მთავრობა სახელმწიდო შესყიდვების კანონმდებლობის სრული განახლებისთვის ემზადება - „საჯარო შესყიდვების შესახებ“ კანონპროექტი უკვე მზად არის და პარლამენტს განსახილველად წარედგინა. მთავარი გაცხადებული მიზანი ასოცირების შეთანხმებით გათვალისწინებული ევროდირექტივების ეროვნულ კანონმდებლობაში იმპლემენტაციაა. იცვლება საჯარო შესყიდვებთან დაკავშირებული არაერთი მიდგომა თუ ასპექტი, მათ შორის, ინერგება საჯარო შესყიდვის ახალი პროცედურები, ინსტრუმენტები და მიდგომები. გახდება თუ არა მეტად ეფექტიანი მილიარდობით ლარის სახელმწიფო შესყიდვებისთვის ახალი სისტემა.... რეალურად რა იცვლება კანონმდებლობაში და რამდენად პასუხობს გამოწვევებს შეთავაზებული ცვლილებები? სტუმარი: ბადრი ნიაური - „ნიაური და კომპანიის" გენერალური დირექტორი #ახალიამბები #BusinessMediaGeorgia
ტაბელის წარმოების ამოქმედებიდან 15 -მა თვემ ბიზნესს შეფასებები ვერ შეუცვალა - ბიზნესსექტორის წარმომადგენლები დღესაც ფიქრობენ, რომ თანამშრომლების მიერ შესრულებული სამუშაო საათების ზუსტი აღრიცხვის სისტემის დანერგვამ მხოლოდ ხარჯები და ბიუროკრატია გაზარდა. შრომის ინსპექციის სტატისიკა კი აჩვენებს, რომ შემოწმებული ბიზნესის თითქმის 56% დასაქმებულების სამუშაო საათებს ვერ აღრიცხავს - რატომ ითხოვს კერძო სექტორი რეგულაციის ცვლილებას და როგორ აფასებს შრომის ინპექცია რეგულაციის შედეგს ? #თემურჭყონია #ახალიამბები #BusinessMediaGeorgia
ეროვნული ბანკი კრიპტო ბაზრის რეგულირებისთვის აქტიურად ემზადება. კანონპროექტის ე.წ დრაფტი უკვე არსებობს და ბიზნესთან განხილვებიც აქტიურ ფაზაშია... მთავარი მოთხოვნა, რომელიც კრიპტობაზრის მონაწილეების მიმართ გაჩნდება ტრანზაქციების მკაცრი კონტროლია. ეროვნული ბანკის ვიცე-პრეზიდენტის განმარტებით, პირველი ნაბიჯი სწორედ ფულის გათეთრების წინააღმდეგ მიმართული ღონისძიებებია, რაც ერთის მხრივ შეამცირებს ფულის გათეთრების რისკებს ქვეყანაში, ხოლო მეორეს მხრივ დაადასტურებს რომ კომპანიები საერთაშორისო სტანდარტების შესაბამისად მოქმედებენ და მათ საფინანსო ორგანიზაციებთან ურთიერთიბას გაუადვილებს. რას ითხოვს ბიზნესისგან ცენტრალური ბანკი და რა შენიშვნები აქვთ კრიპტობაზარზე? სტუმარი: ლუკა ლომსაძე - MyCoins-ის პროექტ-მენეჯერი; #ახალიამბები #BusinessMediaGeorgia
მცირე და საშუალო ბიზნესი დღგ-ს 100 000 ლარიანი ზღვარის გაზრდას ითხოვს. რესტორატორთა ასოციაციის ინფორმაციით, აღნიშნულ საკითხზე ბიზნესომბუდსმენის აპარატთან და ეკონომიკის სამინისტროსთან მოლაპარაკებები უკვე მიმდინარეობს. რა არგუმენტები აქვს ბიზნესს და რა არის ის ოპტიმალური ზღვარი, რაც კერძო სექტორისთვის მისაღებია. #ახალიამბები #BusinessMediaGeorgia
მთავრობამ 6 თვეში ₾6.8 მილიარდის გადასახადები აკრიფა #ახალიამბები #BusinessMediaGeorgia
მიმდინარე წლის პირველ ნახევარში მთავრობამ 6.8 მილიარდი ლარის გადასახადები აკრიფა და გეგმა გადაჭარბებით შეასრულა - სახელმწიფო ბიუჯეტის შესრულების ანგარიში უკვე საჯაროა. ბიემჯის მთავარი რედაქტორი თელარა გელანტია გაეცნო დოკუმენტს და ძირითადი მაჩვენებლების საქმის კურსში ჩაგვაყენებს. #ახალიამბები #BusinessMediaGeorgia
თბილისის მერია ბიზნესისთვის ახალ შეთავაზებას ამზადებს - ეს განცხადება ცოტა ხნის წინ bm.ge-ის კითხვის საპასუხოდ თბილისის მერმა კახა კალაძემ გააკეთა. რა საინვესტიციო შეთავაზებები აქვს კერძო სექტორისთვის თბილისის მერიას და რა ეტაპზეა ის მიმდინარე პროექტები, რომელიც წლების წინ კახა კალაძის გუნდმა ბიზნესს შესთავაზა? #ახალიამბები #BusinessMediaGeorgia
ეროვნული ბანკი განახლებულ საზედამხედველო სტრატეგიას აქვეყნებს - გრძელვადიანი მიზნები და სტრატეგიული პრიორიტეტები, როგორც მოსალოდნელი იყო 2022 წელსაც უცვლელი დარჩა. რამდენად ახერხებს ქვეყნის ცენტრალური ბანკი სწრაფადცვალებად გარემოში, სადაც მუდმივად ცეცხლის ჩაქრობის რეჟიმია, გრძელვადიანი მიზნებისკენ სრაფვას. ეხმარება თუ არა სებ-ს წინასწარ გაცხადებული გეგმები სიახლეების შედარებით უმტკივნეულოდ დანერგვაში - როგორ ესმის საფინანსო სექტორს მარეგულირებლის გზავნილები და რა სიახლეებს უნდა ველოდოთ ბაზარზე, რომელიც ბოლო წლებში, გადაუჭბებლად შეიძლება ითქვას, რომ რეფორმებით იყო დახუნძლული? სტუმარი: პაპუნა ლეჟავა - ეროვნული ბანკის ვიცე-პრეზიდენტი; #ახალიამბები #BusinessMediaGeorgia
ეკონომიკის გადახურების ნიშნები არ არის- ეს განცხადება მიმდინარე კვირაში ფინანსთა მინისტრმა გააკეთა, თუმცა ამის პარალელურად ეკონომისტები 2 ნიშნა ეკონომიკური ზრდისა და ასევე ორნიშნა ინფლაციის ფონზე აქტიურად საუბრობენ იმ რისკებზე, რომელმაც შესაძლოა ეკონომიკის გადახურება გამოიწვიოს. რას ნიშნავს ეკონომიკის გადახურება.. სა საფრთეებს ხედავენ ეკონომისტები და როგორია მათი შეფასება ბოლო თვეების განმავლობაში ქვეყნის ეკონომიკურ აქტივობასთან დაკავშირებით? #ახალიამბები #BusinessMediaGeorgia
53 მლნ ლარის დანაზოგი - სწორედ ამ მოცულობის თანხა დაზოგეს საქართველოს მოქალაქეებმა წლის დასაწყისიდან თურქეთდან მედიკამენტების იმპორტის დაშვებით... თუმცა, დღეს ბაზარზე ფასების გაძვირების მოლოდინია... მიზეზი, თურქეთში მაღალი ინფლაცია და მის პასუხად გამოცემილი თურქრთის პრეზიდენტის ბრძანებაა, რომელიც ფარმაცევტული პროდუქტების ახალ ტარიფებს ადგენს და რითაც თურქეთში ადგილობრივი ბაზრისთვის განკუთვნილი მედიკამენტების ფასი იზრდება. სააფთიაქო ქსელების ნაწილი ელის, რომ გადაწყვეტილება თურქეთიდან იმპორტირებული წამლების ფასს 25-30%-ით გააძვირებს, ჯანდაცვის სამინისტში კი, განმარტავენ რომ რომ ფასის შესაძლო ზრდის მიუხედავად, თურქული წამლები მის ალტერნატივებთან შედარებით მაინც უფრო იაფი იქნება. რა წილს იკავებს ბაზარზე და დარჩება თუ არა კონკურენტული თურქულ წამლებზე ფასი? სტუმარი: : ნიკოლოზ გამყრელიძე - „საქართველოს ჯანდაცვის ჯგუფის“ გენერალური დირექტორი; #ახალიამბები #BusinessMediaGeorgia
მეტროსადგურ “გოცირიძის” რეაბილიტაცია კიდევ 1.5 თვე არ დასრულდება #ახალიამბები #BusinessMediaGeorgia #ბიზნესმედია #საქმიანები #BMG
მეტროს სადგურების რეაბილიტაციით კომპანიები არ ინტერესდებიან - ეს განცხადება დღეს თბილისის მერმა კახა კალაძემ გააკეთა. არის თუ არა მათ შორის ამასთან კავშირში ვარკეთილის მეტროს რეაბილიტაციის გაჭიანურება და ასევე როდის დასრულდება ჯერ კიდევ 2021 წლის თებერვალში დაწყებული გოცირიძის მეტროს სარეაბილიტაციო სამუშაოები? #ახალიამბები #BusinessMediaGeorgia #ბიზნესმედია #საქმიანები #BMG
კლინიკების მიერ ჯანდაცვის სამინისტროსთვის შესახვედრად მიცემული დრო დღეს ამოიწურა. ჯანდაცვის ასოციაცია აცხადებს, რომ სამინისტრო მათ წერილს არ გამოხმაურებია და შეხვედრაზეც ფაქტია, უარი მიიღეს. 100-მდე კლინიკამ ზურაბ აზარაშვილს წერილით 13 ივლისს მიმართა. ამ წერილით სამედიცინო სექტორი ჯანდაცვის მინისტრის იმ განცხადებას გამოეხმაურა, რა დროსაც აზარაშვილმა განაცხადა, რომ ტარიფების გადახედვას სამინისტრო არ გეგმავს, მაშინ როცა კლინიკებთან ფაქტობრივად შეთანხმებული იყო, რომ DRG-ის, ანუ დაფინანსების ახალ სისტემაზე გადასვლამდე, რიგ სამედიცინო მომსახურებაზე ტარიფების ინდექსაცია მოხდებოდა. საქართველოში საყოველთაო ჯანდაცვის სისტემა 2013 წელს ამოქმედდა, სწორედ ამ დროიდან არის განსაზღვრული სამედიცინო სერვისების ტარიფები, თუმცა კლინიკების განცხადებით, დღეს ეს ტარიფები მათ ხარჯებს უკვე ვეღარ ფარავს. კლინიკებს პირადად არ შეხვდა, თუმცა ერთ-ერთი მედიაში სტუმრობისას აზარაშვილმა კლინიკებს საპასუხოდ უთხრა, რომ ტარიფების გადასახედად სამინისტროს მყარი არგუმენტაცია სჭირდება. რა მყარი არგუმენტები აქვს კლინიკებს? სტუმარი: არჩილ ჩუხრუკიძე - საქართველოს კარდიოლოგთა საზოგადოების ვიცე-პრეზიდენტი; #ახალიამბები #BusinessMediaGeorgia
მთავრობა ბიზნესს სამუშაო სივრცეში უსაფრთხოებისა და ჯანმრთელობის დაცვის მიზნით ახალ მოთხოვნებს უწესებს. შესაბამისი ტექნიკური რეგლამენტი, რომელიც ასოცირების ხელშეკრულების ფარგლებშია მიღებული, უკვე დამტკიცდა. ახალი რეგულაცია დამსაქმებლებს სამუშაო სივრცეში, პირველადი სამედიცინო დახმარების ერთი ან მეტი ოთახის განთავსებას, დახურული სამუშაო სივრცის სტანდარტებთან მოყვანას და სხვა ტექნიკურ მოთხოვნებს უწესებს. ახალი ტექნიკური რეგლამენტით გათვალისწინებული მოთხოვნების აღსრულების მონიტორინგზე პასუხისმგებელი რგოლი შრომის ინსპექციაა. დღეს მთავარმა ინსპექტორმა დამსაქმებელთა ასოციაციის წევრ კომპანიებს აღნიშნული ახალი მოთხოვნები გააცნო. აქვს თუ არა ბიზნესს შენიშვნები, და რა საკითხები დააყენეს ბექა ფერაძესთან შეხვედრაზე კომპანიები? სტუმარი: თამარ დოლიძე - „თეგეტა მოტორსის“ შრომის უსაფრთხოებისა და გარემოს დაცვის დეპარტამენტის უფროსი; #ახალიამბები #BusinessMediaGeorgia
"უზ ქიმიო იმპექსი" უზბეკეთში წარმოებლი მინერალური სასუქებისა და სხვა ქიმიური შენაერთების საქართველოს გავლით ექსპორტირებას გეგმავს და ამ მიზნით, Wonder net Express -ის ლოგისტიურ დერეფანას გამოიეყენებს. “უზ ქიმიო იმპექსი" საქართველოს გავლით მოახდენს მინერალური სასუქების ევროპის, სამხრეთ ამერიკისა და სხვა მიმართულებებით გადაზიდვას. კორპორაცია უზბეკეთის ქიმიურ საწარმოებს აერთიანებს და წელიწადში 3 მილიონ ტონა მინერალურ სასუქს აწარმოებს. სტუმარი: მამუკა მურჯიკნელი - Wondernet Express Investment Group-ის გენერალური დირექტორი; #ახალიამბები #BusinessMediaGeorgia
ევროკავშირი რუსულ გაზზე დამოკიდებულებისგან გათავისუფლებას ცდილობს. სწორედ ამიტომ, ევროკომისიის პრეზიდენტი, ურსულა ფონ დერ ლაიენი ბაქოს მოლაპარაკებებისთვის ეწვია. ევროპაში იმედოვნებენ, რომ აზერბაიჯანული გაზით ევროპა რუსეთის წინააღმდეგ უფრო მოქნილი გახდება და კრემლს შანტაჟისთვის ნაკლები შესაძლებლობა დარჩება. გარდა რუსეთისგან მომავალი პოლიტიკური საფრთხეებისგან თავდაცვისა, ევროპას ბუნებრივი აირის სტაბილური მიწოდება ეკონომიკური სირთულეების თავიდან ასარიდებლადაც სჭირდება. გუშინ, აზერბაიჯანის პრეზიდენტმა, ილჰამ ალიევმა და ევროკომისიის პრეზიდენტმა, ურსულა ფონ დერ ლაიენმა ბაქოში ხელი მოაწერეს მემორანდუმს, რომლის თანახმადაც, აზერბაიჯანი გააორმაგებს ევროკავშირისთვის გაზის მიწოდებას. ერთობლივ ბრიფინგზე ლიდერებმა განაცხადეს, რომ გაზის მიწოდების გასაზრდელად გაფართოვდება სამხრეთის გაზის კორიდორი. რა ცვლის შეთანხმება ევროპის ენერგოუსაფრთხოების კუთხით, რა გავლენა ექნება მას საქართველოზე? სტუმარი: არჩილ მამათელაშვილი - ენერგოსექტორის ეკონომისტი; #ახალიამბები #BusinessMediaGeorgia
ილონ მასკის კუთვნილებაში მყოფი კომპანია Starlink საქმიანობას საქართველოშიც გააგრძელებს. Starlink Holdings Netherlands-მა საქართველოში შვილობილი „სტარლინკ ჯორჯია“ დააფუძნა და ავტორიზაციის მიზნით კომუნიკაციების კომისიასაც მიმართა. კომუნიკაციების კომისიაში SpaceX-ის Starlink-ის სატელიტური ინტერნეტ სერვისის საქართველოში გაშვების საკითხი განიხილეს. გაცნობითი შეხვედრის დეტალებზე ბი ემ ჯიც გიყვებოდათ, სადაც კომისიის და მედიალაბის თანამშრომლებმა Starlink-ის წარმომადგენელთან საქართველოში, სატელეკომუნიკაციო სექტორში არსებულ მდგომარეობასა და სამომავლო ხედვაზე, ასევე ქვეყანაში ციფრული ეკონომიკის განვითარების პერსპექტივებზე ისაუბრეს. სტუმარი: ეკატერინე იმედაძე - კომუნიკაციების კომისიის წევრი; #ახალიამბები #BusinessMediaGeorgia
"თიბისი ბანკის" ბრიტანელი აქციონერი მამუკა ხაზარაძის, ბადრი ჯაფარიძისა და ავთანდილ წერეთელის წინააღდეგ ახალ დავას იწყებს. ადვოკატმა დიმიტრი ტორაძემ თბილისი საქალაქო სასამართლოს სარჩელით უკვე მიმართა. სარჩელის თანახმად, ბრიტანელი აქციონერი "თიბისი ბანკის" სასარგებლოდ მიყენებული ზარალის ანაზღაურებას ითხოვს. მისი თქმით, საუბარია 50 მილიონი ამერიკულ დოლარის ზარალზე. სარჩელის წარდგენის პარალელურად, სასმართლომ მამუკა ხაზარაძესა და ბადრი ჯაფარიძეს "თიბისი ბანკიდან", 15 ივლისს დივიდენდის სახით მისაღები, 30 მილიონამდე ლარი უკვე დაუყადაღა. სტუმარი: ზვიად კორძაძე - ადვოკატი; #ახალიამბები #BusinessMediaGeorgia
2023-2025 წლებში საჯარო სამსახურში დასაქმებულთა ხელფასები ყოველწლიურად 10%-ით გაიზრდება და საჯარო სამსახურებში ხელფასების მოწესრიგება კანონით დარეგულირდება. ფინანსთა მინისტრი ამბობს, რომ დღეს საჯარო სექტორში არსებული სახელფასო პოლიტიკა კერძო სექტორის მაჩვენებლებს საგრძნობლად ჩამორჩება და ეს სხვაობა 2026 წლამდე აღმოფხვრილი უნდა იყოს. რას გულისხმობს ახალი კანონპროექტი რის მიხედვითაც მომდევნო წლებში საჯარო მოხელეების ანაზღაურების პერიოდული გაზდა მოხდება და როგორ აფასებენ ახალ ინიციატივას ეკონომისტები? #ახალიამბები #BusinessMediaGeorgia
ივნისის საგარეო ვაჭრობის, ტურიზმისა და გზავნილების მაჩვენებლები კვლავ ძლიერ სავალუტო შემოდინებებზე მიუთითებს. მართალია 2019 წელთან შედარებით ტურიზმის აღდგენა შენელდა, თუმცა ეს მაღალი საბაზო ეფექტის შედეგს წარმოადგენდა. მთლიანობაში, 2022 წლის განმავლობაში ტურიზმის 105%-მდე აღდგენა სადღეისოდ რეალისტური ჩანს. ამ ფონზე, თიბისი კაპიტალის მაკრო მოლოდინები თავისთავად ძლიერია. ამასთან, უნდა აღინიშნოს, რომ გლობალური ზრდის შენელების ფაქტორისა და რუსეთის უკრაინაში შეჭრის წმიდა ეფექტისაგან განსხვავებით, ინფიცირების მზარდი მაჩვენებლების გამო ეკონომიკური აქტივობის მატერიალური შეფერხება საბაზო სცენარში ჯერჯერობით გათვალისწინებული არაა. სტუმარი: ოთარ ნადარაია - „თიბისი ჯგუფის“ მთავარი ეკონომისტი; #ახალიამბები #BusinessMediaGeorgia
სები იმუშავებს ფაქტორინგული ოპერაციების განმახორციელებელი პირებისა და სალიზინგო კომპანიების ეროვნული ბანკის რეგულირების დაქვემდებარებაში მოქცევაზე, მიკროსაფინანსო ორგანიზაციების დროებითი ადმინისტრაციის რეჟიმის ჩარჩოს დანერგვაზე, ასევე მიკროსაფინანსო ორგანიზაციებისთვის გადახდისუუნარობისა და გაკოტრების სპეციალური კანონმდებლობის შემუშავებაზე. - აღნიშნულ ინფორმაციას, საქართველოს ეროვნული ბანკის 2020-2022 წლების საზედამხედველო სტრატეგია მოიცავს. სადაც ასევე საუბარია ახალი ტიპის საფინანსო ინსტიტუტის - მიკრო ბანკების საზედამხედველო ჩარჩოს დანერგვაზე. სტუმარი: გია პეტრიაშვილი - მიკროსაფინანსო ორგანიზაცია „ემბისის“ გენერალური დირექტორი; #ახალიამბები #BusinessMediaGeorgia
საერთაშორისო ბაზარზე ხორბლის ფასები საგრძნობლად შემცირდა და ომამდელ ნიშნულს დაუბრუნდა. საერთაშრისო ბირჟებზე ხორბლის ფიუჩერსების ფასი ერთ ბუშელზე, რაც 25.4 კგ-ია, 9 დოლარამდე ჩამოვიდა. მიზეზი ახალი მოსავალი და რუსეთის მიერ ოკუპირებული ყირიმის ნახევარკუნძულიდან მიწოდების გაზრდაა. კიევში კი, ეჭვობენ, რომ ბაზარზე მაინც ხვდება უკრაინიდან მოპარული მარცვლეულიც. სტუმარი: ქეთევან კუბლაშვილი - ფოთის მარცვლეულის ტერმინალის დირექტორი; #ახალიამბები #BusinessMediaGeorgia
6 თვეში საქართველომ ტურიზმიდან 1.1 მლრდ დოლარის შემოსავალი მიიღო, რაც პანდემიამდელი პერიოდის 78%-ია. რომელი ქვეყნებიდან ჩამოსულმა ვიზიტორებმა დახარჯეს ყველაზე მეტი ფული და რამდენად მდგრადია აღდგენა? #ახალიამბები #BusinessMediaGeorgia
მაღალი ინფლაციის გამო, 2023 წელს პენსიები სავარაუდოდ, 365 ლარამდე გაიზრდება. ამას პენსიის ინდექსაციის წესი ითვალისწინებს, რაც უკვე მეორე წელია მოქმედებს. 2020 წელს პარლამენტმა სავალუტო ფონდის რეკომენდაციით მიიღო პენსიების ინდექსაციის კანონი, რომელიც ინფლაციის და ეკონომიკური ზრდის დონის გათვალისწინებთ ადგენს წესს, რითიც ყოველწლიურად პენსიის ოდენობა უნდა გადაიხედოს. ამავე კანონით, ერთმანეთისგან გაიმიჯნა 70 წლამდე და 70 წელს ზემოთ მოსახლეობის პენსიები. დღეს 60-69 წლის მოქალაქეები 260 ლარის პენსიას იღებენ, 70 წელზე ხანდაზმული მოსახლეობის პენსია კი 300 ლარს შეადგენს. რამდენით გაიზრდება ბიუჯეტისთვის საპენსიო უზრუნველყოფის ხარჯი, როგორ მუშაობს იდექსაცია, რომლის მიზანიც მაღალი ინფლაციისგან მოქალაქეთა პენსიების რეალური მსყიდველუნარიანობის შემცირებისგან დაცვაა? სტუმარი: ლაშა ქავთარაძე - Galt&Taggart;-ის ეკონომისტი. #ახალიამბები #BusinessMediaGeorgia
კოჯორში მდებარე ველნეს კურორტ „ბიოლის“ დამფუძნებლის თამაზ მჭედლიძის ინიციატივითა და ხელმძღვანელობით ქართული ველნეს ასოციაცია დაფუძნდა. BM.GE-ისთან საუბრისას თამაზ მჭედლიძე ამბობს, რომ ასოციაცია ოფიციალურად 13 ივლისს დააფუძნა, თუმცა ქვეყანაში ველნესის განვითარებაზე მუშაობა ჯერ კიდევ 2005 წლიდან დაიწყო. ასოციაციის მიზანი კი, საქართველოში ველნესის გააქტიურებაა. სტუმარი: თამაზ მჭედლიძე - კურორტ „ბიოლის“ დამფუძნებლი; #ახალიამბები #BusinessMediaGeorgia
PMC კვლევითი ცენტრის ინფორმაციით, 2017-2021 წლებში შინამეურნეობების ნომინალური შემოსავალი გაიზარდა, რამაც საქართველოში აბსოლუტური სიღარიბის ზღვარს ქვემოთ მყოფი ადამიანების წილის კლება გამოიწვია.ორგანიზაციაში ასევე აღნიშნავენ, რომ ამავე პერიოდში შემცირდა შინამეურნეობების რეალური შემოსავლები და გაიზარდა საარსებო შემწეობის მიმღები ადამიანების რაოდენობა. აქედან გამომდინარე, ორგანიზაცია უშვებს შესაძლებლობას, რომ შემწეობის მიმღებთა ზრდამ სიღარიბის შემცირებულ მაჩვენებლებზე იქონია გავლენა. სტუმარი: ნიკოლოზ ბაქრაძე - PMCG-ის უმცროსი მკვლევარი; #ახალიამბები #BusinessMediaGeorgia
ძვირადღირებული სასტუმროების რეიტინგი - #TOP10 #ახალიამბები #BusinessMediaGeorgia
საქართველოში თურქული მედიკამენტებიც გაძვირდება.. მიზეზი თურქეთში ადგილობრივი ბაზრისთვის განკუთვნილი მედიკამენტების ფასის ზრდაა. დოკუმენტი ფარმაცევტული პროდუქტების ახალი ტარიფების შესახებ ბრძანება რეჯეპ ტაიპ ერდოღანმა 7 ივლისს გამოსცა. წინა ბრძანება, რომელიც დღემდე მოქმედებდა, 2017 წელს იყო მიღებული და მისი გადახედვის საჭიროება თურქული ლირის გაუფასურებიდან გამომდინარე დადგა. რა ეფექტი ექნება ამ გადაწყვეტილებას საქართველოს ბაზარზე? #ახალიამბები #BusinessMediaGeorgia
ევროპა რთული ზამთრისთვის ემზადება, მიუხედავად იმისა, რომ რუსული გაზის აკრძალვის საკითხი ევროკავშირის სანქციების მე-7 პაკეტშიც ვერ მოხვდება, Reuters-ი წერს, რომ ევროკავშირი რუსეთის წინააღდეგ სანქციების მე-7 პაკეტზე მუშაობს, თუმცა როგორც ჩეხეთის პრემიერ-მინისტრი პერტ ფიალა აცხადებს, წევრი სახელმწიფოები ასე სწრაფად გაზის იმპორტის აკრძალვას ვერ შეძლებენ. ჩეხეთის პრემიერის თქმითვე, ევროპა უნდა მოემზადოს იმისთვის, რომ Nord Stream 1-ის გაზსადენიდან გაზის მიწოდება შესაძლოა, არ განახლდეს და ალტერნატივა ეძებოს, რომელიც შემდეგ წევრ ქვეყნებზე გადანაწილდება. ევროკავშირის წევრი ქვეყნების ენერგეტიკის მინისტრები საგანგებო შეხვედრას გამართავენ. შეხვედრაზე ერთ-ერთ საკითხად, შესაძლოა, განიხილონ გაზის ერთობლივი შესყიდვაც. ევროკავშირის მოქალაქეებს მოუწოდებს, დაზოგონ ენერგია ზაფხულში, რათა ზამთარში შეფერხება თავიდან აიცილონ. რა გამოწვევების წინაშე დგას ევროპა და რუსული გაზის რა ალტერნატივები არსბობს? სტუმარი: მურმან მარგველაშვილი -„მსოფლიო გამოცდილება საქართველოსთვის“ (WEG) დამფუძნებლი #ახალიამბები #BusinessMediaGeorgia
თურქეთში ადგილობრივი ბაზრისთვის განკუთვნილი მედიკამენტების ფასი იზრდება. შესაბამისი ბრძანება რეჯეპ ტაიპ ერდოღანმა 7 ივლისს გამოსცა. ეს დოკუმენტი ფარმაცევტული პროდუქტების ახალ ტარიფებს ადგენს. წინა ბრძანება, რომელიც დღემდე მოქმედებდა, 2017 წელს იყო მიღებული და მისი გადახედვის საჭიროება თურქული ლირის გაუფასურებიდან გამომდინარე დადგა. რა ეფექტი ექნება ამ გადაწყვეტილებას საქართველოს ბაზარზე? #ახალიამბები #BusinessMediaGeorgia
სამედიცინო დახმარების ადგილების მოწყობა - კომპანიებისთვის ახალი, ევროპული ვალდებულება ამოქმედდა #ახალიამბები #BusinessMediaGeorgia
საქართველოს დერეფანში ტვირთბრუნვა ზრდის ტრენდს ინარჩუნებს. წლის პირველ 5 თვეში სატრანსპორტო დარგებმა 16.6 მლნ ტონა ტვირთი გადაამუშავეს, 600 ატასი ტონით მეტი შარშან 5 თვესთან შედარებით. 18%-იანი ზრდაა ქართულ პორტებში, სადაც 5.2 მლნ ტონა ტვირთი გადამუშავდა. 9.9%-იანი ზრდაა გადაზიდულ კონტეინერებში. ბათუმისა და ფოთის პორტებმა 180 573 ერთეული კონტეინერი გადაამუშავეს. კონტეინერების 75% ანუ 136 209 TEU ფოთის პორტში გადამუშავდა. რაც შეეხება ტვირთის განაწილებას 3.1 მლნ ტონა ტვირთ ფოთის საზღვაო ნავსადგური მოემსახურა, 2.1 მლნ ტონას კი ბათუმის ნავსადგური. სტუმარი: მიხეილ ნამადოვი - „კაიროს ლოგისტიკი“-ს დირექტორი #ახალიამბები #BusinessMediaGeorgia
მეღვინეები სახელმწიფოს ამერიკის ბაზარზე მარკეტინგული აქტივობების გაძლიერებისკენ მოუწოდებენ, რადგან როგორც მეღვინეები ამბობენ, აშშ-ში ქართული ღვინის მზარდი გაყიდვების მიუხედავად ცნობადობა მაინც დაბალია, არადა როგორც ბიზნესი ამბობს, ამერიკის ბაზარი იძლევა შესაძლებლობას, ქართული ღვინის ოკეანესგაღმა გაცილებით ფართოდ იყოს წარმოდგენილი. რა ხედვა აქვს ამ მიმართულებით როგორც კერძო სექტორს, ისე შესაბამის სახელისუფლებლო რგოლს და როგორ გამოიყურება რიცხვებში ქართული ღვინის საექსპორტო მაჩვენებლები ამერიკის ბაზარზე? #ახალიამბები #BusinessMediaGeorgia #BMG
შატილში მოსახლეობა უკვე მესამე კვირაა ელექტროენერგიის გარეშეა დარჩენილი. როგორც bm.ge-ის ადგილობრივი ბიზნესის წარმომადგენლებმა განუცხადეს, მიზეზი ის არის, რომ შატილში ჰესი „ბიტეხი 1“დაზიანებულია. პრობლემის მოგვარება დროში ჭიანურდება და მოსახლეობას კონკრეტულ დროს ვერავინ ეუბნება , როდის აღდგება ელექტრომამარაგება. უშუქობის გამო, ყველაზე დიდი ზიანი კი ადგილობრივ ტურიზმს ადგება. სტუმარი: გიორგი ჭინჭარაული კაფე „სანფლაუერი “- ს დამფუძნებელი. #ახალიამბები #BusinessMediaGeorgia #საქმიანები #BMG
2021 წლის 1-ელი ივნისიდან საქართველოში არსებული რესტორნები, კაფეები-ბარები და ჰორეკა სექტორში მოქმედი სხვა ობიექტები, რომლებიც სურსათის გადამუშავებას და მიწოდებას ახორციელებენ, ვალდებულნი არიან, HACCP-ის სტანდარტი დანერგონ. HACCP საერთაშორისოდ აღიარებული სურსათის უვნებლობის სისტემაა, რომელიც სურსათის წარმოების პროცესში პოტენციური საფრთხეების დადგენას, მათ პრევენციას და აღმოფხვრას გულისხმობს. იმის გამო, რომ კვების ინდუსტრიის ახალ სტანდარტებზე გადასვლა საკმაოდ რთულ პერიოდს დაემთხვევა, სოფლის მეურნეობის სამინისტროს სურსათის ეროვნულმა სამსახურმა ბიზნესს 2022 წლის იანვრამდე საშეღავათო პერიოდი მისცა. მიუხედავად იმისა, რომ ბიზნესს სეს-მა გარდამავალი პერიოდი დაუწესა, ახალ რეგულაციების დაკმაყოფილება ობიექტების დიდ ნაწილისთვის ისევ გამოწვევაა. სად არის პრობლემა, ბიზნესში თუ თავად კანონმდებლობაში? სტუმარი: შოთა ბურჯანაძე - საქართველოს რესტორატორთა ასოციაციის პრეზიდენტი; #ახალიამბები #BusinessMediaGeorgia
100-მდე კლინიკა ჯანდაცვის მინისტრს ღია წერილით მიმართავს. ყველაზე მსხვილი დარგობრივი ასოციაციის წერილი 11 ივლისს ჯანდაცვის მინისტრის იმ განცხადებაზე გამოხმაურებაა, რა დროსაც ზურაბ აზარაშვილმა კლინიკებს ფაქტობრივად შეთანხმებულ ტარიფების ინდექსაციაზე უარი უთხრა და თქვა, რომ DRG-ის, ანუ დაფინანსების ახალი მოდელის ამოქმედებამდე, რაც დაანონსებულია, რომ წლის ბოლოდან უნდა გავრცელდეს კლინიკებზე, სამინისტრო საყოველთაო ჯანდაცვის პროგრამის ფარგლებში დადგენილი ტარიფების გადახედვას არ აპირებს. სექტორი კი დროულად ითხოვს სატარიფო პოლიტიკის ცვლილებას, რადგან როგორც განცხადებაში ვკითხულობთ, არსებული დაფინანსების პირობებში კლინიკები პირდაპირი ხარჯის დაფარვასაც ვეღარ ახერხებენ. სექტორი ჯანდაცვის სამინისტროს შესახვედრად დროს 20 ივლისამდე აძლევს, წინააღმდეგ შემთხვევაში ასოციაცია არ გამორიცხავს კლინიკების ნაწილმა ოპერირება შეაჩეროს. სტუმარი: ივანე ჩხაიძე - იაშვილის სახელობის ბავშვთა ცენტრალური საავადმყოფოს სამედიცინო დირექტორი; #ახალიამბები #BusinessMediaGeorgia
შექმნილი სამედიცინო კაპიტალის არაეფექტური გამოყენება, უფრო ხარჯიანი ჰოსპიტალური სერვისების ჭარბი გამოყენება და გაზრდილი სახელმწიფო დანახარჯების მიუხედავად პაციენტების ჯიბიდან გადახდის მაღალი წილი - ასეთია საყოველთაო ჯანდაცვის სისტემემის ნეგატიური მხარეები პროგრამის ამოქმედებიდან 9 წლის შემდეგ. ამ წუთებში ფონდი კურაციო ჯანსაცვის სფეროს ბარომეტრის პრეზენტაციას მართავს. კვლევის ფარგლებში კიდევ ერთხელ შეფასდა სამედიცინო სერვისების ბაზარი საქართველოში, მისი სტრუქტურა და სტრუქტურიდან გამომდინარე შედეგები. როგორია შეფასებები, სახელწიფოს მუდმივად მზარდი დანახარჯების პირობებში, რატომ ვერ იზრდება საყოველთაო ჯანდაცვის პროგრამის ეფექტიანობა? #ახალიამბები #BusinessMediaGeorgia
ირლანდიის პერსონალური მონაცემების დაცვის მარეგულირებელმა ორგანომ Meta-ს საკუთრებაში არსებულ პლატფორმებს, Facebook-სა და Instagram-ს ევროპელი მოქალაქეების შესახებ მონაცემების ამერიკის შეერთებულ შტატებში გაგზავნა აუკრძალა. ეს გადაწყვეტილება იმდენად მნიშვნელოვანია, რომ შესაძლოა მას ევროპაში Facebook-ისა და Instagram-ის გათიშვა მოჰყვეს. ირლანდიის მარეგულირებლის ეს გადაწყვეტილება „მონაცემთა დაცვის ზოგად რეგულაციას“ უკავშირდება, რომელიც ევროკავშირში ძალაში 2018 წლის მაისში შევიდა. თუკი ირლანდიური მარეგულირებლის გადაწყვეტილებას „ევროპის პირადი მონაცემების დაცვის საბჭო: დაეთანხმება, მას გავლენა ექნება არამხოლოდ #Meta-ზე, არამედ ყველა იმ კომპანიაზე, რომელსაც საკუთარი ოპერაციებისთვის ევროპასა და ამერიკის შეერთებულ შტატებს შორის მონაცემების გაგზავნა სჭირდება. რამდენად რეალურია ევროპის ტერიტორიაზე Facebook-ისა და Instagram-ის დროებითი გათიშვა? რას ეფუძნება გადაწყვეტილება? სტუმარი: ანზორ მეხრიშვილი - BDO Digital-ის კიბერ და ინფორმაციული უსაფრთხოების განყოფილების ხელმძღვანელი; #ახალიამბები #BusinessMediaGeorgia
საქართველოში მოქმედი ბანკებისთვის უცხოური ვალუტით მოზიდულ სახსრებზე მინიმალური სარეზერვო მოთხოვნა შესაძლოა გაიზარდოს. მინიმალური სარეზერვო მოთხოვნის ზრდა ქვეყანაში სავალუტო კრედიტების ზრდის ტემპის შემცირების მიზანს ემსახურება. ეს საკითხი იყო ერთ-ერთი განხილვის თემა გასული კვირის ბოლოს ეროვნული ბანკისა და საქართველოს ბიზნეს ასოციაციის წევრი კომპანიების შეხვედრაზე. ბიზნესი სარეზერვო მოთხოვნის ზრდის წინააღმდეგია. თუ თუ რეალური ეკონომიკური ზრდა გვინდა, ბანკებისთვის სარეზერვო ნორმები უნდა განულდეს- ასეთი პოზიცია დააფიქსირა ბიზნესმენმა ლაშა პაპაშვილმა. როგორი მოლოდინი აქვს თავად საბანკო სექტორს? #ახალიამბები #BusinessMediaGeorgia
შემოღებულ იქნას ფქვილის იმპორტზე წინასაიმპორტო გადასახადი; განთავისუფლდეს წინასაიმპორტო გადასახადისაგან 7 000 ტონა პირველი ხარისხის იმპორტირებული ფქვილი იმ პირობით თუ იგი პურის ქარხნების მიერ გამოყენებული იქნება ყოველდღიური მოხმარების ე.წ. სოციალური პურის გამოსაცხობად. ასეთი შეთავაზება აქვს საქართველოს ხორბლისა და ფქვილის მწარმოებელთა ასოციაციას საქართველოს მთავორბისადმი, რათა წისქვილკომიბინატების მუშაობა აღდგეს. სტუმარი: ლევან სილაგავა - ხორბლისა და ფქვილის მწარმოებელთა ასოციაციის აღმასრულებელი დირექტორი; #ახალიამბები #BusinessMediaGeorgia
ჯანდაცვის სამინისტრო საყოველთაო ჯანდაცვის პროგრამის მონაწილე კლინიკებს ტარიფების გადახედვაზე და ინდექსაციის მოდელის შემოღებაზე უარს ეუბნება. თავისმხრივ, ტარიფების ინდექსაცია ტარიფების ზრდას გულისხმობს საქსტატის მიერ დადგენილი ინდექსის მიხედვით. შესაბამისი მოთხვნით 130-ზე მეტმა სამედიცინო დაწესებულებამ ჯანდაცვის სამინისტროს არაერთხელ მიმართა. გადაწყვეტილების რამდენიმეთვიანი ლოდინის შემდეგ პასუხს სექტორი უწყებისგან მიმდინარე თვეში ელოდა, თუმცა დღევანდელი მთავრობის სხდომის დასრულების შემდებ ბიემჯის შესაბამის კითხვაზე პასუხად ჯანდაცვის მინისტრმა, თქვა, რომ ტარიფების ინდექსაცია არ მოხდება. #ახალიამბები #BusinessMediaGeorgia
საქართველოში ხშირია საგზაო მოძრაობის უხეში დარღვევები. კერძოდ, მსოფლიოს ჯანდაცვის ორგანიზაციის თანახმად, საქართველო ავტოსაგზაო შემთხვევების შედეგად სიკვდილიანობის მაჩვენებლით მსოფლიოში ერთ-ერთ წამყვან პოზიციაზეა. შინაგან საქმეთა სამინისტროს ოფიციალური მონაცემებით, საქართველოში ყოველწლიურად გზებზე სულ უფრო მეტი საგზაო–სატრანსპორტო შემთხვევა ფიქსირდება. მაგალითად, 2020 წელს ადმინისტრაციული სამართალდარვევის შესაბამისად 31 552 ავტოსაგზაო სემტხვევა მოხდა, 2021 წელს კი 39 288. რაც შეეხება დაშავებულთა და დაღუპულთა რაოდენობას, 2020 წელს 6640 აცდამინი დაშავდა, 450 გარდაიცვალა, 2021 წელს კი დაშავებულთა რაოდენობამ 7705 შეადგინა, გარდაიცვალა 449 ადამიანი. საგაზო უსაფრთოხების პრობლემა, რომ მწვავე გამოწვევაა ქვეყნისთვის სტატისტიკაც აჩვენებს და ჩვენც არაერთხელ დავუთმეთ თემას დრო. დღეს ვისაუბრებთ, საქართველოს 2022 – 2025 წლების საგზაო უსაფრთხოების ეროვნული სტრატეგიისა და მისი 2022-2023 წლების სამოქმედო გეგმის შესახებ, რომელიც მთავრობამ დაამტკიცა. ძირითადად მის შესაბამისობა არსებულ გამოწვევებთან მიმართებით. სტუმრები: გელა კვაშილავა - გაეროს ექსპერტი ტრანსპორტისა და საგზაო უსაფრთხოების საკითხებში; ეკა ლალიაშვილი - “საქართველოს ალიანსი უსაფრთხო გზებისთვის” თავმჯდომარე; #ახალიამბები #BusinessMediaGeorgia
ხორბლის მოსავლის აღება იწყება ფერმერები კი ისევ გამოწვევების წანაშე დგანან. გაძვირებულმა დიზელმა მოსავლის აღების ფასი მკეთრად გაზარდა. თუ გასულ წელს კომბაინის მომსახურებაში ფერმერები 1 ჰექტარზე 130-150 ლარს იხდიდნენ, ახლა ფასი 200 ლარამდეა გაზრდილი. პრობლემაა კომბაინების რაოდენობაც, რომელიც დეფიციტურია. სტუმარი: ნოდარ ლატიბაშვილი - „ნამჯის სახლის“ დამფუძნებელი; #ახალიამბები #BusinessMediaGeorgia
სარესტორნე ბიზნესს საშუალოდ 30%-ით მოუწია ფასების გაზრდა - ამის შესახებ BM.GE-თან კომენტარი რესტორატორმა მერიკო გუბელაძემ გააკეთა. როგორც გუბელაძე ამბობს, გაძვირებული პროდუქციის ფონზე კვების ობიექტები კერძებზე ფასების დაჭერას ვეღარ ახერხებენ, შესაბამისად, მათ პერიოდულად ფასების ცვლილება უწევთ. ფასების კორექტორება მოუწია რესტორან თაშრეს მენეჯმენტსაც, სადაც ფასები 15-20%-ით გაიზარდა. როგორ აისახება გაზრდილი ფასები ბიზნესზე, მოსახლეობაზე და ტურიზმის სექტორზე? #ახალიამბები #BusinessMediaGeorgia
რა აწუხებს ბიზნესს: სებ-ის BAG-ის შეხვედრა #ახალიამბები #BusinessMediaGeorgia #BMG
საქართველოში ოპერირებას მულტირფილური და მოლეკულური ლაბორატორია იწყებს. ლაბორატორია „აგროლაბისა“ და სატელიტური პლატფორმის პრეზენტაცია საქართველოს ფერმერთა ასოციაციის ორგანიზებით, გაიმართა. ამ ორი ინოვაციური მომსახურების დანერგვით ფერმერები დროის დაზოგვით, მაღალი ხარისხის პროდუქტის მიღებას შეძლებენ, რაც საექსპორტო პოტენციალს გაზრდის. #ახალიამბები #BusinessMediaGeorgia #ბიზნესმედია #საქმიანები #BMG
გლობალური გამოწვევები და მათი გავლენა საქართველოს ეკონომიკაზე - საპასუხო ქმედებები და სამომავლო ნაბიჯები - ეროვნული ბანკის და ყველაზე მსხვილი ბიზნეს ასოციაციის მენეჯმენტსა და წევრ კომპანიებს შორის შეხვედრა დღეს თითქმის 2 საათი გაგრძელდა. რა აწუხებს ბიზნესს, რა კითხვები აქვთ და რა ინფორმაცია მიიღეს ეროვნული ბანკისგან? #ახალიამბები #BusinessMediaGeorgia
“დროის საკმაოდ მოკლე მონაკვეთებშიც კი საკმაოდ ბევრი რამ ხდება ერთად, რაც შემდეგში გავლენას ახდენს ეკონომიკაზე და აქედან გამომდინარე, გვსურდა ბიზნესისთვის გაგვეზიარებინა ჩვენი ხედვა დადღევანდელი ეკონომიკური სიტუაციის ანალიზი“ - ეს განცხადება ეროვნული ბანკის პრეზიდენტმა მედიასთან დღეს საქართველოს ბიზნეს ასოციაციის წევრ კომპანიებთან შეხვედრის შემდეგ განაცხადა. #ახალიამბები #BusinessMediaGeorgia
2018-2020 წლებში ავტოსატრანსპორტო საშუალებების ექსპლუატაციასთან დაკავშირებული სხვადასხვა მავნე ნივთიერების კონცენტრაციების დადგენა და არეალის დაფარვა არ წარმოებდა სრულყოფილად. შესაბამისად, შეუძლებელია განისაზღვროს ავტოსატრანსპორტო საშუალებების ტექნიკური გაუმართაობით მიღებული გავლენა ჰაერის დაბინძურებაზე. აქედან გამომდინარე, ზემოაღნიშნულის გარეშე შეუძლებელია რეფორმის ეფექტიანობის სათანადოდ შეფასება, მიზნის მიღწევის თვალსაზრისით. აუდიტის სამსახურმა, ავტოსატრანსპორტო საშუალებების პერიოდული ტექნიკური ინსპექტირების პროცესზე სახელმწიფო კონტროლის შესახებ ანგარიში გამოქვეყნა. პუბლიკაციაში, ინსპექტირების ცენტრებში ინსპექტორების კვალიფიკაციის ნაკლოვანებებზე, ინფორმაციული სისტემების ხარვეზებზე, სახელმწიფო ზედამხედველობის სისუსტებზეა საუბარი. სტუმრები: გიორგი შიოლაშვილი - ტექინსპექტირების ცენტრების კავშირის აღმასრულებელი დირექტორი; ვახტანგ ებიტაშვილი - კომპანია "გრინვეი"-ს გენერალური დირექტორი. #ახალიამბები #BusinessMediaGeorgia
საქართველოში ფუნქციიონირებას პირველი მულტიპროფილური, მოლეკულური ლაბორატორია იწყებს. „აგროლაბის“ მომსახურებით ფერმერები და აგროსექტორში ჩართული ბიზნესები შეძლებენ სიზუსტისა და მაღალი ხარისხის გარანტიით მიიღონ სრული კვლევები: სურსათის უვნებლობაზე, ვეტერინარიაზე, მცენარეთა დაცვაზე, ღვინოზე, გარემოს დაცვაზე , ნიადაგსა და წყალზე. სატელიტურ სისტემაზე დაფუძნებული სასოფლო-სამეურნეო ხელსაწყოების დახმარებით კი, ფერმერებს შეეძლებათ საკუთარ მეურნეობებში წარმოებული პროდუქტების ხარისხის გაუმჯობესება და ფერმერული საქმიანობის გაძლიერება. სტუმარი: ნათია ცაბუტაშვილი - „აგროლაბის“ დირექტორი; #ახალიამბები #BusinessMediaGeorgia