მკაფიო გზავნილები ჰქონდა, გუშინ ევროპისა და ევრაზიის საკითხებში ამერიკის შეერთებული შტატების სახელმწიფო მდივნის თანაშემწეს ჯიმ ო'ბრაიენს, რომელმაც მთელი დღის განმავლობაში პრემიერთან, პოლიტიკურ პარტიებთან და სამოქალაქო სექტორთან გამართული შეხვედრები, საღამოს პრესკონფერენციაზე შეაჯამა. ობრაიენმა ხაზგასმით თქვა, რომ თუ „უცხოური გავლენის გამჭვირვალობის შესახებ“ კანონი არ მოვა ევროკავშირის სტანდარტებთან შესაბამისობაში, თუ ძალადობა განხორციელდება დემონსტრანტებზე და შესუსტდება დემოკრატია, აშშ-ის მხრიდან გარკვეული შეზღუდვები დაწესდება. ამერიკა -საქართველოს ურთიერთობების გადახედვაზე ისაუბრეს თეთრ სახლშიც. თეთრი სახლის სპიკერმა, კარინ ჟან-პიერმა განაცხადა, რომ თუკი ეს კანონი საბოლოოდ ამოქმედდება, ის აიძულებთ ფუნდამენტურად გადახედონ ურთიერთობას საქართველოსთან. რას ნიშნავს ჩვენი დასავლელი პარტნიორების გზავნილები, რა თქვა ობრაინემა სამოქალაქო სექტორთან შეხვედრაზე და არსებობს თუ არა შესაძლებლობა ე,წ რუსული კანონი გადაიხედოს? სტუმარი: გიორგი კლდიაშვილი - IDFI-ის აღმასრულებელი დირექტორი; #ახალიამბები #BusinessMediaGeorgia
პარლამენტის მიერ ე.წ. „რუსული კანონის“ მესამე მოსმენით დამტკიცების ფონზე, ლონდონის საფონდო ბირჟაზე ქართული კომპანიების აქციების ღირებულება მკვეთრად ეცემა. მიმდინარე დღის სავაჭრო სესიის გახსნიდან რამდენიმე საათში, Bank of Georgia Group-ის აქციების ღირებულება თითქმის 17%-ით დაეცა. ვარდნაა Georgia Capital-ის დაTBC Bank Group-ის შემთხვევაშიც. 15 მაისის ვაჭრობა ასევე დაიწყო ეროვნული ვალუტის გაუფასურებით.ბლუმბერგის სავაჭრო სისტემაში 1 დოლარი 2,73 ლარას ივაჭრება. როგორ შეიცვალა ქართული კომპანიების აქციების ღირებულება ლონდონის საფონდო ბირჟაზე და რა მდგომარეობაა ამ დროის მონაცემებით? #ახალიამბები #BusinessMediaGeorgia
ე.წ. რუსული კანონი, ქვეყანაში შექმნილი არასტაბილური გარემო და სახელმწიფო დეპარტამენტის გზავნილები იყო ბიზნესსა და ამერიკის ელჩს შორის შეხვედრის მთავარი თემა. შეხვედრას ამერიკის სავაჭრო პალატის წევრები ესწრებოდნენ და ის დახრულ ფორმატში მიმდინარეობდა. ბიზნესსექტორის წარმომადგენლები აცხადებენ, რომ მიმდინარე მოვლენები უარყოფითად აისახება საინვესტიციო გარემოზე. რა უთხრა ბიზნესმა ელჩს და რა გზავნილები მოისმინეს რობინ დანიგანისგან ამჩამის წევრებმა? #ახალიამბები #BusinessMediaGeorgia
#ბიზნესსიახლეები bm.ge-სგან / 14.05.2024 ევროპის გზიდან ვერავის გადავახვევინებთ... პირადად, გამოვალ და ვიდგები ქუჩაში - ლაშა პაპაშვილი ინვესტორები კითხვებს სვამენ. მნიშვნელოვანია, რაც შეიძლება სწრაფად დასტაბილურდეს სიტუაცია - ბესო ორთოიძე "რუსული კანონის" მიღება ტექნოლოგიური სექტორის განადგურებას გამოიწვევს - "კერნელი" "რუსეთი კლავს ინოვაციებს" - რა გავლენას მოახდენს "რუსული კანონი" სტარტაპ ეკოსისტემაზე? „რამდენიმე ფაქტორია, პირველი - შიში“- რატომ არ ისმის ტურიზმის ინდუსტრიის ხმა ე.წ რუსული კანონის წინააღმდეგ? #ახალიამბები #BusinessMediaGeorgia
მედიის ყურადღება ერთი თემით თუმცა სხვა და სხვა მიმართულებით იყო გაყოფილი. დედაქალაქში დღეს ევროპისა და ევრაზიის საკითხებში აშშ-ის სახელმწიფო მდივნის თანაშემწე მართავდა შეხვედრებს, რომელთა შორისაც არ იყო შეხვედრა ბიძინა ივანიშვილთან, რომელმაც როგორც პრემიერმა გუშინდელ ბრიფინგზე განმარტა, თავად თქვა უარი ობრაიანთან შეხვედრაზე და არგუმენტად დაასახელა ის, რომ პარტიის საპატიო თავმჯდომარე შანტაჟის რეჟიმში შეხვედრებს არ მართავს და შანტაჟის საგნად 2მილიარდი დოლარი დაასახელა, რომელიც მისივე თქმით ყოფილმა პრემიერმა დასავლეთს მიანდო. ირაკლი კობახიძემ ინფორმაციაში ბევრი ბუნდოვანება დატოვა, თუმცა თქვა, რომ თავად ამის შესახებ ინფორმაციას იმიტომ ფლობს, რომ ბიძინა ივანიშვილის თხოვნით მსგავსი შეხვედრების შეთავაზებისას ივანიშვილის თხოვნით თავად ითავსებდა შუამავლის როლს. ირაკლი კობახიძე ობრაიანს სახელმწიფო კანცელარიაში დღეს დილით შეხვდა. ეს საუბარი როგორც აღმოჩნდა წინასწარ გაწერილ გეგმაზე უფრო დიდხანს გაგრძელდა. #ახალიამბები #BusinessMediaGeorgia
საერთაშორისო მედია, დასავლელი პოლიტიკოსები, საქართველოთი დაინტერესებული საზოგადოება მსოფლიოში დღეს შეიტყობს რომ საქართველოს პარლამენტმა მესამე მოსმენით ე.წ რუსული კანონი „უცხოური გავლენის გამჭვირვალობის შესახებ“ სახელით დაამტკიცა. 84-მა დეპუტატმა 15 საათსა და 51 წუთზე მხარი დაუჭირა კანონს, რომელიც ბოლო ერთი თვეა ხმაურიანი განხილვების, დაპირისპირების, მასშტაბური აქციების, კრიტიკის და დასავლელი პარტნიორებისგან წუხილის, არაერთი მიმართვის და დასავლური კურსიდან გადახვევის ნიშნად იყო აღქმული. სხდომა პარლამენტში დროდადრო ფიზიკური დაპირისპირების და ხმაურიანი სიტყვიერი გარჩევებისა და შეურაწყოფის ფონზე მიმდინარეობდა. პროცესი 4 საათზე ნაკლებ დროში დასრულდა და მმართველმა უმრავლესობამ სასახლე დატოვა. #ახალიამბები #BusinessMediaGeorgia
ჯიმ ობრაიენი თბილისში შეხვედრებს მართავს. პრემიერთან შეხვედრის შემდეგ, ევროპისა და ევრაზიის საკითხებში აშშ-ის სახელმწიფო მდივნის თანაშემწე ამერიკა-საქართველოს ბიზნესპალატის, არასამთავრობო ორგანიზაციების და ოპოზიციის წარმომადგენლებს შეხვდა. “საერთაშორისო გამჭვირვალობა - საქართველოს” დირექტორი ეკა გიგაური შეხვედრის კონკრეტულ დეტალებზე არ საუბრობს, თუმცა კითხვაზე შესაძლო სანქციებთან დაკავშირებით ამბობს, რომ მოლოდინი არ უნდა გვქონდეს, რომ წინასწარ დაგვიანონსებენ შესაძლო სანქციების საკითხს, თუმცა მისი თქმით, მთავარი ისაა, რომ დასავლელი პარტნიორები ქართველი ხალხის გვერდით დგანან. #ახალიამბები #BusinessMediaGeorgia
84 მომხრე, 30 წინააღმდეგი- რუსული კანონი საქართველოს პარლამენტმა მესამე მოსმენით მიიღო. მესამე მოსმენით საკითხის განხილვა დღეს გაიმართა. მიუხედავად იმისა, რომ მესამე მოსმენით კანონპროექტის წარდგენა მხოლოდ ტექნიკურ საკითხებს, მის გრამატიკულ ჩასწორებას ითვალისწინებს, საკითხის განხილვა ხმაურის ფონზე მიმდინარეობდა, თავად განხილვის პროცესს 2 წუთი დასჭირდა. "მხარი დაუჭირეთ ჩვენი ქვეყნის სუვერენიტეტის გაძლიერებას და გამჭვირვალობას", - მიმართა კენჭისყრამდე ანრი ოხანაშვილმა დეპუტატებს. პროცედურის თანახმად, ახლა კანონპროექტი ხელმოსაწერად პრეზიდენტს უნდა გადაეგზავნოს. თავის მხრივ, სალომე ზურაბიშვილი მას ვეტოს დაადებს და კვლავ პარლამენტს დაუბრუნებს. ვეტოს დაძლევის შემთხვევაში კანონპროექტს, სავარაუდოდ, პარლამენტის თავმჯდომარე მოაწერს ხელს და საკანონმდებლო მაცნეზე გამოქვეყნების შემდეგ შევა ძალაში. #ახალიამბები #BusinessMediaGeorgia
"გამიშვეს სამსახურიდან რეორგანიზაციის საბაბით" - სოსო ბერიკაშვილი კავკასიის უნივერსიტეტიდან გაათავისუფლეს. შესაბამისი განცხადება კავკასიის უნივერსიტეტის ეკონომიკის სკოლის დეკანმა Facebook-ის პირად გვერდზე დაწერა. მისი თქმით, სამსახურიდან გათავისუფლებამდე რამდენიმე დღით ადრე, უნივერსიტეტის პრეზიდენტმა, კახა შენგელიამ უთხრა, რომ სახელმწიფო უსაფრთხოების სამსახური ბერიკაშვილის გათავისუფლებას მოითხოვდა. „კავკასიის უნივერსიტეტის“ რექტორის კახა შენგელიას განცხადებით, კი ტყუილია, რომ ეკონომიკის სკოლის დეკანი სოსო ბერიკაშვილი სამსახურიდან პოლიტიკური ნიშნით გაათავისუფლა. როგორც მან BMG-ის განუცხადა, ის სოსო ბერიკაშვილის მუშაობით უკმაყოფილო იყო. კავკასიის უნივერსიტეტში თანამდებობის დატოვების შესახებ განაცხადა ლექტორმა ნიკო ნერგაძემაც. “კავკასიის უნივერსიტეტის ხელმძღვანელობამ ბოლო დღეებში დაიჭირა პოზიცია, რის გამოც ჩემთვის მათთან ურთიერთობის გაგრძელდება შეუძლებელი ხდება.”- აცხადებს ნერგაძეც. რა პროცესები მიმდინარეობს კავკასიის უნივერსიტეტში, რომელიც სტუდენტების რუსული კანონის წინააღმდეგ სტუდენტების პროტესტს გუშინ შეუერთდნენ? სტუმარი: სოსო ბერიკაშვილი - „კავკასიის უნივერსიტეტის“ ეკონომიკის სკოლის ყოფილი დეკანი; #ახალიამბები #BusinessMediaGeorgia
საქართველოს მთავრობა ევროკავშირის ხუთი ქვეყნის პარლამენტის საგარეო საქმეთა კომიტეტების თავმჯდომარეებს არ შეხვდა. ამის შესახებ გერმანიის ბუნდესტაგის საგარეო საქმეთა კომიტეტის თავმჯდომარე, მიხაელ როთი სოციალურ ქსელში წერს. როგორც როთი აღნიშნავს, შეხვედრა მხოლოდ საქართველოს პარლამენტის საგარეო ურთიერთობათა კომიტეტის თავმჯდომარესთან შედგა და ისიც არა პარლამენტში, არამედ "ქართული ოცნების" ოფისში. "საქართველოს მთავრობამ უარი თქვა ჩვენთან საუბარზე. ჩვენ აქ არ ვართ ჭკუის სასწავლებლად, აქ ერთმანეთის მოსასმენად ვართ. მხოლოდ საგარეო ურთიერთობათა კომიტეტის თავმჯდომარემ, ნიკოლოზ სამხარაძემ მიგვიღო. მან პარლამენტის ნაცვლად, "ქართული ოცნების" სათავო ოფისში გვიმასპინძლა", - წერს როთი სოციალურ ქსელში. აშშ-ის სახელმწიფო მდივნის თანაშემწე ევროპისა და ევრაზიის საკითხებში ჯიმ ობრაიენი საქართველოს პრემიერ მინისტრ ირაკლი კობახიძეს შეხვდა. შეხვედრა დღეს დილით 11 საათზე დაიწყო და 2 საათზე მეტ ხანს გაგრძელდა. მთავრობის ადმინისტრაციის მხრიდან გავრცელებულ ინფორმაციაში ვკითხულობთ, ირაკლი კობახიძემ ჯიმ ო'ბრაიენს „უცხოური გავლენის გამჭვირვალობის შესახებ“ კანონის მიღების საჭიროებაც განუმარტა და კიდევ ერთხელ გამოთქვა მმართველი გუნდის მზაობა, ვეტოს პროცედურის ფარგლებში საერთაშორისო პარტნიორების ყველა სამართლებრივი შენიშვნა ყურადღებით განიხილოს. პრემიერ-მინისტრმა აღნიშნა, რომ საქართველოს ხელისუფლება დაინტერესებულია აშშ-სთან პარტნიორობის გაღრმავებით, რაც ორმხრივ ძალისხმევას და სამართლიან ურთიერთდამოკიდებულებას მოითხოვს. დღის განმავლობაში აუდიენცია ჩანიშნულია ოპოზიციასთან და არასამთავრობო სექტორის წარმომადგენლებთანაც. ჯიმ ობრაიენის პრესკონფერენცია დღეს საღამოს 9-ის ნახევარზეა ჩანიშნული. რას უნდა ველოდით ქვეყანაში მიმდინარე მოვლენების გათვალისწინებით, რა ეფექტი ექნება ამ პროცესებს საქართველოს სამოქალაქო სექტორზე და რა გზავნილებს უნდა ველოდოთ დღეს საერთაშორისო პარტნიორების მხრიდან? სტუმარი: ლევან ნატროშვილი - ISFED-ის აღმასრულებელი დირექტორის მოადგილე; #ახალიამბები #BusinessMediaGeorgia
16 მაისის ჩათვლით პროფესიულ საგანმანათლებლო პროგრამებზე რეგისტრაცია მიმდინარეობს. აღნიშნულთან დაკავშირებით დღეს საქართველოს ბიზნესის აკადემია SBA მასშტაბურ პროფორიენტაციის ღონისძიებას მასპინძლობს. პროფესიული კოლეჯის წარმომადგენლები დაინტერესებულ მოსწავლეებს აკადემიის მიერ შეთავაზებულ სხვადასხვა პროფესიული საგანმანათლებლო პროგრამების შესახებ ინფორმაციას აცნობენ. ია ერაძე - საქართველოს ბიზნესის აკადემია SBA-ის დირექტორი; #ახალიამბები #BusinessMediaGeorgia
რა ვიცით $2 მილიარდზე - პოლიტიკოსების გაცხადებები და ფაქტები შოთა ტყეშელაშვილი - #BMG-ის ანალიტიკოსი; #ახალიამბები #BusinessMediaGeorgia
საქართველოს პარლამენტის პლენარულ სხდომა ხმაურის და ფიზიკურ დაპირისპირების ფონზე მიმდინარეობს. დეპუტატებს შორის დაპირისპირება რუსული კანონის მესამე მოსმენაზე პოლიტიკური განცხადებების დროს დაიწყო. დღეს წესით პარლამენტში კანონპროექტის საპარლამენტო განხილვის პროცესი უნდა დასრულდეს და კანონპროექტი მიღების შემთხვევაში ხელმოსაწერად პრეზიდენტს გადაეგზავნოს. საკანონმდებლო ორგანოში კანონპროექტის ხმაურიანი განხილვის პარალელურად პარლამენტის შენობასთან დილიდან ,,არა რუსულ კანონს” საპროტესტო აქცია მიმდინარეობს. აქციის მონაწილეები გადანაწილებული არიან როგორც პარლამენტის სხვადასხვა შესასვლელთან, ისე რუსთაველის გამზირზე, მათ შორის გზის სავალ ნაწილზე. როგორც ცნობილია, კანონპროექტი უცხოური ძალის ინტერესების გამტარებელ ორგანიზაციად ისეთი არასამეწარმეო იურიდიული პირებისა და მედიასაშუალებების რეგისტრაციას ითვალისწინებს, რომელთა შემოსავლის 20%-ზე მეტი - უცხოეთიდან არის მიღებული. კანონპროექტის მიხედვით, ყველა, ვინც "უცხოური ძალის ინტერესების გამტარებელ ორგანიზაციად" მოიაზრება, საჯარო რეესტრში სავალდებულო წესით ამავე სახელწოდების ბაზაში უნდა დარეგისტრირდეს. #ახალიამბები #BusinessMediaGeorgia
საქართველოს სტარტაპ ეკოსისტემის წევრები საქართველოს პარლამენტის წევრ მარიამ ლაშხთან შეხვედრას ითხოვენ. სტარტაპერები დეპუტატს მიმართავენ “უცხოური გავლენის გამჭვირვალობის შესახებ” კანონპროექტი, დოკუმენტთან დაკავშირებული გამოწვევები და საქართველოს სტარტაპ-ეკოსისტემაზე მისი უარყოფითი გავლენა ღია დისკუსიის ფორმატში განიხილონ. სტარტაპერების ამ მოწოდებას ეკოსისტემის დიდი ნაწილი უერთდება, მათ შორის ის პირები, რომელთაც ათი დღის წინ გავრცელებულ განცხადებას ღიად დაუჭირეს მხარი. მარიამ ლაშხი ექვსი წლის განმავლობაში საქართველოს ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტოს (GITA) თავმჯდომარის მოადგილის პოსტს იკავებდა. ასევე, სამი წლის განმავლობაში მუშაობდა “მსოფლიო ბანკში” და ჩართული იყო სააგენტოს შექმნის პროცესშიც.დღეს ის დეპუტატია და პასუხი მისგან ქართული ოცნების ერთი დეპუტატისგან, რომელსაც სავარაუდოდ ხვალ არჩევანი ორი განსხვავებული ფერის ღილაკზე თითის დაჭერას შორის ექნება ჯერ არ არის. განცხადებები და პოზიციები ბოლო კვირებში მსხვილი თუ მცირე ბიზნესებისგან მათი პოზიციის შესაბამისად არაერთი იყო. მოვისმინეთ მიმართვები ბიზნეს გაერთიანებებისგანაც, რომელთაც დრეს ბიზნეს ფედერაცია ქალები მომავლისთვის შეუერთდა. ბიზნეს ლიდერი ქალები ხელისუფლებას რუსული კანონის გაწვევისაკენ მოუწოდებენ. #ახალიამბები #BusinessMediaGeorgia
რამდენიმე წუთის წინ დაიწყო დაანონსებული სტუდენტური აქცია მარში "რუსული კანონის" წინააღმდეგ. კერძო და სახელმწიფო უნივერსიტეტების სტუდენტები საქართველოს მასშტაბით დილიდან ბათუმში, ქუთაისში, ზუგდიდში და თბილისში დაანონსებული გეგმის მიხედვით გაფიცვის რეჟიმში საპროტესტო მსვლელობებს მართავენ. "ქართველი სტუდენტები/ახალგაზრდები არ დავუშვებთ საქართველოს გარუსებას, არ გაპატიებთ ჩვენს მეგობრებსა თუ ქვეყნის მოქალაქეებზე ძალადობრივი გზებით თავდასხმას. პასუხი ისევ ერთია - ვერ შეგვაშინებთ!",-წერენ სტუდენტები. მათ პროტესტს ლექტორების ნაწილიც შეუერთდა სხვა და სხვა უნივერსიტეტიდან. საპროტესტო გამოსვლები ჯერჯერობით ქვეყნის მასშტაბით არის გაშლილი. #ახალიამბები #BusinessMediaGeorgia
“რუსული კანონი”- პროტესტი და მთავრობის უცვლელი პოზიცია “რუსული კანონი”-ს თავსებადობა კონსტიტუციასთან რა სამართლებრივი მექანიზმებია “რუსული კანონის” დამტკიცების შესაჩერებლად სტუმარი: საბა ბრაჭველი, იურისტი #ახალიამბები #BusinessMediaGeorgia
#ბიზნესსიახლეები bm.ge-სგან / 13.05.2024 სტარტაპერები კანონპროექტთან დაკავშირებით მარიამ ლაშხთან შეხვედრას ითხოვენ; შეხვედრაზე პრემიერისგან მთავარი გზავნილი იყო, რომ ქვეყნის კურსი არ შეცვლილა - ბესო ორთოიძე; "1000-1500 კაციანი ღონისძიებები გაუქმდა, დამაიმედებელი პროგნოზი არ არსებობს" - მიმდინარე მოვლენების გავლენა საქმიან ტურიზმზე; ქართული ტაქსის სტარტაპი "ვენიო" აქციის მონაწილეების დახმარების სანაცვლოდ, მძღოლებს ფულად ბონუსს სთავაზობს; #ახალიამბები #BusinessMediaGeorgia
რუსული კანონის საწინააღმდეგო აქციები არ წყდება. პარლამენტის შენობის წინ, მთელი დღეა, ძირითადად, სტუდენტები არიან შეკრებილი. მათ ახალგაზრდული მოძრაობა „დაფიონის“ წევრები და სხვა სტუდენტები შეუერთდნენ. სტუდენტები პარლამენტთან აქციას დღეს, 19:00 საათზეც გეგმავენ. ისინი ჯერ რუსთაველის მეტროსთან შეიკრიბებიან, შემდეგ კი პარლამენტის შენობისკენ წავლენ. #ახალიამბები #BusinessMediaGeorgia
შეხვედრა პრემიერთან - რა დაპირება მიიღო ბიზნესმა მთავრობის მეთაურისგან? #ახალიამბები #BusinessMediaGeorgia
პარლამენტთან საპროტესტო აქცია გრძელდება. მომიტინგეებს ნელ-ნელა უერთდებიან სტუდენტები. რუსული კანონის მესამე მოსმენით მისაღებად ქართულ ოცნებას მხოლოდ 1 წუთი და 7 წამი დასჭირდა. კითხვა და შენიშვნა არავის ჰქონია, ოპოზიციონერი დეპუტატების მისვლას, რომლებმაც პარლამენტში შესვლა შეფერხების შემდეგ შეძლეს, უმრავლესობა არ დაელოდა. მიუხედავად საზოგადოებისა და დასავლელი პარტნიორების მოწოდებებისა, მმართველი გუნდის გეგმით, კანონპროექტი კანონად საბოლოოდ ხვალ უნდა იქცეს. სად მივყავართ ქართულ ოცნებას და რა არის ხალხის ნამდვილი ოცნება და მიზანი? არის თუ არა კანონი რეალურად რუსული და როგორია დიპლომატების ხედვა? სტუმარი: თეა კაკუტია - საფრანგეთში საქართველოს ყოფილი ელჩი; #ახალიამბები #BusinessMediaGeorgia
სოციალური ქსელების მეფე - Mr.Beast-ის იუთუბ ისტორია #ახალიამბები #BusinessMediaGeorgia
67 წამში მიღებული კანონპროექტი. რუსული კანონის მესამე მოსმენით მისაღებად ქართულ ოცნებას მხოლოდ 1 წუთი და 7 წამი დასჭირდა. კითხვა და შენიშვნა არავის ჰქონია, ოპოზიციონერი დეპუტატების მისვლას, რომლებმაც პარლამენტში შესვლა შეფერხების შემდეგ შეძლეს, უმრავლესობა არ დაელოდა. კომიტეტის თავმჯდომარემ, ანრი ოხანაშვილმა განაცხადა, რომ პროექტში მხოლოდ რედაქციული, გრამატიკული შესწორებები შევიდა. იურიდიულ საკითხთა კომიტეტის სხდომამ აქციის ფონზე ჩაიარა. რა ხდებოდა პარლამენტთან, მაშინ როცა კანონს მესამე მოსმენით ამტკიცებდნენ და რა შეფასებები კეთდება ოპოზიციასა და მესამე სექტორში, #ახალიამბები #BusinessMediaGeorgia
ვიდრე ბიზნესმენთა ნაწილი პრემიერს შეხვდებოდა 9 ბიზნეს ასოციაციამ უცხოური გავლენის გამჭვირვალობის შესახებ კანონპროექტთან დაკავშირებით ერთობლივი პრესკონფერენცია გამართა და რუსული კანონის უარყოფითი გავლენები და ის რისკები შეაფასა რაც მის მიღებას შეიძლება მოჰყვეს. ევროკავშირი საქართველოს ბიზნეს საბჭოს გენერალური მდივანის ამბობს, რომ კანონი სიკეთეს ვერცერთ მხარეს ვერ მოუტანს, მათ შორის ვერც ხელისუფლებას და ის პოლარიზებას გაზრდის. გერმანიის ბიზნეს ასოციაციის თავმჯდომარის თქმით, უცხოელ ინვესტორებს მიმდინარე პროცესებზე კითხვები აქვთ და მისი დამტკიცების შემთხვევაში არაერთი უცხოური ინვესტიცია შეჩერდება. #ახალიამბები #BusinessMediaGeorgia
შუადღეგადასულზე ბიზნესის წარმომადგენელთა ნაწილი პრემიერმა სახელმწიფო კანცელარიაში დაიბარა. კონკრეტული თემა და საკითხები რაზე სურდა ირაკლი კობახიძეს დილით გავრცელებული წერილობითი განცხადების შემდეგ კერძო სექტორთან საუბარი მიპატიჟებისას მასპინძელს არ უთქვამს, თუმცა თავიდანვე ცხადი იყო რომ ბიზნესის წარმომადგენლებთან მთავრობის თავმჯდომარეს მიმდინარე პროცესების განხილვა სურდა. წინასწარი კომენტარები ინგოროყვას შვიდში მისულთა ნაწილმა გააკეთა. #ახალიამბები #BusinessMediaGeorgia
9 ბიზნეს ასოციაცია ე.წ რუსული კანონის წინააღმდეგ. ბიზნესგაერთიანებებმა უცხოური გავლენის გამჭვირვალობის შესახებ კანონპროექტთან დაკავშირებით ერთობლივი პრესკონფერენცია გამართეს და იმ უარყოფით პროცესებსა და შედეგებზე ისაუბრეს, რაც ქვეყანას ამ კანონის მიღება მოუტანს. ევროკავშირი-საქართველოს ბიზნეს საბჭო, ამერიკის სავაჭრო პალატა საქართველოში, გერმანიის ეკონომიკური გაერთიანება, საფრანგეთი-საქართველოს სავაჭრო და სამრეწველო პალატა, ევროპული ბიზნეს ასოციაცია, დისტრიბუტორთა ბიზნეს ასოციაცია, საქართველოს მწარმოებელთა ფედერაცია, გადასახადის გადამხდელთა კავშირი და საქართველოს რესტორატორთა ასოციაცია მოუწოდებენ მთავრობას, უკან გაიწვიოს „უცხოური ძალის გავლენის გამჭვირვალობის შესახებ“ კანონპროექტი. #ახალიამბები #BusinessMediaGeorgia
ამ წუთებში პრემიერ-მინისტრი ირაკლი კობახიძე ბიზნესსექტორს ხვდება. შეხვედრა მთავრობის ადმინისტრაციაში იმართება და მას მსხვილი ბიზნესის წარმომადგენლები ესწრებიან. როგორც ცნობილია, შეხვედრის მთავარი თემა ქვეყანაში მიმდინარე მოვლენები, მათ შორის ე.წ. რუსული კანონია. შეხვედრის დაწყებამდე ბიზნესსექტორის ნაწილმა მედიასთან აღნიშნული კანონიც შეაფასა. #ახალიამბები #BusinessMediaGeorgia
„რუსული კანონი“ - გავლენა ინვესტორთა განწყობაზე სტუმარი: ზვიად სხვიტარიძე - ექსპერტი ეკონომიკურ და სამართლებრივ საკითხებში; #ახალიამბები #BusinessMediaGeorgia
ტურისტებს საქართველოში შემოსასვლელად ჯანმრთელობის დაზღვევის ქონის ვალდებულება უჩნდებათ- ამის შესახებ ინფორმაცია დღეს რუსულ და აზერბაიჯანულ მედიაში გავრცელდა. მოგვიანებით კი ინფორმაცია დაადასტურეს ტურიზმის ეროვნულ ადმინისტრაციაში, სადაც ამბობენ, რომ საკითხზე მუშაობა ბიზნესთან ამ ეტაპზე მიმდინარეობს. რა იცვლება ტურისტებისთვის და რას ამბობენ პროცესებში ჩართული ბიზნეს სუბიექტები. #ახალიამბები #BusinessMediaGeorgia
დღეს ევროპის დღეა და საქართველო ამ დღეს ევროკავშირის წევრობის კანდიდატის სტატუსით პირველად ხვდება. პირველად არის ქვეყანა ასე ახლოს და ამავე დროს ამ შანსის დაკარგვის ასეთი რისკის წინაშე. „დარჩით ევროკავშირის გზაზე" - მიმართავს პაველ ჰერჩინსკი საქართველოს და მოუწოდებს საქართველოს არ გაუშვას შანსი ხელიდან, როცა კავშირის კარი საბოლოოდ ფართოდ ღიაა!. #ახალიამბები #BusinessMediaGeorgia
#ბიზნესსიახლეები bm.ge-სგან / 09.05.2024 უძრავ ქონებაზე მოთხოვნა განსაკუთრებით რუსეთის მოქალაქე, ეროვნებით ქართველების მხრიდან გაიზარდა - Eristavi Estates; რას სთავაზობს „ფუსფუსი“ მომხმარებლებს? რა გეგმები აქვს მიმდინარე წელს “პარიკების ოთახს"? “ქისას“ პროდუქციის 99% ექსპორტზე გადის; “ჟოლი“ წელს საექსპორტო ბაზრებს აფართოებს; #ახალიამბები #BusinessMediaGeorgia
ტურისტებს საქართველოში შემოსასვლელად ჯანმრთელობის დაზღვევის ქონის ვალდებულება უჩნდებათ- ამის შესახებ ინფორმაცია დღეს რუსულ და აზერბაიჯანულ მედიაში გავრცელდა. მოგვიანებით კი ინფორმაცია დაადასტურეს ტურიზმის ეროვნულ ადმინისტრაციაში, სადაც ამბობენ, რომ საკითხზე მუშაობა ბიზნესთან ამ ეტაპზე მიმდინარეობს. რა იცვლება ტურისტებისთვის და რას ამბობენ პროცესებში ჩართული ბიზნეს სუბიექტები? #ახალიამბები #BusinessMediaGeorgia
არ გაუშვათ შესაძლებლობა ხელიდან... ჩვენი კავშირის კარი საბოლოოდ ფართოდ ღიაა - ევროკავშირის ელჩი საქართველოში საქართველოს მოუწოდებს დარჩეს ევროკავშირთა. დღეს ევროპის დღე აღინიშნება, მათ შორის საქართველოში, რომელიც ამ დღეს პირველად აღნიშნავს, როგორც კანდიდატი ქვეყანა. ამ წუთებში პაველ ჰერჩინსკის მასპინძლობით გალა- კონცერტი იმართება, რომელსაც ესწრებიან დიპლომატიური კორპუსის, საჯარო, კერძო, საერთაშორისო და არასამთავრობო სექტორის წარმომადგენლები. #ახალიამბები #BusinessMediaGeorgia
საქართველოს რეგიონში ფინტექჰაბის ფუნქციის შესრულება შეუძლია - ასე აფასებს სინგაპურის მონეტარული ორგანოს ფინტექ დირექტორი საქართველოს პოტენციალს. როგორც სოპ-ნენდუ მოჰანტი “საქმის კურსთან” ინტერვიუში აცხადებს, საქართველოს ფინანსური ტექნოლოგიების დანერგვის მიმართულებით დიდი პოტენციალი აქვს და ამისთვის ქვეყანამ რამდენიმე მიმართულებით უნდა გადადგას ნაბიჯები, მათ შორის საგადახდო სისტემების განვითარების ნაწილში. ნუცა შუბაშვილი ესაუბრა სინგაპურის მონეტარული ორგანოს ფინტექ დირექტორს, რომელიც გასულ კვირას თბილისში გამართული აზიის განვითარების ბანკის 57-ე წლიური შეხვედრის ფარგლებში იმყოფებოდა საქართველოში. სტუმარი: სოპნენდუ მოჰანტი - სინგაპურის მონეტარული ორგანოს ფინტექ დირექტორი; ინტერვიუერი: ნუცა შუბაშვილი - #BMG-ის ჟურნალისტი; #ახალიამბები #BusinessMediaGeorgia
საკონტეინერო გადაზიდვების ბაზარზე ფასების ზრდას ელიან, წითელ ზღვაში დაძაბულობის განმუხტვის ნიშნები არ შეინიშნება, კონტეინერებზე მზარდი დეფიციტია, ხოლო ბაზარზე გაურკვევლობაა. გლობალური საკონტეინერო ინდექსი, რომელიც 25 იანვრიდან კლებას აჩვენებდა, ისევ გაიზარდა. 40 ფუტიანი კონტეინერის გადაზიდვის ფასი, 2 მაისის მდგომარეობით 2725 დოლარია. ცარიელი კონტეინერების რაოდენობის შემცირებასა და საზღვარზე დიდი საცობის გამო, ჩინეთმა მკვეთრად, 500-800 დოლარით გაზარდა საკონტეინერო სარკინიგზო გადაზიდვების ტარიფი რუსეთისა და ბელარუსის მიმართულებით. გაიზარდა ჩინეთიდან საზღვაო ფრახტიც, თუ აქამდე ის 800-1000 დოლარი ღირდა, ახლა ფასი 1300 -1500 დოლამდეა გაზრდილი, რაც გამგზავნ პორტზეა დამოკიდებული. საზღვაო ხაზები ელიან რომ წითელ ზღვაში მიმდინარე მოვლენების გამო საერთაშორისო ვაჭრობაში შეფერხებები შესაძლოა, მიმდინარე წლის ბოლომდე გაგრძელდეს, რადგანაც წითელ ზღვაში დაძაბულობის ისევ ნარჩუნდება, ხოლო კეთილი იმედის კონცხის გვერდის ავლით მარშრუტი უფრო მეტ დროს მოითხოვს და რაც კომპანიებს უფრო ძვირი უჯდებათ. რა ტენდენციებია სატრანსპორტო ბაზარზე და როგორ აისახება ტარიფების ზრდა შუა დერეფანზე და რა ვითარებაა ამჟამად შუა დერეფნის ერთ-ერთ საკვანძო საქართველოს სატრანსპორტო-ლოგისტიკურ სექტორში? სტუმარი: გივი ჩაჩანიძე - COSCO SHIPPING LINES-ის გაყიდვების გენერალური მენეჯერი; #ახალიამბები #BusinessMediaGeorgia
სახელმწიფომ ყულევის ნავთობ გადამამუშავებელი ქარხნის მშენებლობაზე პასუხისმგებელი ინვესტორი ფაზის ოილი, რომელმაც ვალდებულებები ვერ შეასრულა, 20 მილიონ დოლარზე მეტი ჯარიმისგან გაათავისუფლა. პროექტი როგორც ცნობილია ახალ ინვესტორს ბლექ სი პეტროლიუმს გადაბარდა, რომლის რომელიც 2022 წელს მაკა ასათიანმა დააფუძნა. როგორ მიმდინარეობს საინვესტიციო პროექტები ქვეყანაში, რამდენად სრულდება დადგენილი პირობები და ხომ არ შეიცვალა ისეთი საინვესტიციო პროექტების ვადები როგორიცაა ყულევის ნავთობ გადამამუშავებელი ქარხანა, ანანოვების სასახლის ტერიტორიაზე დასასვენებელი კომპლექსის მოწყობა და ახტალის კურორტის რეაბილიტაცია? #ახალიამბები #BusinessMediaGeorgia
არა რუსულ კანონს! ქართულ ოცნებას ახლა უკვე ექიმები მიმართავენ. სამედიცინო სფეროს წარმომადგენლები აცხადებენ, რომ კანონი ძირს უთხრის დემოკრატიის ფუნდამენტურ საფუძვლებს, საფრთხეს უქმნის ქვეყნის მომავალს და უმთავრეს ღირებულებას - თავისუფლებას. მათი თქმით, საფრთხე ემუქრება საქართველოს ევროკავშირში ინტეგრაციას, რომლისკენაც ქვეყანა ისწრაფვის. მედიკოსები ყურადღებას დასავლეთის ფულით სამედიცინო სფეროს განვითარებაზეც ამახვილებენ ყურადღებას. #ახალიამბები #BusinessMediaGeorgia
#ბიზნესსიახლეები bm.ge-სგან / 08.05.2024 Airbnb-ზე თბილისსა და ბათუმში ჯავშნები შემცირდა - Galt & Taggart; Galt & Taggart-ში 2024 წელს ტურისტების რაოდენობის სრულ აღდგენას პროგნოზირებენ - მიმოხილვა; "ტურისტული ობიექტები საუბრობენ, რომ წელს სუსტი წელი იქნება"- კაფე "სანფლაუერსი"; „ჩირჩხელა“ : საერთაშორისო ინვესტორებმა რამდენიმე პროექტი შეგვიჩერეს, რადგან ქვეყანა რუსეთისკენ იყურება; „ნაბეღლავი“ კორეაშიც გაიყიდება; #ახალიამბები #BusinessMediaGeorgia
2023 წელს ₾10.5 მლრდ-ის სახელმწიფო ტენდერი ჩატარდა- შესყიდვების სააგენტოს მიერ 2023 წლის ანგარიშის მიხედვით, გასულ წელს ელექტრონული და კონსოლიდირებული ტენდერების საშუალებით დადებული სახელმწიფო შესყიდვების ხელშეკრულებების მთლიანი ღირებულება გაიზარდა, ხოლო გამარტივებული შესყიდვების შემთხვევაში კლება ფიქსირდება. ვინ არიან ყველაზე მსხვილი შემსყიდველები, რა ოდენობის სახელმწიფო შესყიდვა ჩატარდა დონორების სახსრებით და როგორია ამ მიმართულებით გამოვლენილი სამართლებრივი დარღვევების სტატისტიკა? #ახალიამბები #BusinessMediaGeorgia
მოქალაქეები საპენსიო დანაზოგების დამოუკიდებელ აქტივების მმართველ კომპანიებში გადატანას ვეღარ შეძლებენ. შესაბამის ცვლილებებს ეკონომიკის სამინისტროს მიერ პარლამენტში ინიცირებული საკანონმდებლო პაკეტი ითვალისწინებს. როგორც უწყებაში განმარტავენ, საერთაშორისო პრაქტიკის გათვალისწინებით, დაგროვებითი საპენსიო სქემის მონაწილეთა ძალიან მცირე ნაწილი იყენებს სხვა აქტივების მმართველის არჩევის უფლებამოსილებას. თავად კერძო სექტორის ნაწილი კი ამ გადაწყვეტილებას იწუნებს და აცხადებს, რომ საპენსიო რეფორმის მეტი ეფექტურობისთვის აუცილებელია მოქალაქეებს თავისუფალი არჩევანი ჰქონდეთ. რა იცვლება საპენსიო დანაზოგებთან მიმართებაში და როგორია შეფასებები. #ახალიამბები #BusinessMediaGeorgia
არა რუსულ კანონს! - ქართულ ოცნებას ახლა უკვე ექიმები მიმართავენ. სამედიცინო სფეროს წარმომადგენლები აცხადებენ, რომ კანონი ძირს უთხრის დემოკრატიის ფუნდამენტურ საფუძვლებს, საფრთხეს უქმნის ქვეყნის მომავალს და უმთავრეს ღირებულებას - თავისუფლებას. მათი თქმით, საფრთხე ემუქრება საქართველოს ევროკავშირში ინტეგრაციას, რომლისკენაც ქვეყანა ისწრაფვის. მედიკოსები ყურადღებას დასავლეთის ფულით სამედიცინო სფეროს განვითარებაზეც ამახვილებენ. #ახალიამბები #BusinessMediaGeorgia
როგორ ეხება ე.წ რუსული კანონი ტურიზმის სექტორს და რა გავლენა ექნება გამჭვირვალობის სახელით ინიცირებულ პროექტს ამ სექტორში დასაქმებულ ადამიანებზე- ეს იქნება ჩვენი საუბრის თემა, სტუმართან. ტურიზმი და სტუმარ-მასპინძლობის ინდუსტრიაში ბევრი პროექტი ხორციელდება დონორების დაფინანსებით. საინტერესოა რა ბედი ელის იმ პროექტებს რომელიც დაწყებულია ან უნდა დაიწყოს, რა კითხვები აქვთ დონორ ორგანიზაციებს საქართველოში განვითარებულ მოვლენებზე და ზოგადად რა საფრთხეს უქმნის ეს კანონი ამ ინდუსტრიას და ქვეყანას? სტუმარი: ნატალია ბახტაძე - საქართველოს ეკოტურიზმის ასოციაციის თავმჯდომარე; #ახალიამბები #BusinessMediaGeorgia
მოქალაქეები საპენსიო დანაზოგების დამოუკიდებელ აქტივების მმართველ კომპანიებში გადატანას ვეღარ შეძლებენ. შესაბამის ცვლილებებს ეკონომიკის სამინისტროს მიერ პარლამენტში ინიცირებული საკანონმდებლო პაკეტი ითვალისწინებს. როგორც უწყებაში განმარტავენ, საერთაშორისო პრაქტიკის გათვალისწინებით, დაგროვებითი საპენსიო სქემის მონაწილეთა ძალიან მცირე ნაწილი იყენებს სხვა აქტივების მმართველის არჩევის უფლებამოსილებას. თავად კერძო სექტორის ნაწილი კი მთავრობის ამ გადაწყვეტილებას იწუნებს და აცხადებს, რომ საპენსიო რეფორმის მეტი ეფექტიანობისთვის აუცილებელია მოქალაქეებს თავისუფალი არჩევანი ჰქონდეთ. #ახალიამბები #BusinessMediaGeorgia
2023 წელს ₾10.5 მლრდ-ის სახელმწიფო ტენდერი ჩატარდა- შესყიდვების სააგენტოს მიერ 2023 წლის ანგარიშის მიხედვით, გასულ წელს ელექტრონული და კონსოლიდირებული ტენდერების საშუალებით დადებული სახელმწიფო შესყიდვების ხელშეკრულებების მთლიანი ღირებულება გაიზარდა, ხოლო გამარტივებული შესყიდვების შემთხვევაში კლება ფიქსირდება. ვინ არიან ყველაზე მსხვილი შემსყიდველები, რა ოდენობის სახელმწიფო შესყიდვა ჩატარდა დონორების სახსრებით და როგორია ამ მიმართულებით გამოვლენილი სამართლებრივი დარღვევების სტატისტიკა? #ახალიამბები #BusinessMediaGeorgia
ქართველი მედიკოსები მსოფლიოს მასშტაბით, მცირე და საშუალო ბიზნესების წარმომადგენლები, ყოფილი დიპლომატები - უმაღლესი საგანმანათლებლო დაწესებულებები - მთავრობას რუსულ კანონზე უარის კიდევ ერთხელ თქმისკენ მოუწოდებენ. საგანმანათლებლო დაწესებულებების ნაწილში ქართული ოცნების კანონპროექტის უკან გაწვევას ითხოვენ. აკადემიურ სივრცეში კანონის მიღებით არაერთ რისკ ხედავენ. მთავარი პრობლემა, რომელზეც ისინი საუბრობენ, საქართველოს საგარეო კურსის ცვლილება და ევროინტეგრაციის საფრთხეა. #ახალიამბები #BusinessMediaGeorgia
საქართველოს მთავრობა საპენსიო სააგენტოს სახელს უცვლის. ახალი სახელით საპენსიო ფონდი- იცვლება მართვის სისტემაც. მთავრობა საპენსიო სააგენტოს მართვის სისტემის რადიკალურ ცვლილებას და საინვესტიციო საბჭოს გაუქმებას გეგმავს- შესაბამისი კანონპროექტი ეკონომიკის სამინისტროსგან პარლამენტშია წარდგენილი. პროექტის მიხედვით, მთავრობა გეგმავს, მის დაქვემდებარებაში გადაიყვანოს საქართველოს საპენსიო სააგენტოს მმართველობითი სტრუქტურის დანიშვნის საკითხი, ამიტომაც უქმდება საპენსიო სააგენტოს საინვესტიციო საბჭო.- რა იცვლება და რას ცვლის სიახლე საპენსიო დანაზოგების ბენეფიციარებისათვის? #ახალიამბები #BusinessMediaGeorgia
#ბიზნესსიახლეები bm.ge-სგან / 07.05.2024 მარტში მშენებლობა გაძვირდა - მიზეზი; თბილისში, ბინებზე ყველაზე დიდ მოთხოვნას საქართველოს მოქალაქეები ქმნიან - Galt & Taggart; მაღალბიუჯეტიან სასტუმროებში განთავსების საშუალო ფასი პანდემიამდელთან შედარებით გაიზარდა - თიბისი კაპიტალი; „70% ონლაინ ვაჭრობის სექტორს ეხება“ - რაზე ჩივიან მომხმარებლები? წელს „კოტეჯები წაღვერში“ ეზოს ინფრასტრუქტურის განვითარებას გეგმავს - ინვესტიცია ₾50000; #ახალიამბები #BusinessMediaGeorgia
უნივერსიტეტები ე.წ. რუსული კანონის წინააღმდეგ. საგანმანათლებლო დაწესებულებების ნაწილში ქართული ოცნების კანონპროექტის უკან გაწვევას ითხოვენ. აკადემიურ სივრცეში კანონის მიღებით არაერთ რისკ ხედავენ. მთავარი პრობლემა, რომელზეც ისინი საუბრობენ, საქართველოს საგარეო კურსის ცვლილება და ევროინტეგრაციის საფრთხეა. #ახალიამბები #BusinessMediaGeorgia
რუსულ კანონს გასულ კვირას საქართველოს მსხვილი ბინზესების ნაწილმა მხარი დაუჭირა. კანონის" მხარდამჭერ ბიზნესებს შორის კი არქი, CELFIE, Wissol, Wendy’s, Dunkin’, Smart, Subway, ჯორჯიან მანგანეზი, მილდიანი, აიჯი დეველოპმენტი, VR ჰოლდინგი, KTW, თეთრი კვადრატი, ანაგი და ორბი ხვდებიან. შემოქმედებითი ინდუსტრიის წარმომადგენლები, კი იმ ბიზნესმენებსა და მათ დაფუძნებულ კომპანიებს, რომლებმაც "რუსულ კანონს" მხარი დაუჭირეს, ბოიკოტს უცხადებენ, - შესაბამისი განცხადება გასულ კვირას კრეატიულმა სააგენტოებმა გაავრცელეს. ბოიკოტს თითქმის ყველა ქართული, მსხვილი შემოქმედებითი სააგენტო უერთდება. მათ შორისაა კომპანია რედბერიც. სტუმარი: გაგა დარსალია - “რედბერის” დამფუძნებელი #ახალიამბები #BusinessMediaGeorgia
მთავრობა საპენსიო სააგენტოს მართვის სისტემის რადიკალურ ცვლილებას და საინვესტიციო საბჭოს გაუქმებას გეგმავს - შესაბამისი კანონპროექტი ეკონომიკის სამინისტრომ პარლამენტში უკვე წარადგინა. კანონპროექტის მიხედვით, მთავრობა გეგმავს, მის დაქვემდებარებაში გადაიყვანოს საქართველოს საპენსიო სააგენტოს მმართველობითი სტრუქტურის დანიშვნის საკითხი, ამიტომაც უქმდება საპენსიო სააგენტოს საინვესტიციო საბჭო. იცვლება სხვადასხვა საპენსიო აქტივში ინვესტირების ლიმიტებიც და ფონდს პირდაპირ მიეცემა სხვადასხვა აქტივში ინვესტირების შესაძლებლობა. #ახალიამბები #BusinessMediaGeorgia
#ბიზნესსიახლეები bm.ge-სგან / 03.05.2023