ტურიზმის ინდუსტრია მთავრობის დახმარების მოლოდინშია. მიზეზი კორონავირუსია, რომლის 23 შემთხვევაა დადასტურებული საქართველოში, ბოლო მონაცემებით. გაუქმებული ჯავშნებისა და მიუღებელი შემოსავლების გამო, კერძო სექტორი გადასახადების გადავადებას ითხოვს. ამ ეტაპზე, რა ვითარებაა სასტუმროებსა და რესტორნებში, ასევე რა ზომებს იღებენ თავად ამ ბიზნესის მთავარი აქტორები ვირუსის გავრცელების პრევენციის მიზნით. #ახალიამბები #BusinessMediaGeorgia
თბილისის მერიამ პოლიეთილენის პარკების მოხმარების გამო 350 შემოწმებული ობიექტიდან 48 დააჯარიმა, - ამის შესახებ თბილისის მერმა კახა კალაძემ განაცხადა. მისი თქმით, მერიამ ამ მიმართულებით ძალიან აქტიური მუშაობა დაიწყო. თბილისის მერმა მუნიციპალურ ინსპექციას მონიტორინგის გაგრძელებისკენ მოუწოდა. #ახალიამბები #BusinessMediaGeorgia
“საბანკო სექტორი მზად არის, რომ ემუშაოს ტურისტულ ინდუსტრიას, რათა სესხების გადავადება მოხდეს, იქნება ეს რესტრუქტურიზაციის, თუ სხვა ფორმები”- ამის შესახებ განცხადება პრემიერ მინისტრის მრჩეველმა ეკონომიკურ საკითხებში ბექა ლილუაშვილმა გააკეთა. რა გეგმაზე და შეთავაზებაზე მუშაობენ ბანკები და მთავრობა? #ახალიამბები #BusinessMediaGeorgia
2019 წელს პირდაპირმა უცხოურმა ინვესტიციებმა $1.26 მილიარდი აშშ დოლარი შეადგინა, რაც 2018 წლის მაჩვენებელთან შედარებით 0.2%-ით მეტია. საქსტატის მონაცემებით, პირდაპირ უცხოურ ინვესტიციებში რეინვესტიციების წილი 48%-ია, რაც ნიშნავს, რომ ინვესტიციების ნახევარი უცხოური წარმომადგენლობის მქონე ქართულმა კომპანიებმა განახორციელეს. BM.GE-მ საქსტატიდან უკვე გამოითხოვა უცხოური ინვესტიციების განმახორციელებელი კომპანიების ტოპ 10-ეული #ახალიამბები #BusinessMediaGeorgia
საპარტნიორო ფონდის ხელმძღვანელმა დავით საგანელიძემ, დღეს, ფონდის ერთ-ერთ პროექტში ლევან გაჩეჩილაძის ბიზნეს ინტერესებთან დაკავშირებით მედიის კითხვებს უპასუხა. საქმე ეხება ალკოჰოლური სასმელების მწარმოებელ კომპანია “გლობალ ბრენდს, რომლის 100%-იანი წილის მფლობელი სწორედ “საპარტნიორო ფონდია”, კომპანიის კონსულტანტი კი ბიზნესმენი და საგანელიძის ყოფილი თანაპარტიელი ლევან გაჩეჩილაძეა. გლობალ ბრენდის მიზანი ამერიკის შეერთებულ შტატებში ღვინის ექსპორტია, რაც პროექტის იდეის ავტორებს ჯერ კიდევ გასულ წელს უნდა დაეწყოთ. რა ხდება ფონდის ამ და სხვა პროექტებთან დაკავშირებით, მათ შორის რა ეტაპზეა ორგანიზაციის სტრუქტურული რეფორმა? #ახალიამბები #BusinessMediaGeorgia
ლარი 5 თეთრით გაუფასურდა. დღევანდელი ვაჭრობის შედეგად, ეროვნული ვალუტი ოფიციალური გაცვლითი კურსი დოლართან მიმართებით, რომელიც ხვალ 11 მარტს იქნება ძალაში, 2.84 ლარს შეადგენს. ლარი გაუფასურდა ევროსთანაც, 1 ევროს ღირებულება 3 ლარი და 22 თეთრია. ლარის კურსთან დაკავშირებით განცხადება გააკეთა დისტრიბუტორთა ბიზნეს-ასოციაციის ხელმძღვანელმა იავა ჭყონიამ, მისი თქმით, კომპანიები რაღაც კუთხით მზად არიან, რომ ლარი ამ მომენტისთვის სამიან ნიშნულთან მივიდეს, მაგრამ თუ ესე სწრაფად გაგრძელდა, რთული ვითარება იქნება და, ალბათ, ფასების გადახედვაც მოუწევთ. სტუმარი: ივა ჭყონია - დისტრიბუტორთა ასოციაცია; ხელმძღვანელი #ახალიამბები #BusinessMediaGeorgia
მილიარდ 268 მლნ დოლარი - საქსტატის წინასწარი მონაცემებით, სწორედ ამდენი პირდაპირი უცხოური ინვესტიცია შემოვიდა ქვეყანაში 2019 წელს, რაც 2018 წლის ანალოგიურ პერიოდთან შედარებით, 0.2%-ით მეტია. გოგიტა თოდრაძე - საქსტატის აღმასრულებელი დირექტორი #ახალიამბები #BusinessMediaGeorgia
კორონავირუსის ეფექტი - ბიზნესი მერიას დახმარებით თხოვნით მიმართავს #ახალიამბები #BusinessMediaGeorgia
სოციალურად დაუცველი მოსახლეობის ენერგეტიკული დახმარების არსებული სქემები არაეფექტიანია და ხელს უწყობს სოციალური უთანასწორობის ზრდას - ამის შესახებ ორგანიზაციის - “მსოფლიო გამოცდილება - საქართველოსთვის“ კვლევაშია ნათქვამი. კვლევის ავტორები მიიჩნევენ, რომ ბუნებრივ გაზზე საფეხურებრივი ტარიფი უნდა დაწესდეს და ასევე, მოხდეს სეზონურობის გათვალისწინება. როგორც იცით, დღეს ენერგეტიკაში სუბსიდირების რამდენიმე სქემა მოქმედებს, მათ შორის სოციალურად დაუცველებისთვის, მაღალმთიან რეგიონებში მაცხოვრებელთათვის, კონფლიქტის ზონაში მცხოვრები ოჯახებისთვის და ა.შ. როგორ წარმოუდგენია ამ მექანიზმების შეცვლა ხელისუფლებას და კერძო სექტორს? #ახალიამბები #BusinessMediaGeorgia
ჭავჭავაძის გამზირზე მიწისქვეშა ნაგვის ურნების მონტაჟი დაიწყო. ეს საპილოტე პროექტია თბილისისთვის, რომელიც დედაქალაქის ბიუჯეტს 7 მილიონამდე ლარი უჯდება. 3 მილიონ 300 ათასი ლარი უკვე დახარჯულია. ეს თანხა 90-მდე ნაგვის ურნის მონტაჟს და სპეციალური მანქანის ყიდვას მოხმარდა. რამდენად ხარჯეფექტურია პროექტი და რამდენად უღირს დედაქალაქს მისი განხორციელება? ~ #ახალიამბები #BusinessMediaGeorgia
კორონავირუსის გამო გაუქმებული ჯავშნების გამო სასტუმრო გალერი პალასმა თანამშრომლების ნაწილი უხელფასო შვებულებაში გაუშვა. ამის შესახებ Bm-ge -ს სასტუმროს გენერალურმა მენეჯერმა თამარ სიხარულიძემ განუცხადა. სიხარულიძე ამბობს,რომ ჯავშნების გაუქმება თებერვლის ბოლოდან დაიწყო, მაშინ როცა საქართველოში კორონავირუსის პირველი შემთხვევა დაფიქსირდა. უფრო მეტიც, სასტუმროს გენერალური მენეჯერის განმარტებით მარტში სასტუმრო ნომერბის 55% დაჯავშნილი იყო, თუმცა დღეს ეს რიცხვი 7-8%-მდეა შემცირებული. თამარ სიხარულიძე - სასტუმრო გალერი პალასი, გენერალური დირექტორი #ახალიამბები #BusinessMediaGeorgia
გლობალურ ბირჟებზე სავაჭრო სესიის განახლების პირველივე წამებზე ნედლი ნავთობის ფასი 31%-ით დაეცა. ეს უკანასკნელი ათწლეულების განმავლობაში, უფრო ზუსტად, 1991 წლის ახლო აღმოსავლეთის ომის შემდგომ, ნავთობის ფასის ყველაზე მკვეთრი ერთდღიანი ცვლილებაა. ამჟამად, ერთი ბარელი ნედლი ნავთობის ფასი 30 -31 დოლარის ფარგლებშია. უკანასკნელი დღეების განმავლობაში ნავთობექსპორტიორი ქვეყნების კავშირი კორონავირუსის მიერ ნავთობზე შემცირებული მოთხოვნის საპასუხოდ, საკუთარი მოპოვების ეტაპობრივ შემცირებას განიხილავდა. ამ განხილვებში ჩართულები იყვნენ OPEC-ის არაწევრი ქვეყნებიც, მათ შორის რუსეთიც, რომლემაც OPEC-ის შეთანხმებაზე უარი თქვა და საკუთარი მოპოვება არ შეამცირდა. ვენაში პარასკევს გამართულ შეხვედრაზე შეთანხმების მიუღწევლობამ გლობალურ ბირჟებზე ნავთობის ფასის 10%-ით შემცირებაც გამოიწვია. სტუმარი: გოგა მელიქიძე - Galt&Taggart;-ის ანალიტიკოსი #ახალიამბები #BusinessMediaGeorgia
სოკარმა სამომავლო საინვესტიციო გეგმებთან დაკავშირებით განაცხადი სემეკში უკვე წარადგინა. ამის შესახებ საქმის კურსთან საუბრისას თავად სოკარ ჯორჯია გაზის დირექტორმა აზერ მამადოვმა განაცხადა. მან ასევე ის სამუშაოები შეაჯამა, რასაც აზერბაიჯანული ენერგოგიგანტი წლების განმავლობაში საქართველოში ახორციელებს. #ახალიამბები #BusinessMediaGeorgia
კორონავირუსის მეოთხე შემთხვევა საქართველოში და ბიზნესი , რომელიც უკვე ვირუსის გავლენის შედეგებს ითვლის. ვინ იზარალა ყველაზე მეტად მას შემდეგ რაც ჩინეთთან და ირანთან საზღვრები ჩაიკეტა. #ახალიამბები #BusinessMediaGeorgia
კორონავირუსის გავლენა ქართულ ეკონომიკაზე #ახალიამბები #BusinessMediaGeorgia
საქართველოში კორონავირუსის კიდევ ერთი - მეოთხე შემთხვევა დაფიქსირდა.ჯანდაცვის მინისტრის ინფორმაციით, კორონავირუსით დაინფიცირებულ მეოთხე პირთან კონტაქტში 25 პირი იმყოფებოდა და მათ დეტალურად გამოიკვლევენ. ამჯერადაც კორონავირუსი იტალიიდან შემოსულ პირს დაუდგინდა. გეგმავს თუ არა ხელისუფლება იტალიასთან ფრენების შეჩერებას და რა გეგმა აქვს მთავრობას და ასევე როგორია მათი პროგნოზი? #ახალიამბები #BusinessMediaGeorgia
„კულა“ 2020-2021 წლებში მომხმარებლებს ბიო წარმოების წვენებს შესთავაზებს. ამის შემდგომ, ნელ-ნელა ბიო წარმოება ბრენდის სხვა პროდუქციაზეც გავრცელდება. აღსანიშნავია ისიც, რომ „კულამ“ ქართულ ჯარსა და პოლიციაში რუსული, უკრაინული და აზერბაიჯანული ხორცის კონსერვები უკვე ჩაანაცვლა. „კულას“ 200-ზე მეტი დასახელების პროდუქციის რეალიზება არამარტო საქართველოში, არამედ მსოფლიოს 25 ქვეყანაში ხორციელდება. ივანე გოგლიძე - "კულას" დამფუძნებელი #ახალიამბები #BusinessMediaGeorgia
“არ გვინდა პანიკის დათესვა, მაგრამ ჯავშნები მასიურად უქმდება”, “სტრესულ მდგომარეობაში ვართ”, “შეიძლება მარტში სასტუმროს დახურვა მომიწიოს”, “შეიძლება ამ თვეში თანამშრომლებს ხელფასები ვერ გადავუხადოთ” - ასეთი ფრაზები ისმოდა დღეს ყველაზე ხშირად იმ შეხვედრიდან, რომელსაც 50-ზე მეტი სასტუმროს წარმომადგენელი ესწრებოდა. ინიციატორი სასტუმროების და რესტრონების ფედერაციის დამფუძნებელი შალვა ალავერდაშვილი იყო. როგორ დასრულდა შეხვედრა და რაზე შეჯერდა ტურიზმის ინდუსტრიის ეს ნაწილი? #ახალიამბები #BusinessMediaGeorgia
ბათუმში, თი-ბი-სის მხარდაჭერით, Marriot-ის ბრენდის 5-ვარსკვლავიანი სასტუმრო - Le Méridien გაიხსნა. როგორც ხედავთ თი-ბი-სის მიერ განხორციელებული ინვესტიციების მოცულობა ტურიზმის სექტორში იზრდება და ამ დროისთვის სასტუმროების დაფინანსების მიმართულებით, თიბისის უკვე 800 მილიონი ლარი აქვს გაცემული. რაც შეეხება პროექტს, მისი ერთი ნაწილი 35 სართულისგან შედგება და მოიცავს როგორც რეზიდენციებს, ასევე სამორინეს. ბათუმი თაუერის 26-ე სართულზე დამონტაჟებულია პანორამული ბორბალი, ამავე სართულზე განთავსდება ლაუნჯ რესტორანიც. #ახალიამბები #BusinessMediaGeorgia
„სასტუმროებს შოკური მდგომარეობა აქვთ, ჯავშნები უქმდება" - ასეთია თბილისში მდებარე არაერთი სასტუმროს მენეჯერის შალვა ალავერდაშვილის მთავარი გზავნილი და არა მარტო - მისი. მიზეზი კორონავირუსია. სწორედ შალვა ალავერდაშვილის ინიციატივით, დღეს კორონავირუსის გამო შექმნილი ვითარებიდან გამომდინარე, ტურიზმის ინდუსტრიის წარმომადგენლები whindam Grand Tbilisi-ში შეიკრიბნენ. #ახალიამბები #BusinessMediaGeorgia
"კორონა ვისრუსის ეფექტი უკვე იგრძნობა, კლება არის 30-40%" - ამის შესახებ ბი ემ ჯის ტურისტული კომპანია CITISIGHTING TBILISI-ის დამფუძებელმა და გენერალურმა დირექტორმა განუცხადა. როგორც გერმანე ჭელიძე ამბობს, უკვე გაუქმდა კონკრეტული ქვეყნებიდან ჯავნებიც, თუმცა კომპანიის გენერალური დირექტორი ამბობს, რომ მარტში მდგომარეობა სავარაუდოდ დასტაბილურდება. უცხოელი მომხმარებლების შემცირებაზე საუბრობს სარესტორნე ბიზნესიც. რესტორან “ტიფლისოს” დირექტორი დიმა მელიქიძე გვიყვება, რომ ქართველი მომხმარებლების რიცხვი მის რესტორნაში მიუხედავად კორონა ვირუსისა არ შემცირებულა, თუმცა საგრძნობლად არის შემცირებული ტურისტული ნაკადები სხვდასხვა ქვეყნებიდან. #ახალიამბები #BusinessMediaGeorgia
სარკინიგზო კოდექსში შესატანი ცვლილებების კენჭისყრა პარლამენტში, დარგობრივ კომიტეტზე ისევ გადაიდო. ამ კანონპროქტით რკინიგზის სამგზავრო და სატვირთო ნაწილები იურიდიულად უნდა გაიყოს, სამგზავრო გადაყვანების დაფინანსება კი სახელმწიფო ბიუჯეტმა უზრუნველყოს. ჯერჯერობით, მთავრობის საბოლოო პოზიია უცნობია, სამომავლოდ გეგმავს თუ არა რკინიგზაში კერძო ოპერატორის შემოყვანას, რომელიც სწორედ მგზავრებს მოემსახურება. რატომ გადაიდო დღეს კანონპროექტის კენჭისყრა და რას აპირებს ეკონომიკის სამინისტრო რკინიგზასთან მიმართებაში? #ახალიამბები #BusinessMediaGeorgia
მას შემდეგ, რაც ინფექციური საავადმყოფოს ხელმძღვანელმა თავად საავადმყოფოს მესაკუთრე, “ავერსი ფარმა” დაადანაშაულა იმაში, რომ კლინიკის სათანადოდ მოწყობა სწორედ იმიტომ ვერ მოხერხდა რომ ავერსი ფარმა მათ რემონტის გაკეთების საშუალებას არ აძლევს, ჩვენ გადავწყვიტეთ გაგვერკვია ყველა მხარესთან რა ხდება ინფექციური საავადმყოფოს გარშემო, და რატომ ვერ უზრუნვეყო თავად სახელმწიფომ მათი ალტერნატიულ ფართში გადაყვანა. #ახალიამბები #BusinessMediaGeorgia
რკინიგზის სხვადასხვა ფორმით შესაძლო გასხვისება ისევ აქტიური დისკუსიის საგანია, განსაკუთრებით მას შემდეგ, რაც გასულ კვირას ფინანსთა მინისტრმა ივანე მაჭავარიანმა რკინიგზის პრივატიზაციის რამდენიმე ვარიანტზე ისაუბრა. მოსალოდნელი პრივატიზაციისთვის საფუძველი კი საკანონმდებლო ცვლილებებით უნდა მომზადდეს, რისთვისაც შესაბამისი კანონპროექტი უკვე პარლამენტშია. სარკინიგზო კოდექსში შესატანი ცვლილებების კენჭისყრა დღეს დარგობრივი ეკონომიკისა და ეკონომიკური პოლიტიკის კომიტეტზე იყო ჩანიშნული, თუმცა ეკონომიკის მინისტრის მოადგილე სხდომაზე არ გამოცხადდა, შესაბამისად ეს საკითხი უკვე მესამედ გადაიდო. ექნება თუ არა ამ რეფორმას კანონმდებლების მხარდაჭერა? #ახალიამბები #BusinessMediaGeorgia
თიბისი ბანკი წლიურ ანგარიშს წარადგენს. შეხვედრას მთავრობის, დიპლომატიური კორპუსისა და 250-მდე ბიზნესის წარმომადგენელი დაესწრება. ღონისძიებას თიბისი ბანკის გენერალური დირექტორი - ვახტანგ ბუცხრიკიძე, მისი მოადგილეები - ნიკოლოზ ქურდიანი და გიორგი თხელიძე, ასევე ბანკის მთავარი ეკონომისტი - ოთარ ნადარაია გაუძღვებიან. სტუმარი: გიორგი თხელიძე - თიბისი ბანკის გენერალური დირექტორის მოადგილე #ახალიამბები #BusinessMediaGeorgia
ათეულობით ტონა ნავთობის ბიტუმი მეზობელი ქვეყნების საზღვრებზეა გაჩერებული და საქართველოში ვეღარ შემოდის #ახალიამბები #BusinessMediaGeorgia
კორონავისურისის ბოლო მონაცემებით ვიწყებთ გამოშვებას, ამ დროისთვის მსოფლიოში კორონავირუსის 82,446 შემთხვევაა დადასტურებული, გარდაცვლილია 2808 ადამიანი, ხოლო გამოჯამრთელებულია 33 179 ადამიანი. ვირუსის ყველაზე მეტი შემთხვევა ჩინეთსა და სამხრეთ კორეაშია დაფიქსირებული, ასევე გარდაცვალებულთა მაღალი მაჩვენებელი ფიქსირდება ირანში, ამ დროისთვის 26 ადამიანია გარდაცვლილი. კორონავირუსის გავრცელების გამო, ამ მხრივ მაღალი რისკის ქვეყნებთან - ჩინეთთან და ირანთან საჰაერო მიმოსვლა შეზღუდულია, გარდა ამისა, ირანთან სახმელეთო საზღვარი ორი კვირით ჩაიკეტა. ეს არის ერთ-ერთი პრევენციული ხასიათის ღონისძიება, რასაც ამ ეტაპზე საქართველოს მთავრობა ატარებს. რა დამატებითი ზომები იქნა მიღებული ბოლო საათების განმავლობაში? #ახალიამბები #BusinessMediaGeorgia
ამ დროისთვის კორონავისრუსისგან 32 897 ადამიანი გამოჯამრთელდა სულ აღნიშნული ვირუსი 50 ქვეყეანაში ფიქსირდება. ახალი კორონავირუსის პირველი შემთხვევები დაფიქსირდა ფინეთში, პაკისტანსა და ჩრდილოეთ მაკედონიაში. ფინეთსა და მაკედონიაში ვირუსი იტალიიდან შესულ პირებს დაუდასტურდათ. რას გეგმავს საქართველოს მთავრობა? #ახალიამბები #BusinessMediaGeorgia
ჯანდაცვის სამინისტრო ფარმაცევტულ კომპანიებს მოუწოდებს, პირბადეების ფასი ხელმისაწვდომი დარჩეს, - ამის შესახებ bm.ge-ის ჯანდაცვის მინისტრის მოადგილემ თამარ გაბუნიამ განუცხადა. „ესეც გლობალური რეაქციაა. როგორც კი მოთხოვნა გაიზარდა, გლობალურ ბაზარზეც გაიზარდა ფასები და ეს აისახება საქართველოშიც პირბადის ფასზე. ჩვენი თხოვნა იქნება, რომ ხელმისაწვდომი დარჩეს ფასი, თუმცა ჩვენ არ გვაქვს ბერკეტი, რომ მკაცრად მოვუწოდოთ ფარმაცევტულ კომპანიებს, მივუთითოთ, რა ფასად გაყიდოს ის პროდუქტი, რაც გლობალურ ბაზარზე შეიძინა გარკვეული პირობებით.“, - განაცხადა თამარ გაბუნიამ. შეგახსენებთ: გუშინ საქართველოში კორონავირუსის პირველი შემთხვევა დაფიქსირდა. ინფორმაციის გავრცელებისთანავე მოქალაქეების უმრავლესობა აფთიაქებში პირბადეების საყიდლად მივიდა, თუმცა როგორც აღმოჩნდა, აფთიაქების უმრავლესობას პირბადეების მარაგი არ აქვს #ახალიამბები #BusinessMediaGeorgia
2020 წლის პირველი მარტიდან ფიზიკური პირების დაკრედიტების წესში დაგეგმილი ცვლილებები, სავარაუდოდ, ვეღარ ამოქმედდება. ამის შესახებ BMG-ის საქართველოს საბანკო ასოციაციის პრეზიდენტმა ალექსანდრე ძნელაძემ განუცხადა. 2019 წლის დეკემბერში ცნობილი გახდა, რომ ეროვნული ბანკი ე.წ. პასუხისმგებლიანი დაკრედიტების წესში ცვლილებების შეტანაზე - მის გამარტივებაზე მუშაობდა. საერთაშორისო სავალუტო ფონდის მიერ გამოქვეყნებული დოკუმენტის მიხედვით, ამ ცვლილებების ამოქმედება 2020 წლის მარტიდან იგეგმებოდა. საბანკო ასოციაციის პრეზიდენტის თქმით, ბანკებსა და სებ-ს შორის კვლავ მიმდინარეობს ფიზიკურ პირებზე სესხის გაცემის ახალ წესებზე მუშაობა. რა ეტაპზეა სამუშაო პროცესი? სტუმარი: ალექსანდრე ძნელაძე - საბანკო ასოციაცია; პრეზიდენტი #ახალიამბები #BusinessMediaGeorgia
საპარტნიორო ფონდი ისევ რეორგანიზაციის მოლოდინშია. უწყების ხელმძღვანელმა დავით საგანელიძემ დღეს ჟურნალისტებთან საუბრისას კიდევ ერთხელ აღნიშნა, რომ ფონდი მუშაობის ახალ მოდელზე უნდა გადავიდეს, არსებული სისტემა კი მოძველებულია. საგანელიძეს ფონდის სამომავლო მუშაობა არასაბიუჯეტო რესურსით წარმოუდგენია. მედიასთან მან გარკვეული პროექტებიდან ფონდის გამოსვლაც დააანონსა. #ახალიამბები #BusinessMediaGeorgia
ეროვნული ვალუტა ბოლო 7 თვის მინუმუმზეა, ანუ ყველაზე მყარი მაცვენებელი დააფიქსირა დოლართან მიმართებით. ეროვნული ბანკის მონაცემებით, ლარის ოფიციალურმა გაცვლითმა კურსმა დღევანდელი ვაჭრობის შედეგად 2.79 ლარი შეადგინა. #ახალიამბები #BusinessMediaGeorgia
კიდევ ერთი გაფრთხილება თბილისის მერისგან სამშენებლო კომპანიებს. კალაძის თქმით, სამწუხაროდ, არსებობენ კომპანიები, რომლებიც ვერ თუ არ ასრულებენ ხელშეკრულებით ნაკისრ ვალდებულებებებს და დედაქალაქის მთავრობა არ აპირებს ყველაფერზე თვალი დახუჭოს. თბილისის მერმა დღეს დედაქალაში ახალი 12 მეტრიანი ავტობუსების შემოყვანაც დაანონსა #ახალიამბები #BusinessMediaGeorgia
ეროვნული ვალუტა გამყარებას განაგრძობს. ამ დროისათვის ბლომბერგის სავაჭრო სისტემაში, ერთი დოლარის ღირებულება 2 ლარი და 78 თეთრია. რაც შეეხება ოფიციალურ გაცვლით კურსს, დღეს მოქმედი კურსი 2.79 ლარია. შეფასებები ლარის კურსთან დაკავშირებით, ეკონომიკურ კონფერენცია „საქართველო და მსოფლიო 2020“-ზე გაკეთდა. #ახალიამბები #BusinessMediaGeorgia
კომპანია "ალგი +" გორში წითელი ხიზილალას შემდეგ, შავი ხიზილალას წარმოებას იწყებს. ამისათვის კომპანიაში ზუთხის სახეობის თევზის 15 წლამდე გაზრდას ელოდებოდნენ. კომპანიაში ყოველწლიურად 2 ტონამდე წითელ ხიზილალას აწარმოებს, რონელიც 100%-ით ნატურალურია. 2011 წლიდან დღემდე "ალგი+"-მა 3.8 მლნ ლარის ინვესტიცია განახორციელა და ამ დროისთვის კომპანია, რესტორან „თევზის სახლს“ და საფირმო მაღაზიასაც ფლობს. #ახალიამბები #BusinessMediaGeorgia
ავტომფლობელთა სამოქალაქო პასუხისმგებლობის სავალდებულო დაზღვევა სავარაუდოდ ეტაპობრივად ამოქმედდება. შესაბამისი კანონპროექტი პარლამენტში 2018 წლის ბოლოს დარეგისტრირდა, თუმცა დოკუმენტის განხილვები ჯერ დაწყებული არ არის. მას შემდეგ კი, რაც სადაზღვევო ინდუსტრიამ პროცესების დაძვრის მიზნით წერილით მიმართა მთავრობას და პრემიერს, საკანონმდებლო ორგანოში სამუშაო შეხვედრები განახლდა. რას სთავაზობს ინდუსტრია კანონმდებლებს? #ახალიამბები #BusinessMediaGeorgia
ნარჩენებით გარემოს დაბინძურებაზე ჯარიმები მკაცრდება. შესაბამისი საკანონმდებლო ინიციატივა უმრავლესობის წევრებს გოგა გულორდავასა და სულხან მახათაძეს აქვთ. კანონპროექტის მიხედვით, ნარჩენების გარემოში დაყრაზე სანქციები ზოგ შემთხვევაში ორმაგდება, ზოგ შემთხვევაში ოთხმაგდება და მეტადაც იზრდება. ახალი ვალდებულებები შემოდის კომპანიებისთვისაც. რამდენით დავჯარიმდებით თუ ავტომობილიდან მაგალითად სიგარეტის ღერს გადავაგდებთ? #ახალიამბები #BusinessMediaGeorgia
პარლამენტი მიმდინარე კვირიდან ვაჭრობაში ანტიდემპინგური ღონისძიების შემოღების შესახებ კანონპროექტის განხილვას გეგმავს. პირველი მოსმენა საფინანსო-საბიუჯეტო კომიტეტზეა ჩანიშნული. კანონპროექტის ავტორია ეკონომიკის სამინისტრო. როგორც იცით, ამ უწყებამ ანტიდეპინგური ღონისძიებების კანონმდებლობის დასანერგად პარლამენტს გასულ წლებშიც მიმართა, მაგრამ უშედეგოდ. იქნება თუ არა ეს საგაზაფხულო სესია გამონაკლისი, ეს იმაზეც არის დამოკიდებული, თავად სახელმწიფო რამდენად მზადაა მსგავსი კანონის აღსრულებისთვის. #ახალიამბები #BusinessMediaGeorgia
მთავრობა ელექტროსადგურების მშენებლობისთვის გარანტირებული ხელშეკრულებების გაცემის კიდევ უფრო შეზღუდვას გეგმავს. ამის შესახებ ფინანსთა მინისტრმა გასულ კვირას პარლამენტში ვიზიტისას განაცხადა. როგორც ივანე მაჭავარიანმა განმარტა, ამ საკითხზე ფინანსთა სამინისტროს საერთაშორისო სავალუტო ფინდთან რეკომენდაციები აქვს. იქიდან გამომდინარე, რომ მსგავსი ხელშეკრულებების გაცემის პრაქტიკა საქართველოში ისედაც შეზღუდულია, საინტერესოა მორიგ რეგულაციებზე რას ფიქრობს კერძო სექტორი და ეკონომიკის სამინისტრო, რომელიც ენერგეტიკის დარგს კურირებს. #ახალიამბები #BusinessMediaGeorgia
კორონავირუსის გამო ჩინეთის შემდეგ ფრენები ირანთანაც შეწყდა. საქართველოს მთავრობის გადაწყვეტილებით, ირანიდან საქართველოში და პირიქით, ფიზიკური პირების გადაადგილება შეიზღუდა. თუმცა, გარკვეული დათქმებით. იქნება თუ არა შემდეგი იტალია - ამაზე საქართველოს მთავრობა მსჯელობს. ფრენების შეჩერებას თავისი გავლენა ქართულ ეკონომიკაზე აუცილებლად ექნება, რამდენადაც ამ ქვეყნებიდან საქართველოში არაერთი ტურისტი შემოდის. თუმცა, რა მასშტაბის შეიძლება იყოს ზიანი საქართველოს ეკონომიკისთვის? #ახალიამბები #BusinessMediaGeorgia
ფინანსთა მინისტრი ივანე მაჭავარიანი პარლამენტში, დარგობრივი ეკონომიკის და ეკონომიკური პოლიტიკის კომიტეტის სხდომაზე არ მივიდა. რა გახდა მინიტრის საკანონმდებლო ორგანოში არმისვლის მიზეზი? #ახალიამბები #BusinessMediaGeorgia
"2020 წელი საქართველოში ელექტროენერგიის კიდევ უფრო გაზრდილი მოხმარების მაჩვენებლებით დაიწყო. ელექტროენერგეტიკული ბაზრის ოპერატორის მონაცემებით, გასული წლის იანვართან შედარებით მოხმარება 6%-ით გაიზარდა. აქვე უნდა აღინიშნოს, რომ ეს ზამთარი ჰიდროელექტროსადგურებისთვის არასახარბიელო აღმოჩნდა, რადგან შარშანდელთან შედარებით, მდინარეებში წყლის დონემ იკლო, შესაბამისად, მათი გამომუშავებული ელექტროენერგიაც შემცირდა. #ახალიამბები #BusinessMediaGeorgia
რა პირობით მიიღებს თემურ ქარჩავას „ანაკლია ეკო პარკი და პორტის კონსორციუმი” ანკლიის პორტის პროექტში მონაწილეობას?! ამის შესახებ ბი ემ ჯი რამდენიმე დღის წინ წერდა. განცხადებში, რომელიც კომპანიის წარმომადგენელმა, ადვოკატმა მიხეილ ბუზარიაშვილმა გაავრცელა, ასევე საუბარია დიმიტრი ქუმსიშვილსა და გიორგი კვირიკაშვილს პრეფერენციულ დამოკიდებულებაზე “ანაკლიის განვითარების კონსორციუმის და მამუკა ხაზარაძის მიმართ. რა პირობები აქვს „ანაკლია ეკო პარკი და პორტის კონსორციუმს” და რა გეგმები აქვსუახლოეს მომავალში? სტუმარი: მიხეილ ბუზარიაშვილი - თემურ ქარჩავას ადვოკატი #ახალიამბები #BusinessMediaGeorgia
გავაუქმოთ ფინანსთა სამინისტრო, თუ მარტო მაკროეკონომიკური სტაბილურობაა მისი მთავარი პოლიტიკის მიზანი, - ასე მიმართა პარლამენტის დამოუკიდებელმა დეპუტატმა ბექა ნაცვლიშვილმა ფინანსთა მინისტრს ივანე მაჭავარიანს, რომელსაც საკანონმდებლო ორგანოში „მინისტრის საათის“ ფორმატში უსმენდნენ. როგორც ბექა ნაცვლიშვილმა აღნიშნა, ფინანსთა სამინისტრო საბჭოთა კავშირის დანგრევიდან 30 წლის შემდეგაც კი, ვერ ატარებს ისეთ პოლიტიკას, რომელიც აღნიშნულ პერიოდზე უკეთეს მაჩვენებლებს შემოგვთავაზებს. #ახალიამბები #BusinessMediaGeorgia
უახლოეს მომავალში პარლამენტი საინვესტიციო ფონდების შესახებ კანონის პროექტის განხილვას დაიწყებს. დოკუმენტის ინიციატორი საქართველოს მთავრობაა, ავტორები კი - საქართველოს ეროვნული ბანკი და ეკონომიკის სამინისტრო. კანონის მიზანია, საქართველოში საინვესტიციო ფონდების ბაზრის განვითარება, შესაბამისი წესების დადგენა და თავისუფალი კონკურენციის უზრუნველყოფა, აგრეთვე, საინვესტიციო ფონდების შექმნისა და მათ მიერ საქმიანობის განხორციელების მარეგულირებელი წესებისა და ინვესტორთა ინტერესების დაცვის სამართლებრივი საფუძვლების დადგენა. #ახალიამბები #BusinessMediaGeorgia
მოქალაქეებს „სითი პარკის“ ჯარიმები ჩამოეწერებათ. ჯარიმების საერთო ოდენობა დაახლოებით, 850 000 ლარს შეადგენს. კახი კალაძემ დღევანდელ მთავრობის სხდომაზე შედარებისთვის კონკრეტული მაგალითიც მოიყვანა და განაცხადა, რომ ერთი წლის განმავლობაში, „სითი პარკის“ მიერ, დაახლოებით, 1 200 000 ჯარიმა იწერებოდა, მას შემდეგ კი, რაც ოპერირებას „თბილისის პარკინგი“ ახორციელებს, დაჯარიმებულთა რიცხვი 500 000-მდე შემცირდა. #ახალიამბები #BusinessMediaGeorgia
საქართველოს საინვესტიციო ფონდების შესახებ ახალი კანონი ექნება. კანონის პროექტი, რომელზეც 4 წელი მუშაობდნენ, მზადაა. ის მთავრობამ დღეს მოიწონა და პარლამენტს გადაეგზავნება. კანონი საგაზაფხულო სესიაზე უნდა დაამტკიცონ. რატომაა მნიშვნელოვანი საინვესტიციო ფონდების შესახებ კანონი? #ახალიამბები #BusinessMediaGeorgia
"ჩვენი მთავარი მიზანია, რაც შეიძლება ბევრ მომხმარებელს დავეხმაროთ იმოგზაუროს საქართველოში – იქნება ის უცხოელი თუ ქართველი" - აღნიშნავს bmg-სთან საუბარში “ბილიკის” ერთ-ერთი დამფუძნებელი, თორნიკე ცირამუა. თორნიკე ცირამუა - "ბილიკი"-ს დამფუძნებელი #ახალიამბები #BusinessMediaGeorgia
სამშენებლო სექტორში დავების მიმართულებით არსებულ გამოწვევებსა და მის გადაჭრის გზებზე სავაჭრო-სამრეწველო პალატასთან არსებულმა საერთაშორისო საარბიტრაჟო ცენტრმა, სამშენებლო კომპანიების წარმომადგენლებთან ერთად იმსჯელა. კერძო სექტორმა იმ პრობლემებზე გაამახვილა ყურადღება, რომელთაც სასამართლოში ხვდება. ღონისძიება, რომელიც სავაჭრო-სამრეწველო პალატის პრეზიდენტმა გიორგი პერტაიამ გახსნა, გაეროს განვითარების პროგრამისა და ევროკავშირის მხარდაჭერით ჩატარდა. #ახალიამბები #BusinessMediaGeorgia
მოუწესრიგებელი ინფრასტრუქტურა, შეუმოწმებელი სატრანსპორტო საშუალებები და ქაოსი - წლებია საქართველოს ავტოსადგურებზე მდგომარეობა არ იცვლება. რეგიონებში თბილისთან შედარებით მდგომარეობა კიდევ უფრო მძიმეა. მთავრობა კი რეგულაციების შემოღებას არ ჩქარობს. ბიზნესის ნაწილი ამბობს, რომ მოუწესრიგებელი ავტოსადგურები საქართველოს იმიჯზე ცუდად მოქმედებს, რამდენადაც ტურისტები ხშირად აწყდებიან პრობლემებს. სპეციალისტების ნაწილი კი ამბობს, რომ მთავრობას რეგულაციების მიღებისა და ავტოსადგრების მოწესრიგებისთვის უბრალოდ პოლიტიკური ნება არ გააჩნია. #ახალიამბები #BusinessMediaGeorgia