ვინ არის დამნაშავე - საწვავის გაძვირების ობიექტურ ფაქტორებს შორის მთავრობა სუბიექტური შტრიხებისაც ეძებს. პრემირის დავალება შესრულებულია და კონკურენციის სააგენტოს შუალედური დასკვნაც საჯაროა - ბევრ კომპანიას გაზრდილი ჰქონდა ფასნამატები მაშინ, როდესაც შეეძლოთ 20-25 თეთრით იაფად მიეწოდებინათ მომხმარებლისთვის პროდუქტი, რაც არ გააკეთეს - ასეთია მთავარი მიგნება. ანგარიშში ჩანს, რომ რუსეთიდან იმპორტრირებული რეგულარის მარკის საწვავი აპრილში მარტთან შედარებით 7 თეთრით გაიაფდა, ამ პერიოდში ფასნამატი 59 -დან 65 თეთრამდე იყო გაიზარდა. მარტის მსგავსი ფასნამატით რომ გაყიდულიყო, გამოდის, რომ საწვავის ფასი 13 თეთრით შემცირდებოდა. ფასნამატი რომ არ გაზრდილიყო 11 თეთრით იაფი უნდა ყოფილიყო ბულგარეთიდან შემოტანილი რეგულარის ფასიც. რუმინთის მაგალითზე კი ყველაფერი პირიქითაა. კომპანიებმა ფასნამატი დაწიეს, რადგანაც იგივე მარკის საწვავის ფასი აპრილში ტაბლოზე დაფიქსირებულ ფასთან შედარებით 11 თეთრით მეტი იქნებოდა... ვინ არის დამნაშავე და რა აღმოაჩნა კონკურენციის სააგენტომ საწვავის ბაზრის მიმდინარე მონიტორინგის დროს? სტუმარი: ირაკლი ლექვინაძე - საქართველოს კონკურენციის სააგენტოს თავმჯდომარე #ახალიამბები #BusinessMediaGeorgia
როგორ უნდა ჩაანაცვლონ ექსპორტიორებმა რუსეთის ბაზარი? სტუმარი: დავით მაყაშვილი - ექსპორტის განვითარების ასოციაციის წარმომადგენელი #ახალიამბები #BusinessMediaGeorgia
ბორჯომი ერთ-ერთი მნიშნველოვანი საექსპორტო პროდუქციაა, რომელიც რუსეთისთვს დაწესებული სანქციების გამო პრობლემები შეექმნა. თუმცა უკრაინაში რუსეთის შეჭრა და მიმდინარე ომი, საქართველო-რუსეთს შორის საგარეო ვაჭრობას, ნეგატიურად როგორც ჩანს, ჯერ არ ეტყობა. ამას საქსტატის მიერ გამოქვეყნებული საგარეო ვაჭრობის ოთხი თვის ანგარიში ადასტურებს. უფრო მეტს - რა გავყიდეთ და რა ვიყიდეთ რუსეთში? #ახალიამბები #BusinessMediaGeorgia
#ბიზნესსიახლეები BM.GE-სგან/18.05.2022 “Guria fish farming“-ის ორაგული ბაზარზე 2023 წლიდან გამოჩნდება; “ქართულ საკონდიტრო ნაწარმს რუსულ-უკრაინულის ჩანაცვლება შეუძლია”; "ინფლაცია დასვენებას 10-15%-ით გააძვირებს“; "ბლაუენშტაინ საქართველოს" ხორცის მოძრავ მაღაზია თბილისში; “ქეთოს” თუშეთში საწარმოს მოწყობას გეგმავს.' #BMG #ბიზნესმედია #საქმიანები #ახალიამბები #BusinessMediaGeorgia
საქართველოს დისტრიბუტორთა ბიზნეს ასოციაციის ორგანიზებით და ამერიკის სოლიდარობის ცენტრისა და კერძო მეწარმეობის საერთაშორისო ცენტრის მხარდაჭერით ამ წუთებში დისკუსია იმართება თემაზე, რომელიც დისტრიბუციის სექტორში შრომის უფლებებსა და შრომის უსაფრთხოებას ეხება. რა ძირითად გამოწვევებს ხედავს ბიზნესი არსებულ შრომით კანონმდებლობაში და რა ძირითად ხარვეზებზე საუბრობს პროფესიული კავშირების გაერთიანება? #ახალიამბები #BusinessMediaGeorgia
ქვეყანაში ხორბლის იმპორტი ფქვილის იმპორტმა ჩაანაცვლა. მიმდინარე წლის პირველ კვარტალში წლიურად იმპორტირებული ხორბლის მოცულობა ორჯერ მეტად შემცირდა, ფქვილის კი ათჯერ გაიზარდა. კერძო სექტორის განცხადების შემდეგ, სოფლის მეურნეობის სამინისტრომ დაადასტურა, რომ ხორბლის არა, თუმცა ქვეყანაში ფქვილის საკმარისი მარაგია. სამინისტრო მოსახლეობას ამშვიდებს და ამბობს, რომ ხორბლის ფქვილის დეფიციტის შექმნის საფუძველი არ არსებობს. როგორც დარგობრივი უწყება, ისე მთავრობის მეთაური იმედს ხორბლის ახალ ადგილობრივ მოსავალზე ამყარებს. საერთაშორისო ბაზარზე ხორბალზე ფასის ზრდის ფონზე მთავრობამ ახალი პროგრამის დაწყებაც დაანონსა. სოფლის მეურნეობის მინისტრმა, 14 აპრილს, პარლამენტში „მინისტრის საათის“ ფორმატში გამოსვლისას განაცხადა, რომ ქვეყანას, რამდენიმე წელიწადში, ხორბლის თვითუზრუნველყოფის მაჩვენებლის 15-დან 50%-მდე გაზრდა შეეძლება. როგორ შეიძლება ამ მიზნის მიღწევა და მაინც რამდენი წელი იქნება საჭირო იმისთვის, რომ ქვეყანაში ხორბლის მოთხოვნის 50% ადგილობრივ წარმოებაზე მოდიოდეს. სტუმარი: ბექა გონაშვილი - „აგროქიზიყის“ დირექტორი #ახალიამბები #BusinessMediaGeorgia
გაძვირდება თუ არა უცხოურ ვალუტაში სესხის აღება? ეროვნული ბანკი არ გამორიცხავს, რომ ბანკებს შესაძლოა სარეზერვო მოთხოვნები შეუცვალოს, რაც საბოლოოდ სესხების გაძვირებას გამოიწვევს. საბოლოო მიზანია, უცხოურ ვალუტაში დაკრედიტება შემცირდეს, რაც ეროვნულ ბანკს რისკად მიაჩნია. კერძო სექტორი კი ამ ეტაპზე ამის საჭიროებას ვერ ხედავს. #ახალიამბები #BusinessMediaGeorgia
თბილისში ივნისის დასაწყისში მელიქიშვილის გამზირის სრული რეაბილიტაცია-განახლება დაიწყება, რაც ქალაქში ტრანსპორტით მოძრაობის მიმართულების ცვლილებას გამოიწვევს. დედაქალაქის მერი აღიარებს, რომ რეაბილიტაციის პროცესში სატრანსპორტო მოძრაობის ცვლილება ქალაქში გადაადგილების პრობლემები შეიქმნას, თუმცა როგორც კახა კალაძე ამბობს, "დედაქალაქს დასაკარგი დრო არ აქვს". რამდენ ხანს გაგრძელდება ქალაქის ერთ-ერთი მთავარი გამზირის რეაბილიტაცია #ახალიამბები #BusinessMediaGeorgia
#ბიზნესსიახლეები BM.GE-სგან / 17.05.2022 “ნაბეღლავი” კიევისა და ლვოვის მაღაზიებში დაბრუნდა; Guria fish farming 200 მლნ ლარის ინვესტირებას გეგმავს; თბილისში fish and chips-ის ახალი ობიექტი გაიხსნა; თბილისში “სარეკლამო მანქანა” გამოჩნდა; Georgian products მომდევნო 3 წელში $70 მლნ-ის ექსპორტს განახორციელებს; Silk Hospitality-ს სასტუმროების დატვირთულობა 75%-მდეა. #BMG #ბიზნესმედია #საქმიანები #ახალიამბები #BusinessMediaGeorgia
საერთაშორისო ბირჟაზე ნავთობის ფასები ისევ იზრდება. გასულ 24 საათში ბარელი Brent-ის ღირებულება 2.4%-ით, 114.5-დოლარიან ნიშნულამდე გაიზარდა; WTI Crude-ის ფასი კი 3.4%-ით არის გაზრდილი და 114 დოლარს აღწევს. რაც შეეხება "პლაცის" ფასს, 1 ტონა ბენზინის ღირებულება პლაცის მიხედვით, 1266 დოლარს შეადგენს. აქვთ, ან ჰქონდათ თუ არა საწვავის ადგილობრივი ბაზრის მოთამაშეებს ბენზინზე და დიზელზე ფასების შემცირების შესაძლებლობა? კონკურენციის სააგენტომ ბაზარზე დაკვირვების შედეგად თქვა, რომ ნავთობკომპანიები იაფად შესყიდულ საწავავს მაღალი ფასნამატით ყიდდნენ და მათ ფასის შემცირების რესურსი გააჩნდათ. პრემიერის დავალებით ეკონომიკური ბლოკის მინისტრები ნავთობკომპანიებს ხვდებიან. რის ხარჯზე ხედავს მთავრობა საწვავის გაიაფების რესურსს და აქვს თუ არა პასუხი კერძო სექტორს იმ არგუმენტებზე, რაზეც კონკურენციის სააგენტო საუბრობს? #ახალიამბები #BusinessMediaGeorgia
"ნენსკრაჰესის" ინვესტორმა ვერ შეასრულა ვალდებულებები" - განცხადება bm.ge სთან ეკონომიკის მინისტრმა ლევან დავითაშვილმა გააკეთა. ინფორმაციისთვის, პროექტის დაანონსებიდან 7 წელი გავიდა თუმცა როგორც ფინანსური პრობლემების, ასევე მოსახლეობის პროტესტის და პროექტის გენერალურ კონტრაქტორთან ხელშეკრულების გაწყვეტის გამო შეჩერებულია. რა ბედი ელის პროექტს და როგორია "ნენსკრაჰესის" ჰიდროელექტროსადგურის ქრონოლოგია? #ახალიამბები #BusinessMediaGeorgia
საქართველოს დერეფანზე მომატებული მოთხოვნა, მათშორის სახმელეთო გადაზიდვების კუთხით, გარდაისახა მრავალ კლილომეტრიან რიგბში. გადატვირთული ყველა სასაზღვრო გამშვები პუნქტი, განსაკუთრებით კი ლარსის მიმართულება. მძღოლები, გადამზიდავები, ტვირთის მიმღებები დღეები ელოდებიან უმნიშვნელო წინსვლასაც კი და საბაჟოზე დატვირთვა ცხადია, რომ კიდევ უფრო გაიზრდება. რა პრობლემების გადალახვა უწევს ბიზნესს და როგორ შეიძლება გაზრდილი ნაკადების მართვა? სტუმარი: ივა ჭყონია - საქართველოს დისტრიბუტორთა ბიზნესასოციაციის პრეზიდენტი; #ახალიამბები #BusinessMediaGeorgia
საბაჟო გამშვებ პუნქტებში რამდენიმე სერვისზე ფასები იმატებს. მაშინ, როცა საქართველოზე გამავალ დერეფანზე მოთხოვნა გაზრდილია, ხელისუფლებამ გარკვეული გადასახადების ზრდის, ზოგიერთ შემთხვევაში გაორმაგების გადაწყვეტილება მიიღო. მომატებულია ე.წ. პარკის საფასური, ნებართვების ღირებულება და გეზ-ის მომსახურების ფასები - როგორ აისახება ეს საქართველოზე გამავალ სატრანზიტო დერეფანზე. #ახალიამბები #BusinessMediaGeorgia
საერთაშორისო ბირჟაზე ნავთობის ფასები ისევ იზრდება. გასულ 24 საათში ბარელი Brent-ის ღირებულება 2.4%-ით, 114.5-დოლარიან ნიშნულამდე გაიზარდა; WTI Crude-ის ფასი კი 3.4%-ით არის გაზრდილი და 114 დოლარს აღწევს. რაც შეეხება "პლაცის" ფასს, 1 ტონა ბენზინის ღირებულება პლაცის მიხედვით, 1266 დოლარს შეადგენს. აქვთ, ან ჰქონდათ თუ არა საწვავის ადგილობრივი ბაზრის მოთამაშეებს ბენზინზე და დიზელზე ფასების სემცირების შესაძლებლობა? კონკურენციის სააგენტომ, შუალედური ანგარიში გამოაქვეყნა, რომლის მიხედვით, მსხვილ კომპანიებს, რომელთაც საცალო ბაზრის 60%-მდე უჭირავთ, საწვავზე ფასის შემცირების რესურსი ჰქონდათ. როგორც კონკურენციის სააგენტოს თავმჯდომარე, ირაკლი ლექვინაძე განმარტავს, შუალედურმა ანგარიშმა აჩვენა, რომ გლობალურად საწვავის გაიაფებისა და ლარის გამყარების პარალელურად, საქართველოში მარტის ბოლოდან გაიაფებული საწვავის იმპორტი რუსეთიდან ხორციელდებოდა, რაც საწვავის ადგილობრივ ფასზე არ აისახა. სტუმარი: ირაკლი ლექვინაძე - კონკურენციის სააგენტოს ხელმძღვანელი; #ახალიამბები #BusinessMediaGeorgia
მთავრობა ბორჯომთან დაკავშირებით “სასიამოვნო სიახლის” წარსადგენად კიდევ რამდენიმე დღეს ითხოვს - ეკონომიკის მინისტრი ამბობს, რომ მუშაობა ამ კუთხით აქტიურად მიმდინარეობს. ვისთან მუშაობს მთავრობა ბორჯომის ქარხნის ამუშავებაზე, დღეს კიდევ ერთი განცხადება ეკონომიკის მინისტრმა ლევან დავითაშვილმა გააკეთა. #ახალიამბები #BusinessMediaGeorgia
#ბიზნესსიახლეები BM.GE-სგან / 16.05.2022 Phubber-ი უზბეკეთსა და ყაზახეთში შესვლას გეგმავს; ზვიად ციკოლია თბილისში ქარხანას ააშენებს; KUKA საქართველოში სკოლის შექმნით ინტერესდება; Sweeft Digital-ი აკადემიის გახსნას გეგმავს; “შატო ყირამალა ლაგოდეხმა” კოტეჯები მოაწყო; “AIONRISE” საწარმო ხაზის გაზრდაზე მუშაობს.
პენსიის დარიგების ტენდერთან ერთად მთავრობის სხდომაზე დღეს კიდევ 2 მნიშვნელოვანი საკითხი დაისვა - საწვავის ფასი და ხორბლის მარაგები. თელარა გელანტია იმყოფებოდა სახელმწიფო კანცელარიაში, თელარა, აპირებს თუ არა პრემიერმინისტრი შეხვდეს წისქვილკომბინატებს, რომლებიც მასთან კომუნიკაცაის ითხოვენ? #ახალიამბები #BusinessMediaGeorgia
ერთი წელი გავიდა მას შემდეგ, რაც საქართველოში გადახდიუუნარობის საქმის წარმოება ახალი პროცედურებით დაიწყო. 2021 წლის 1 აპრილიდან ამოქმედდა ახალი კანონი „რეაბილიტაციისა და კრედიტორთა კოლექტიური დაკმაყოფილების შესახებ“, რომელმაც ძველი კანონი ჩაანაცვლა. ახალი კანონი ორიენტირებულია რეაბილიტაციის გზით საწარმოს არსებობის შენარჩუნებაზე, რასაც აბსოლუტური უპირატესობა ენიჭება გაკოტრების რეჟიმთან შედარებით. კანონით განისაზღვრა და შემჭიდროვდა ის ვადებიც, რა ვადაშიც უნდა მოხდეს რეაბილიტაციის გეგმის და პროცედურების წარმოება. კანონის მუშაობის ერთი წლის შედეგები USAID-ის ხელშეწყობით სწორედ დღეს შეაჯამეს? სტუმარი: ნანა ამისულაშვილი - გადახდისუუნარობის პრაქტიკოსთა ასოციაცია (ბრიპა), თავმჯდომარე; #ახალიამბები #BusinessMediaGeorgia
ქართველებმა ლეგალურად დასაქმება შესაძლოა საფრანგეთსა და კვიპროსშიც შელონ. როგორც ჯანდაცვის მინისტრის მოაგილე ამბობს, ამ მიმართულებით ქვეყნებთან მუშაობა მიმდინარეობს. როგროც თამარ ბარკალაია ამბობს, გარდა გერმანიისა, სადაც ლეგალურად სეზონური დასაქმების შესაძლებლობა საქართველოს მოქალაქეებს მეორე წელია აქვთ, მუშაობა მიმდინარეობს პარალელურად რამდენიმე ქვეყანასთან, სადაც საქართველოს მოქალაქეებისთვის სხვადასხვა ვაკანსიის მოძიება მოხდება. რომელ ქვეყნებთან მუშაობას ლეგალური დასაქმების პროგრამის ამუშავების კუთხით? #ახალიამბები #BusinessMediaGeorgia
2021 წელს ელექტრონული და კონსოლიდირებული ტენდერებით 5,7 მლრდ ლარის შესყიდვები განხორციელდა. სახელმწიფო შესყიდვების სააგენტოს მიერ გამოქვეყნებული 2021 წლის საქმიანობის ანგარიშის თანახმად, შარშან სახელმწიფო შესყიდვებზე ქვეყნის მშპ-ის, ანუ 60 მილიარდი ლარის, დაახლოებით, 10% დაიხარჯა. #ახალიამბები #BusinessMediaGeorgia
რატომ გამოისყიდა მთავრობამ წყალტუბოს წყლები $8.1 მილიონ დოლარად სს „ბალნეოსერვისისგან“ და რა კავშირშია მასთან მილიონერი თამაზ სომხიშვილი? „გადავწყვიტე, წყალტუბოში გამოვისყიდო ყველა - 22 სასტუმრო და 9 აბანო“ - თქვა ბიძინა ივანიშვილმა 2019 წლის ოქტომბერში. საქმე ამ დრომდე არ ჩანს. #ახალიამბები #BusinessMediaGeorgia
#ბიზნესსიალხეები BM.GE-სგან / 13.05.2022 #Tsikolia-მ სათვალეების წარმოება დაიწყო; #OMOFOX-მა $700 000 მოცულობის ინვესტიცია მოიზიდა; გურიაში წარმოებული ნორვეგიული ორაგული ექსპორტზე გავა; Soplidan.ge ქუთაისში სექტემბრიდან ჩაეშვება; “საოჯახო მარანი ოდა” ახალ მარანს ააშენებს; მარტვილში ახალი საოჯახო სასტუმრო გაიხსნება; #BMG #ბიზნესმედია #საქმიანები
თელასმა დღემდე არ იცის სად გადის მისი კომუნიკაციები, ამდენი წლის განმავლობაში კომპანიამ ეს ვერ გაარკვია" - საკრებულოში თელასის საქმიანობას აკრიტიკებენ და კომპანიისგან განმარტებებს ელოდებიან. საკრებულოს წევრის რევაზ სოხაძის თქმით, კომპანიასთან შეხვედრა ორშაბათს შედგება. მისი თქმით, ხშირია შემთხვევები როცა თელასის არაჯეროვნად შესრულებული და დროში გაჭიანურებული სამუშაოების გამო კონკრეტული ინფრასტრუქტურული პროექტები ქალაქში დადგენილ ვადებში ვერ ხორციელდება. რა სახის ხარვეზები იკვეთება კომპანიის საქმიანობისას ძირითადად და როგორია ენერგოომბუდსმენის პოზიცია? #ახალიამბები #BusinessMediaGeorgia
ჩვენ გვჭირდება ენერგეტიკის სექტორში დამატებითი ინვესტიციების მოზიდვა, მაქსიმალურად უნდა დავაჩქაროთ ტემპები და ავაშენოთ, რაც შეიძლება მეტი ჰესი საქართველოში, –პრემიერის ამ განცხადებიდან ერთ თვეზე მეტი გავიდა. ბიზნესს ჯერ შესაბამისი პრეზენტაცია არ უნახავს, რომელიც ირაკლი ღარიბაშვილმა 4 აპრილის მთავრობის სხდომაზე დაანონსა. ჯერ მხოლოდ ვარაუდის დონეზე შეგვიძლია მსჯელობა, რა გზით შეიძლება წავიდეს სახელმწიფო იმისთვის, რომ მათ შორის მსხვილი ჰიდროგენერაციის პროექტები გააცოცხლდეს. ბიზნესგაერთიანებები უკვე საუბრობენ იმის შესახებ, თუ რა მოდელი შეიძლება აირჩიოს მთავრობამ ამ პროექტების განსახორციელებლად. როგორ წარმუდგენია კერძო სექტორს ენერგეტიკული პროექტების ტემპის დაჩქარება? #ახალიამბები #BusinessMediaGeorgia
რუსეთ-უკრაინის ომმა და ალტერნატიული მარშტუტების ძიებამ ტრანსკასპიური დერეფანის მიმართ ინტერესი გაზარდა -გადამზიდავთა ნაწილმა დასავლეთის მიერ სანქციებ დაწესებული რუსეთი დატოვა. ტვირთის გადაზიდვისთვის ალტერნატიულ მარშტუტებს აწყობენ ევროპული კომპანიები, ყაზახი და ჩინწლი გადამზიდვები.. პროცესეში მნშვნელოვანი როლის თამაში სურს თურქეთს.. რომელიც დაინტერესებულია აზიური ტვირთები მიიღოს და დასავლეთსაც მიაწოდოს... რამდენად რეალურია დაინტერესება ეკონომიკურ სარგებელში გადაიზარდოს? სტუმარი: გივი ჩაჩანიძე - COSCO Shipping Lines -ის გაყიდვების გენერალური მენეჯერი; #ახალიამბები #BusinessMediaGeorgia
მთავრობა მედიკამენტების ფასების კიდევ გაიაფებას გვპირდება. თურქული, იაფი მედიკამენტების შემოტანის შემდეგ სახელმწიფო წამლების გაიაფებას ე.წ. რეფე-რენტული ფასის შემოღებით აპირებს. კერძო სექტორი ჯერ საქმის კურსში არ არის. ბიზნესი შოშობს, რომ ახალი ინიციატივა ბაზარზე მედიკამენტების დეფიციტს შექმნის. რას ნიშნავს რეფე-რენტული ფასი და რა რისკები ახლავს ახალ ინიციატივას? #ახალიამბები #BusinessMediaGeorgia
საქართველოში მკაცრი მონეტარული პოლიტიკის ფაზა ნარჩუნდება თუმცა ანალიტიკოსების ნაწილის მოლოდონის მიუხედავად, ეროვნულმა ბანკმა რეფინანსირების განაკვეთი არ გაზარდა და უცვლელად 11%-ზე შეინარჩუნა. რუსეთ-უკრაინის ომით გამოწველი ახალი შოკის ფონზე ეროვნული ბანკი არ ელის, რომ სამომხმარებლო კალათაზე ფასების ზრდის სწრაფი შემცირების ტრაექტორია იქნება, ამიტომ წლიური ინფლაცია 9.6%-ის ნიშნულზეა ნავარაუდევი, ანუ თითქმის 2 ნიშნა მამჩვენებლზე შენარუნდება და მიზნობრივზე 3-ჯერ მეტი იქნება. თუ ინფლაციაზე წნეხს ახდენს საგარეო სექტორში მაღალი გაურკვევლობა, დადებითი გავლენა აქვს ლარის შედარებით გამყარებას, რამაც იმპორტირებული საქონლის ინფლაციის შენელებას შეუწყო ხელი. რატომ არ გამკცრდა მეტად მონეტარული პოლიტიკა და არის თუ არა ინფლაციასთან ბრძოლაში ეროვნილი ბანკის ხელშემწყობი მთავრობის პოლიტიკა? სტუმარი: შალვა მხატრიშვილი - ეროვნული ბანკის მაკროეკონომიკისა და სტატისტიკის დეპარტამენტის უფროსი ; #ახალიამბები #BusinessMediaGeorgia
ჩვენ გვჭირდება ენერგეტიკის სექტორში დამატებითი ინვესტიციების მოზიდვა, მაქსიმალურად უნდა დავაჩქაროთ ტემპები და ავაშენოთ, რაც შეიძლება მეტი ჰესი საქართველოში, –პრემიერის ამ განცხადებიდან ერთ თვეზე მეტი გავიდა. ბიზნესს ჯერ შესაბამისი პრეზენტაცია არ უნახავს, რომელიც ირაკლი ღარიბაშვილმა 4 აპრილის მთავრობის სხდომაზე დაანონსა. ჯერ მხოლოდ ვარაუდის დონეზე შეგვიძლია მსჯელობა, რა გზით შეიძლება წავიდეს სახელმწიფო იმისთვის, რომ მათ შორის მსხვილი ჰიდროგენერაციის პროექტები გააცოცხლდეს. ბიზნესგაერთიანებები უკვე საუბრობენ იმის შესახებ, თუ რა მოდელი შეიძლება აირჩიოს მთავრობამ ამ პროექტების განსახორციელებლად. როგორ წარმუდგენია კერძო სექტორს ენერგეტიკული პროექტების ტემპის დაჩქარება? #ახალიამბები #BusinessMediaGeorgia
სამრეწველო საწარმოების დიდი ნაწილი ჰაერის დაბინძურებაზე ეფექტიან კონტროლს ისევ ვერ ახერხებს და ვერც დაწესებულ რეგულაციებს აკმაყოფილებს. ბიზნესისთვის დაწესებული მოთხოვნების მიხედვით, საწარმო ვალდებულია, ჰაერში წარმოქმნილი გაფრქვევები შეამციროს, ფილტრაციის სისტემები დაამონტაჟოს და გარემოს დაცვის სამინისტროს ონლაინ რეჟიმში მიაწოდოს ინფორმაცია ჰაერის ხარისხთან დაკავშირებით. იმის გამო, რომ მთავრობა ბიზნესს რეგულაციის დროში გადავადებას არ დათანხმდა, საწარმოებმა კი ახალ წესებზე მორგება ვერ შეძლეს, მსხვილი სამრეწველო საწარმოები უკვე დააჯარიმეს. რა ხდება რეგულაციის ამოქმედებიდან თითქმის ერთი წლის თავზე? #ახალიამბები #BusinessMediaGeorgia
მთავრობა მედიკამენტების ფასების კიდევ გაიაფებას გვპირდება. ჯანდაცვის მინისტრმა სტრატეგიის შესახებ გუშინ, პარლამენტში მინისტრის საათის ფორმატში ისაუბრა. თურქული, იაფი მედიკამენტების შემოტანის შემდეგ სახელწმიფო წამლების გაიაფებას ე.წ. რეფე-რენტული ფასის შემოღებით აპირებს. რას ნიშნავს და რა რისკები ახლავს ახალ ინიციატივას? #ახალიამბები #BusinessMediaGeorgia
რა ეტაპზეა საქართველო-ამერიკას შორის თავისუფალი სავაჭრო რეჟიმის ამოქმედების შესახებ მოლაპარაკებები და როგორ აფასებენ ინვესტორები საქართველოს საინვესტიციო გარემოს? #ახალიამბები #BusinessMediaGeorgia
თიბისი კაპიტალმა ღვინის სექტორის შესახებ განახლებული კვლევა მოამზადა. პუბლიკაციის თანახმად, საქართველოს ღვინის ექსპორტის რუსეთზე დამოკიდებულება, 2005 წელთან შედარებით, 90%-დან 56%-მდეა შემცირებული, თუმცა დივერსიფიკაციის მიუხედავად, 2021 წელს რუსეთი, უკრაინა და დსთ-ის სხვა ქვეყნები საქართველოს ღვინის მთავარი საექსპორტო ბაზრები იყვნენ. რაც შეეხება აღმოსავლეთ ევროპას, მისი წილი ექსპორტში ასევე 10%-ს შეადგენდა. რაც შეეხება რუსეთ-უკრაინის ომის გავლენას საქართველოს ღვინის სექტორზე, სტატისტიკა აჩვენებს, რომ ომის დაწყებიდან პირველ თვეს - მარტში, 2021 წლის მარტთან შედარებით, საქართველოდან ღვინის ექსპორტი რუსეთში - 44%-ით, უკრაინაში კი 100%-ით შემცირდა, სამაგიეროდ 89%-იანი ზრდა გვაქვს დასავლეთ ევროპის მიმართულებით. რა უშლის ხელს ღვინის ბიზნესს სტრატეგიულად მნიშვნელოვანი ბაზრების ათვისებაში და რა სხვა მნიშვნელოვან საკითხებზე ამახვილებს ყურადღებას თიბისი კაპიტალი მიმოხილვაში? ცხადია, რუსეთ-უკრაინის ომს ნეგატიური გავლენა ექნება ღვინის სექტორზე საქართველოში. ისევ თიბისი კაპიტალის პუბლიკაციას თუ დავიმოწმებთ, წელს გასულ წელთან შედარებით, ღვინის ექსპორტი ჯამურად 20-დან 40%-მდე შემცირდება. რა მოლოდინი აქვს ამ მიმართულებით თავად კერძო სექტორს? სტუმრები: გიორგი მარგველაშვილი - „თბილღვინო“-ს მმართველი პარტნიორი; შალვა ხეცურიანი - „მარანი ხეცურიანი“-ს დამფუძნებელი; #ახალიამბები #BusinessMediaGeorgia
რუსეთ - უკრაინის ომმა შუა დერეფანში ტვირთბრუნვა გაზარდა. Გაიზარდა ტირთები საქართველოს სატრანზიტო დერეფანშიც. ეკონომიკის მინისტრის მოადგილე გურამ გურამიშვილი ამბობს, რომ გაზრდილ ტვირთნაკადს ქვეყანა ამ ეტაპზე უმკლავდება. რა მოცულობის ტვირთი მოძრაობს ამჟამად საქართველოს გავლით და რა ახალი ტვირთების გადმომისამართება ხდება შუა დერეფანში? #ახალიამბები #BusinessMediaGeorgia
საქართველოს ეროვნული ბანკის მონეტარული პოლიტიკის კომიტეტმა დღეს რეფინანსირების განაკვეთი უცვლელად, 11%-ზე დატოვა. ეროვნული ბანკის განცხადებაში აღნიშნულია, რომ ინფლაციური წნეხის შემცირების ერთ-ერთი ფაქტორი ბოლო პერიოდში ლარის გაცვლითი კურსის გამყარებაა. ამასთანავე, სებ-ი მიიჩნევს, რომ წლის ბოლოსთვის ინფლაციის დონე მართალია სამიზნე 3%-ზე მაღალი იქნება, თუმცა ის ამჟამად არსებულ 12.8%-ზე დაბლა შემცირდება. ამის გათვალისწინებით, ცენტრალური ბანკი მიიჩნევს, რომ ამჟამად რეფინანსირების განაკვეთის ცვლილება აუცილებელი არ არის. სტუმარი: გიორგი პაპავა - ISET, წამყვანი ეკონომისტი; #ახალიამბები #BusinessMediaGeorgia
აზიის განვითარების ბანკმა, საქართველოს მასშტაბით არსებული აეროპორტების განვითარების სტრატეგიის შექმნაზე საკონსულტაციო კომპანიის შერჩევა დაიწყო. დოკუმენტის შექმნაში საფინანსო ინსტიტუტი 225 000 დოლარს იხდის. ტენდერში გამარჯვებულმა კომპანიამ პოსტ-კოვიდურ პერიოდში 2045 წლამდე აეროპორტების განვითარების გეგმა უნდა დადოს. რას გულისხმობს ტენდერი, რომელზეც განაცხადების მიღება 4 მაისს დასრულდა. ტენდერის აღწერაში ასევე ვკითხულობთ, რომ დოკუმენტში მსჯელობა იქნება აეროპორტების მართვისა და მენეჯმენტის საკითხზებზეც. #ახალიამბები #BusinessMediaGeorgia
კრიპტოვალუტების ფასეის კლება დღის განამვლობაშიც შენარჩუნდა. ყველაზე პოპულარული ვირტუალური ფულის, ბიტკოინის ფასი რამდენიმეთვიან მინიმუმადე შემცირდა და 29 ათას დოლარს გაუტოლდა. არადა 2021 წელი კრიპტვალუტებისთვის რეკორდული იყო. ინდუსტრიის ზრდის პარალელურად რამდენიმე ქვეყანამ, რეგულირების ჩარჩო შეიმუშავა და კრიპტოსამყაროსთვის საგადასახადო მექანიზმებიც აამოქმედა. რეგულაციების შემოღებაზე მუშაობს საქართველოს ეროვნული ბანკიც, რომელსაც კანონის პროექტი მზად აქვს და უახლოეს მომავალში საჯარო განხილვებსაც დაიწყებს. სალომე მეცხვარიშვილმა მოისმინა კერზო სექტორის შეფასებები, რა მოლოდინები აქვთ მათ და როგორ უნდა მოხდეს კრიპტოვალუტების რეგულირება? #ახალიამბები #BusinessMediaGeorgia
2022 წლის პირველ 4 თვეში, საქართველოს 0.6 მილიონი ტურისტი ეწვია და ჩვენი შეფასებით ტურიზმის შემოსავლებმა 616.9 მლნ აშშ დოლარი შეადგინა - აცხადებს Galt & Taggart-ის ეკონომისტი, ლაშა ქავთარაძე. მისი თქმით, 2022 წლის მარტში საქართველოში ჩამოსულმა რუსეთის, ბელარუსის და უკრაინის მოქალაქეებმა 48 მილიონი დოლარი დახარჯეს. როგორც ლაშა ქავთარაძე აღნიშნავს, ამ ხარჯების გათვალისწინებით, მარტის განმავლობაში საქართველომ ტურიზმიდან და გრძელვადიანი ვიზიტორებიდან 170 მილიონ დოლარამდე შემოსავალი მიიღო. Galt & Taggart- ასევე ვარაუდობს, რომ კოვიდ-19-თან დაკავშირებული შეზღუდვების სრულად მოხსნა, ხელს შეუწყობს რესტორნების კაფეების და ზოგადად, სტუმარ-მასპინძლობის სფეროს ზრდას, რომელიც მნიშვნელოვნად იყო შეზღუდული რეგულაციებით“. რა გამოწვევები და მოლოდინები აქვს ტურიზმის სექტორს მიმდინარე წელს? სტუმარი: შალვა ალავერდაშვილი - სასტუმროებისა და რესტორნების ფედერაციის პრეზიდენტი #ახალიამბები #BusinessMediaGeorgia
აზიის განვითარების ბანკი საქართველოს მასტაბით არსებული აეროპორტების განვითარების სტრატეგიის შექმნაზე საკონსულტაციო კომპანიის შერჩევა დაიწყო. დოკუმენტის შექმნაში საფინანსო ინსტიტუტი 225 000 დოლარს იხდის. ტენდერში გამარჯვებულმა კომპანიამ პოსტ კოვიდურ პერიოდში 2045 წლამდე აეროპორტების განვითარების გეგმა უნდა დადოს. რას გულისხმობს ტენდერი, რომელზეც განაცხადების მიღება 4 მაისს დასრულდა და რას მისცემს ის ავიაციის სექტორს, რომელიც სტრატეგიის შემუშავებას წლებია ითხოვს. #ახალიამბები #BusinessMediaGeorgia
კრიპტოვალუტების ფასები იკლებს. ყველაზე პოპულარული ვირტუალური ფულის, ბიტკოინის ფასი გუშინ რამდენიმეთვიან მინიმუმადე შემცირდა და 29 ათას დოლარს გაუტოლდა. არადა 2021 წელი კრიპტვალუტებისთვის რეკორდული იყო. ამასობაში საქართველო კრიპტოვალუტების რეგულირებაზე მუშაობს და ეს საკითხი აქტიურ ფაზაში შედის. რატომ მცირდება ვირტუალური ფულის ფასი და ვის დარეგულირებას აპირებს ეროვნული ბანკი? #ახალიამბები #BusinessMediaGeorgia
ბათუმში მშენებლობებზე შესაძლოა შეზღუდვები დაწესდეს - შესაბამისი რეკომენდაცია ქალაქის გენგეგმაზე მომუშავე ჯგუფმა შეიმუშავა. სითი ინსტიტუტი დროებითი შეზღუდვების დაწესების რეკომენდაციით მუნიციპალიტეტს ხვალ მიმართავს. კომპანიაში აცხადებენ, რომ სამშენებელო შეზღუდვები დაახლოებით 1 წლის განმავლობაში კონკრეტულ არეალებზე უნდა დაწესდეს. გარდა სამშენებლო შეზღუდვებისა, შესაძლოა შეიცვალოს ბათუმის ადმინისტრაციუილ საზღვრებიც - რა რეკომენდაციები და არგუმენტები აქვს ბათუმის გენერალურ გეგმაზე მომუშავე ჯგუფს? #ახალიამბები #BusinessMediaGeorgia
მთავრობას ინფრასტრუქტურული პროექტების ხარჯი, შესაძლოა გაეზარდოს. მიზეზი სწრაფად მზარდი ინფლაციაა, რის გამოც სამშენებლო კომპანიებს ნედლეული გაუძვირდათ, ძველ ფასებში ინფრასტრუქტურული პროექტის დასრულებას კი ვეღარ ახერხებენ. ინფლაციის წნეხის შესამცირებლად მსგავს პროექტებზე ფასთა ინდექსაცია უნდა ამოქმედდეს, გადაწყვეტილება უკვე მიღებულია. შედეგად, სახელმწიფო ადგენს კონკრეტულ ზღვრებს, რა ოდენობის თანხას აუნაზღაურებს კომპანიებს. დადგენილების მიხედვით, ფასთა ინდექსაცია შეეხება სამუშაოების ღირებულების მაქსიმუმ 70%-ს, უშუალოდ ასანაზღაურებელი თანხა კი არ უნდა აღემატებოდეს ამ დადგენილი ზღვრის 10%-ს. რამდენად მისაღებია მთავრობის შემოთავაზებული მოდელი კერძო სექტორისთვის? #ახალიამბები #BusinessMediaGeorgia
კომერციულ ბანკებს ახალი ვალდებულება უჩნდებათ. ეროვნული ბანკის გადაწყვეტილებით, ბანკებმა ეროვნულ ბანკს ყოველთვიურად საოპერაციო რისკების დანაკარგების შესახებ ინფორმაცია უნდა მიაწოდონ. მსხვილი საოპერაციო ან კიბერ რისკის მოვლენის მაღალი ალბათობით მოლოდინის ან დაფიქსირების შემთხვევაში კი, კომერციული ბანკი ვალდებულია დაუყოვნებლივ დაარეგისტრიროს მოვლენა პორტალზე აღმოჩენიდან არაუგვიანეს 48 საათისა. რეგულაციის ეფექტიანი მართვისთვის ეროვნული ბანკი ინფორმაციის გაზიარებისა და ანალიზის პორტალს ქმნის, რომელიც 1 ივნისს გაეშვება. რას მოუტანს სექტორს ახალი რეგულაცია რამდენად არის გაზრდილი საოპერაციო რისკები საბანკო სექტორში და არის თუ არა მნიშვნელოვანი ბაზრის მონაწილეებმა ერთმანეთის რისკის შესახებ გაიგონ? • სტუმარი: ალექსანდრე ძნელაძე - საბანკო ასოციაციის ხელმძღვანელი; #ახალიამბები #BusinessMediaGeorgia
მთავრობას ინფრასტრუქტურულ პროექტებში იმაზე მეტი თანხის გადახდა მოუწევს, ვიდრე გათვალისწინებული ჰქონდა. მიზეზი კი სწრაფად მზარდი ინფლაციაა, რის გამოც პროექტების განმახორციელებელ კომპანიებს ნედლეული გაუძვირდათ, ძველ ფასებში პროექტის დასრულებას კი ვეღარ ახერხებენ. ინფლაციის წნეხის შესამცირებლად ინფრასტრუქტურულ პროექტებზე ფასთა ინდექსაცია უნდა ამოქმედდეს, გადაწყვეტილება უკვე მიღებულია. ფასების ინდექსაციით ტენდერებში მონაწილე ის კომპანიები ისარგებლებენ, რომლებიც ინფრასტრუქტურულ სამუშაოებს პირველი აპრილიდან აწარმოებენ, ინდექსაცია მხოლოდ 1 მაისამდე გამოცხადებულ ტენდერებს შეეხება. სახელმწიფო ადგენს კონკრეტულ ზღვრებს, რა ოდენობის თანხას აანაზღაურებს კომპანიებს. დადგენილების მიხედვით, ფასთა ინდექსაცია შეეხება სამუშაოების ღირებულების მაქსიმუმ 70%-ს, უშუალოდ ასანაზღაურებელი თანხა კი არ უნდა აღემატებოდეს ამ დადგენილი ზღვრის 10%-ს. რამდენად მისაღებია მთავრობის შემოთავაზებული მოდელი კერძო სექტორისთვის? ანა საბახტარიშვილი - ინფრასტრუქტურის მშენებელთა ასოციაციის ხელმძღვანელი; #ახალიამბები #BusinessMediaGeorgia
ევროკავშირმა და საერთაშორისო სავაჭრო ცენტრმა (ITC), საქართვლოს ეკონომიკისა და მდგრადი განვითარების სამინისტროსთან პარტნიორობით, „აღმოსავლეთი პარტნიორობის Trade Helpdesk-ის“ ქართულენოვანი პლატფორმა წარადგინა, რომელიც ბიზნეს სექტორის წარმომადგნლებს სავაჭრო ოპერაციებისთვის საჭირო ინფორმაციაზე წვდომას აძლევს. რას გულისხმობს trade helpdesk-ი და რა ახალ შესაძლებლობებს აძლევს ის კერძო სექტორს? #ახალიამბები #BusinessMediaGeorgia
საქართველოს ჭარბი ელექტროენერგიის ექსპორტზე გატანის მეტი პერსპექტივა გაუჩნდა. სამთავრობო მოლაპარაკებების შედეგად, თურქეთმა, რომელიც საქართველოში წარმოებული ელექტროენერგიის მთავარი იმპორტიორია, მაისის თვის კვოტა გაზარდა. შედეგად ქართული ენერგოკომპანიები ჭარბი ელექტროენერგიის ექსპორტზე გატანას შეძლებენ და მათ ჭარბი წყლის დაღვრა აღარ მოუწევთ. რამდენად მნიშნველოვანი ბაზარია თურქეთი ქართული გენერაციის ობიექტებისთვის და რა პერსპექტივას ხედავს კერძო სექტორი შავი ზღვის კაბელის მშენებლობის შემთხვევაში ევროკავშირის ბაზარზე წვდომის თვალსაზრისით? #ახალიამბები #BusinessMediaGeorgia
რუსული ფინანსური ინსტიტუტების SWIFT-დან გათიშვა, უცხოური ვალუტის რეზერვებზე წვდომის შეზღუდვა, სტრატეგიული საექსპორტო საქონლის აკრძალვები - PMC კვლევითმა ცენტრმა რუსეთის წინააღმდეგ დაწესებული სანქციების ეფექტიანობის შეფასება გამოაქვეყნა. პუბლიკაციაში, რუსული ცენტრალური ბანკისთვის უცხოური ვალუტის რეზერვებზე წვდომის შეზღუდვა და ანგარიშის გაყინვა მაღალი საერთო ეფექტიანობით შეფასდა. მკვლევარები მიიჩნევენ, რუსეთისთვის ეს სანქცია მოულოდნელი იყო, რადგან მათ 600 მილიარდზე მეტი დოლარის რეზერვის დაახლოებით ნახევარი გაეყინათ, რაც რეალურად რუსეთს იმის საშუალებას უზღუდავს, რომ ეკონომიკურ შოკებზე რეაგირება მოახდინოს. დაბალი ეფექტიანობით, შეფასდა ინდივიდუალური სანქციები, რომელიც ოლიგარქებზე და ასევე პუტინთან დაახლოებულ პირებზე დაწესდა. PMC კვლევითი ცენტრში თვლიან, რომ ის პირები, რომლებზეც ეს სანქციები ვრცელდება, ქონებას უფრო მიუკვლევად ადგილებში ინახავენ და გრძელვადიან პერსპექტივაში ქონება ნაწილობრივ მაინც უნარჩუნდებათ. გარდა ეკონომიკისთვის შექმნილი პრობლემებისა, ცივილიზებული სამყაროს მიერ დაწესებული სანქციების ფონზე, იყო მოლოდინები და პრინციპში ახლაც არის, რომ პოლიტიკურ რეჟიმს, ამ წნეხმა პრობლემები უნდა შეუქმნას და საბოლოოდ ავტორიტარული მმართველობის დასრულებას დააჩქაროს. როგორ მიმდინარეობს პროცესები? სტუმარი: ნათია სესკურია - თავდაცვისა და უსაფრთხოების კვლევების გაერთიანებული სამსახურების სამეფო ინსტიტუტის მკვლევარი; #ახალიამბები #BusinessMediaGeorgia
ეკონომიკის სამინისტრომ ელექტროენერგიის ბაზრის წესების შესახებ ბრძანებაში 4 მაისს ცვლილებები შეიტანა, რაც ქვეყანაში ელექტროენერგიის სიჭარბის ან ასეთის პროგნოზის შემთხვევაში გენერაციას ზღუდავს. ანალოგიური გადაწყვეტილება სახელმწიფო ელექტროსისტემამ 2020 წელსაც მიიღო, რადგან პანდემიის გამო გაჩერებული კომერციული ობიექტების გამო ელექტროენერგიის მოხმარება შემცირდა, ქვეყანაში ჭარბი ელექტროენერგიის გამო კი ჰესებს ჰიდრორესურსების დაღვრა მოუწიათ. დადგება თუ არა მსგავსი ფაქტის წინაშე ენერგეტიკის სექტორი წელსაც? #ახალიამბები #BusinessMediaGeorgia
გასული 24 საათი ამერიკული საფონდო ბირჟებისთვის უაღრესად არასახარბიელო შედეგებით დასრულდა - აშშ-ის 500 უმსხვილესი კომპანიის აქციების ზოგადი ინდექსი ანუ S&P 500 ერთ დღეში 3.56%-ით შემცირდა; 3.12%-ით დაეცა Dow Jones-ის ღირებულება; ტექნოლოგიური კომპანიებით დატვირთული Nasdaq-ის ინდექსის ღირებულება კი თითქმის 5%-ით შემცირდა, რაც პანდემიის დაწყების შემდეგ ბირჟების ვარდნის ყველაზე მკვეთრი მაჩვენებელია. რამ განაპირობა მკვეთრი ვარდნა? სტუმარი: ნიკა მაზანაშვილი - Galt & Taggart-ის საბროკერო დეპარტამენტის უფროსი; #ახალიამბები #BusinessMediaGeorgia
ბაზრების დივერსიფიცირება ბევრად უფრო მოკლე დროში მოხდება ვიდრე გვეგონა”- ექსპორტის ასოაციაციაში ქართული კომპანიების მხრიდან რუსეთის ბაზრის მიმართ დამოკიდებულების ცვლილებაზე საუბრობენ. მიზეზი უკრაინაში ფართომასშტაბიანი ომია. რომელ ალტერნატიულ ბაზრებზე გადადიან ქართული კომპანიები და რა არის ის შემაფერხებელი ფაქტორები, რის გამოც კერძო სექტორი რუსეთის ბაზარს წლების განმავლობაში ვერ ანაცვლებს? #ახალიამბები #BusinessMediaGeorgia
კლინიკები 520-ე დადგენილებაში გათვლისწინებული ტარიფების ინდექსაციას ითხოვენ. ეს დადგენილება კარდიოქირურგიულ და ინტენსიური თერაპიის მომსახურებაზე ჯერ კიდევ 2019 წლიდან მოქმედებს, და აღნიშნულ მომსახურებაზე უნიფიცირებულ ტარიფებს ადგენს. კლინიკები ამბობენ, რომ დადგენილი ტარიფები ინფლაციის, ლარის კურსისა და კომუნალური ხარჯების ზრდის ფონზე საკმარისი აღარ არის. ვიდრე ქვეყანაში კლინიკების ანაზღაურების ახალი სისტემა ამოქმედდება, მანამდე სამედიცინო სექტორი სამინისტროს ტარიფების ინდექსაციის შემოღებას სთხოვს. #ახალიამბები #BusinessMediaGeorgia