმონაცვლეობასთან ან გამოსყიდვასთან დაკავშირებით. ზაქაიძე საქმის კურსთან აანონსებს, რომ ის იანვრის ბოლოს თბილისის მერიაში განცხადეას შეიტანს , იმისთვის, რომ ვაკის პარკის მიმდინარე ტერტორიაზე მშენებლობა დაიწყოს.. რა პასუხი აქვს თბილისის მერიას? #ახალიამბები #BusinessMediaGeorgia
2019 წლის კორუფციის აღქმის ინდექსის შედეგები საქართველოს ანტიკორუფციული რეფორმების სტაგნაციაზე მიუთითებს - ამის შესახებ „საერთაშორისო გამჭვირვალობის“ ბერლინის სამდივნოს მიერ გამოქვეყნებულ კვლევაშია ნათქვამი, რომელიც 180 ქვეყანას მოიცავს. ჩამონათვალში საქართველოს 56 ქულა აქვს და 44-ე ადგილს იყოფს კოსტა-რიკასთან, ჩეხეთთან და ლატვიასთან. რეიტინგში 100 ქულა კორუფციის აღქმის ყველაზე დაბალ, ხოლო 0 ქულა - ყველაზე მაღალ დონეს აღნიშნავს. რა შეიცვალა 2018 წელთან შედარებით საქართველოსთვის და რა გამოწვევები რჩება კორუფციის მიმართულებით ჩვენს ქვეყანაში? #ახალიამბები #BusinessMediaGeorgia
რა პოზიცია აქვს საქართველოს, „საერთაშორისო გამჭვირვალობის“ გლობალური ქსელის კორუფციის აღქმის ინდექსის 2019 წლის რეიტინგში? - ამის შესახებ შედეგები ორგანიზაციამ ცოტა ხნის წინ გაასაჯაროვა. ეს ინდექსი ემყარება ექსპერტების მოსაზრებებს, საჯარო სექტორში კორუფციის დონის შესახებ. 2012 წლიდან კი კვლევა ახალი მეთოდოლოგიით ტარდება, რომელიც სხვადასხვა წლის შედეგების შედარების შესაძლებლობასაც იძლევა. #ახალიამბები #BusinessMediaGeorgia
1 მარტიდან მშენებლობებთან დაკავშირებულ საკითხებს თბილისის მერია ერთი ფანჯრის პრინციპით მოემსახურება, - ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა. მისი თქმით, შეიქმნება სსიპ ურბანული განვითარების სამსახური, რომელიც მომსახურეობას 1 ფანჯრის პრინციპით გასცემს. რა ბარიერების და ბიუროკრატიული პროცედურების გავლა უწევდა აქამდე ბიზნესს და როგორ ხვდება კერძო სექტორი მერიის ინიციატივას და სიახლეს? #ახალიამბები #BusinessMediaGeorgia
„ვკოტრდებით“, „გაყიდვები 80%-ით შემცირდა“, „ვფიქრობთ, თავი დავანებოთ ავეჯის გაყიდვებს“ - ასე ეხმიანებიან BM.GE-ისთან საუბრისას "საბაში" დასაქმებულები 2019 წელს ამოქმედებულ ე.წ. საბანკო რეულაციების ეფექტს და წლის განმავლობაში გაუფასურებული ეროვნული ვალუტის გავლენას მათ საქმიანობაზე. „საბაში“ ავეჯის რეალიზაციის მხრივ მდგომარეობა ძალიან მძიმეა“, - აცხადებენ მოვაჭრეები. მათი თქმით, საბანკო რეგულაციების შემოღების შემდეგ, გაყიდვებმა 80%-ით იკლო: ხოლო bm.ge-ის კითხვაზე - აქვთ თუ არა ინფორმაცია, გაზაფხულიდან საბანკო რეგულაციების შერბილების შესახებ, ნაწილი ამბობს, რომ აქვს, თუმცა არ ფიქრობენ, რომ ამით მნიშვნელოვნად შეიცვლება სურათი, თუმცა არიან ისეთებიც, ვინც პოზიტიურადაა განწყობილი და იმედოვნებენ, რომ საბანკო რეგულაციების შერბილების შემდეგ ვითარება გამოსწორდება.რა გავლენა ქონდა რეგულაციებს, მაგალითად საყოფაცხოვრებო ტექნიკის რითეილერებისთვის? სტუმარი: გიორგი ჭედია - გრანდ ელექრტონისის კომერციუი დირექტორი #ახალიამბები #BusinessMediaGeorgia
საქართველოს კიდევ ერთი მილიონერი ჰყავს, თუმცა მისი ვინაობა ამ დრომდე უცნობია. კომპანია „საქართველოს ეროვნული ლატარია“ ამ დრომდე ეძებს ადამიანს, რომელმაც მილიონიანი ჯეკპოტი მოიგო. უფრო კონკრეტულად კი ყველაზე იღბლიანმა ადამიანმა 1 182 454 ლარი მოიგო . გათამაშების რიცხვების გადამოწმება გამარჯვებულს სოციალური ქსელის და საქართველოს ეროვნული ლატარიის ოფიციალური გვერდის მეშვეობით შეიძლია. #ახალიამბები #BusinessMediaGeorgia
ფრაქცია „დამოუკიდებელმა დეპუტატებმა“ პარლამენტში ეკატერინე ტიკარაძის მისვლა მოითხოვეს. წერილი, რომელსაც ხელს ფრაქციის თავმჯდომარის მოადგილე ლევან კობერიძე აწერს, ჯანდაცვის კომიტეტის თავჯდომარეს, დიმიტრი ხუნდაძეს 21 იანვარს გაეგზავნა. რა კითხვები აქვთ რა კითხვები აქვთ დეპუტატებს ეკატერინე ტიკარაძესთან?! სტუმარი: ლევან კობერიძე - დამოუკიდებელი დეპუტატი #ახალიამბები #BusinessMediaGeorgia
დედაქალაქის მერია დღეიდან პარლამენტის შენობის წინ ტერიტორიისა და 9 აპრილის მემორიალის რეაბილიტაციას იწყებს. ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა. გარდა ამისა, მერიაში იქმნება ახალი საჯარო სამართლის იურიდიული პირი. #ახალიამბები #BusinessMediaGeorgia
საქათველოს მთავრობამ რეგულირების ზეგავლენის შეფასების მეთოდოლოგია დაამტკიცა. ასევე განისაზღვრა იმ საკანონმდებლო აქტების ნუსხა, რომლებში ცვლილების შეტანის შემთხვევაშიც სავალდებულოა რეგულირების ზეგავლენის შეფასება. 17 იანვარს გამოცემულ დადგენილებას პრემიერ-მინისტრი გიორგი გახარია აწერს ხელს. რა წერია დოკუმენტში, რომელიც შეაფასებს რა ზეგავლენა ექნება ამა თუ იმ კანონის მიღებას სხვადასხვა დარგებზე, როგორიც მაგალითად ეკონომიკაა. #ახალიამბები #BusinessMediaGeorgia
დღეს მედიასთან ეკონომიკის მინისტრმა ანაკლიის პორტზე ისაუბრა და დააანონსა, რომ ანაკლიის ღრმაწყლოვან პორტთან დაკავშირებით ახალი ტენდერი შეცვლილი პირობებით მალე გამოცხადდება. როგორც მინისტრმა ანაკლიის პორტზე საუბრისას აღნიშნა, "ანაკლიის განვითარების კონსორციუმთან" ხელშეკრულების შეწყვეტა, ლოგიკური გადაწყვეტილება იყო. ნათია თურნავა განცხადებას ცოტა ხნის წინ კონსორციუმმა უპასუხა. #ახალიამბები #BusinessMediaGeorgia
მეორადი სათამაშოების მაღაზიები ეკონომიკის სამინისტროს მიმართავენ. მათი განმარტებით, სექტორი უკვე მე-6 თვეა ბედის ამარადაა და განვითარებას ვერ ახერხებს. მიზეზი კი სათამაშოების უსაფრთხოების შესახებ“ რეგლამენტია, რომელმაც არაერთი კითხვა გააჩინა. ხოლო კითხვებზე პასუხების მიღებას კი კომპანიები ეკონომიკის სამინისტროსგან ამ დრომდე ვერ ახერხებენ. მაგ რატომ არ შეიძლება ჩაითვალოს უსაფრთხოდ მეორადი სათამაშო, რომელიც ამერიკიდან შემოდის და იქაური ბაზრის რეგულაციები უკვე გავლილი აქვს? სტუმარი: იოსებ ყრუაშვილი - პილთონის წარმომადგენელი #ახალიამბები #BusinessMediaGeorgia
თი ბი სი ტაშკენტშია. უზბეკეთის ცენტრალურმა ბანკმა ქართულ TBC Bank-ს ტაშკენტში ბანკის გახსნის ნებართვა მისცა. TBC Bank-ის ციფრული სერვისის Space-ის გააქტიურება უზბეკეთის ბაზარზე რომ გეგმაში იყო, ამის შესახებ გასული წლის იანვარში გახდა ცნობილი. 2019 წლის აპრილში კი ბანკმა $5,5 მილიონად Payme შეიძინა. სტუმარი: გიორგი შაგიძე - თიბისი ბანკი; გენერალური დირექტორის მოადგილე #ახალიამბები #BusinessMediaGeorgia
პირველი ქართული საერთაშორისო სტანდარტების სპრედის საწარმო "გრინვილი" პორტფელის დიფერენციაციას გეგმავს და უახლოეს მომავალში მომხმარებლებს ქართულ ყველსაც შესთავაზებს. საწარმო აქტიურად ერთი წელია რაც ბაზარზე გამოჩნდა და მცენარეულ ცხიმზე დამზადებულ სპრედის ექსპორტს მეზობელ ქვეყნებში, სომხეთსა და აზერბაიჯანში ახორციელებს. გიორგი ფირცხალაიშვილი - "გრინვილი"-ს დირექტორი #ახალიამბები #BusinessMediaGeorgia
საქართველოს ბიზნეს ასოციაცია პარლამენტს მიმართავს და თამბაქოს კონტროლის შესახებკანონში გარკვეული ცვლილებების და გამონაკლისების დაწესებას სთხოვს, თამბაქოს ახალ ნზწარმსა და გასახურებელ თამბაქოზე, ასევე მათი მოხმარებისთვის განკუთვნილ აქსესუარებზე და მოწყობილობებზე. ბიზნეს-ასოციაციის წინადადებაში წერია, რომ ზემოთ ჩამოთვლილ პროდუქტზე და პროდუქციაზე, არ გავრცელეს მოქმედი კანონმდებლობით გათავალისწინებული რიგი შეზღუდვები, მათ შორის, ინტერნეტით ან ელ.ფოსტით საცალო ვაჭრობასთან, პირდაპირ პერსონალურ კომუნიკაციასთან, ინდივიდისთვის განკუთვნილ საინფორმაციო კამპანიასთან დაკავშირებით. სტუმარი: ნიკა ნანუაშვილი - BAG; იურიდიული მიმართულების დირექტორი #ახალიამბები #BusinessMediaGeorgia
თბილსის მერმა კახა კალაძემ დედაქალაქის მოსახლეობას, 40 ერთეული „ისუზუს“ მარკის ავტობუსი წარუდგინა. 8-მეტრიანი, ევრო 6-ის ემისიის სტანდარტის ავტობუსები 23 იანვრიდან რამდენიმედღიანი ინტერვალით 8 მარშრუტზე გადანაწილდება. #ახალიამბები #BusinessMediaGeorgia
მიმდინარე წელს ენერგეტიკისა და წყალმომარაგების შესახებ ახალი კანონი ამოქმედდა, რომელიც ელექტროენერგიის ბაზრის ლიბერალიზაციის გარდა, ბუნებრივი გაზის ბაზრის გახსნას და მეტ გამჭვირვალობას გულისხმობს. აქ რამდენიმე ფაქტორია გასათვალისწინებელი და ერთ-ერთი რუსული გაზის დაბრუნების საკითხია, რაც თუ კონკურენტული ბაზარი შეიქმნა, კომერციული მომხმარებლებისთვის ხელმისაწვდომი უნდა იყოს. რაც შეეხება სოციალურ სეგმენტს და თბოსადგურებს, მათ ისევ აზერბაიჯანული გაზი უზრუნველყოფს. რა ტენდენციებია 2020 წელს მოსალოდნელი გაზის ბაზარზე და რა რეკომენდაციები აქვთ ექსპერტებს? #ახალიამბები #BusinessMediaGeorgia
კომერციული ბანკები რეგულაციების შეცვლის მოლოდინში არიან. ფინანსთა მინისტრს პრემიერისგან დავალება აქვს მიღებული, რომ გადახედოს რეგულაციას და თუ საჭირო გახდება 200 ათას ლარამდე სესხების გაცემის ზედა ლიმიტი, 100 ათას ლარამდე შემცირდეს. რა ეტაპზეა რეგულაციის შეცვლის პროცესი და რა ინფორმაცია აქვს საბანკო სექტორს? #ახალიამბები #BusinessMediaGeorgia
Frontera საქართველოსგან $3.5 მლრდ-ის კომპენსაციას ითხოვს. მე შეგახსენებთ, გასული რამდენიმე წლის განმავლობაში მიმდინარეობდა დავა "ფრონტერასა" და გაზისა და ნავთობის კორპორაციას შორის, თუმცა საჯაროდ აღნიშნული დავის შესახებ განცხადებები არ გაკეთებულა. აღნიშნული საჯაროდ მხოლოდ 2019 წლის ზაფხულში - საქართველოს ნავთობისა და გაზის კორპორაციის მიერ 2018 წლის აუდიტორული ანგარიშგების გამოქვეყნებით გახდა ცნობილი. მაშინ აუდიტორულ ანგარიშგებაში ეწერა, რომ 2018 წლის ივლისში “საქართველოს ნავთობისა და გაზის კორპორაციამ” და “საქართველოს ნავთობისა და გაზის სახელმწიფო სააგენტომ” Frontera-ს მიერ საქართველოს წინაშე აღებული ფინანსური ვალდებულებების დარღვევის გამო საარბიტრაჟო დავა დაიწყეს. საქმე კომპანიის მიერ ქართულ მხარესთან დადებული ხელშეკრულების PSA (შემოსავლის გაყოფის) მუხლების დარღვევას უკავშირდებოდა. კიდევ ერთი მუხლი აღნიშნულ დავაში, ბუნებრივი წიაღისეულით სარგებლობის მოსაკრებელში არსებული დავალიანება იყო, რომლის გადახდასაც კომპანია თავს არიდებდა. მნიშვნელოვანია გარემოება, რომ სახელმწიფოსა და კერძო კომპანიას შორის მიმდინარე დავის შესახებ განცხადებები ვაშინგტონში გაკეთდა. 2019 წლის 28 თებერვალს კონგრესმენმა მარკვეინ მულინმა წარადგინა კანონპროექტი. ამ კანონპროექტში წერია: “თუ საქართველოს მთავრობის მხრიდან საქართველოში მოღვაწე ამერიკელ მოქალაქეებთან თუ ბიზნეს-კომპანიებთან გაფორმებული ხელშკრულებებით გათვალისწინებული ვალდებულებების დარღვევა დადასტურდება, მთავრობასა და ამ დარღვევებთან დაკავშირებულ მოქმედ თუ ყოფილ ჩინოსნებს სანქციები დაუწესდეთ“. აღნიშნული საკანონმდებლო ინიციატივა სწორედ "ფრონტერას" დავას უკავშირდებოდა. რამდენიმე დღის წინ, კონგრესმენმა კიდევ ერთხელ გააკეთა განცხადება და საქართველოს სახელმწიფოს ამერიკელი ინვესტორის მიმართ სამართლიანი თამაშის წესების გამოყენებისკენ მოუწოდა. სტუმარი: ვაჟა ხიდაშელი - საქართველოს ნავთობისა და გაზის კორპორაციის მრჩეველი #ახალიამბები #BusinessMediaGeorgia
ბაკებიდან მიკროსაფინასოებისკენ გადავინაცვლოთ, 2020 წლის მთავარი გამოწვევა მიკროსაფინანსო ორგანიზაციებისთვის მსხვილ ბანკებთან კონკურენცია იქნება - განცხადება bm.ge-თან მიკროსაფინანსო ორგანიზაცია კრისტალის აღმასრულებელმა დირექტორმა ილია რევიამ გააკეთა. როგორ ხვდებიან მიკროსაფინანსო ორგანიზაციები ეროვნული ბანკის ახალ რეგულაციებს, რომელიც ძალაში 1 თებერვლიდან შევა, რომელიც მიკროსაფინანსოებს და სესხის გამცემ სუბიექტებს გაცემული სესხის უზრუნველსაყოფად მიღებული ქონების, მის მიერ აღებული ნებისმიერი სახის ვალდებულების უზრუნველყოფის საგნად გამოყენების აკრძალვას ითვალისწინებს. ილია რევია - მიკროსაფინანსო ორგანიზაცია კრისტალი, აღმასრულებელი დირექტორი #ახალიამბები #BusinessMediaGeorgia
როგორი იქნება მსოფლიო ბანკის ჩართულობა საყოველთაო ინტერნეტიზაციის პროექტში და რატომ შეგვიმცირა მსოფლიო ბანკმა ეკონომიკური ზრდის პროგნოზი? ახალი პროგნოზით, 2020 წლისთვის მსოფლიო ბანკი საქართველოს ეკონომიკის 4.3%-იან ზრდას პროგნოზირებს, რაც წინა შეფასებასთან მიმართებით 0.5 პროცენტული პუნქტით ნაკლებია. #ახალიამბები #BusinessMediaGeorgia
რას იზამს მერია თუ „თბილისის მიკროავტობუსი“ 300 მიკროავტობუსის ფულს ვერ გადაიხდის?- თბილისის ვიცე-მერი ირაკლი ხმალაძე ამბობს, რომ 300 მიკროავტობუსის შეძენასთან დაკავშირებით ტენდერი უახლოეს მომავალში გამოცხადდება. დღეს ვეცდებით მაქსიმულური ინფორმაცია მივიღოთ ე.წ მარშუტკებზე და მათ ბედზე. სტუმარი: ირაკლი ხმალაძე - თბილისის ვიცე-მერი #ახალიამბები #BusinessMediaGeorgia
საერთაშორისო კომპანია “ბოინგის” ქართველი პარტნიორი უნდა გაგაცნოთ. “ეი-თი-სის” საწარმოზე უნდა მოგიყვეთ, რომელიც თვითმფრინავის კომპოზიტურ ნაწილებს აწარმოებს და ექსპორტზე უშვებს. კომპანიის ერთადერთი შემსყიდველი ამ დროიისთვის ბოინგია, რომელსაც პროდუქციის პირველი პარტია 2019 წელს მიაწოდეს. ბოინგთან პირველი ხელშეკრუელბის მოცულობა უცნობია, თუმცა, Bm.ge-სთვის ცნობილია, რომ ებრაულ-ქართული კომპანია 2020 წელს ბოინგს 10 მილიონი დოლარის პროდუქციას მიყიდის. თბილისში მდებარე საწარმოში ამჟამად 170 ადამიანია დასაქმებული, რომელთა აბსოლუტური უმრავლესობა ქართველია. რა არის თვითმფრინავის კომპოზიტური ნაწილები და როგორ მუშობს ქარხანა, რომელშიც ინვესტიციის სახით 93 მილიონი დოლარი ჩაიდო. #ახალიამბები #BusinessMediaGeorgia
გუდაურისა და ბაკურიანის შემდეგ ინფრასტრუქტურულ პრობლმებზე მესტიის დასმვენებლებიც საუბრობენ. არასათანადოდ გაწმენდილი გზები, რომელიც მესტიაში გარკვეულწილად გადაადგილებას აფერხებს. ამას კი დამატებული გუშინ საღამოსსაათებში უშუქობა, რომლის გამოც როგორც დამსვენებლები ამბობენ, ჰაწვალის საბაგიროც გაჩერდა. რა ხდება მესტიაში? #ახალიამბები #BusinessMediaGeorgia
მოსალოდნელია, რომ მხოლოდ Invest in Georgia-ს ფარგლებში, მომავალი ორი წლის განმავლობაში, 200 მილიონი დოლარის ინვესტიცია განხორციელდება და 3500 სამუშაო ადგილი შეიქმნება - ეს განცხადებს გასულ წელს ეკომიკის მინისტმა ნათია თურნავამ გააკეთა, ბუნებრივია ბიემჯი დაინტერედა, თუ რა კონკრეტული სამოქმედო გეგმა გააჩნია მთავრობას იმისთვის, რომ მსგავს შედეგზე გავიდეთ. სტუმარი: თორნიკე ზირაქიშვილი - “აწარმოე საქართველოში”; დირექტორის მოადგილე #ახალიამბები #BusinessMediaGeorgia
რა რაოდენობის დავალიანება აქვს მთავრობას კერძო კლინიკების მიმართ? უკვე ორი თვეა ბიემჯი ცდილობს მიიღოს ინფორმაცია დავალიანების ზუსტი მოცულობის შესახებ, თუმცა პასუხები ამ დრომდე არ მიგვიღია. ანალოგიური კითხვებით დღეს ჯანდაცვის მინისტრს მივმართეთ. ეკატერინე ტიკარაძის განცხადებით, სამინისტრო კლინიკებით მიმართ დავალინებას ფარავს, თუმცა მინისტრს ზუსტი რიცხვის დასახელება, რომელიც დავალიანების მოცულობას უკავშირდება უჭირს. #ახალიამბები #BusinessMediaGeorgia
"კაშკაში" - ეს არის ლაბორატორიული წესით წარმოებული თავის მოვლის ორგანული საშუალებების ქართული ბრენდი, რომლის შექმნის იდეა წელიწადნახევრისწინ გაჩნდა, დღეს კი უკვე 100-ზე მეტ საერთაშორისო ბრენდთან ერთად "ლუტეციას" პარფიუმერულ ქსელშია წარმოდგენილი. ქეთო გიორგობიანი - kashkash; დამფუძნებელი #ახალიამბები #BusinessMediaGeorgia
საქართველოში 30 000 ტონა ამერიკული სასურსათო ხორბლი შემოვიდა. ინფორმაციას საქართველოს ხორბლისა და ფქვილის მწარმოებელთა ასოციაცია ავრცელებს. ასოციაციის ცნობით, ეს არის ხორბლის პირველი კომერციული პარტია, რომელიც დამოუკიდებელი საქართველოს არსებობის ისტორიაში შემოვიდა ამერიკის შეერთებული შტატებიდან. ასევე, განსაკუთრებით მნიშვნელოვანია , რომ აღნიშნული 30 000 ტონა ხორბალი მიღებულია ჩვენი სტრატეგიული პარტნიორი ქვეყნიდან და მიმართულია ბაზრის შემდგომი დივერსიფიცირების და ქვეყნის სასურსათო უსაფრთხოებისაკენ. როგორც ცნობილია, საქართველო ბოლო რამდენიმე წლის განმავლობაში დიდწილად დამოკიდებულია რუსული ხორბლის იმპორტზე. სტუმარი: ლევან სილაგავა - საქართველოს ხორბლისა და ფქვილის მწარმოებელთა ასოციაცია #ახალიამბები #BusinessMediaGeorgia
საინვესტიციო გარემო საქართველოში - მიმზიდველია თუ არა ქვეყანა ინვესტორებისთვის. რას აკეთებს და რას ვერ აკეთებს ხელისუფლება. სპეციალისტები ფიქრობენ, რომ საქართველოში ავტორიტარიზმის ნიშნებია და ამავე ქვეყანაში ერთერთი მთავარი ინვესტორი თავად მმართველი #ახალიამბები #BusinessMediaGeorgia
გასული წლის ბოლოს, თბილისის მერია ცენტრ-პოინტის საცხოვრებელი ობიექტების დასრულებასთან დაკავშირებით, ინვესტორებთან აქტიურ მოლაპარაკებებს აწარმოებდა. როგორც BMG-მ გაარკვია, ამ ეტაპზე სამშენებლო კომპანია „ანაგსა“ და მერიას შორის მიღწეულია შეთანხმება, რომ თუ ცენტრ-პოინტი გარკვეულ ვალდებულებებს შეასრულებს, ანაგი ცენტრ-პოინტის ერთ-ერთი დაუსრულებელი ობიექტის მშენებლობას განაახლებს. #ახალიამბები #BusinessMediaGeorgia
2019 წელს არაბთა გაერთიანებული საემიროებიდან ვიზიტორების რიცხვი წლიურად 15.3%-ითაა შემცირებული. ირანის შემთხვევაშიც ოფიციალური სტატისტიკა აჩვენებს, რომ 2019 წელს ირანიდან საქართველოში ვიზიტები განახევრდა. კერძოდ, 2018 წელთან შედარებით გასულ წელს ირანიდან ვიზიტების რაოდენობა 51,2%-ითა შემციებული. Bm.ge-ისთვის დაზუსტებით ცნობილი არაა, როგორც არაბთა გაერთიანებული საემიროებიდან, ისე ირანიდან ვიზიტორების ვიზიტების კლების მიზეზი საქართველოს საზღვარზე შექმნილი პრობლემებია თუ - არა და როგორია გაბრუნების სტატისტიკა, რადგან თუ შინაგან საქმეთა სამინისტრო 2018-2019 წლებში გასცემდა დეტალურ საჯარო ინფორმაციას იმ ქვეყნების შესახებ, რომელთა მოქალაქეებს ყველაზე ხშირად არ უშვებენ საქართველოში, ვახტანგ გომელაურის უწყებამ აღნიშნული სტატისტიკა დახურა და მხოლოდ ჯამური რიცხვი მოგვაწოდეს. სტუმარი: ცოტნე ჯაფარიძე - „ტრაფიკ ტრეველი"; მმართველი პარტნიორი #ახალიამბები #BusinessMediaGeorgia
სურსათის კონტროლის მოთხოვნები არაორგანიზებულ ფერმერულ მეურნეობებს არ დაუწესდათ - ამის შესახებ, გელა ხანიშვილმა, სოფლის მეურნეობის მინისტრის მოადგილემ, „bm.ge” ის განუცხადა. გელა ხანიშვილის ინფორმაციით, მსხვილფეხა პირუტყვის და ფრინველის რაოდენობრივი სტანდარტებიდან გამომდინარე, ვინც არაორგანიზებული ფერმერული მეურნეობის სტატუსის ქვეშ მოხვდება, ისინი არიქნებია სურსათის ეროვნული სააგენტოს კონტოროლი ქვეშ. მთავრობამ, სურსათის და ცხოველის საკვების არაორგანიზებული წარმოების წესი დაამტკიცა. სტუმარი: გელა ხანიშვილი - სოფლის მეურნეობის მინისტრის მოადგილე .. #ახალიამბები #BusinessMediaGeorgia
მცხეთის მიწათსარგებლობის გენერალურ გეგმაზე მუშაობა გასული წლის ბოლომდე უნდა დასრულებულიყო, თუმცა დოკუმენტი ჯერ ისევ განხილვების ეტაპზეა. როგორც BMG-მ გაარკვია, გენგეგმაზე მომუშავე ორგანიზაცია „აქოლისმა“ მცხეთის მუნიციპალიტეტს და მუნიციპალური განვითარების ფონდს ჯერჯერობით პირველი და მეორე ეტაპის დოკუმენტაცია წარუდგინა, საერთო ჯამში კი დამკვეთმა ხუთი ეტაპი უნდა ჩაიბაროს. სწორედ დღეს, მცხეთის მუნიციპალიტეტის მერიაში იმ საბჭოს სხდომა გაიმართ, სადაც აქოლისის მიერ მომზადებულ მასალებზე შენიშვნები განიხილეს. როგორც იცით, ეს დიმიტრი ხუნდაძე მცხეთის გენგეგმაზე მუშაობის პირველი მცდელობა არ არის და გაიზიარებს თუ არა აქოლისიც წინამორბედის ბედს? #ახალიამბები #BusinessMediaGeorgia
პირველი იანვრიდან დასაქმების ხელშეწყობის სახელმწიფო სააგენტო ამოქმედდა. შესაბამისად, შრომისა და დასაქმების ხელშეწყობის მიმართულებით ფუნქციებსა და უფლებამოსილებებს, რაც აქამდე სოციალური მომსახურების სააგენტოს ფუნქციებში შედიოდა, ახალშექმნილი სააგენტო შეასრულებს. მათ შორის არის პროფესიული უნარების განვითარება, მომზადება-გადამზადება, სტაჟირება, სუბსიდირება, კონსულტაციები და კარიერის დაგეგმვა. ამავე სააგენტოს უფლებამოსილება იქნება ცირკულარული მიგრაციის საკითხების მართვა, რომლის ფარგლებშიც ადგილობრივი კადრების გადამზადება და უცხოეთში ლეგალური დასაქმება მოხდება. #ახალიამბები #BusinessMediaGeorgia
"ინტერნეტიზაციის პროექტით ძალიან დაინტერესებულია მსოფლიო ბანკი. მათი მხრიდან ასევე გამოთქმულია სურვილი, რომ "ოუფენ ნეტის" პროგრამაც დააფინანსონ., - განაცხადა ეკონომიკის მინისტრმა საქართველოს მთავრობის სხდომის შემდეგ, სადაც ეკონომიკის სამინისტროს ინიცირებით ინტერნეტიზაციასთან დაკავშირებული ორი საკითხი - "საქართველოს ფართოზოლოვანი ქსელების განვითარების 2020 – 2025 წლების ეროვნული სტრატეგია" და საქართველოში ფართოზოლოვანი ინფრასტრუქტურის განვითარების სახელმწიფო პროგრამაში განხორციელებული ცვლილებები განიხილეს. სტუმარი: ეკა ყუბუსიძე - საინფორმაციო და თანამედროვე ტექნოლოგიების დეპარტამენტის უფროსი #ახალიამბები #BusinessMediaGeorgia
საქართველოში პირველად თაფლიანი წყლის ჩამოსხმა დაიწყო და მისი შეძენა ჯერჯერობით მხოლოდ "Ska Juice Bar"-შია შესაძლებელი, რომელიც სამი სხვადასხვა ექსტრაქტით არის წარმოდგენილი. ესენია : პიტნა ჯინჯერი და ლიმონი. რა გამოხმაურება მოჰყვა ბაზარზე ახალი პროდუქციის გამოჩენას და როგორია დამფუძნებლის სამომავლო გეგმები? გიორგი ტალახაძე - , Ska Juice Bar-ის დამფუძნებელი #ახალიამბები #BusinessMediaGeorgia
საქართველოს პარლამენტი ახალი სამშენებლო კოდექსში გარკვეული მუხლების 10 წლით გადავადებას გეგმავს. კერძოდ, თბილისის მერიის ინიციატივით, საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტმა „საქართველოს სივრცის დაგეგმარების, არქიტექტურული და სამშენებლო საქმიანობის კოდექსში“ შესატან ცვლილებებს მხარი დაუჭირა. ამ მოთხოვნას, ცვლილების ავტორები, კოდექსის თბილისის მიწათსარგებლობის გენერალურ გეგმასთან შეუსაბამობით ხსნიან. საუბარია კოდექსის ყველაზე მნიშვნელოვანი ნაწილის ათი წლით გადავადებასა და ამ ნაწილში, თბილისისთვის საკუთარი ადგილობრივი წესების შემუშავების უფლების შენარჩუნებაზე. იწონებენ თუ არა მთავრობის გადაწყვეტილებას და რა რისკებს ხედავენ სამშენებლო სფეროს წარმომადგენლები? საქმის კურსთან gdg+-ის დამფუძნებელმა ბეჟან წაქაძემ ისაუბრა და 2019 წელი, რომელიც რეგულაციებით დატვირთული იყო ჩვენი რუბრიკის საშუალებით შეაფასა. ბეჟან წაქაძე - სამშენებლო კომპანია GDG–ის ხელმძღვანელი #ახალიამბები #BusinessMediaGeorgia
“ანაკლიის პორტზე ხელის ჩაქნევა შეულძებელია, რაღაც პერიოდის შემდეგ ის აუცილებლად დასრულდება” - ასე გამოეხმაურა ბიზნესმენი თემურ ჭყონია მთავრობის გადაწყვეტილებას, რომელიც ანაკლიის კონსორციუმთან ხელშეკრულების გაწყვეტას უკავშირდება. რამდენად ხედავს დღეს კერძო სექტორი ამ პროექტის განხორციელების პერსპექტივებს? #ახალიამბები #BusinessMediaGeorgia
საუკუნის პროექტად წოდებული ანაკლიის ღრმაწყლოვანი პორტი, მინიმუმ გადავადდა, მაქსიმუმ შეწყდა. ამ ფორმით და ამ ვადებში პროექტი ალბათ აღარ განხორციელდება - მიუხედავად იმისა, რომ ანაკლიის განვითარების კონსორციუმი საერთაშორისო არბიტრაჟში მიდის. რას მოიცავდა ანაკლიის პორტის პროექტი? ეს უნდა ყოფილიყო პირველი ღრმაწყლოვანი პორტი საქართველოსთვის, რომელიც ქვეყანას საშუალებას აძლევდა რეგიონში სერიოზული მოთამაშე გამხდარიყო ტვირთების გადაზიდვის მიმართულებით და კონკურენცია გაეწია რუსული პორტებისთვის, რაც თავის მხრივ შემოსავლების მკვეთრ ზრდასაც ნიშნავს. ანაკლიის პორტის პროექტის ღირებულება 2.5 მილიარდი დოლარია და ის 9 ფაზად უნდა განხორციელებულიყო. საქართველოს მთავრობასა და „ანაკლიის განვითარების კონსორციუმს“ შორის გაფორმებული საინვესტიციო ხელშეკრულების მიხედვით, კონსორციუმს პორტი აღნაგობის უფლებით, 52 წლის ვადით გადაეცა. ამ შეთანხმების ფარგლებში, ვალდებულებები როგორც კონსორციუმს, ასევე საქართველოს მთავრობას ჰქონდა. როგორ დაიწყო და განვითარდა პროექტი, როგორ მოვიდა ანაკლიის კონსორციუმი დღემდე? #ახალიამბები #BusinessMediaGeorgia
ჩვენ აღარ გვრჩება გამოსავალი გარდა იმისა, რომ მივმართოთ საარბიტრაჟო სასამართლოს, - ამის შესახებ "ანაკლიის განვითარების კონსორციუმის" აღმასრულებელმა დირექტომა ლევან ახვლედიანმა მთავრობის მიერ კონსორციუმისთვის ხელშეკრულების შეწყვეტის შესახებ გადაწყვეტილებაზე საუბრისას განაცხადა. ახვლედიანის განცხადებით, ვერ მიიღებენ იმ ბრალდებებს, თითქოს ვერ შეასრულეს ვალდებულებები, რადგან კონსორციუმმა უდიდესი ძალისხმევა ჩადო პროექტში, მის ბოლომდე მისაყვანად კი მთავორბის მხოლოდ მცირე ჩართულბა იყო დარჩენილი. მისივე თქმით, მიუხედავად სირთულეებისა, "ანაკლიის განვითარების კონსორციუმმა" შეძლო ინვესტორების დაინტერესება, რომლებიც ითხოვდნენ მხოლოდ ერთ რამეს, რომ შექმნილიყო კომფორტი მთავრობისგან მათ მიერ განსახორციელებელ ინვესტიციებთან მიმართებით. #ახალიამბები #BusinessMediaGeorgia
სტუმარი: პაატა ცაგარეიშვილი - “სატრანსპორტო დერეფნის კვლევის ცენტრი“ ხელმძღვანელი #ახალიამბები #BusinessMediaGeorgia
მთავრობა ანაკლიის კონსორციუმთან ხელშეკრულებას წყვეტს. საქართველოს მთავრობამ მიიღო გადაწყვეტილება დაიწყოს "ანაკლიაში შავი ზღვის ღრმაწყლოვანი ნავსადგურის მშენებლობის, ოპერირებისა და გადაცემის (BOT) შესახებ" საქართველოს მთავრობასა და "ანაკლიის განვითარების კონსორციუმს" შორის 2016 წლის 3 ოქტომბერს გაფორმებული საინვესტიციო ხელშეკრულების შეწყვეტის პროცედურები. შესაბამის განცხადებაში მთავრობა წერს, რომ საქართველოს მთავრობას საინვესტიციო ხელშეკრულებით ნაკისრი ყველა ვალდებულება სრულად აქვს შესრულებული, ხოლო "ანაკლიის განვითარების კონსორციუმმა", მთავრობის სრული მხარდაჭერის მიუხედავად, 2017 წლიდან დღემდე ვერ შეძლო პროექტის განხორციელებისათვის ყველაზე მნიშვნელოვანი ვალდებულებების შესრულება, ვერ მიაღწია ხელშესახებ შედეგს და ვერ წარმოადგინა პროექტის განვითარების რეალური ხედვა, საქართველოს მთავრობამ მიიჩნია, რომ კონსორციუმისთვის ვალდებულებების შესრულების მორიგი გადავადება ვერ უზრუნველყოფს სასურველი შედეგის მიღწევას. საქართველოს მთავრობის გადაწყვეტილებით, დაიწყება როგორც საინვესტიციო ხელშეკრულების მოშლის სამართლებრივი, ისე ანაკლიის პორტის შემდგომი განვითარებისათვის პროექტის ხელახალი სატენდერო წინადადების მოსამზადებლად აუცილებელი პროცედურები", – ნათქვამია საქართველოს რეგიონული განვითარებისა და ინფრასტრუქტურის სამინისტროს განცხადებაში. რა შეფასებები გაკეთა მთავრობის კანცელარიაში ? #ახალიამბები #BusinessMediaGeorgia
საქართველოს რეგიონული განვითარებისა და ინფრასტრუქტურის სამინისტროში მომზადდა კანონპროექტი, რომელიც უსახური შენობა-ნაგებობების მეპატრონეების დაჯარიმებას ითვალისწინებს. საუბარია ისეთ შენობებზე, რომლის რემონტის ან დემონტაჟის გარეშე არსებობა შეუსაბამოა ისტორიულ,არქიტექტურულ იერ-სახესთან და ლანდშაფტურ გარემოსთან. საჯარიმო სანქცია არ გავრცელდება საკარმიდამო მიწის ნაკვეთზე არსებულ საცხოვრებელ სახლებსა და მის დამხმარე შენობა-ნაგებობებზე, იმისთვის, რომ საკუთრების უფლების ხელყოფა არ მოხდეს და არ დაზარალდეს მოსახლეობის ინტერესები. კანონის მიღებას სამინისტროში საგაზაფხულო სესიაზე ელოდებიან. #ახალიამბები #BusinessMediaGeorgia
მართალია, ბუნებრივი გაზის სამომხმარებლო ფასი არ გაზრდილა, მაგრამ 1 იანვრიდან ამოქმედებული ტარიფი რეგიონებისთვის მხოლოდ ივლისამდე იქნება ძალაში, რადგან როგორც გაირკვა, ქართული მხარე აზერბაიჯანთან, სოკარის მიერ ჩვენს ქვეყანაში განხორციელებული ინვესტიციების ტარიფებით ამოღების საკითხზე ჯერ ვერ შეთანხმდა. ენერგეტიკის სფროში ექსპერტები იმაზეც საუბრობენ, რომ ინვესტიციების გარდა, საქართველოს ხელისუფლება აზერბაიჯანისგან გაზის შეძენის ახალ ფასზეც აწარმოებს მოლაპარაკებებს. #ახალიამბები #BusinessMediaGeorgia
შეჰყავთ თუ არა შეცდომაში აკრედიტირებულ ცენტრებს თხევად აირზე მომუშავე ავტომობილის მფლობელები? როგორც Bm.ge-ის საქართველოს თხევადი გაზის ასოციაციის თავმჯდომარე ნიკა ხოფერიამ განუცხადა, მას შემდეგ რაც ძალაში შევიდა მთავრობის დადგენილება თხევადი გაზის ტექინსპექტირების შესახებ, რომელიც თხევადი გაზის სისტემის და აირბალონის მოწყობილობის შემოწმებას ითვალისწინებს, ავტომფლობელების მხრიდან ასოციაციაში საჩივრების რაოდენობა არ წყდება. მიზეზი კი, მისი თქმით, „აკრედიტირებული ცენტრების მიერ დადგენილი ის არაადეკვატური საფასურია, რომელსაც მძღოლებს აირბალონების შემოწმების შედეგად უსაფუძვლოდ ახდევინებენ”. ცენტრებში ამბობენ, რომ აირბალონების შემოწმება დაუყონებლივ უნდა მოხდეს, რისთვისაც ავტოსატრანსპორტო საშუალების მფლობელმა 250 ლარი უნდა გადაიხადოს. გარდა ამისა, ნებისმიერ აირბალონს, რომელიც ქარხანაშია დამზადებული, ტექნიკური გამართულობის დამადასტურებელი სერტიფიკატი ისედაც თან ახლავს და მისი ვადაზე ადრე შემოწმება საჭიროებას არ წარმოადგენს. სტუმარი: ნიკა ხოფერია - საქართველოს თხევადი გაზის ასოციაციის თავმჯდომარე #ახალიამბები #BusinessMediaGeorgia
ჭავჭავაძის გამზირზე, კავსაძის ქუჩიდან ყიფშიძის ქუჩამდე მონაკვეთზე, დღეიდან სარეაბილიტაციო სამუშაოების მესამე ეტაპი იწყება. აქედან გამომდინარე, თბილისის მერიის ინფორმაციით, ჭავჭავაძის გამზირსა და მის მიმდებარე ქუჩებზე ტრანსპორტის მოძრაობის სქემა ნაწილობრივ შეიცვლება: ჭავჭავაძის გამზირის კავსაძის ქუჩიდან ყიფშიძის ქუჩამდე მონაკვეთზე ტრანსპორტის მოძრაობა შეიზღუდება, ხოლო თაქთაქიშვილის ქუჩიდან კავსაძის ქუჩამდე მონაკვეთზე ცალმხრივი მოძრაობა დაწესდება. ვაკის პარკიდან მელიქიშვილის ქუჩას ტრანსპორტი მიშველაძის, აბაშიძისა და პეტრიაშვილის ქუჩების გავლით დაუკავშირდება. ვარაზისხევიდან ფალიაშვილისა და აბაშიძის ქუჩებზე მოხვედრა კვლავინდებურად შესაძლებელი იქნება ჭავჭავაძის გამზირის ან კეკელიძის ქუჩების მეშვეობით. ვარაზისხევიდან ვაკის პარკისა და ყიფშიძის ქუჩის მიმართულებით ტრანსპორტი გადაადგილებას ვერ შეძლებს. გმირთა მოედნიდან ვაკის პარკისკენ იგი ამირეჯიბის გზატკეცილისა და თამარაშვილის ქუჩების გავლით იმოძრავებს. დროებით იცვლება საზოგადოებრივი ტრანსპორტის მოზრაობის სქემაც. დეტალური ინფორმაცია ტრანსპორტისგადაადგილების სესახებ შგიძლიატ bm.ge ზეც ნახოთ. სტუმარი: ირაკლი ბენდელიანი - თბილისის მერის მოადგილე #ახალიამბები #BusinessMediaGeorgia
"ჩვენი მთავრობის ძირითადი ამოცანა გახლავთ ძლიერი ქართული ბიზნესი", - ამის შესახებ საქართველოს პრემიერ-მინისტრმა გიორგი გახარიამ მთავრობის სხდომის დაწყების წინ განაცხადა. როგორც პრემიერი ამბობს, 2019 წელს მთავრობამ ბიზნესთან თანამშრომლობით ბევრი მიმდინარე პრობლემის გადაჭრა შეძლო, თუმცა მაინც რჩება გამოწვევები. საქმის კურსი 2019 წლის განმავლობაში აქტიურად აშუქებდა ჩვენი რუბრიკის, bmg4business-ის ფარგლებში საქართველოში მცირე თუ მსხვილი ბიზნესის პრობლემებს. #ახალიამბები #BusinessMediaGeorgia