მეტი გამჭვირვალობის მოლოდინია მთავრობის განკარგულებებთან დაკავშირებითაც. პრემიერის განცხადების შემდეგ ვიცე პრემიერმა, რომელიც რამდენიმე თვის წინ მათ შორის ბიემჯის კითხვის საპასუხოდ ირწმუნებდა რომ კანონი არ ირღვეოდა და განკარგულებები ქვეყნდებოდა, თქვა, რომ ინფორმაციის ხელმისაწვდომობაზე პრობლემები არ იქნება და მთავრობის გადაწყვეტილებები საჯარო იქნება. გიორგი გახარიას პრემიერობისას დამკვიდრებული პრაქტიკით, რომელიც ირაკლი ღარიბაშვილის მთავრობის ხელმძღვანელობის სრულ პერიოდში გაგრძელდა კანონის ვალდებულების მიუხედავად, რომელიც მთავრობის რეგლამენტი ადმინისტრაციას ავალდებულებს, მთავრობის მიერ მიღებული განკარგულებები, გარდა სახელმწიფო საიდუმლოებას მიკუთვნებული საკითხებისა, მიღებიდან ვებგვერდზე მაქსიმუმ სამ დღეში უნდა ატვირთოს, მთავრობის ბოლო გადაწყვეტილება რომელიც ვებ გვერდზე ხელმისაწვდომია 2020 წლით თარიღდება. #ახალიამბები #BusinessMediaGeorgia
რესტორნებმა მენიუში ფასი დღგ-ისა და მომსახურების ხარჯის ჩათვლით უნდა მიუთითონ- ამის შესახებ ინფორმაცია დღეს კონკურენციის და მომხმარებლების დაცვის სააგენტომ გაავრცელა. როგორც სააგენტოს განცხადებაშია ნათქვამი, სააგენტოს მიერ მიღებული გადაწყვეტილების მიხედვით, თითოეული მოვაჭრე ვალდებულია, მკაფიო და გასაგები ფორმით, კვების მენიუში ცვლილება შეიტანოს და მომხმარებელს ინფორმაცია საქონლის საბოლოო (ჯამური) ფასის შესახებ მიაწოდოს. მენიუში მითითებული იქნება დღგ და ყველა სხვა გადასახადი. მათ შორის, მომსახურების გადასახადი. #ახალიამბები #BusinessMediaGeorgia
#ბიზნესსიახლეები bm.ge-სგან / 12.02.2024 რამდენი მილიონის შემოსავალი აქვს "საქნახშირს"? ღვინის 286 ნიმუშიდან 49-ში დარღვევა აღმოჩნდა - სააგენტო შედეგებს აქვეყნებს; “სარესტორნო ბიზნესს კადრების დეფიციტი უფრო აქვს, ვიდრე სტუმრის” - მერიკო გუბელაძე; Caucasus Auto Import-ი 2023 წელს აჯამებს; "საქართველოში ქორწილის აღნიშვნით ძირითადად პოსტსაბჭოთა ქვეყნის მოქალაქეები ინტერესდებიან" - Click Holding; #ახალიამბები #BusinessMediaGeorgia
“ენერგეტიკის დარგში დიდი გამოცოცხლებაა” , - ამის შესახებ კომპანია ბემონის მმართველმა პარტნიორმა საქმის კურსთან ინტერვიუში განაცხადა. როგორც გიორგი მირცხულავამ აღნიშნა, ენერგეტიკის სექტორის წარმატების ერთ-ერთი ფაქტორი სიეფდი მექანიზმია, რომელზეც იმედოვნებს, რომ პროექტის შემდეგი ეტაპები უკეთესი იქნება. მისი თქმით, პოტენციური ინვესტორების მხრიდან საქართველოს ენერგეტიკაზე დაინტერესება მზარდია. როგორი იყო 2023 წელი ენერგეტიკის სექტორისთვის? რა გამოწვევებითა და წარმატებებით შეხვდა დარგი ახალ წელს და რა მოლოდინებია 2024-ში? ~ გიორგი მირცხულავა - „ბემონის“ მმართველი პარტნიორი; #ახალიამბები #BusinessMediaGeorgia
საქსტატმა 2023 წლის ეკონომიკური ზრდის განახლებული ანგარიში გამოაქვეყნა. ახალი შეფასებით, წინა წელს საქართველოს ეკონომიკა 7%-ის ნაცვლად 7.5%-ით გაიზარდა. შეცვლილია წინა წლების ეკონომიკური ზრდის მაჩვენებლებიც. საქსტატის მონაცემებით, 2022 წელს ზრდა 10.4%-ის ნაცვლად 11% იყო, 2021 წელს კი ზრდა 10.5%-ის ნაცვლად 10.6% იყო. სხვა ცვლილებებთან ერთად 2020 წლის რეცესიის მაჩვენებელიც გადაიხედა, რომლის თანახმადაც ეკონომიკური ვარდნა 6.8%-ის ნაცვლად 6.3% იყო, 2019 წელს კი 5%-ის ნაცვლად 5.4% იყო. რა ფაქტორებმა გამოიწვია ზრდა გადათვლილ მთლიან შიდა პროდუქტში და რამდენად ასახავს რიცხვები ეკონომიკის რეალურ ზომას? სტუმარი: გოგიტა თოდრაძე - „საქსტატის“ აღმასრულებელი დირექტორი; #ახალიამბები #BusinessMediaGeorgia
„საქართველოს მთავრობა გამჭვირვალობისა და ანგარიშვალდებულების თვალსაზრისით ყველასთვის მაგალითის მიმცემი უნდა იყოს“- ეს იყო ერთ-ერთი მთავარი გზავნილი ახალი პრემიერ- მინისტრის ირაკლი კობახიძის მხრიდან, რომელმაც დღეს პირველი მთავრობის სხდომა ჩაატარა. მისი განცხადებით, ხელისუფლების თითოეული გადაწყვეტილება მოქალაქეებისთვის მაქსიმალურად ღია უნდა იყოს. ირაკლი კობახიძე ღიაობას სთხოვს ყველა უწყებას. რას ნიშნავს პრემიერის ეს განცხადება სამინისტროებისთვის და რა იცვლება კობახიძის პრემიერობის პირობებში? ვინ გასცა მედიის კითხვებს პასუხები? #ახალიამბები #BusinessMediaGeorgia
#დღისრიცხვი: $2 მლრდ – OpenAI-ს შემოსავალი რეკორდულად გაიზარდა; გიორგი თოლორდავა - "საქმიანი საღამოს" წამყვანი; #ახალიამბები #BusinessMediaGeorgia
სალომე ზურაბიშვილი ეროვნული ბანკის საბჭოს წევრობის მსურველ 4 კანდიდატს ეძებს. პრეზიდენტმა კონკურსი უკვე გამოაცხადა, რომელიც 23 თებერვალს დასრულდება, რის შემდეგაც შერჩეული წევრები კანდიდატებს პარლამენტს წარუდგენს. ვინ შეიძლება პრეზიდენტს სივი საბჭოს წევრობისთვის წარუდგინოს უცნობია, თუმცა იმისთვის რომ მხარდაჭერა დეპუტატებისგან მიიღონ პარლამენტიდან გზავნილებში და კრიტერიუმებში რამდენიმე საკითხი ღიად ჩნდება. ქართულ ოცნებაში ამბობენ, რომ წარდგენილი კანდიდატები ეროვნულ ინტერესებს უნდა აკმაყოფილებდნენ. #ახალიამბები #BusinessMediaGeorgia
#ბიზნესსიახლეები bm.ge-სგან / 09.02.2024 Jetour - ახალი ბრენდი ქართულ საავტომობილო ბაზარზე; რატომ იწერენ ქართველები ნივთებს საზღვარგარეთიდან? - Kiwi Post; „ბაზარზე ბიოდეგრადირებადი პარკების 70%-მდე ადგილობრივი წარმოებისაა“ - "აა პლასტი"; შოკოლადის ბოქსების მწარმოებელი Spacebox-ი პირველი სტენდის გახსნას გეგმავს; წელს, "იორა" საექსპორტო ბაზრებზე მუშაობას იწყებს; #ახალიამბები #BusinessMediaGeorgia
მთავრობის პრიორიტეტებში არაერთხელ დასახელებული ენერგეტიკული დამოუკიდებლობის გაზრდისთვის გასაკეთებელი კიდევ ბევრია. მათ შორის დღის წესრიგიდან არ ჩამოდის ენერგეტიკის სამინისტროს დამოუკიდებელ უწყებად დაბრუნების თემა. ხარჯების ოპტიმიზაციის მიზნით, მთავრობამ ენერგეტიკის სამინისტრო 2017 წელს გააუქმა და ის ეკონომიკის სამინისტროს მიუერთდა. მაშინ, როცა წლების განმავლობაში ენერგეტიკაში უძრაობის ხანა იყო, 2022 წლიდან კი ამ მიმართულებით რეფორმების განხორციელება დაიწყო, სპეციალისტები სამინისტროს დამოუკიდებელ უწყებად ფუნქციონირების აუცილებლობაზე საკითხის მიმართ საჭირო კონცენტრირების და კომუნიკაციის პროაქტიულ რეჟიმში გადაყვანისთვის ითხოვენ. #ახალიამბები #BusinessMediaGeorgia
“ვერ ვშოულობთ ხარისხიან ხორცს, ყველს, ბოსტნეულს, გვიჭირს აგრო პროდუქტების სტაბილური მომწოდებლების მოძიება”- სარესტორნე ბიზნესი მორიგ პრობლემაზე ალაპარაკდა. სტუმარმასპინძლობის ინდუსტრიის წარმომადგენლები ამბობენ, რომ პრობლემა აქამდეც არსებობდა, თუმცა პანდემიის შემდეგ რეალობა სულ უფრო გართულდა. როგორ ახერხებს სარესტორნე ბიზნესი ხარისხიანი აგროპროდუქტის დეფიციტის ფონზე ოპერირებას და სად ხედავს სექტორი გამოსავალს? #ახალიამბები #BusinessMediaGeorgia
ენერგეტიკის დარგის სპეციალისტები ენერგეტიკის სამინისტროს აღდგენას ითხოვენ. ხარჯების ოპტიმიზაციის მიზნით, მთავრობამ ენერგეტიკის სამინისტრო 2017 წელს გააუქმა და ის ეკონომიკის სამინისტროს მიუერთდა. მაშინ, როცა წლების განმავლობაში ენერგეტიკაში უძრაობის ხანა იყო, 2022 წლიდან კი ამ მიმართულებით რეფორმების განხორციელება დაიწყო, სპეციალისტები აცხადებენ, რომ აუცილებელია სამინისტროს აღდგენის საკითხი დღის წესრიგში დაბრუნდეს. #ახალიამბები #BusinessMediaGeorgia
საქართველოს რეგიონებში სულ უფრო იმატებს კორუფციის სავარაუდო შემთხვევები. თანამდებობის პირებთან და ბიძინა ივანიშვილთან დაკავშირებული კომპანიები მსხვილ კონტრაქტებს იღებენ სახელმწიფო შემსყიდველებისგან. კორუფციის რუკას საერთაშორისო გამჭვირვალობა საქართველო აქვეყნებს. დოკუმენტში თავმოყრილია ის საეჭვო ტენდერები და გამარტივებული შესყიდვები, რომლებსაც “საერთაშორისო გამჭვირვალობა - საქართველო” იკვლევდა სხვადასხვა დროს და შესაბამის სახელმწიფო სტრუქტურებს ოფიციალურად მიმართავდა რეაგირებისთვის იმ სავარაუდო კორუფციის ფაქტებზე, რომლებიც ამ შესყიდვებში იკვეთებოდა. მაგალითად, აჭარის მაღალმთიანეთის მაჟორიტარის, ანზორ ბოლქვაძის ნათესავების კომპანიებმა 2016-2023 წლებში სახელმწიფო შესყიდვებიდან ჯამში 16 520 805 ლარი მიიღო. ბათუმის საკრებულოს ყოფილ წევრთან, ირაკლი თოფურიძესთან დაკავშირებული კომპანიები - „აჭარგანათება” და „განათება” უკონკურენტოდ იგებენ ტენდერებს აჭარის მუნიციპალიტეტებში - კომპანიებმა 79 627 110 ლარი მიიღეს. სტუმარი: ზვიად ქორიძე - „საერთაშორისო გამჭვირვალობა - საქართველოს“ რეგიონული ოფისების მენეჯერი; #ახალიამბები #BusinessMediaGeorgia
სალომე ზურაბიშვილი ეროვნული ბანკის საბჭოს წევრობისთვის მსურველ 4 კანდიდატს ეძებს. პრეზიდენტმა კონკურსი უკვე გამოაცხადა, რომელიც 23 თებერვალს დასრულდება. ამის შემდეგ, სალომე ზურაბიშვილი კანდიდატებს პარლამენტს წარუდგენს. ქართულ ოცნებაში აცხადებენ, რომ წარდგენილი კანდიდატები ეროვნულ ინტერესებს უნდა აკმაყოფილებდნენ, ოპოზიციაში კი აქცენტს კვალიფიკაციაზე აკეთებენ. გიგა ბენია ესაუბრა კანონმდებლებს. გიგა, რა შემთხვევაში დაუჭერენ მხარს კანდიდატებს დეპუტატები? #ახალიამბები #BusinessMediaGeorgia
ტურიზმის ამჟამინდელი მდგომარეობით BMG კიდევ ერთხელ დაინტერესდა. ამჟამად გადავწყვიტეთ, რომ ბიზნეს ოპერატორების ნაცვლად გიდების და უშუალოდ ტურისტების აზრი მოგვესმინა. რა კრიტერიუმით ირჩევენ ისინი საქართველოს, რა პრობლემებია დარგში და რა არის გამოსასწორებელი ტურიზმის ინდუსტრიაში. #ახალიამბები #BusinessMediaGeorgia
პრივატიზების პროგრამა იმ მაქსიმალური ტემპებით მიმდინარეობს, რომლის ათვისებაც კერძო სექტორს შეუძლია. ამის შესახებ ეკონომიკის მინისტრობის კანდიდატმა პარლამენტში გაერთიანებული კომიტეტების სხდომაზე გამოსვლისას დეპუტატების კითხვების საპასუხოდ განაცხადა, რომელიც სახელმწიფო ქონების პრივატიზების პროგრამის ტემპების დაჩქარებას შეეხებოდა. ლევან დავითაშვილის ინფორმაციით, 2019-2023 წლებში სახელმწიფო ქონების პრივატიზების პროგრამით „100 ქონება ბიზნესს“ ბიზნესიდან 0.5 მლრდ ლარზე მეტის მობილიზება მოხდა, ასევე გასულ წელი ძალიან აქტიური იყო და 2 723 აუქციონი ჩატარდა და დაახლოებით 300 მლნ ლარის მობილიზება მოხდა, რაც 100%-ით მეტით შესრულდა გეგმა. #ახალიამბები #BusinessMediaGeorgia
#ბიზნესსიახლეები bm.ge-სგან / 08.02.2024 2023 წელს საქართველოს ფეროშენადნობების ექსპორტი 61%-ით დაეცა, პროდუქციის ფასი განახევრებულია; წელს ქართული ღვინის პოპულარიზაციისთვის 16 მლნ ლარი დაიხარჯება - რომელია პრიორიტეტული ბაზრები? „N1 გამოწვევა ცოდნის ნაკლებობაა“ - ფერმერები სახელმწიფო პროგრამით ექსპერტული ცოდნის დაფინანსებას ითხოვენ; პირველი Apple Vision Pro თბილისშია; „იკორთა“: წარმოების დაახლოებით 100%-ით ზრდას ვგეგმავთ; #ახალიამბები #BusinessMediaGeorgia
ახალი პრემიერი, თითქმის უცვლელი სამთავრობო გუნდით - პარლამენტი დღეს პრემიერისა და მთავრობისთვის ნდობის გამოსაცხადებლად ემზადება. 0% ოკუპაცია და 0% სიღარიბე - ეს ორი მთავარი პრიორიტეტი დაასახელა კობახიძემ სამთავრობო პროგრამის წარდგენისას. პრემიერ-მინისტრობის კანდიდატის განცხადებით, ქვეყნის ეკონომიკის განვითარებაც მთავრობის საქმიანობის განსაკუთრებული პრიორიტეტი იქნება და ამიტომაც ეკონომიკის მინისტრი ლევან დავითაშვილი ახალ მთავრობაშიც პირველი ვიცეპრემიერის პოზიციას დაიკავებს. პრემიერობის კანდიდატმა უპასუხა დეპუტატების კითხვებსაც. #ახალიამბები #BusinessMediaGeorgia
2024 წელს კაპიტალის ბაზრის გააქტიურებისთვის რამდენიმე ღონისძიება ანონსდება - რამდენად შეძლებს მთავრობა საარჩევნო წელს ამ მიმართულებას სათანადო ყურადღება დაუთმოს, რთული სათქმელია. დაპირება რამდენიმე მიმართულებას მოიცავს. 2024 წელს ტრანზაქციების რეფორმის ფარგლებში, მოძრავი ქონებით დაკრედიტების ხელშეწყობა უნდა მოხდეს, ასევე დაანონსებულია, რომ 2024 წელს განხორციელდება ღონისძიება, რომელიც ხელს უწყობს ალტერნატიული დაფინანსების მექანიზმების განვითარების მარეგულირებელი ჩარჩოს გაუმჯობესებას, მათ შორის შეიქმნება ფაქტორინგის სამართლებრივი ჩარჩო. კაპიტალის ბაზრის ხელშეწყობისთვის სექტორის კურატორობას როგორც ჩანს სააგენტო „აწარმოე საქართველოში“ ჩაიბარებს და 2024 წელს ბონდების გამოშვების თანადაფინანსებას მოახდენს. სააგენტო, მსოფლიო ბანკთან პარტნიორობით, კერძო კაპიტალის ფონდების დაფუძნებაშიც მიიღებს მონაწილეობას. ამ ფონდებში სახელმწიფო ლიმიტირებული პარტნიორი იქნება. მომდევნო 3 წლის განმავლობაში კი, დაგეგმილია 2-3 ფონდის მხარდაჭერა, რომელთა ჯამური მოცულობა 70 მილიონ ლარამდე იქნება. რამდენად პასუხობს მთავრობის გეგმები ბაზრის მოთხოვნას და რა პერიოდში იქნება შედეგები ხილული დასახული ამოცანების შესრულების შემთხვევაში? სტუმარი: ირაკლი ელაშვილი - „ალფა კაპიტალ ედვაიზორის“ მმართველი პარტნიორი; #ახალიამბები #BusinessMediaGeorgia
პარლამენტი ახალი პრემიერისა და მინისტრთა კაბინეტისთვის ნდობის გამოსაცხადებლად ემზადება. პარლამენტში პლენარული სხდომა მიმდინარეობს, სადაც პრემიერობის კანდიდატმა ირაკლი კობახიძემ სამთავრობო პროგრამა წარადგინა. კობახიძეს კითხვებზე პასუხების გაცემაც მოუწევს. პარლამენტის ნდობის მისაღებად კობახიძეს 76 დეპუტატის მხარდაჭერა სჭირდება. რა გზავნილებით წარსდგა პრემიერობის კანდიდატი კანონმდებლების წინაშე. რა მიმართულებით გააკეთა აქცენტი ბიძინა ივანიშვილის მიერ პრემიერად წარდგენილმა ირაკლი კობახიძემ? #ახალიამბები #BusinessMediaGeorgia
მუნიციპალიტეტის მთავრობის სხდომის დასრულების შემდეგ ჟურნალისტების კითხვებს ირაკლი ხმალაძემ უპასუხა. მერის მოადგილესთან ერთდროულად რამდენიმე თემა მოვიკითხეთ და მათ შორის ერთ ერთი თემა უკავშირდება ავტოსაგზაო შემთხვევების დროს გზაზე ავტომობილების გადაადგილების შეფერხებების თავიდან არიდებისთვის ახალ წესებს. #ახალიამბები #BusinessMediaGeorgia
#ბიზნესსიახლეები bm.ge-სგან / 07.02.2024 ოთარ შამუგია: „თხილის ბაღის მესაკუთრეებს 21 მლნ ლარის მიზნობრივი დახმარება გადავეცით“; იმერეთის ზამთრის ტურისტული სეზონი; რა გამოწვევები აქვს რაჭის ტურისტულ ბიზნესს? მიმდინარე წელს „ფრუტერა“ წარმოების 200%-ით ზრდას გეგმავს; „დღეში სამი და ოთხი ღონისძიებაც გვქონდა“ – „ქლიქ ივენთი“ 2023 წელს აჯამებს; #ახალიამბები #BusinessMediaGeorgia
არაკვალიფიციური მძღოლების პრობლემა ტურიზმის სფეროში - კერძო სექტორის მიერ გამოკითხული 5000 ტურისტიდან 80% ქვეყანაში მთავარ გამოწვევად მძღოლებს ასახელებს. როგორც კერძო სექტორში აღნიშნავენ, უცხო ქვეყნის მოქალაქეები არაბეთის გაერთიანებული საამიროებიდან, თურქეთიდან, რუსეთიდან და ჩინეთიდან საკუთარი ავტომობილებით მათივე ქვეყნების მოქალაქეებს ემსახურებიან და პარალელურად, გიდის როლსაც ითავსებენ. სატრანსპორტო ინდუსტრიაში ევროპული სტანდარტების დასანერგად, ღირსეული სამუშაო ადგილების შესაქმნელად და ავტოპარკის განსაახლებლად დღეს ტურისტული ტრანსპორტის ალიანსი დაფუძნდა. #ახალიამბები #BusinessMediaGeorgia
პრიორიტეტულ ბაზრებზე ქართული პროდუქციის პოპულარიზაციაზე წელს რეკორდულად მაღალი დაფინანსება გამოიყო, როგორც ჯერ კიდევ მინისტრობის კანდიდატმა, ოთარ შამუგიამ პარლამენტში განაცხადა, ამ მიმართულებით წელს 19 მილიონი ლარია გათვალისწინებული. 243 მილიონი ლარი დაიხარჯება სამ სახელმწიფო პროგრამაზე. საუბარია “შეღავათიანი აგროკრედიტის”, “დანერგე მომავლის” და “გადამამუშავებელი და შემნახველი საწარმოების პროგრამაზე”. გარემოს დაცვისა და სოფლის მეურნეობის მინისტრობის კანდიდატმა პარლამენტში აღნიშნული პროგრამების წარმატებაზე ისაუბრა. კერძოდ, როგორც ოთარ შამუგია აცხადებს, “დანერგე მომავლის” ფარგლებში უკვე გაშენებულია 22 ათას ჰექტრამდე თანამედროვე ბაღი. სამინისტროს გათვლებით, მას შემდეგ რაც, გაშენებული ბაღები სრულ მსხმოიარობაში შევა, მიღებული მოსავლის რაოდენობა 200 ათას ტონას და ღირებულებაში 500 მილიონ ლარს გადააჭარბებს. შეღავათიანი აგროკრედიტის პროგრამით კი 2013 წლიდან დღემდე, 46 000-მდე ბენეფიციარმა ისარგებლა, საფინანსო ორგანიზაციების მიერ ამ პერიოდის განმავლობაში გაცემულია 6 მილიარდ ლარზე მეტი სესხი, ხოლო სახელმწიფოს მხრიდან გაცემული თანადაფინანსება 900 მილიონ ლარს აღემატება. რაც შეეხება გადამამუშავებელი და შემნახველი საწარმოების პროგრამას, ოთარ შამუგიას თქმით, დღემდე დაფინანსებულია 257 საწარმო, საიდანაც 176 უკვე ექსპლუატაციაშია შესული და ამჟამად იწარმოება 250 მილიონ ლარამდე ღირებულების პროდუქცია. რამდენად მიზანმიმართულად ხარჯავს სახელმწიფო საბიუჯეტო რესურსს და რამდენად მორგებულია სახელმწიფო პროგრამები ფერმერების და ზოგადად დარგის საჭიროებებზე? სტუმარი: ნიკო ნიკოლაძე - ფერმერი/ ნუშის და კაკლის მწარმოებელთა ასოციაციის სამეთვალყურეო საბჭოს წევრი; #ახალიამბები #BusinessMediaGeorgia
თბილისის ბიუჯეტი წელს 2 მილიარდ ლარს მიაღწევს. მუნიციპალიტეტის დამტკიცებული ბიუჯეტი მილიარდ 763 მილიონი ლარია, თუმცა როგორ კახა კალაძე განმარტავს, მერიას დამტკიცებულ ბიუჯეტში ცვლილებები შეაქვს და მასში გარდამავალი ნაშთების გათვალისწინებას მითხოვს, რაც გადაჭარბებული შემოსავლებისგან შედგება. კერძოდ, გასულ წელს მერიამ დაგეგმილზე 100 მილიონით მეტი შემოსავალი მიიღო, ასევე დარჩა პროექტებიდან 100 მილიონის საბიუჯეტო ნაშთი. რაში გამოიყენებს დამატებით თანხებს მუნიციპალიტეტი და კიდევ რა კომენტარები გაკეთდა სხდომის დასრულების შემდეგ? #ახალიამბები #BusinessMediaGeorgia
#ბიზნესსიახლეები bm.ge-სგან / 06.02.2023 რა ღირებულების საქონელი გამოიწერეს საქართველოს მოქალაქეებმა უცხოეთიდან 2023 წელს? "საქართველოში ქორწილი აღნიშვნით ძირითადად პოსტსაბჭოთა ქვეყნის მოქალაქეები ინტერესდებიან" - Click Holding; “ზაფხულში 100%-იანი დატვირთვა გვქონდა, ზამთარში კი ჯავშნები 30%-ით შემცირდა” - Mood Villa Kazbegi; "მცირე მარნების პოპულარიზაციაზე ვმუშაობთ" - თბილისში ღვინის ახალი სალონი Victory-ი გაიხსნა; #ახალიამბები #BusinessMediaGeorgia
პარლამენტში ეკონომიკური ბლოკის მინისტრობის კანდიდატებს უსმენენ. ლევან დავითაშვილი, ლაშა ხუციშვილი, ოთარ შამუგია და ირაკლი ქარსელაძე გაერთიანებულ საკომიტეტო მოსმენაზე თავიანთ სამოქმედო პროგრამებს და იმ პროექტებს წარადგენენ, რაზეც მათი უწყებები იმუშავებენ. #ახალიამბები #BusinessMediaGeorgia
საქართველოს მთავრობა საქართველოში საკონტრეილერო გადაზიდვების დანერგვის იდეას დაუბრუნდა. პრემიერ-მინისტრობის კანდიდატის ირაკლი კობახიძის მიერ პარლამენტში წარდგენილ სამთავრობო პროგრამაში ამ კუთხით აქტივობებზეა საუბარი. „სარკინიგზო ტრანსპორტით გადაზიდვების წილის გასაზრდელად, ასევე, საგზაო ინფრასტრუქტურის ცვეთისა და გადატვირთვის შესამცირებლად, გაგრძელდება მუშაობა საკონტრეილერო გადაზიდვების განვითარების კუთხით. ამ მხრივ, 2024 წელს იგეგმება საქართველოსა და აზერბაიჯანში საკონტრეილერო გადაზიდვების განვითარების შესახებ ტექნიკურ-ეკონომიკური დასაბუთების მომზადება. ახალი ტიპის მულტიმოდალური გადაზიდვების დანერგვის იდეა წლებია არსებობს, პროექტი 2019 წელს ყოფილი პრემიერ მინისტრის გიორგი ღარიბაშვილის სამთავრობო გეგმის პრიორიტეტებში იყო. საკონტრეილერო გადაზიდვა გულისხმობს სატვირთო ავტომობილების და მისაბმელების ტრანსპორტირებას სპეციალიზირებული სარკინიგზო პლატფორმების გამოყენებით. ირაკლი კობახიძის მიერ საქართველოს პარლამენტისთვის წარდგენილ სამთავრობო პროგრამაში წლების წინ დაანონსებული კიდევ ერთი პროექტი გვხვდება. 2024 წელს თბილისის ლოგისტიკური ცენტრის პროექტის ტექნიკურ-ეკონომიკური დასაბუთების განახლებაც გეგმაშიც. რამდენად ეხმიანება ლოგისტიკის დარგში არსებულ გამოწვევებს ახალი სამთავრობო გეგმა და რა ნაბიჯებია საჭირო იმისთვის, რომ ქვეყანამ სექტორის ეფექტიანობა კიდევ უფრო მეტად გაზარდოს და არსებული შესაძლებლობები უკეთესად გამოიყენოს? სტუმარი: პაატა ცაგარეიშვილი - “სატრანსპორტო დერეფნის კვლევის ცენტრის” დირექტორი; #ახალიამბები #BusinessMediaGeorgia
ირაკლი კობახიძის მომავალი მთავრობის ერთ-ერთი პრიორიტეტი ამერიკის შეერთებულ შტატებთან სავაჭრო-ეკონომიკური კავშირების განმტკიცება იქნება. მომავალი პრემიერის გეგმაში აღნიშნულია, რომ მთავარ სტრატეგიულ პარტნიორთან თავისუფალი ვაჭრობის შესახებ შეთანხმებაზე მუშაობა გააქტიურდება, ამერიკული ინვესტიციების წახალისება კი გაგრძელდება. კერძო სექტორის ნაწილი მიიჩნევს, რომ ქართველი ბიზნესმენების მხრიდან ამერიკული ბაზრის ასათვისებლად მეტი მხარდაჭერაა საჭირო, ამერიკული ინვესტიციების მოსაზიდად კი საქართველოს მთავრობას სპეციალური გეგმა უნდა გააჩნდეს. რა გვჭირდება ამერიკის შეერთებული შტატების ბაზრის ასათვისებლად? რას მოუტანს ქვეყანას თავისუფალი ვაჭრობის ხელშეკრულება და როგორ უნდა მოვიზიდოთ ამერიკული ინვესტიციები და ტურისტები? #ახალიამბები #BusinessMediaGeorgia
ბოლო ანგარიში პრეზიდენტის რანგში - სალომე ზურაბიშვილის ყოველწლიური მოხსენებით გაიხსნა პარლამენტის საგაზაფხულო სესია, რომელიც ამ წუთებშიც გრძელდება. “პარლამენტის ტრიბუნასთან დღეს ბოლოჯერ კი არ ვდგავარ, არამედ ამ ტრიბუნასთან პირველად ვდგავარ, როგორც ევროკავშირის კანდიდატი ქვეყნის პრეზიდენტი” - ამ სიტყვებით დაიწყო პრეზიდენტმა მიმართვა. #ახალიამბები #BusinessMediaGeorgia
#ბიზნესსიახლეები bm.ge-სგან / 05.02.2024 ცემენტის იმპორტი რეკორდულ ნიშნულზეა; „ჰერბია“ აქციების გამოშვებას გეგმავს; ქართულმა ბრენდებმა Phubber-ით ასეულობით ათასი ლარის პროდუქცია გაყიდეს – გიორგი ჩუგოშვილი; SpaceM-ი NVIDIA Inception-ის პროგრამას შეუერთდა; საქორწილო მომსახურების ცენტრი DRESSCODE ფართოვდება - ინვესტიცია 50 000 ლარია; #ახალიამბები #BusinessMediaGeorgia
188 მლნ ლარი გადახდილი გადასახადები, გუნდი 1900 თანამშრომლით, 23 რესტორანი 25 წელში და ვინ მოთვლის რამდენი ისტორია ამერიკული ბურგერის საქართველოში პირველად გამოჩენიდან დღემდე. მუდმივი ინოვაციის და მრავალწლიანი ერთგულების საიდუმლოს ყველაზე ცნობადი ბრენდის სიმბოლო ოქროსფერი თაღებით 90-იანების ნაცრისფერ თბილისში პირველად რუსთაველის გამზირზე 1991 წლის 5 თებერვალს გამოჩნდა. ცნობილი კადრები საუკუნის მეოთხედის წინ რთულია ასაკის მიუხედავად ვინმესთვის უცხო იყოს და არანაკლებ რთულია დათვალო ან გაზომო იმ თაობის წარმომადგენლების ემოციები დაბადების დღის გადახდა მაკდონალდში რომ დაიწყო. დღეს მსოფლიოში ამ თაობას გენზით მოიხსენიებენ და საქართველოსთვის ალბათ უფრო მაკდონალდსში დაბადების დღის აღმნიშვნელი თაობაც შეიძლება ერქვას. მსოფლიო ბრენდი რესტორნებს 120 ზე მეტ ქვეყანაში ფლობს, მაგრამ ამ მასშტაბშიც მოახერხა ქართულმა მაკდონალდსმა ამ წლებში საკუთარი სათქმელი ეთქვა და გემოვნური თვისებებით თუ არქიტექტორული ნამუშევრით თავი გამოეჩინა. ამ დროისთვის მაკდონალდსი ყოველწლიურად 31 ათას სტუმარს მასპინძლობს და მუდმივ ზრდა განვითარებასთან ერთად უცვლელი რჩება ხარისხი. #ახალიამბები #BusinessMediaGeorgia
აგროსფეროთი დაინტერესებულებისთვის და სფეროში დასაქმებულებისთვის რამდენიმე მიმართულების სახელმწიფო პროგრამა მოქმედებს. იმის მიუხედავად, რომ ცალკეული პროექტები თუ ბიზნესები კარგ შედეგებს დებენ, უშუალოდ პროგრამების შესაფასებელი კრიტერიუმები და ეფექტიანობა საკმაოდ რთული შესაფასებელია. მით უფრო რომ სახელმწიფო ძირითად რესურსს ინფორმაციის მაქსიმალურად დასამალად ხარჯავს. კარგი მაგალითებიც არის, სოფლის მეურნეობის სამინისტროს, შესაბამისი სიპის სოფლის განვითარების სააგენტოს მიერ ბიემჯისთვის გამოგზავნილი ინფორმაციის მიხედვით, „შეღავათიანი აგროკრედიტის პროგრამით“ 2013-2023 წლებში 6 მილიარდამდე ლარის სესხია გაცემული, რომელიც ბიუჯეტიდან 879 მლნ ლარით დასუბსიდირდა. რამდენს დახარჯავს ბიუჯეტი მომდევნო წლებში გადასახადის გადამხდელებისგან შეგროვებული თანხებიდან უკვე გაცემული კრედიტებისთვის და როგორ აფასებს მთავრობა პროგრამის ეფექტიანობას - „შეღავათიანი აგროკრედიტის“ პროგრამის 10 წლის ძირითად სტატისტიკურ მონაცემებს. #ახალიამბები #BusinessMediaGeorgia
მეათე მოწვევის პარლამენტში ბოლო საგაზაფხულო სესია მთავრობის წევრების პროგრამების წარდგენით დაიწყო. ვიდრე დეპუტატები პრეზიდენტის ყოველწლიურ მოხსენებას მოისმენენ, ირაკლი კობახიძის გუნდის წევრები მინისტრთა კაბინეტიდან თანაგუნდელებს საკანონმდებლო ორგანოში პროგრამის “ევროპული სახელმწიფოს მშენებლობისთვის“მთავარ გზავნილებს გაერთიანებული კომიტეტების ფორმატში ისმენდნენ. ნაკლები სიახლეები და უცვლელი სახეები - კომიტეტების გაერთიანებულ სხდომაზე უმრავლესობისგან კრიტიკა როგორც მოსალოდნელი იყო ფაქტობრივად უკვე წლების განმავლობაში მოქმედ მინისტრებთან ნაკლებად ისმოდა, კითხვები ოპოზიციიდანაც მწირი იყო. სტაჟიანი მინისტრები პორტფელის ხელახალი ნდობის რეჟიმში მისაღებად უმეტესად უკვე შესრულებულ სამუშაოებზე ან არაერთხელ მიმოხილულ თემატიკაზე აკეთებდნენ აქცენტს. #ახალიამბები #BusinessMediaGeorgia
პარლამენტის კომიტეტებში მთელი დღის განმავლობაში ირაკლი კობახიძის მინისტრთა კაბინეტის მომავალი წევრების მოსმენა მიმდინარეობს. დეპუტატების წინაშე უკვე წარსდგნენ რატი ბრეგაძე, თეა ახვლედიანი, ვახტანგ გომელაური და ირაკლი ჩიქოვანი. #ახალიამბები #BusinessMediaGeorgia
USAID-ის ენერგეტიკული მომავლის უზრუნველყოფის პროგრამის ფარგლებში განახლებადი მცირე ზომის ელექტროსადგურების პროექტებს დააფინანსებს. პროექტების შესარჩევად კონკურსი უკვე გამოცხადდა, რომლის ფარგლებში, შეირჩევა პროექტები, რომელშიც USAID-ი 50%-იან თანადაფინანსებაში, არაუმეტეს 100 000 დოლარის ოდენობით შედის. პროგრამა ემსახურება მიმდინარე განახლებადი ენერგეტიკული სადგურის საპროექტო ტერიტორიის გავლენის არეალში შემავალი თემებისთვის დამატებითი სარგებლის შექმნას, რომელმაც ხელი უნდა შეუწყოს კერძო სექტორს ადგილობრივ მოსახლობასთან ნაყოფიერი ურთიერთობების ჩამოყალიბებაში, სამშენებლო სამუშაოების შეუფერხებლად წარმართვასა და სადგურის შემდგომ ოპერირებაში. რა ტიპის პროექტები შეირჩევა კონკურსის შედეგად და როგორია კონკურსის ჯამური ბიუჯეტი? სტუმარი: თათა მურცხვალაძე - USAID / ენერგეტიკაში ინვესტიციების ხელშეწყობის მიმართულების ხელმძღვანელი; #ახალიამბები #BusinessMediaGeorgia
„შეღავათიანი აგროკრედიტის პროგრამით“ 2013-2023 წლებში 6 მილიარდამდე ლარის სესხია გაცემული, რომელიც ბიუჯეტიდან 879 მლნ ლარით დასუბსიდირდა. რომელმა კომპანიებმა აიღეს ყველაზე მსხვილი კრედიტები, კიდევ რამდენი მილიონის გადახდა მოუწევთ გადასახადების გადამხდელებს უკვე გაცემული კრედიტების თანადაფინანსებისთვის და რომელ რეგიონებში გაიცა ყველაზე მეტი სესხი? როგორ მუშაობს შეღავათიანი აგროკრედიტის პროგრამა? #ახალიამბები #BusinessMediaGeorgia
პარლამენტში ირაკლი კობახიძის მთავრობის დამტკიცების პროცესი დაიწყო. დღეს კომიტეტების გაერთიანებულ სხდომებზე მინისტრობის კანდიდატების ნაწილს უსმენენ. დეპუტატების წინაშე უკვე წარდგნენ რატი ბრეგაძე, თეა ახვლედიანი, ვახტანგ გომელაური და ირაკლი ჩიქოვანი. ირაკლი ჩიქოვანი ერთადერთია, ვინც ამ ეტაპზე ირაკლი კობახიძის მინისტრთა კაბინეტში მოხვდება. ის თავდაცვის უკვე ყოფილ მინისტრს, ჯუანშერ ბურჭულაძეს შეცვლის. რა საკითხებზე გააკეთეს აქცენტი მომავალმა მინისტრებმა და რა კითხვები ჰქონდათ მათთან დეპუტატებს? #ახალიამბები #BusinessMediaGeorgia
საქართველოში სმს მარკეტინგული ბაზარი ახალი რეგულაციის ქვეშ ექცევა. 1 მარტიდან ძალაში პერსონალურ მონაცემთა დაცვის შესახებ ახალი კანონი შედის, რომლის მიხედვითაც, სარეკლამო შეტყობინებას ბიზნესი მომხმარებელს მხოლოდ მისი თანხმობის შემდეგ გაუგზავნის. ცვლილებები ეხება ყველას, ვისაც მოქალაქეთა პერსონალურ მონაცემთა ბაზა გააჩნია. #ახალიამბები #BusinessMediaGeorgia
საყოველთაო ჯანდაცვის პროგრამას გასულ წელსაც იმაზე მეტი ხარჯი დასჭირდა ვიდრე ბიუჯეტის პროექტით იყო გათვალისწინებული. ფინანსთა სამინისტროს მიერ გამოქვეყნებული ანგარიშის თანახმად, გასულ წელს პროგრამაზე 1.06 მილიარდი ლარი დაიხარჯა, რაც გეგმით განსაზღვრულზე 82 მილიონი ლარით მეტი იყო. 2024 წლის ბიუჯეტის თანახმად, საყოველთაო ჯანდაცვის პროგრამისთვის 1.03 მილიარდი ლარია გათვალისწინებული, რაც 2023 წლის ფაქტობრივ შესრულებაზე 27 მილიონი ლარით ნაკლებია. 2023 წელს საყოველთაო ჯანდაცვის პროგრამის ფარგლებში მომსახურება 713 ათას პაციენტს გაეწია, ხოლო თითოეულ მათგანზე ბიუჯეტის მხრიდან გაწეული მომსახურებების ფასმა საშუალოდ 1,490 ლარი შეადგინა, 2022 წელთან შედარებით ეს მაჩვენებელი 19.5%-ით მეტია. #ახალიამბები #BusinessMediaGeorgia
#ბიზნესსიახლეები bm.ge-სგან / 02.02.2024 „2024 წლიდან ექსპორტზე ზრუნვას აქტიურად ვიწყებთ“-„იქვე მეღვინეობა“; „გასულ წელს, თაფლის წარმადობის 40%-ით შემცირება მოგვიწია“-„ჰანივეი“; „რე:სქული“ მსჯავრდებული ქალებისთვის უპრეცედენტო პროექტს იწყებს; „გვაინტერესებს სამეგრელოს, კახეთის მიმართულებაში აქტიურად ჩართულობა“ - Rooms Hotel-ის გეგმები; როგორ ვითარდება ქვეყანაში ბიოწარმოება? #ახალიამბები #BusinessMediaGeorgia
საყოველთაო ჯანდაცვის პროგრამა 2023 წელსაც ბიუჯეტის გადახარჯვით ოპერირებდა - ფინანსთა სამინისტროს მიერ გამოქვეყნებული ანგარიშის თანახმად, გასულ წელს პროგრამაზე 1.06 მილიარდი ლარი დაიხარჯა, რაც გეგმით განსაზღვრულზე 82 მილიონი ლარით მეტი იყო. 2024 წლის ბიუჯეტის თანახმად, საყოველთაო ჯანდაცვის პროგრამისთვის 1.03 მილიარდი ლარი არის გათვალისწინებული, რაც 2023 წლის ფაქტობრივ შესრულებაზე 27 მილიონი ლარით ნაკლებია. რატომ ვერ განჭვრიტა სამინისტრომ ვერც 2023 წელს საყოველთაო ჯანდაცვის პროგრამის ბიუჯეტი, რატომ დადგა დღის წესრიგში დამატებითი თანხების მობილიზების აუცილებლობა და როგორ უნდა მოხდეს ჯანდაცვაზე გამოყოფილი თანხების უფრო მეტად ეფექტიანი ხარჯვა?' #ახალიამბები #BusinessMediaGeorgia
1 მარტიდან არასასურველი სარეკლამო SMS-ები აღარ მოგივათ. ცვლილებას პერსონალურ მონაცემთა დაცვის შესახებ ახალი კანონი ითვალისწინებს, რომლის მიხედვით, მიმდინარე წლის პირველი მარტიდან სარეკლამო შეტყობინებების მისაღებად წინასწარი თანხმობაა საჭირო. რა იცვლება პერსონალურ მონაცემთა დაცვის ახალი კანონით? #ახალიამბები #BusinessMediaGeorgia
#ქართულიბიზნესსიახლეები - "საქმიან საღამოში" / 01.02.2024
ამბებს თურქეთში ბიზნესზე და თურქულ ენაზე, ისევე როგორც რა თქმა უნდა ქართულად, ინგლისურად და რუსულად ბიზნეს მედია საქართველოს ძირითადი პლატფორმა ვებ გვერდი bm.ge გასული წლიდან მოყოლებული მკითხველებს მთელი მსოფლიოს მასშტაბით აწვდის. საქმიანი ამბები ბიზნესზე და ეკონომიკაზე 4 ენაზე ყველაზე სანდო მთვლელის, გუგლ ანალიტიქსის მიხედვით 8 მილიონ 400 ათას მკითხველს დააინტერესა და ამავე მონაცემებით მკითხველთა სესიების ჯამი 20 მილიონამდეა. ბიემჯი ზრდას აგრძელებს, ამბებს ბევრ და საინტერესოდ კიდევ ბევრჯერ მოგიყვებით სატელევიზიო ეთერებით თუ ონლაინ სივრცეში თუმცა ის რაც ყველაფერს უყრის თავს და ის სადაც ყველა ამბავი ჩვენი მკითხველისთვის ყოველთვის ყველაზე სანდო და ოპერატიულია ბიემჯის ვებ გვერდი და მისი გუნდის წევრების ნამუშევარია. როგორ გიყვებით საქმიან ამბებს 24/7 ზე და როგორი იყო ჩვენი მკითხველების ინტერესი გასული წლის შედეგებით აქაც რიცხვებით გამყარებულ გიზიარებთ ისტორიას; #ახალიამბები #BusinessMediaGeorgia
მავნე ნივთიერებების გავლენა გარემოზე უარყოფითად აისახება, დაბინძურებული გარემო პრობლემურია ყოველდღიურობაში თუმცა ჯანმრთელობისთვის საფრთხეს მხოლოდ ბუნებაში გატყორცნილი მავნე ნივთიერებები არ ქმნის. აღმოსავლეთ პარტნიორობის ქვეყნებიდან საქართველო 1 ჰექტარზე გამოყენებული პესტიციდების რაოდენობით მოწინავე პოზიციაზეა. FAO-ს შეფასებით, 2020 წელს საქართველომ ერთ ჰექტარზე ყველაზე მეტი - 6,26 კგ. პესტიციდები გამოიყენა, მაშინ როცა მსოფლიოში პესტიციდების გამოყენების საშუალო მაჩვენებელი ჰექტარზე 1.8 კგ-ია. ევროკავშირის "აღმოსავლეთ პარტნიორობის 2023 წლის ინდექსის მიხედვით, ერთ ჰექტარზე 1,74 კგ. პესტიციდი გამოიყენა მოლდოვამ, 1,27 კგ. სომხეთმა. აღმოსავლეთ პარტნიორობის სხვა ქვეყნებმა ერთ ჰექტარზე 1 კგ.-ზე ნაკლები პესტიციდები გამოიყენეს. ამ მხრივ, ყველაზე მდგრადი სოფლის მეურნეობა აზერბაიჯანს ჰქონდა, სადაც მისი მოხმარება ჰექტარზე 0,23 კგ.-ს შეადგენს. #ახალიამბები #BusinessMediaGeorgia
ქართული ოცნების თავმჯდომარედ ბიძინა ივანიშვილის დაბრუნებიდან და ამჯერად, საპატიოს სტატუსით, ერთი თვის შემდეგ როქი ქართულ ოცნებაში ოფიციალურია. ირაკლი კობახიძე და ირაკლი ღარიბაშვილი ადგილებს ცვლიან. ქართული ოცნების მერვე ყრილობაზე ვიდრე რიგით მეექვსე პრემიერი ოფიციალურად დასახელდებოდა ირაკლი კობახიძემ პოლიტსაბჭოს გადაწყვეტილებით თანაპარტიელებს თავმჯდომარედ ირაკლი ღარიბაშვილის კანდიდატურა წარუდგინა. თანაგუნდელებისგან 2 ჯერ პრემიერობიდან წასულ ღარიბაშვილს პარტიულ თანამდებობაზე ყოფნისთვის 100% იანი მხარდაჭერა ჰქონდა. უკვე პარტიის თავმჯდომარე ღარიბაშვილმა კი სამადლობელო სიტყვის შემდეგ, მთავრობის თავმჯდომარედ კენჭისყრაზე პარტიის წინა თავმჯდომარის კანდიდატურა დააყენა, ეს ირაკლი კობახიძეა, ყრილობის წევრებისგან ამ წინადადებასაც სრული მხარდაჭერა ჰქონდა. #ახალიამბები #BusinessMediaGeorgia
#ბიზნესსიახლეები bm.ge-სგან / 01.02.2024 „ქართული“ - დუბაიში ქართული რესტორანი გაიხსნა; „რე:სქული“ ქუთაისში ფილიალს ხსნის; რა აფერხებს ქვეყანაში ბიოწარმოების განვითარებას? „ჩვენი ოცნებაა, რომ თელავში საერთაშორისო ფრენები განხორციელდეს“-„ლოპოტა სპა რეზორტი“; “ზაფხულში 100%-იანი დატვირთვა გვქონდა, ზამთრის სეზონზე კი ჯავშნები 30%-ით შემცირდა” - Mood Villa Kazbegi; #ახალიამბები #BusinessMediaGeorgia
ინფრასტრუქტურის მშენებელი კომპანიები სახელმწიფო ტენდერების ფასწარმოქმნაში არსებულ ხარვეზებზე საუბრობენ. მათი თქმით, სატენდერო ფასის მოძველებული მეთოდოლოგიით დგინდება, რის გამოც ხშირად კომპანიებს ფინანსური პრობლემები ექმნებათ, შედეგად, პროექტები უხარისხოდ სრულდება. სექტორი ამ მიმართულებით რეფორმირებას ითხოვს, იმისთვის, რომ დამკვეთისგან შეთავაზებული ფასი რეალობასთან ახლოს იყოს და მხარეები ერთი მხრივ ფინანსურად და მეორე მხრივ თანხების დაზოგვის მიზნით უხარისხოდ შესრულებული სამუშაოების გამო არ დაზარალდნენ. #ახალიამბები #BusinessMediaGeorgia
ბიძინა ივანიშვილის პოლიტიკაში მესამედ მოსვლიდან 1 თვეში პოლიტიკურ დაფაზე პირველი ცვლილებებია... პოლიტიკაში მესამედ შემობრუნებულმა საქართველოს უმდიდრესმა მოქალაქემ მის პირველ მიმართვაში ოპოზიციის ჩამოშლაზე და ამ პროცესში კორუფციის რისკებიც მატებაზე გააკეთა აქცენტი, რასაც მისი თქმით, საგანგებო დაზღვევა ესაჭიროება. რატომ გადაწყდა პრემიერის და პარტიის თავმჯდომარის როლების გაცვლა. რას ცვლის როტაცია და რამდენად აქვს ცალკეულ პერსონებს უნარი, ერთი პოლიტიკური ვერტიკალის პირობებში, პროცესებში ცვლილებები შეიტანოს? #ახალიამბები #BusinessMediaGeorgia