პოლიტიკური კრიზისი რომელმაც შეიძლება გამოუსწორებელ ეკონომიკურ კრიზისამდე მიიყვანოს ქვეყანა ბიზნესის გადმოსახედიდან დროულ რეაგირებას და ვითარების დეესკალაციას საჭიროებს. ქვეყნის დოვლათის შემქმნელები ღიად საუბრობენ იმ პრობლემებზე, რაც არსებულმა ვითარებამ უკვე შექმნა ან უახლოეს მომავალში კიდევ შექმნის. კერძო სექტორის წარმომადგენელთა ნაწილი აღნიშნავს, რომ უცხოელ ინვესტორებს ჩვენი ქვეყანა აღარ აინტერესებთ, რადგან მათ ინვესტირება და ბიზნესის კეთება მშვიდ ადგილას სურთ. ინფორმაციული ტექნოლოგიების ასოციაციის თავმჯდომარე კრიზისის გაგრძელების შემთხვევაში სფეროში დასაქმებულების ქვეყნიდან გადინებას ელოდება. ბიზნესის კვირეულის ეთერში შექმნილი პოლიტიკური ვითარების გათვალისწინებით რისკებზე და პერსპექტივებზე მსჯელობისთვის შეკრებილი ბიზნესის წარმომადგენლები ამბობენ, რომ იმ შემთხვევაში თუ მდგომარეობის გამოსასწორებლად მთავრობა ქმედით ნაბიჯებს არ გადადგამს და იზოლაციონიზმის პოლიტიკიდან არ გამოვა, მომდევნო 3-4 თვის განმავლობაში ეკონომიკური კოლაფსი გარდაუვალია. საჭიროა ვითარების დეესკალაცია და ამის გზად ბიზნესის ნაწილი ვადამდელ არჩევნებს და აქციების დროს დაკავებულთა გათავისუფლებას ასახელებს. #ახალიამბები #BusinessMediaGeorgia
საჯარო სამსახურში რეორგანიზაციისა და დასაქმებულთა გათავისუფლების საკითხები მარტივდება. „საჯარო სამსახურის შესახებ“ კანონში ცვლილებები საქართველოს პარლამენტმა მიმდინარე კვირის ბოლოს დაჩქარებული წესით განიხილა და მიიღო. კანონში განხორციელებული ცვლილებები მკვეთრად აუარესებს საჯარო მოხელეების უფლებრივ მდგომარეობას ამბობენ არასამთავრობო ორგანიზაციები და იურისტები. მათი შეფასებით, ცვლილებებით უარესდება დღეს არსებული საკანონმდებლო მოწესრიგება, რაც არსებითად ეწინააღმდეგება საქართველოს კონსტიტუციას. რა იცვლება საჯარო სამსახურის შესახებ კანონში და რა რისკებს ხედავენ ცვლილებებში იურისტები? #ახალიამბები #BusinessMediaGeorgia
9 თვეში სადაზღვევო სექტორმა 983 მლნ ლარის მოცულობის პრემია მოიზიდა, რაც წლიურად 20%-ით გაზრდილი მაჩვენებელია. გაზრდილია სექტორის მოგებიანობაც და 9 თვეში მზღვეველების წმინდა მოგებამ 115 მლნ ლარი შეადგინა. მიუხედავად გაუმჯობესებული მაჩვენებლებისა, კომპანიების ნაწილში აცხადებენ, რომ ბაზრის ზრდა ძირითადად პოლისების გაძვირებაზე მოდის და არა დაზღვეულთა რაოდენობის მნიშვნელოვან ზრდაზე. ამასთან, სექტორის წარმომადგენლები არ გამორიცხავენ, რომ ქვეყანაში შექმნილი არასტაბილური გარემო და დასავლეთისგან იზოლაცია, სამომავლოდ სადაზღვევო ბაზარზე ნეგატიურად აისახოს. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 16.12.2024
ადამიანური რესურსების მართვის სპეციალისტები, ტრენერები და ბიზნეს-კონსულტანტები ერთობლივ განცხადებას აქვეყნებენ, რომლითაც მიმდინარე პროევროპული სახალხო პროტესტის მოთხოვნებს უერთდებიან. 400-მდე პროფესიონალი დაკავებული დემონსტრანტების გათავისუფლებას და ხელახალი არჩევნების დანიშვნას ითხოვს. მათი განცხადებით, საქართველო თავისი ღირებულებებითა და კულტურით ყოველთვის იყო დასავლური ცივილიზაციის ნაწილი. როგორც განცხადებაშია აღნიშნული, ბოლო წლების განმავლობაში ქვეყნის ინსტიტუციურ და ეკონომიკურ განვითარებაში უდიდესი წვლილი ევროკავშირსა და დასავლურ საერთაშორისო ინსტიტუციებს აქვს. სექტორში აღნიშნავენ, რომ ევროკავშირთან მოლაპარაკებების შეჩერება და ქვეყანაში მიმდინარე მოვლენები პირდაპირი საფრთხეა როგორც ქვეყნის სუვერენიტეტისთვის და დემოკრატიისთვის, ისე ქართული ეკონომიკისთვის, ბიზნესისთვის და შრომის ბაზრისთვის. რა გამოწვევების წინაშე დგას შრომის ბაზარი და როგორ აისახება მიმდინარე პროცესები დასაქმებაზე? სტუმარი: მედეა ტაბატაძე - საკონსულტაციო და კვლევითი კომპანია Insource-ის მმართველი პარტნიორი #ახალიამბები #BusinessMediaGeorgia
300-ზე მეტი კომპანია ახალი არჩევნების დანიშვნას და პროევროპულ აქციებზე დაკავებული მოქალაქეების ახალ წლამდე გათავისუფლებას ითხოვს. კომპანიებმა საკუთარი პოზიცია ახალ პლატფორმა Freebusiness-ზე დააფიქსირეს, რომელიც სტარტაპერმა გიორგი ჩუგოშვილმა შექმნა. პლატფორმაზე აღნიშნულია, რომ არსებული კრიზისი პარტიული პოლიტიკის საზღვრებს გასცდა , რაც ქვეყანას გარდაუვალი სოციალური და ეკონომიკური საფრთხის წინაშე აყენებს. ბიზნესების თქმით, აუცილებელია ვითარების, რაც შეიძლება სასწრაფო დეესკალაცია. freebusiness.ge -ს პლატფორმის პრეზენტაცია გუშინ, BMGTV-ის გადაცემა „ბიზნესის კვირეულში“ გაიმართა. სტუმარი: გიორგი ჩუგოშვილი - freebusiness.ge -ის იდეის ავტორი; #ახალიამბები #BusinessMediaGeorgia
300-მდე გაიზარდა იმ ბიზნეს-კომპანიების რაოდენობა, რომლებიც ახალი არჩევნების დანიშვნას და პროევროპულ აქციებზე დაკავებული მოქალაქეების ახალ წლამდე გათავისუფლებას ითხოვენ. კომპანიებმა საკუთარი პოზიცია ახალ პლატფორმა Freebusiness-ზე დააფიქსირეს, რომელიც სტარტაპერმა გიორგი ჩუგოშვილმა შექმნა. პლატფორმაზე აღნიშნულია, რომ არსებული კრიზისი პარტიული პოლიტიკის საზღვრებს გასცდა , რაც ქვეყანას გარდაუვალი სოციალური და ეკონომიკური საფრთხის წინაშე აყენებს. ბიზნესების თქმით, აუცილებელია ვითარების, რაც შეიძლება სასწრაფო დეესკალაცია. freebusiness.ge -ს პლატფორმის პრეზენტაცია გუშინ, BMGTV-ის გადაცემა „ბიზნესის კვირეულში“ გაიმართა. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 13.12.2024
აქცია მსვლელობების ე.წ აფიშა ჯერ ამოწურული არ არის. ელექტრონული მუსიკისა და საკლუბო სცენის წარმომადგენლები სოლიდარობის მარშს რამდენიმე წუთში გამართავენ. ქვეყანაში ღამის ეკონომიკის მთავარი კონტრიბუტორები მარჯანიშვილის მოედნიდან პარლამენტის შენობისკენ დაიძვრებიან და კონკრეტულ მოთხოვნებს გააჟღერებენ. იქამდე სანამ ინდუსტრიის წარმომადგენლები საპროტესტო მარშს შეუერთდებიან. #ახალიამბები #BusinessMediaGeorgia
IT, HR, PR, ტრენერებისა და ფინანსური სფეროს წარმომადგენლები, მარკეტერები და სხვა შემოქმედებით სფეროში დასაქმებულები მსვლელობით თბილისის მერიასთან მივიდნენ. მათი ნაწილი ვაკის პარკიდან, მეორე ნაწილი კი რესპუბლიკის მოედნიდან მართავდა მსვლელობას. აქციის მონაწილეები დედაქალაქის მერიის თანამშრომლებს, რომლებიც ფანჯრებიდან იყურებოდნენ, აქციის შემოერთებისკენ მოუწოდებდნენ მათთან ერთად დგომისკენ მოუწოდებდნენ. #ახალიამბები #BusinessMediaGeorgia
“დაბრუნდეს სამართლებრივი სახელმწიფო” - ამ ლოზუნგით საქართველოს უზენაეს სასამართლოსთან რამდენიმე ასეული იურისტი შეიკრიბა. ისინი ქვეყანაში განვითარებულ მოვლენებს აპროტესტებენ და ითხოვენ დაინიშნოს ხელახალი არჩევნები და გათავისუფლდნენ უკანონოდ დაკავებულები და დაპატიმრებულები. #ახალიამბები #BusinessMediaGeorgia
ელექტრონული მუსიკისა და საკლუბო სცენის წარმომადგენლები დღეს სოლიდარობის მარშს გამართავენ. ქვეყანაში ღამის ეკონომიკის მთავარი კონტრიბუტორები დღეს საღამოს 19:00 საათიდან მარჯანიშვილის მოედნიდან პარლამენტის შენობისკენ დაიძვრებიან და კონკრეტულ მოთხოვნებს გააჟღერებენ. იქამდე სანამ ინდუსტრიის წარმომადგენლები საპროტესტო მარშს შეუერთდებიან. #ახალიამბები #BusinessMediaGeorgia
„ქართული ღვინის ადგილი ევროპაშია!“ - ამ გზავნილით მევენახეები, მეღვინეები, მცირე, და დიდი მარნების წარმომადგენლები ეკონომიკისა და მდგრადი განვითარების სამინისტროსთან შეიკრიბნენ. როგორც ღვინის ინდუსტრიის წარმომადგენლები ევროატლანტიკური კურსის ცვლილებას და პროტესტის მშვიდობიანი მონაწილეების დევნას და არაადამიანურ მოპყრობას აპროტესტებენ. #ახალიამბები #BusinessMediaGeorgia
ქვეყანაში შექმნილ ვითარებასთან დაკავშირებით საკუთარი პოზიცია დღეს ფინანსისტებმაც დააფიქსირეს, რომლებიც რუსთაველის გამზირზე შეკრებილ სხვა სფეროს წარმომადგენლებს შეუერთდნენ. იქამდე კი ფინანსისტების და მომიჯნავე სპეციალობების წარმომადგენლებმა ერთობლივი განცხადება გაავრცელეს, სადაც აღნიშნულია, რომ კატეგორიულად მიუღებელია თუნდაც ერთი დღით ევროკავშირში გაწევრიანების მოლაპარაკებების გახსნის ამოღება დღის წესრიგიდან. საგარეო კურსის ცვლილება და დასავლეთისგან იზოლაცია კი როგორც ვიცით უკვე აისახება საქართველოს ეკონომიკაზე, მათ შორის საკრედიტო სააგენტო ფიჩ რეიტინგსმა საქართველოს სუვერენული რეიტინგის პროგნოზი წელს უკვე მეორედ შეამცირა და ნეგატიურამდე დაწია. სადამდე შეიძლება მიიყვანოს საქართველოს ეკონომიკა დასავლეთისგან იზოლაციამ და სადაა გამოსავალი? სტუმარი: ნინო ქურდიანი - ფინანსისტი, საფონდო ბირჟის დირექტორის მოვალეობის შემსრულებელი; #ახალიამბები #BusinessMediaGeorgia
„ქართველი მეწარმეები ევროპულ გზაზე“ - ამ იდეით შეიკრიბა დღეს მეწარმეების ნაწილი სააგენტო „აწარმოე საქართველოს“ ოფისთან. მათ ამ გზით გააპროტესტეს „ოცნების“ მთავრობის გადაწყვეტილება ევროკავშირთან მოლაპარაკებების საკითხის შეჩერების შესახებ და რეჟიმის პატიმრების გათავისუფლება მოითხოვეს. რა გზავნილებით მივიდნენ მეწარმეები „აწარმოე საქართველოს“ ოფისთან? #ახალიამბები #BusinessMediaGeorgia
სტარტაპების მიერ "საქართველოს ინოვაციებისა და ტექნოლოგიების სააგენტოსთან" გამართული პროევროპული საპროტესტო აქციის შემდეგ, აქციის მონაწილეები სააგენტოს თავმჯდომარე ავთანდილ კასრაძესთან შეხვედრას მართავენ. როგორც სტარტაპერები BMG-სთან აღნიშნავენ, ინდუსტრიისთვის, რომლის შენების პროცესშიც GITA ერთ-ერთი წამყვანი ფიგურაა, მნიშვნელოვანია ტექნოპარკის ხელმძღვანელი პირების პოზიციების მოსმენა და მსჯელობა საკითხზე, თუ რა გავლენას იქონიებს ქვეყანაში მიმდინარე მოვლენები სტარტაპ ეკოსისტემაზე. #ახალიამბები #BusinessMediaGeorgia
IT/TECH კომუნის წევრებმა დღეს სამუშაო ადგილები დატოვეს და საპროტესტო აქცია გამართეს. არ შეგვეძლო ვმსხდარიყავით და ჩვენი საქმე წყნარად გვეკეთებინა - თქვეს მათ და აღნიშნეს, რომ საქართველოს ევროპული მომავალი საფრთხეშია. აიტი სპეციალისტებმა იციან, რომ ევროინტეგრაცია მათი სექტორისა და ქვეყნის უკეთესი მომავლისთვის მნიშვნელოვანია. ევროპულ გზაზე დაბრუნება, დაკავებული მოქალაქეების გათავისუფლება და ახალი არჩევნები - ეს აქციის მონაწილეების მოთხოვნა იყო. #ახალიამბები #BusinessMediaGeorgia
მიუხედავად იმისა, რომ ქართული ოცნება ეკონომიკაში გამოწვევებს არ აღიარებს, მიმდინარე კვირაში ბიუჯეტში თანხების მობილიზებისთვის პარლამენტში არაერთი ინიციატივა დაინიცირდა. მათ შორისაა სპეციალური დაბეგვრის რეჟიმებიდან სამშენებლო სექტორის ამოღება, რაც იმას ნიშნავს, რომ სამშენებლო სექტორში დასაქმებული მცირე მეწარმეები 1 %-ის ნაცვლად 20 %-ით დაიბეგრებიან. დეველოპერულ კომპანიებში აცხადებენ, რომ სამშენებლო სექტორში დასაქმებულებისთვის შეღავათის გაუქმება კომპანიებს ხარჯებს გაუზრდის და საბოლოოდ უძრავ ქონებას გააძვირებს. სექტორი ცვლილებებზე მოსარგებად მეტ დროს ითხოვს, რადგან არსებულ კონტრაქტებსა და პროექტებში დაბეგვრის შეღავათიანი რეჟიმია გათვალისწინებული. #ახალიამბები #BusinessMediaGeorgia
საქართველოში განვითარებული მოვლენების ფონზე უცხოელი ტურისტები სასტუმროებში ჯავშნებს აუქმებენ. განსაკუთრებით რთული მდგომარეობა თბილისის განთავსების ობიექტებშია, რომლის 70% ფაქტობრივად ცარიელია, თუმცა ჯავშნები უქმდება ზამთრის კურორტებზეც. ახლა, როცა წესით სასტუმრო ბიზნესი აქტიური ტურისტული სეზონისთვის უნდა ემზადებოდეს, ძირითადად დამკვეთების კითხვებზე უწევთ პასუხის გაცემა, რამდენად უსაფრთხოა საქართველოში მოგზაურობა. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 12.12.2024
მიუხედავად იმისა, რომ ქართული ოცნება ეკონომიკაში გამოწვევებს არ აღიარებს ამ კვირაში ბიუჯეტში თანხების მობილიზებისთვის არაერთი ცვლილება ამომქონდა, მათ შორის მოხვდა სპეციალური დაბეგვრის რეჟიმებიდან სამშენებლო სექტორის ამოღება, რაც იმას ნიშნავს, რომ სამშენებლო სექტორში დასაქმებული მცირე მეწარმეები 1 %-ის ნაცვლად 20 %-ით დაიბეგრებიან, დეველოპერულ კომპანიებში აცხადებენ, რომ სამშენებლო სექტორში დასაქმებულებისთვის შეღავათის გაუქმება კომპანიებს ხარჯებს გაუზრდის და საბოლოოდ უძრავ ქონებას გააძვირებს. სექტორს ცვლილებებზე მოსარგებად მეტ დროს ითხოვს, რადგან არსებულ კონტრაქტებსა და პროექტებში დაბეგვრის შეღავათიანი რეჟიმია გათვალისწინებული. #ახალიამბები #BusinessMediaGeorgia
„ოცნების“ არჩეული გზა, უწყვეტი პროტესტის მე-15 დღე და მოვლენების გავლენა ეკონომიკაზე... ქართული ოცნების ხმამაღალი განაცხადი, რომ დღის წესრიგში აღარ დააყენებენ 2028 წლის ბოლომდე ევროკავშირთან მოლაპარაკებების გახსნის საკითხს ეკონომიკასა და ბიზნესზე უკვე აისახა... მიმდინარე კრიზისის ფონზე ფიჩ რეიტინგსმა საქართველოს სუვერენული რეიტინგის პროგნოზი წელს უკვე მეორედ შეამცირა და ნეგატიურამდე დაწია, ეს იმას ნიშნავს, რომ გავლენიანი სარეიტინგო სააგენტომ არსებულ თუ პოტენციურ ინვესტორებს საქართველოში არსებული ვითარების ცვლილებაზე აცნობა და ფაქტობრივად განვითარების ვექტორი შეცვალა. თუ წილის დასაწყისში ფიჩი ელოდა, რომ რეიტინგი ზრდის მიმართულებით შეიცვლებოდა, ახლა პირიქით ნეგატიური პროგნოზი რეიტინგის შესაძლო გაუარესების მანიშნებელია. ქართული ოცნება კი, რომელიც ამ დრომდე ღიად არ აღიარებს შესაძლო პრობლემებს ეკონომიკაში და აქცენტს მაღალ ზრდაზე აკეთებს, როგორც ჩანს საბიუჯეტო შემოსავლებში დანაკლისს მაინც ელის და თანხების მობილიზებისთვის დაჩქარებული წესით გაზარდა აქციზი თამბაქოზე, მოგების გადასახადი სათამაშო ბიზნესში, ძვირდება შსს-ს მომსახურების სააგენტოს ცალკეული მომსახურებები, ასევე სამშენებლო სექტორში დასაქმებულ მცირე მეწარმეებისთვის 1%-ის ნაცვლად 20%-იანი დაბეგვრის განაკვეთი შემოაქვს.... რეალურად რა ტენდენციებია ეკონომიკაში, რა არის ყველაზე დიდი რისკები და სად არის გამოსავალი? სტუმარი: ლექსო ალექსიშვილი - PMCG-ის გენერალური დირექტორი; #ახალიამბები #BusinessMediaGeorgia
IT/TECH კომუნის წევრები საპროტესტო აქციას მართავენ. სხვადასხვა კომპანიაში დასაქმებულებმა სამუშაო ადგილები ორი დღით დატოვეს და ევროინტეგრაციის შეფერხებას აპროტესტებენ. აცხადებენ, რომ ქართულ ოცნებას ქვეყანა რუსეთისკენ მიჰყავს, რაც როგორც სახელმწიფოს, ისე აიტი სექტორს დააზარალებს. #ახალიამბები #BusinessMediaGeorgia
საპენსიო ფონდის მმართველობითი საბჭოს წევრების შესარჩევად კონკურსი გამოცხადდა. “დაგროვებითი პენსიის შესახებ“ კანონში ივნისში შესული ცვლილებით, საპენსიო ფონდში ნაცვლად დღეს არსებული საინვესტიციო და სამეთვალყურეო საბჭოებისა, ერთიანი მმართველობითი საბჭო იქმნება, რომლის წევრებიც კონკურსის საფუძველზე პრემიერ-მინისტრმა უნდა დანიშნოს. ეკონომისტების ნაწილი მიიჩნევს, რომ საბჭოს წევრების შერჩევის უფლებამოსილების მთავრობაზე გადასვლა საპენსიო სააგენტოს დამოუკიდებლობას შეამცირებს. ამასთან, მათი თქმით, ქვეყანაში ბოლო პერიოდში განვითარებული მოვლენების ფონზე, იზრდება რისკი, რომ მოსახლეობის საპენსიო დანაზოგები სხვადასხვა სახელმწიფო პროექტის დასაფინანსებლად მიიმართოს. რა იცვლება საპენსიო ფონდის მმართველობით სტრუქტურაში და რა რისკები ჩნდება. #ახალიამბები #BusinessMediaGeorgia
კიდევ ერთი ცვლილება საბიუჯეტო შემოსავლების მობილიზებისთვის - მთავრობის გადაწყვეტილებით, შსს-ს მომსახურების სააგენტოს ცალკეული მომსახურებები ძვირდება. შესაბამისი საკანონმდებლო ინიციატივა პარლამენტში "ქართული ოცნების" დეპუტატებმა დააინფიცირეს. კერძოდ, მნიშვნელოვნად იზრდება საექსპერტო შემოწმებისთვის, აგრეთვე საბაჟო დეკლარაციის შევსებისთვის ან აღრიცხვის მოწმობის გამოწერისთვის მომსახურების საფასური. შესაბამისი საკანონმდებლო ცვლილებები ქართული ოცნების დეპუტატებმა პარლამენტში დღეს იურიდიულ საკითხთა კომიტეტზე განიხილეს და მხარი დაუჭირეს. კანონმდებლები მომსახურების ზოგ შემთხვევაში სერვისის ღირებულების გასამმაგებას მომსახურების ხარისხის გაუმჯობესების საჭიროებით ხსნიან. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 11.12.2024 "ბიბლუსი ჯგუფი“ საახალწლო ფესტივალის ღონისძიებას აუქმებს; ვგმობთ ძალადობას მშვიდობიანი დემონსტრანტების წინააღმდეგ - Château Mukhrani; მეწარმეების ნაწილმა „საახალწლო სოფელში" მონაწილეობაზე უარი თქვა; Fabrika-ში მოქმედი ბიზნესსუბიექტების გადაწყვეტილებით ყოველწლიური საშობაო ბაზრობა უქმდება; Jobs.ge აქციებზე დაზარალებულთა სოლიდარობის ფონდში ₾10 000 ლარს რიცხავს; #ახალიამბები #BusinessMediaGeorgia
ქართული ოცნება სამთავრობო სტრუქტურებში რეორგანიზაციას ანონსებს და კანონსაც ცვლის, რიტაც საჯარო მოხელეების სამსახურებიდან გათავისუფლებას აიოლებს. ერთპარტიულ პარლამენტში წარდგენილ კანონპროექტში წერია, რომ 2025 წლის პირველი თებერვლიდან საჯარო სამსახურში დასაქმებული პირები რეორგანიზაციის შემთხვევაში მობილობით ვეღარ ისარგებლებენ და ამასთან გათავისუფლების შემთხვევაში 3 თვის კომპენსაციას ვეღარ მიიღებენ. ქართულმა ოცნებამ „საჯარო სამსახურის შესახებ“ კანონში ცვლილებები მას შემდეგ წარადგინა, რაც საჯარო მოხელეების ნაწილმა დაგმო ოცნების გადაწყვეტილება 2028 წლის ბოლომდე გადადოს ევროკავშირთან მოლაპარაკებების გახსნის საკითხი. #ახალიამბები #BusinessMediaGeorgia
აქტიური პროტესტის მე-14 დღე და ოცნების მცდელობა შეინარჩუნოს ხელისუფლება ყველა მეთოდით. 28 ნოემბრის შემდეგ საქართველოში დაწყებული მასშტაბური პროტესტის ფონზე 500-მდე პირი დააკავეს, დაკავებულები არიან სტუდენტები, მსახიობები, ექიმები და პროფესორ-მასწავლებლები. ახალგაზრდა იურისტთა ასოციაციის ინფორმაციით, 30-ზე მეტი მოქალაქე სისხლის სამართლის წესით არის დაკავებული და ყველა მათგანს პატიმრობა შეუფარდეს. თუმცა არცერთი სამართალდამცავი, ვინც აქციების მონაწილეებზე ძალადობდა, პასუხისგებაში მიცემული არ არის. საზოგადოების ნაწილი უკვე 2 კვირაა აპროტესტებს ევროკავშირისკენ მიმავალი გზიდან გადახვევას და დემოკრატიის უკუსვლას, რასაც „ქართული ოცნება“ ძალადობას უპირისპირებს. გაექცა თუ არა ხელიდან პროცესები ოცნებას, რას აჩვენებს მათი დამოკიდებულება საზოგადოების ნაწილში არსებული პროტესტის მიმართ და სად არის გამოსავალი? სტუმარი: ლევან კობერიძე - BRANDING.GE-ს დამფუძნებელი & მე-9 მოწვევის პარლამენტის წევრი; #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 10.12.2024
“კოკა-კოლა ბოთლერს ჯორჯიას” პორტფელში რეგისტრირებული ბრენდი, წყალი “მთის” ახალ ეტაპზე გადავიდა. კომპანიამ ნატახტარში ახალი საწარმო ამოქმედა, სადაც წყალს ინოვაციური დანადგარებით, ყველა საერთაშორისო სტანდარტის შესაბამისად აწარმოებენ. ადგილზე არსებულ ლაბორატორიაში წყალს საჭირო ანალიზები უტარდება და ეს პროცესი უწყვეტად მიმდინარეობს. მნიშვნელოვანი სიახლეა ისიც, რომ წყალი “მთის” წარმოებულ პროდუქციაში ბრომატის 0%-იანი შემადგენლობაა. ეს იმას ნიშნავს, რომ “კოკა-კოლა ბოთლერს ჯორჯია” მთის წყალს ქიმიური ნივთიერებების გარეშე აწარმოებს და ბაზარს სრულად ბუნებრივი მინერალური წყლის შემადგენლობით აწვდის. აქვე გეტყვით, რომ კოკა კოლა ბოთლერს ჯორჯიამ - წყალი მთის ბრენდის შექმნაში ჯორჯიამ“ 3 200 000 ევროს ოდენობის ინვესტიცია განახორციელა. #ახალიამბები #BusinessMediaGeorgia
საბიუჯეტო შემოსავლების მობილიზებისთვის მთავრობა სიგარეტზე აქციზს ზრდის. ამის შესახებ გუშინ ქართული ოცნების აღმასრულებელი მდივანის მამუკა მდინარაძის განცხადებიდან გახდა ცნობილი. საუბარია სიგარეტის კოლოფზე აქციზის 20 თეთრით, 1.90 ლარამდე გაზრდაზე. 15 თეთრით 1.85 ლარამდე გაიზრდება ასევე აქციზის განაკვეთი გასახურებელი თამბაქოს ნაწარმზე. რა მოცულობის საბიუჯეტო შემოსავლების მიღება აქვს დაგეგმილი მთავრობას, იცოდა თუ არა ბიზნესმა დაგეგმილი ცვლილებების შესახებ და რა გავლენა ექნება აქციზის განაკვეთის ზრდას თამბაქოს ნაწარმის ღირებულებაზე. #ახალიამბები #BusinessMediaGeorgia
“ოცნება” ბიუჯეტში თანხების მობილიზებისთვის ემზადება და სიგარეტზე აქციზს ზრდის. საუბარია სიგარეტის კოლოფზე აქციზის 20 თეთრით, 1.90 ლარამდე გაზრდაზე. 15 თეთრით 1.85 ლარამდე გაიზრდება ასევე აქციზის განაკვეთი გასახურებელი თამბაქოს ნაწარმზე. რა მოცულობის საბიუჯეტო შემოსავლების მიღება აქვს დაგეგმილი ოცნებას აქციზის გაზრდით. იცოდა თუ არა ბიზნესმა დაგეგმილი ცვლილებების შესახებ და რა გავლენა ექნება აქციზის განაკვეთის ზრდას თამბაქოს ნაწარმის ღირებულებაზე. #ახალიამბები #BusinessMediaGeorgia
დასავლეთთან გაუარესებულმა ურთიერთობებმა გარკვეული პრობლემები მომსახურების ექსპორტსაც შეუქმნა. ქართული საკონსულტაციო კომპანიების ნაწილში აცხადებენ, რომ ბოლო თვეებია, უცხოური კომპანიები მათთან თანამშრომლობისგან თავს იკავებენ და არაერთი კონტრაქტი დაპაუზებულია. მიმდინარე მოვლენების ნეგატიურ გავლენაზე უკვე საუბრობენ IT სექტორშიც, სადაც ამბობენ, რომ საერთაშორისო მომწოდებლებთან ურთიერთობისას გარკვეული პრობლემები უკვე იქმნება. რა გავლენა აქვს დასავლეთთან გაუარესებულ ურთიერთობებს და ქვეყანაში შექმნილ ვითარებას ICT სექტორზე? #ახალიამბები #BusinessMediaGeorgia
ქართველი სპორტსმენების გამოხმაურება ქვეყანაში მიმდინარე პოლიტიკურ პროცესებზე #ახალიამბები #BusinessMediaGeorgia
“კოკა-კოლა ბოთლერს ჯორჯიას” პორტფელში რეგისტრირებული ბრენდი, წყალი “მთის” ახალ ეტაპზე გადავიდა. კომპანიამ ნატახტარში ახალი საწარმო ამოქმედა, სადაც წყალს ინოვაციური დანადგარებით, ყველა საერთაშორისო სტანდარტის შესაბამისად აწარმოებენ. ადგილზე არსებულ ლაბორატორიაში წყალს საჭირო ანალიზები უტარდება და ეს პროცესი უწყვეტად მიმდინარეობს. მნიშვნელოვანი სიახლეა ისიც, რომ წყალი “მთის” წარმოებულ პროდუქციაში ბრომატის 0%-იანი შემადგენლობაა. ეს იმას ნიშნავს, რომ “კოკა-კოლა ბოთლერს ჯორჯია” მთის წყალს ქიმიური ნივთიერებების გარეშე აწარმოებს და ბაზარს სრულად ბუნებრივი მინერალური წყლის შემადგენლობით აწვდის. აქვე გეტყვით, რომ კოკა კოლა ბოთლერს ჯორჯიამ - წყალი მთის ბრენდის შექმნაში ჯორჯიამ“ 3 200 000 ევროს ოდენობის ინვესტიცია განახორციელა. #ახალიამბები #BusinessMediaGeorgia
მიმდინარე წლის 9 თვეში საქართველოში შემოსული პირდაპირი უცხოური ინვესტიციების მოცულობა 40%-ით არის შემცირებული. მესამე კვარტლის კლებამ კი 55% შეადგინა. საქსტატის ინფორმაციით, ინვესტიციების მოცულობამ გასულ კვარტალში 197.7 მლნ. დოლარი შეადგინა. ინვესტიციების კლება ფიქსირდება ისეთ დარგებში როგორიცაა ენერგეტიკა, მრეწველობა, ვაჭრობა, მშენებლობა. კერძო სექტორის ნაწილი აცხადებს, რომ ინვესტიციების კლება პირდაპირ უკავშირდება დასავლეთთან გაუარესებულ ურთიერთობებს და საქართველოს ევროინტეგრაციასთან დაკავშირებით გაჩენილ კითხვებს. მოლოდინია, რომ კლების ტენდენცია მომავალშიც შენარჩუნდება - როგორია fdi-ის სტატისტიკა და როგორ აისახება ქვეყანაში შექმნილი ვითარება საინვესტიციო გარემოსა და ინვესტიციებზე. #ახალიამბები #BusinessMediaGeorgia
ის ვისი გადახდილი გადასახადებითაც სახელმწიფო სტრუქტურებში მიღებული გადაწყვეტილებების დაფინანსება და აღსრულება ხდება საქართველოს დამოუკიდებლობის 33 წლიან პერიოდში შექმნილის დაკარგვის საფრთხეებზე საუბრობენ. ბიზნესის ნაწილი ღიად საუბრობს, რომ ქართული ოცნების პირობებში თავისუფლად არ ვცხოვრობთ. კერძო სექტორის წარმომადგენლებმა სათქმელი ბიემჯიში, ბიზნესის კვირეულის საგანგებო ეთერში თქვეს, სადაც გიორგი ისაკაძის მოწოდების საპასუხოდ შეიკრიბნენ. ბიზნეს სექტორის წარმომადგენლები აღნიშნავენ, რომ არ შეიძლება ბიზნესი ახლა ჩუმად იყოს. #ახალიამბები #BusinessMediaGeorgia
“ნება მომეცით, ძალიან ხმამაღლა და გარკვევით ვთქვა ევროკავშირის სახელით, რომ ვხედავთ ხალხს ქუჩებში, გვესმის მათი ხმა და შოკირებული ვართ ძალადობით”- ამის შესახებ საქართველოში ევროკავშირის ელჩმა, პაველ ჰერჩინსკიმ ჟურნალისტებს განუცხადა. მისი თქმით, გასულ კვირას იმყოფებოდა ბრიუსელში და შეხვდა ევროკავშირის 27 ელჩს, ასევე ახალ კოლეგებს ევროკავშირის ინსტიტუტებში. ჰერჩინსკი ამბობს, რომ საქართველოში მიმდინარე მოვლენებზე ევროკავშირის წევრი ქვეყნების საგარეო საქმეთა მინისტრების შეხვედრაზე 16 დეკემბერს იმსჯელებენ. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 09.12.2024 ჩვენ გვყოფს ერთპარტიულობა და [პარტიების] სურვილი, იყვნენ მუდმივად, რომ მხოლოდ მათ შეუძლიათ ქვეყნის მართვა - თემურ ჭყონია; "გამოსავალი არის ის, რომ ბიზნესმა 1 დღით შეაჩეროს ფუნქციონირება, პრეზიდენტის არჩევის დღეს" - ვახტანგ ბეჟიტაშვილი; ეს უნდა დავძლიოთ... არ შეიძლება ბიზნესი ახლა ჩუმად იყოს - ზურაბ ერისთავი; "კეთილი ინებოს ხელისუფლებამ შეასრულოს თავისი ვალდებულება და დაიცვას თავისი მოქალაქეების უსაფრთხოება" - გიორგი მარგველაშვილი; აუცილებელია არჩევნებამდე სწორად ვიაროთ - ლევან ყარალაშვილი; "ეს ბოლო ბრძოლაა. ყველამ უნდა გავიაზროთ, რომ ამის შემდეგ არჩევნები საერთოდ აღარ იქნება" - “რესქული"; "გამოსავალი უნდა ვიპოვოთ... რაც უფრო მეტი ბიზნესი ვიქნებით, უფრო მეტი ამოიღებს ხმას“ - თამარ ბაღდავაძე; “ხელისუფლება, გონს მოეგე, ღუპავ ქვეყანას!” - გოგა თხელიძე; #ახალიამბები #BusinessMediaGeorgia
ქვეყანაში 33 წლის განმავლობაში რაც შეიქმნა, დღეს ამ ყველაფრის ჩამოშლის საშიშროება დგას - ასეთია ბიზნესის ნაწილის პოზიცია, რომელიც ღიად აცხადებს, რომ ქართული ოცნების პირობებში თავისუფლად არ ვცხოვრობთ. კერძო სექტორის წარმომადგენლებმა სათქმელი გუშინ bmg-ში, ბიზნესის კვირეულის საგანგებო ეთერში თქვეს. ბიზნესმენები #bmg-ში გიორგი ისაკაძის მოწოდების საპასუხოდ შეიკრიბნენ. როგორც მათ აღნიშნეს, არ შეიძლება ბიზნესი ახლა ჩუმად იყოს. საქართველოს ეკონომიკის შემქმნელები არ გამორიცხავენ, რომ სიტუაცია კიდევ უფრო გაუარესდეს და ქვეყანა სამოქალაქო დაპირისპირებამდეც მივიდეს. სტუმარი: ლაშა ნოდია - "ნოდია, ურუმაშვილი და პარტნიორების” მმართველი პარტნიორი; #ახალიამბები #BusinessMediaGeorgia
ენერგეტიკაში, მრეწველობაში, ვაჭრობაში, მშენებლობაში, უძრავ ქონებასა და სხვა სექტორებში უცხოური ინვესტიციები შემცირდა. 9 თვეში ინვესტიციები 40%-ით არის შემცირებული. მესამე კვარტლის კლებამ კი 55% შეადგინა. საქსტატის ინფორმაციით, პირდაპირი უცხოური ინვესტიციების მოცულობამ გასულ კვარტალში 197.7 მლნ. დოლარი შეადგინა. კერძო სექტორის ნაწილი აცხადებს, რომ მიმდინარე წელს პირდაპირი უცხოური ინვესტიციების კლება პირდაპირ უკავშირდება დასავლეთთან გაუარესებულ ურთიერთობებს და ევროინტეგრაციასთან დაკავშირებით გაჩენილ კითხვებს? #ახალიამბები #BusinessMediaGeorgia
ქვეყანაში 33 წლის განმავლობაში რაც შეიქმნა, დღეს ამ ყველაფრის ჩამოშლის საშიშროება დგას - ასეთია ბიზნესის ნაწილის პოზიცია, რომელიც ღიად აცხადებს, რომ ქართული ოცნების პირობებში თავისუფლად არ ვცხოვრობთ. კერძო სექტორის წარმომადგენლებმა სათქმელი გუშინ BMG-ში, ბიზნესის კვირეულის საგანგებო ეთერში თქვეს. როგორც მათ აღნიშნეს, არ შეიძლება ბიზნესი ახლა ჩუმად იყოს. როგორ მივიდა ქვეყანა აქამდე და სად არის გამოსავალი? #ახალიამბები #BusinessMediaGeorgia
დღეიდან, პოლონურ ბრენდებზე ფასდაკლებები დაიწყო. პოლონეთის ინვესტიციების და ვაჭრობის სააგენტოს თბილისის ოფისმა, პარტნიორ ქსელებთან ერთად პრომო აქტივობები დააორგანიზა, რომლის ფარგლებში მომხმარებელი პოლონური პროდუქტის შეძენას სპეციალურ ფასებად შეძლებს. ინიციატივის ერთ-ერთი მთავარი მიზანი საქართველოში პოლონური ბრენდების პოპულარიზაციაა. მარიამ იზორიამ პოლონეთის ინვესტიციების და ვაჭრობის სააგენტოს თბილისის ოფისის ხელმძღვანელთან ერთად ყველა ის ობიექტი მოინახულა სადაც შეთავაზებები ვრცელდება. #ახალიამბები #BusinessMediaGeorgia
საცალო ვაჭრობის სექტორის 50%-ზე მეტი ბაზრის ორ მოთამაშეზე ნაწილდება - ამის შესახებ „თიბისი კაპიტალის“ მიერ სწრაფად ბრუნვადი სამომხმარებლო პროდუქციით ვაჭრობის სექტორის განახლებული მიმოხილვაში ნათქვამი. Fmcg ბაზრის 9-თვის მიმოხილვაში აღნიშნულია, რომ საქართველოში ეს ბაზარი ზრდას რეგიონული გაფართოების ფონზე ახერხებს. ორგანიზებული FMCG ბაზრის შემოსავლების გადანაწილება თბილისსა და რეგიონებს შორის ბოლო მონაცემებით ასეთია: თბილისი- 61.4%; რეგიონები- 37.6%. აღსანიშნავია, რომ ბაზარზე ცოტა ხნის წინ შემდგარი მსხვილი გარიგების ფონზე, სექტორში ყველაზე დიდი წილი 31.1% დეილი ჯგუფს აქვს, მეორე ადგილზე კი ნიკორაა 19.4%-იანი წილით. რა ტენდენციებია fmcg ბაზარზე და როგორ აისახება სექტორზე ქვეყანაში მიმდინარე მოვლენები. #ახალიამბები #BusinessMediaGeorgia
ამერიკის შეერთებულ შტატებთან ურთიერთობების გამწვავებამ, შესაძლოა, ავტოიმპორტზე ნეგატიურად აისახოს. ავტომობილები საქართველოს ვაჭრობის სტატისტიკაში ლიდერ პოზიციას იკავებს. მაგალითად 10 თვეში საქართველოს 10 უმსხვილესი საექსპორტო საქონლის რეიტინგში მსუბუქი ავტომობილების რეექსპორტის მოცულობა 2 მლრდ დოლარი იყო. რეექსპორტს შესაძლოა წმინდა ექსპორტის ზომა სარგებლის მოტანა რა შეუძლია, თუმცა სფეროს მასშტაბურობიდან გამომდინარე ავტოიმპორტიორები რისკებზე საუბრისას მნიშვნელოვან კრიზისს არ გამორიცხავენ. ბიზნესის წარმომადგენლები, საქმიანმა საზოგადოებამ იცის, რომ ევროინტეგრაციის პროცესის შეჩერებით ვერც ქვეყანა და ვერს თავად იხეირებენ. ამბობენ, რომ სანქციების დაწესების, სავაჭრო ურთიერთობებისა და სხვადასხვა დახმარების შესაძლო გადახედვა მოსახლეობის მსყიდველუნარიანობას გააუარესებს, რის გამოც ავტომობილებზე მოთხოვნა შემცირდება. ამასთან, ბიზნესმენების ნაწილი არც რეექსპორტის მნიშვნელოვან კლებას გამორიცხავს რა დასაქმებულებზეც აისახება. #ახალიამბები #BusinessMediaGeorgia
კანცელარიაში ირაკლი კობახიძემ დღეს კიდევ ერთხელ თქვა, რომ ყველაფერი კარგად იქნება, თუმცა ბიზნესწრეებში ამბობენ ქვეყანაში განვითარებული მოვლენების გამო შექმნილი გაურკვევლობის ფონზე საქართველოში საერთაშორისო და ადგილობრივი ინვესტორები პროექტებს აჩერებენ. კერძო სექტორში მსხვილი დამსაქმებლები აღნიშნავენ, რომ პარტნიორები მოლოდინის რეჟიმში არიან და ახალი პროექტების დაფინანსებაზე საუბარი აღარ არის. ნაწილის შემთხვევაში საქართველოდან პროექტების რელოკაციაც განიხილება. რა გავლენა აქვს მთავრობის გადაწყვეტილებებს ქვეყნის საინვესტიციო იმიჯზე და რა სექტორებში მოხდა პროექტების შეჩერება. #ახალიამბები #BusinessMediaGeorgia
რა ხდება ბიზნესში?- #ბიზნესისსიახლეები (www.bm.ge) 06.12.2024
ქსელური მარკეტების წილი FMCG ბაზარზე იზრდება, თიბისი კაპიტალის პროგნოზით ორგანიზებული ბაზრის წილი 2024 წელს 41%-ს მიაღწევს, ხოლო 2025 წლისთვის 45%-მდე გაიზრდება. ამ დრომდე ბაზრის ნახევარზე მეტი მოდის ისეთ რიტეილერებზე, რომლებიც არ წარმოადგენენ ქსელურ მაღაზიებს, თუმცა მათი საბაზრო წილი მცირდება, TBC Capital-ის მიხედვით, ბაზრის ორგანიზებული მოთამაშეების წილები ძირითადად რეგიონული ექსპანსიის ხარჯზე იზრდება, სადაც ამ დრომდე არ იყვნენ ქსელური სუპერმარკეტები ფართოდ წარმოდგენილი. როგორ შეიძლება შეიცვალოს პოლიტიკური არასტაბილურობის ფონზე FMCG ბაზრის კონიუქტურა, მოუწევთ თუ არა ბაზრის მოთამაშეებს დაგეგმილი საინვესტიციო გეგმების შეცვლა და რა ასახვა შეიძლება ჰქონდა ამას როგორც კომპანიებზე, ისე თავად მომხმარებელზე? #ახალიამბები #BusinessMediaGeorgia
მართალია, პრემიერი კვლავ გვარწმუნებს, რომ საქართველოს ევროინტეგრაციის პროცესი გრძელდება. თუმცა რეალურად დასავლეთისგან იზოლაცია სულ უფრო ღრმავდება და დემოკრატიის უკუსვლის ფონზე, შეერთებული შტატებმა „ქართული ოცნების“ ხელისუფლების წინააღმდეგ დამატებითი სანქციები დააანონსა. პარალელურად, ევროპული ქვეყნების ნაწილი ევროკავშირს "ოცნების" ლიდერების სანქცირებისკენ მოუწოდებს. სულ ცოტა ხნის წინ შესაბამისი რეზოლუცია ლიეტუვის პარლამენტმა მიიღო. პარალელურად, როგორც ცნობილია, 16 დეკემბერს ევროკავშირმა მორიგ ჯერზე უნდა განიხილოს შექმნილი ვითარების ფონზე, საქართველოს საკითხი და როგორც საქართველოში ევროკავშირის ელჩმა ცოტა ხნის კიდევ ერთხელ აღნიშნა, განიხილება ყველა საპასუხო ნაბიჯი, მათ შორის საქართველოსთვის ვიზალიბერალიზაციის შეჩერების საკითხი. როგორ აისახება მიმდინარე პროცესები საინვესტიციო გარემოზე? სტუმარი: ქეთი ქვარცხავა - იურიდიული ფირმა BLC-ის მმართველი პარტნიორი; #ახალიამბები #BusinessMediaGeorgia