ეროვნულმა ბანკმა ფინანსური სტაბილურობის კომიტეტის სხდომა უკვე მეორედ გადადო. სხდომა, რომელიც 11 ოქტომბერს უნდა გამართულიყო, 18 ოქტომბერს ჩაინიშნა. ოფიციალური ინფორმაციით, გადადების მიზეზად ორივეჯერ სტატისტიკური მონაცემების მოლოდინი დასახელდა. ეროვნული ბანკის ვიცე-პრეზიდენტი, ნიკოლოზ გაგუა BMG-თან აცხადებს, რომ 11 ოქტომბრის სხდომის გადადების მიზეზი არ იცის, თუმცა არ გამორიცხავს, რომ 27 სექტემბრის სხდომა სებ-ის მოვლენების გამო გადაიდო. პაპუნა ლეჟავა კი ამბობს, რომ სხდომის გადადება შესაძლოა ნათია თურნავას მაროკოში ვიზიტს უკავშირდებოდეს. ბიემჯი არჩლ მესტვირიშვილსაც დაუკავშირდა, რომელმაც კომენტარის გაკეთება არ ისურვა. ეკონომისტების ნაწილს ეროვნული ბანკის ოფიციალური განცხადების არ სჯერა. მათ მიაჩნიათ, რომ სხდომის ორივეჯერ გადადება იმის მანიშნებელია, რომ მარეგულირებელში პროფესიონალი და დამოუკიდებელი კადრების კრიზისია. ეკონომისტები პასუხისმგებლობას ნათია თურნავას აკისრებენ, ვის გამოც სამი ვიცე-პრეზიდენტი თანამდებობას ტოვებს. #ახალიამბები #BusinessMediaGeorgia
ეროვნულმა ბანკმა ფინანსური სტაბილურობის კომიტეტის სხდომა უკვე მეორედ გადადო. სხდომა, რომელიც 11 ოქტომბერს უნდა გამართულიყო, 18 ოქტომბერს ჩაინიშნა. ოფიციალური ინფორმაციით, გადადების მიზეზად ორივეჯერ სტატისტიკური მონაცემების მოლოდინი დასახელდა. ეროვნული ბანკის ვიცე-პრეზიდენტი, ნიკოლოზ გაგუა BMG-თან აცხადებს, რომ 11 ოქტომბრის სხდომის გადადების მიზეზი არ იცის, თუმცა არ გამორიცხავს, რომ 27 სექტემბრის სხდომა სებ-ის მოვლენების გამო გადაიდო. პაპუნა ლეჟავა კი ამბობს, რომ სხდომის გადადება შესაძლოა ნათია თურნავას მაროკოში ვიზიტს უკავშირდებოდეს. ბიემჯი არჩლ მესტვირიშვილსაც დაუკავშირდა, რომელმაც კომენტარის გაკეთება არ ისურვა. ეკონომისტების ნაწილს ეროვნული ბანკის ოფიციალური განცხადების არ სჯერა. მათ მიაჩნიათ, რომ სხდომის ორივეჯერ გადადება იმის მანიშნებელია, რომ მარეგულირებელში პროფესიონალი და დამოუკიდებელი კადრების კრიზისია. ეკონომისტები პასუხისმგებლობას ნათია თურნავას აკისრებენ, ვის გამოც სამი ვიცე-პრეზიდენტი თანამდებობას ტოვებს. #ახალიამბები #BusinessMediaGeorgia
ეროვნულმა ბანკმა ფინანსური სტაბილურობის კომიტეტის სხდომა, 27 სექტემბრის შემდეგ, მეორედ გადადო. სხდომა, რომელიც 11 ოქტომბერს უნდა გამართულიყო, 18 ოქტომბერს ჩატარდება. ოფიციალური ინფორმაციით, სხდომის გადადების მიზეზად ორივეჯერ სტატისტიკური მონაცემების მოლოდინი დასახელდა. ექსპერტები კი მიიჩნევენ, რომ ფინანსური სტაბილურობის კომიტეტის სხდომის ჩატარების გაჭიანურებს ეროვნულ ბანკში არსებულ კრიზისზე მიანიშნებს. #ახალიამბები #BusinessMediaGeorgia
კვალიფიციური კადრების დეფიციტის პრობლემა მზარდ ტენდენციად ჩამოყალიბდა - ბიზნესი კადრების მწვავე დეფიციტს განიცდის. სპეციალისტების ნაკლებობას განიცდის მრეწველობის, ვაჭრობის, მშენებლობისა და მომსახურების სექტორები. სამუშაო ძალის პრობლემა კი განსაკუთრებით მწვავეა ვაჭრობისა და მშენებლობის სექტორებისთვის. აღნიშნულ ინფორმაციას საქართველოს ბიზნეს ასოციაცია BAG-ის მესამე კვარტლის ინდექსის მონაცემებზე დაყრდნობით აქვეყნებს. პრობლემის გადაჭრა მოკლევადიანი ნაბიჯებით წარმოუდგენლად ეჩვენება BDO-ს მმართველ პარტნიორ ზურაბ ლალაზაშვილს, რომელიც ამბობს, რომ ეს გრძელვადიანი სტრატეგიის ნაწილი უნდა იყოს. კადრების დეფიციტზე საუბრობენ აჭარის წყალი ჯორჯიაშიც, სადაც მთავარი საჭიროება დღეს კადრების გადამზადება და მათი უნარების კონკრეტული სექტორის საქმიანობის მორგება სახელწოდება, ეს უფრო გრძელვადიანი სტრატეგიის ნაწილი უნდა იყოს - ასე აფასებს არსებულ ვითარებას BDO-ს მმართველი პარტნიორი ზურაბ ლალაზაშვილი. მისი თქმით, ვითარებას ართულებს გლობალურ კონკურენტული გარემო, რაც ადამიანს შესაძლებლობას აძლევს დასაქმდეს არა საქართველოში, არამედ უცხოეთში. კადრების დეფიციტზე საუბრობენ აჭარის წყალი ჯორჯიაშიც. მთავარი საჭიროებად კადრების გადამზადება და მათი უნარების კონკრეტული სექტორის საქმიანობაზე მორგება სახელდება. რამდენად არის ბიზნესის საჭიროებებთან მთავრობის ხედვა თანხვედრაში და როგორი უნდა იყოს თავად კერძო სექტორის სტრატეგია იმ დროს, როცა კადრების დეფიციტის პრობლემა დრო და დრო სულ უფრო მწვავდება? სტუმარი: მედეა ტაბატაძე - საკონსულტაციო და რეკრუტინგული კომპანია Insource-ის მმართველი პარტნიორი; #ახალიამბები #BusinessMediaGeorgia
“ერთ-ერთი მთავარი გამოწვევა, რაც ბიზნესთან კომუნიკაციისას გამოიხატა, კვალიფიციური ადამიანური კაპიტალის შექმნა და განვითარებაა” - ამის შესახებ საქართველოს პრემიერ-მინისტრმა ირაკლი ღარიბაშვილმა, განათლების სამინისტროს მიერ შემუშავებულ პროფესიული განათლების განვითარების ახალი ხედვის პრეზენტაციაზე განაცხადა. მისი თქმით, ახალი ხედვა საუკეთესო პრაქტიკაზე დაყრდნობით შემუშავდა და ის სახელმწიფოს მხრიდან ინოვაციურ მიდგომას ითვალისწინებს. როგორია მთავრობის ხედვა და ბიზნესის შეფასება? #ახალიამბები #BusinessMediaGeorgia
ფეხბურთელი, რომლის სტატუსი სპორტსმენობას გასცდა - Netflix-ის ახალი დოკუმენტური სერიალი დევიდ ბექჰემზე #ახალიამბები #BusinessMediaGeorgia
კახეთში რთველი ფაქტობრივად დასრულდა, სოფლის მეურნეობის სამინისტროს ინფორმაციით, ამ დროისთვის უკვე გადამუშავებულია 200 ათას ტონაზე მეტი ყურძენი. რთველი აქტიურ ფაზაში გადადის რაჭაშიც. რაჭველ ფერმერებს რთველს მთავრობა წელსაც დაუსუბსიდირებს. რამდენით, ამაზე სოფლის მეურნეობის მინისტრმა დღეს გააკეთა განცხადება. როგორ ფასდება რთველის მიმდინარეობა და სუბსიდირებიდან გამოსვლის რა ხედვა აქვს ოთარ შამუგიას? #ახალიამბები #BusinessMediaGeorgia
შესაფუთი ნარჩენების შეგროვების რეგლამენტი 4 წლის შემდეგ კვლავ ვერ მტკიცდება. გარემოს დაცვისა და სოფლის მეურნეობის მინისტრის მოადგილის განცხადებით, რეგლამენტი, რომელიც ჯერ კიდევ 2019 წელს უნდა დამტკიცებულიყო, მუნიციპალიტეტსა და კერძო სექტორს შორის არსებული შეუთანხმებლობით გაჭიანურდა. სოლომონ პავლიაშვილს აქვს მოლოდინი, რომ შესაფუთი ნარჩენების რეგლამენტს მომავალი წლის პირველ კვარტალში მიიღებენ, ხოლო რაც შეეხება მეორეული ავტომობილების ბაზრიდან ამოღებას - აღნიშნული რეგლამენტი მინისტრის მოადგილის განცხადებით, ძალაში შესაფუთი ნარჩენების რეგლამენტზე მალე შევა. კერძო სექტორის ნაწილი ადრე აცხადებდა, რომ ამ სისტემის დანერგვა საქართველოს რეალობაში გამართლებული არ იყო, რადგან ის დიდ ინვესტიციებთან არის დაკავშირებული. კომპანია “ტენეს” დამფუძნებელი BMG-სთან ინტერვიუში ამბობს, რომ ეს საკითხი დღეს გარკვეულწილად გადაჭრილია. მისი თქმით, ისინი მზად არიან ბაზარს ე.წ ბოთლიყლაპია აპარატები მსოფლიო ბაზარზე არსებულ ფასზე სამჯერ იაფად შესთავაზონ, შესაბამისად, დეპოზიტური სისტემის დანერგვა სექტორისთვის დიდ ხარჯებთან აღარ იქნება დაკავშირებული. #ახალიამბები #BusinessMediaGeorgia
ბიზნესს მომდევნო ნახევარი წლის მანძილზე პოზიტიური მოლოდინები აქვს. კერძო სექტორის განწყობის შესახებ კვლევას ბიზნეს ასოციაცია აქვეყნებს. რაც შეეხება მიმდინარე მდგომარეობას. გაერთიანების თანახმად, ვითარებას ყველაზე პოზიტიურად ვაჭრობის სექტორში არსებულ კომპანიებში აფასებენ. პოზიტიური შეფასებებისა და ოპტიმისტური განწყობების მიუხედავად, მიმდინარე კვარტალში გამოკითხული კომპანიები, საუბრობენ გამოწვევებზეც, რომელიც ხელს უშლის მათ ბიზნესსაქმიანობას. როგორც კვლევიდან ირკვევა, მესამე კვარტალში, კიდევ უფრო გამწვავდა კადრების დეფიციტის პრობლემა, რომელიც ყველაზე მნიშვნელოვან ხელის შემშლელ ფაქტორად მიიჩნევა. სპეციალისტების ნაკლებობის პრობლემა, განსაკუთრებით მძაფრად დასახელდა მშენებლობის სექტორის მიერ. რას აკეთებს და რა გეგმა აქვს მთავრობას ბიზნესის მიერ ყველაზე მწვავე ხელისშემშლელ ფაქტორად დასახელებული პრობლემის გადასაჭრელად. #ახალიამბები #BusinessMediaGeorgia
ისრაელი საქართველოს მნიშვნელოვანი პარტნიორია, როგორც ვაჭრობასა და ინვესტიციების, ასევე ტურიზმის კუთხით. 6 თვეში საქართველოს 106 ათასზე მეტი ვიზიტორი სტუმრობდა და ამ სტატისტიკით ის მეოთხე ადგილზეა. აღსანიშნავია, რომ გასული წლის 6 თვეში ისრაელიდან საქართველოში 84 577 ვიზიტორი შემოვიდა. საერთო ჯამში, 2022 წელს ისრაელიდან ჩვენს ქვეყანაში 210 178 ვიზიტორი გვესტუმრა, 2021-ში 100 686. როგორ აისახება ისრაელ - პალესტინას შორის დაწყებული ომი რეგიონზე და საქართველოს ტურიზმის სექტორზე? #ახალიამბები #BusinessMediaGeorgia
შუა დერეფანში ტვირთების კოორდინაციისთვის ქართულ-აზერბაიჯანულ-ყაზახური კომპანია შეიქმნა. შეთანხმება 3 ქვეყნის რკინიგზებს შორის შედგა, რომელიც ჩინეთიდან დერეფანში მომავალი ტვირთების გადაზიდვას დააკოორდინირებს. ქართული მხარე ერთობლივი კომპანიის შესახებ ბევრს არაფერს საუბრობს. ვიცით, ყაზახეთის ტრანსპორტის მინისტრის ორი კვირის წინ ასტანაში გამართულ ფორუმზე გაკეთებული განცხადება, რომ დერეფანში გამტარუნარიანობა შესაძლოა, 5-ჯერ გაიზარდოს, არსებული შეთანხმებით კი ერთობლივი კომპანიის მიერ განსაზღვრული ტარიფი 5 წლის განმავლობაში არ შეიცვლება. უწევს თუ არა საქართველოს ამ მიმართულებით ბიუჯეტში გარკვეული თანხების გათვალისწინება? #ახალიამბები #BusinessMediaGeorgia
ბიზნესთან უფრო ვთანხმდებით ვიდრე მუნიციპალიტეტებთან - ასე უპასუხა BMG-ის კითხვას, შესაფუთი ნარჩენების რეგლამენტზე გარემოს დაცვის მინისტრის მოადგილემ. სოლომონ პავლიაშვილი აცხადებს, რომ რეგლამენტი, რომელიც ჯერ კიდევ 2019 წელს უნდა დამტკიცებულიყო მუნიციპალიტეტსა და კერძო სექტორს შორის არსებული შეუთანხმებლობით ვერ მტკიცდება. როდის შევა ძალაში შესაფუთი ნარჩენების შესახებ რეგლამენტი, რომელიც ბიზნესს წარმოქმნილი ნარჩენის ამოღებას და გადამუშავებას ავალდებულებს? #ახალიამბები #BusinessMediaGeorgia
მსოფლიო ბანკმა 2023 წლის საქართველოს ეკონომიკური ზრდის პროგნოზი 5.9%-მდე გაზარდა. ბანკი ანგარიშში აღნიშნავს, რომ სომხეთი და საქართველო ევროპისა და ცენტრალური აზიის ქვეყნებს შორის ყველაზე სწრაფად მზარდი ეკონომიკის მქონე ქვეყნები იყვნენ. ანგარიშის თანახმად, საქართველომ მიმდინარე წლის მეორე კვარტალში სწრაფი ეკონომიკური ზრდის იმპულსი შეინარჩუნა და გასული წლის მეორე კვარტალთან შედარებით პროდუქციის გამოშვება 7.5%-ით გაიზარდა. ეკონომიკური ზრდის პროგნოზები საქართველოსთვის მატების მიმართულებით დაკორექტირების მიზეზი სამომხმარებლო დანახარჯები და ინვესტიციების მდგრადობის შენარჩუნებაა. თუმცა მსოფლიო ბანკი ეკონომიკის სამომავლო პერსპექტივაზე ნეგატიურ რისკებსაც ხედავს - რისკებს შორისაა რუსეთიდან ფულადი ნაკადებისა და გზავნილების შენელება, გლობალური ეკონომიკური ზრდის შესუსტება, რეექსპორტის შემდგომი შეზღუდვა და ფინანსური პირობების მოსალოდნელზე გაცილებით ხანგრძლივი გამკაცრება - წერია ანგარიშში. #ახალიამბები #BusinessMediaGeorgia
საქართველოსა და არაბთა გაერთიანებულ საამიროებს შორის თავისუფალი ვაჭრობა იწყება. მხარეებმა შეთანხმებას ხელი 10 ოქტომბერს უნდა მოაწერონ. როგორც ეკონომიკის მინისტრმა რამდენიმე დღის წინ განაცხადა, თავისუფალი ვაჭრობის რეჟიმით დამატებით 9 მილიონიანი მაღალ- მსყიდველობითუნარიანი სამომხმარებლო ბაზარი გაიხსნება. კერძო სექტორში აცხადებენ, რომ ორ ქვეყანას შორის მიღწეული შეთანხმება პოზიტიურია, თუმცა მათი თქმით, ახალი ბაზრის გახსნა ქვეყნებს შორის სავაჭრო ბრუნვას მნიშვნელოვნად ვერ გაზრდის. #ახალიამბები #BusinessMediaGeorgia
#ბიზნესსიახლეები bm.ge-სგან / 06.10.2023 ნიცაში ქართული რესტორანი "TEMA" იხსნება; "Expo Batumi“ ბათუმში საგამოფენო სივრცეს ააშენებს - ინვესტიცია ₾3 მილიონამდეა; როდის დაიწყება საქართველოდან დედა ფუტკრის ექსპორტი? „ფერმერების ქცევა შეიცვალა“ – Soplidan.ge; წიგნების მიმართ ინტერესი ყოველწლიურად იზრდება - "ბიბლუსის" გენერალური დირექტორი; #ახალიამბები #BusinessMediaGeorgia
საქართველოსა და არაბთა გაერთიანებულ საამიროებს შორის თავისუფალი ვაჭრობა იწყება. მხარეებმა შეთანხმებას ხელი 10 ოქტომბერს უნდა მოაწერონ. როგორც ეკონომიკის მინისტრმა რამდენიმე დღის წინ განაცხადა, თავისუფალი ვაჭრობის რეჟიმით დამატებით 9 მილიონიანი მაღალ- მსყიდველობითუნარიანი სამომხმარებლო ბაზარი გაიხსნება. კერძო სექტორში აცხადებენ, რომ ორ ქვეყანას შორის მიღწეული შეთანხმება პოზიტიურია, თუმცა მათი თქმით, ახალი ბაზრის გახსნა ქვეყნებს შორის სავაჭრო ბრუნვას მნიშვნელოვნად ვერ გაზრდის. #ახალიამბები #BusinessMediaGeorgia
საქართველოს ბანკის მხარდაჭერით და საქართველოს ეროვნული ოლიმპიური კომიტეტის ინიციატივით, ოლიმპიური კომიტეტის შენობაში ახალი ოლიმპიური მუზეუმი გაიხსნა. მუზეუმში ოლიმპიზმის ისტორიის ყველაზე მნიშვნელოვანი ფაქტები და მომენტებია წარმოდგენილი. მათ შორის, საინტერესო ექსპონატები, ინფორმაციული და ვიზუალური მასალები ანტიკურ და თანამედროვე ოლიმპიურ თამაშებზე, საერთაშორისო ოლიმპიურ კომიტეტებზე, მის დამფუძნებლებსა და პრეზიდენტებზე, ოლიმპიურ სიმბოლოებსა და ცერემონიებზე, კონტინენტურ და ახალგაზრდულ ოლიმპიურ შეჯიბრებებზე. მუზეუმში ასევე წარმოდგენილია ქართული სპორტის ოლიმპიური ისტორია. მუზეუმთან ერთად ადგილზე ასევე გაიხსნა ბიბლიოთეკაც, რომელიც დამთვალიერებელს შესაძლებლობას აძლევს, გაეცნოს ქართული სპორტის მიღწევებს, ოლიმპიადების გამარჯვებულების ისტორიას, მათ მიერ მოპოვებულ ჯილდოებს. #ახალიამბები #BusinessMediaGeorgia
საქართველოს სტატისტიკის ეროვნულმა სამსახურმა 2023 წლის 2 ოქტომბრიდან, მოსახლეობის 2024 წლის აღწერის მოსამზადებელი სამუშაოების ფარგლებში ქ. თბილისში საცხოვრისების შემოვლა და შესაბამისი ინფორმაციის შეგროვება დაიწყო. პირველი ეტაპის სამუშაოები არსებული შენობებისა და მათში ფაქტიურად მცხოვრები შინამეურნეობების სიითი შემადგენლობის განსაზღვრას გულისხმობს. პირველ ეტაპზე სამუშაოები სამგორის, კრწანისისა და ნაძალადევის რაიონებში დაიწყო. რა მონაცემებს აგროვებს საქსტატი, ვადაში დასრულდება მოსამზადებელი სამუშაოები და რა უნდა იცოდეს მოსახლეობამ? სტუმარი: გოგიტა თოდრაძე - „საქსტატის“ აღმასრულებელი დირექტორი; #ახალიამბები #BusinessMediaGeorgia
საქართველოს ეროვნული ბანკის საბჭოს ახალი წევრები ნანა ყეინიშვილი და თეიმურაზ ხომერიკი მუშაობას შეუდგნენ. პარლამენტმა ეროვნული ბანკის საბჭოს წევრებად მათ კანდიდატურებს მხარი 21 სექტემბერს დაუჭირა. მმართველი გუნდი ამას იმით ხსნის, რომ პრეზიდენტმა გამოუვალ სიტუაციაში ჩააგდოთ და მათი დამტკიცების გარეშე სებ-ის საბჭო ქმედითუუნარო იქნებოდა. იმ ფონზე, როცა კანონმდებლებს არც ყეინიშვილის და არც ხომერიკი ხედვა არ მოუსმენიათ, რამდენად დგას სებ-ის საბჭოს ახალი წევრების ლეგიტიმაციის საკითხი, ეს კითხვა დასვა დღეს BMG-იმ პარლამენტში. #ახალიამბები #BusinessMediaGeorgia
მსოფლიო ბანკმა ევროპისა და ცენტრალური აზიის რეგიონის ეკონომიკური მიმოხილვა გამოაქვეყნა, რომელშიც წარმოდგენილია რეგიონის და მასში შემავალი ქვეყნების, მათ შორის, საქართველოს ეკონომიკური ზრდის პროგნოზები. რას ვარაუდობს მსოფლიო ბანკი საქართველოს ეკონომიკურ ზრდასთან დაკავშირებით? #ახალიამბები #BusinessMediaGeorgia
#ბიზნესსიახლეები bm.ge-სგან / 05.10.2023 რამდენი მილიონის შემოსავალი აქვს საქართველოში კერძო სკოლების ყველაზე მსხვილ ჰოლდინგს? ტრანსპორტის გადაადგილების შეზღუდვა მნიშვნელოვნად შეცვლის ჩვენს საოპერაციო პროცესებს - „არქი“; გამომცემლობა "ინტელექტი" და გამომცემლობა "არტანუჯი" წლიურად 250-300 დასახელების წიგნს გამოსცემს; ბაზარზე სტარტაპი "მურაჩას მზესუმზირა" გამოჩნდა; “ეს სრულიად ახალი და განსხვავებული პროდუქტია, იდენტური სოუსები ქართულ ბაზარზე არ არსებობს” - “მალენტა”; #ახალიამბები #BusinessMediaGeorgia
საქართველოში მოსამართლეების ნაკლებობაა, რაც სასამართლო დავებს აჭიანურებს. შესაბამისი ანგარიში “სასამართლო გუშაგმა” წარადგინა. იურისტების განცხადებით, დროში გაწელილი საქმეები ადგილობრივ ბიზნესმენებსა და უცხოელ ინვესტორებს პრობლემებს უქმნის, მათ ნაწილს საქმიანობას შეჩერებაც კი უწევს. სპეციალისტების თქმით, მნიშვნელოვანია მართლმსაჯულების სისტემის ცვლილება და ახალი მოსამართლეების დამატება, თუმცა როგორც იურისტები აღნიშნავენ, ამის პოლიტიკური ნება ხელისუფლებას არ აქვს. კვლევის მიხედვით, საქართველოს სასამართლოს ეფექტიანობა 30%-ითა და გაუმჭვირვალედაა შეფასებული. #ახალიამბები #BusinessMediaGeorgia
ისტორიული საბრძოლო თამაშის, Counter Strike-ის ახალი ნაწილი გამოვიდა #ახალიამბები #BusinessMediaGeorgia
2022 წელს მსოფლიოში 16 მლრდ 290 მლნ დოლარის 122 მილიონზე მეტი კარატი ალმასი მოიპოვეს. ალმასის მოპოვებაში მსოფლიოში სულ 22 ქვეყანა მონაწილეობს, რომლებიც ძვირფას წიაღისეულს მათ ტერიტორიაზე არსებული საბადოებიდან მოიპოვებენ. რომელი ქვეყნები მოიპოვებენ დღეს ყველაზე დიდი მოცულობისა და ღირებულების ალმასს - ამ კითხვაზე საპასუხოდ საერთაშორისო სერტიფიცირების ორგანიზაცია Kimberly Process-მა უახლესი კვლევა გამოაქვეყნა. #ახალიამბები #BusinessMediaGeorgia
როგორ უნდა მოხდეს საქართველოში წყალბადის განვითარება - წყალბადის სტრატეგიის კონცეფციის დოკუმენტი უკვე შემუშავებულია. კვლევა საკონსულტაციო კომპანია „GOPA Intec -ის მიერ გერმანიის განვითარების ბანკის დაფინანსებით შეიქმნა და მასში ასახულია ხედვა საქართველოში წყალბადის განვითარებასთან დაკავშირებით. საქართველოს მწვანე წყალბადის წარმოება და მისი როგორც ენერგიის წყაროდ გამოყენება, ასევე ექსპორტი აქვს განზრახული. მწვანე წყალბადი ახალი ტექნოლოგია ნამდვილად არ არის და მასზე არაერთ ქვეყანა ათეული წლებია მუშაობს. თავად წყალბადი მიიღება ელექტროლიზის საშუალებით და „მწვანე“ კი იმ შემთხვევაში იქნებ, თუ მისი წარმოება განახლებადი ენერგიების – წყლის, მზის, ქარის მეშვეობით უნდა მოხდეს. წყალბადი გამოიყენება როგორც ენერგია, რომლისგანაც შესაძლებელია ელექტროენერგიის წარმოება ან მისი, როგორც აირის, მოხმარება. წყალბადის მოხმარების გაზრდა შედის ევროკავშირის გეგმაშიც. ევროკავშირის მონაცემებითა და პროგნოზებით, წყალბადის დადგმული სიმძლავრე 2024 წლისთვის 6 გიგავატამდე, 2050 წლისთვის კი, 500 გიგავატამდე უნდა გაიზარდოს. რეალურად რა პოტენციალი აქვს საქართველოში მწვანე წყალბადის წარმოებას და რას მოიაზრებს საპილოტე პროექტი, რომლის მეშვეობითაც „მწვანე წყალბადი“ საქართველოში სატრანსპორტო სექტორში დაინერგება? სტუმრები: მურმან მარგველაშვილი - „მსოფლიო გამოცდილება საქართველოსთვის“ დამფუძნებელი; ვახტანგ ბეგაშვილი - ენერგეტიკული საკონსულტაციო კომპანია „მესის“ გენერალური დირექტორი #ახალიამბები #BusinessMediaGeorgia
ტრანსკასპიურ საერთაშორისო სატრანსპორტო მარშრუტზე, ანუ შუა დერეფანში ტვირთის გადაზიდვას სამი ქვეყნის ერთობლივი კომპანია მოემსახურება - „აზერბაიჯანის, საქართველოსა და ყაზახეთის რკინიგზებმა უკვე შექმნეს ერთობლივი საწარმო, რომელიც მთელ მარშრუტზე წარმოდგენილია როგორც სარკინიგზო ოპერატორი. ამ დერეფანზე დიდ იმედს არამხოლოდ საქართველოში ამყარებენ. როგორც ყაზახეთის ტრანსპორტის მინისტრმა რამდენიმე დღის წინ ასტანაში გამართულ ფორუმზე განაცხადა დერეფანში გამტარუნარიანობა შესაძლოა, 5-ჯერ გაიზარდოს. რას ამბობს ქართული მხარე აღნიშნული პარტნიორობის შესახებ? #ახალიამბები #BusinessMediaGeorgia
#ბიზნესსიახლეები bm.ge-სგან / 04.10.2023 2023 წლის პირველ ნახევარში საქართველოს IT სექტორმა $430 მილიონის საგარეო შემოსავალი მიიღო; აქამდე პროდუქციის 50% გაგვქონდა ექსპორტზე, თუმცა ახლა ვხედავთ, რომ მაჩვენებელი იზრდება - "კულა"; ხვანჭკარას გაყიდვა ისევ რუსულ ბაზარზეა ჩამოკიდებული - მეღვინეობა; ამ რთველზე ამერიკის შეკვეთას ვამზადებთ - "ამბრა"; ქუთაისში ინფრასტრუქტურა მოწესრიგებული არ არის, ქალაქს არ გააჩნია სველი წერტილები - ბიზნესი; ფილიპინური ქვებისაგან დამზადებული სამკაულის ახალი სტარტაპი “ეპიდოტი”; #ახალიამბები #BusinessMediaGeorgia
2024 წლის 1-ლი იანვრიდან, თბილისის მერია საცობების გამო, კონკრეტულ უბნებზე, პიკის საათებში, დიდი გაბარიტების მქონე ავტომობილების გადაადგილების შეზღუდვას გეგმავს. როგორც კახა კალაძემ მუნიციპალიტეტის მთავრობის სხდომაზე განაცხადა, საუბარია თბილისის ადმინისტრაციულ საზღვრებში M3, N2 და N3 კატეგორიების სატრანსპორტო საშუალებების მოძრაობის შეზღუდვაზე, დილის 08:00 საათიდან 11:00 საათამდე და საღამოს 17:00 საათიდან 20:00 საათამდე შუალედში. მერის თქმით, შეზღუდვა არ იმოქმედებს შაბათ-კვირას. ასევე, აგვისტოს თვეში. კალაძის თქმით, ერთ-ერთი მნიშვნელოვანი ეკონომიკური სექტორი, რომელზეც ეს რეგულაცია არსებით გავლენას მოახდენს სამშენებლო სექტორია. თბილისის მერის განცხადებით, სექტორთან ამ მიმართულებით კომუნიკაცია მიმდინარეობს. როგორც საქართველოს ბიზნეს ასოციაციის აღმასრულებელი დირექტორი აცხადებს, ამ მიმართულებით ასოციაციის ფორმატში მათ მერიასთან შეხვედრა ჰქონდათ და პირველადი დოკუმენტის კორექტირება მოხდა. მისი თქმით, ბიზნესის რეკომენდაციის გათვალისწინებით შესაძლო შეზღუდვები საგამონაკლისო სახით კონკრეტულ სექტორებზე ან საერთოდ ან ნაწილობრივ ამოქმედდება. აღნიშნული შეზღუდვა სადისტრიბუციო ბიზნესსაც შეეხება. დისტრიბუტორთა ბიზნეს ასოციაციაში თბილისის მერიის მხრიდან აქტიურ კომუნიკაციას ითხოვენ და ამბობენ, რომ შესაძლოა აღნიშნულმა შეზღუდვამ სხვა კატეგორიის ავტომობილების რაოდენობა, რომელიც დასაშვები რჩება რაოდენობრივად გაზარდოს. თუმცა, მერიაში აღნიშნულ რისკს ვერ ხედავენ. #ახალიამბები #BusinessMediaGeorgia
პარლამენტში ეკონომიკის მინისტრ ლევან დავითაშვილს უსმენენ. ის საკანონმდებლო ორგანოში მინისტრის საათის ფორმატში იმყოფება და დეპუტატებს გასული წლის საქმიანობის შედეგებს აცნობს. #ახალიამბები #BusinessMediaGeorgia
თბილისის მერიის ინფორმაციით, ქალაქში გადაადგილების შეზღუდვები არ შეეხება საზოგადოებრივ ტრანსპორტს, მუნიციპალური/სახელმწიფო ინფრასტრუქტურული პროექტების განხორციელებისათვის საჭირო სატრანსპორტო საშუალებებს, კომერციული ბანკების და მიკროსაფინანსო ორგანიზაციების კუთვნილ საინკასაციო ტრანსპორტს;არაგეგმური საავარიო და სიცოცხლის/ჯანმრთელობის საფრთხის შემთხვევების აღმოსაფხვრელად საჭირო ტრანსპორტს. ტურისტული დანიშნულების ტრანსპორტო ქალაქში მხოლოდ წინასწარ შეთანხმებული მარშრუტით და გრაფიკით იმოძრავებს. ერთ-ერთი მნიშვნელოვანი ეკონომიკური სექტორი, რომელზეც არსებით გავლენას მოახდენს ეს რეგულაცია, არის სამშენებლო სექტორი. ჩვენ მათთან კომუნიკაციას ვახორციელებთ და ჯერ შეთანხმებას არ მიგვიღწევია,“-თქვა დღეს კახა კალაძემ. რა პრობლემას შეუქმნის დიდი განმავლობის ტრანსპორტის მოძრაობის შეზღუდვა ბიზნესს? სტუმრები: გერმანე ჭელიძე - ტურისტული კომპანია "ტურებისა და ბილეთების" დამფუძნებელი; შიო ხეცურიანი - „არქის“ გენერალური დირექტორი; #ახალიამბები #BusinessMediaGeorgia
საქართველოს ბაზარზე გერმანული კომპანია „შმიტც კარგობული“ შემოვიდა. მისაბმელი და ნახევრადმისაბმელიანი მძიმე ტექნიკის გერმანულმა კომპანიამ შვილობილის „შმიტც კარგობულ ჯორჯიას“ ოფისი თბილისთან, განბაჟების ეკონომიკური ზონის სიახლოვეს, ოფიციალურად უკვე გახსნა. „საქართველო ავირჩიეთ კავკასიის რეგიონში ჩვენი საქმიანობის ჰაბად“- განაცხადა ბორის ბილიხმა, „შმიტც კარგობულის“ სამეთვალყურეო საბჭოს წევრმა. #ახალიამბები #BusinessMediaGeorgia
თბილისის მერია 2024 წლის იანვრიდან ქალაქის გარკვეულ ნაწილში დიდი გამავლობის მანქანების მოძრაობის შეზღუდვას გეგმავს. თბილისის მერი კახა კალაძე მიიჩნევს, რომ ამით თბილისი საცობებისგან განიტვირთება. შეზღუდვები კონკრეტულ ავტოსატრანსპორტო საშუალებებზე დილის და საღამოს საათებში იმოქმედებს. რას ამბობს მუნიციპალიტეტის შემოღებულ შესაძლო შეზღუდვებზე ბიზნესი? #ახალიამბები #BusinessMediaGeorgia
საქართველოს ბიზნეს სექტორში რუსული გავლენა განსაკუთრებით ელექტროენერგიის სექტორში შეინიშნება. ქართულ ბიზნესში რუსულ გავლენებზე ანგარიში აისეტის კვლევითმა ცენტრმა წარადგინა. როგორც ორგანიზაციაში აღნიშნავენ, რუსი ბიზნესები ან რუსეთის მოქალაქეები უშუალოდ ფლობენ ან აკონტროლებენ ელექტროენერგიის გამომუშავების, მიწოდების, გადაცემის ან ვაჭრობის პროცესს. აისეტი IDFI-ის მონაცემებზე დაყრდნობით აღნიშნავს, რომ საქართველოს ენერგობაზარზე მნიშვნელოვანი ადგილი უჭირავს რუსულ კომპანია „ინტერ რაოს“, რომელიც თელასს, ხრამჰესი 1-ს, ხრამჰესი 2-სა და თელმიკოს მაჟორიტარი აქციონერია. ორგანიზაციაში აცხადებენ, რომ რუსული კავშირები ენერგოსექტორში მიმდინარე და დაგეგმილ პროექტებშიცაა გამოკვეთილი, რომლებიც დაახლოებით, 751 მლნ კვტ/სთ ელექტროენერგიის გამომუშავების შესაძლებლობას იძლევა. რუსეთის ინტერესები ასევე სხვა არაერთ კომპანიაშია, მათ შორის საუბარია მტკვარი ენერჯიში. კვლევის ავტორების განცხადებით, ელექტროენერგეტიკის სექტორში რუსული ბიზნეს კავშირების არსებობა საყურადღებოა. #ახალიამბები #BusinessMediaGeorgia
#ბიზნესსიახლეები bm.ge-სგან / 03.10.2023 ლუდის მწარმოებლების “ნატახტარის” და “ზედაზენის” შემოსავლები რეკორდულად გაიზარდა; საქართველოს ბანკის მხარდაჭერით განახლებული „პარკ რეზორტ წყალტუბო“ და „იმერული ესკიზები” გაიხსნა; „სტარტაპები უნდა გადავიდნენ იუნიქორნობისკენ მიმავალ გზაზე“ - სალომე ნაფეტვარიძე; Kusa Food Balls - მჭადის საბეჭდი მანქანით დამზადებული მჭადის სეტები; "მიმდინარეობს ახალი ობიექტების დამატებაზე მუშაობა" - ღვინის ჩაის კომპანია ‘სტუმარი”; #ახალიამბები #BusinessMediaGeorgia
გამკაცრებული მონეტარული პოლიტიკისა და საგარეო შოკების ეტაპობრივად ამოწურვის შედეგად, 2022 წლის მეორე ნახევრიდან ინფლაციას შემცირების ტენდენცია აქვს და 2023 წლის აპრილში მიზნობრივ 3 პროცენტიან დონესაც ჩამოსცდა. 2023 წლის სექტემბრის მდგომარეობით, მთლიანი ინფლაცია 0.7 პროცენტს შეადგენს. როგორია ეროვნული ბანკის პროგნოზი, რა დიაპაზონში იქნება წლის ბოლომდე ინფლაციის მაჩვენებელი და რა შესაძლო რისკები არსებობს, რამაც ინფლაციის ფორმირებაზე შეიძლება წნეხი მოახდინოს. #ახალიამბები #BusinessMediaGeorgia
როგორ ვითარდება ტურისტული სექტორი ქუთაისში, რამდენად დატვირთული იყო გასული ზაფხული, რა გამოწვევებს წააწყდნენ გზად და ძირითადად, ვინ სტუმრობს ქალაქს? #ახალიამბები #BusinessMediaGeorgia
2022 წელი ელექტრომობილებისთვის კიდევ ერთი ისტორიული წელი იყო, როდესაც წლიურმა წარმოებამ პირველად 10 მილიონ ერთეულს გადააჭარბა. უნდა აღინიშნოს, რომ ეს მაჩვენებელი 2021 წელს მხოლოდ 6.7 მილიონი იყო, რაც იმას ნიშნავს, რომ მხოლოდ 1 წლის განმავლობაში ელექტრომობილების წარმოება თითქმის 50%-ით გაიზარდა. ამ მონაცემების პარალელურად, საინტერესოა თუ რომელი ელექტრომობილით არის დაინტერესებული თითოეული ქვეყნის მოსახლეობა? #ახალიამბები #BusinessMediaGeorgia
ევროპაში ზეთისხილის დეფიციტია- შესაბამის ინფორმაციას the guardian-ი აქვეყნებს. გამოცემის ცნობით, ამის მიზეზი კლიმატური პირობებია. მათი ინფორმაციით, ბიზნესები იძულებული არიან ზეთის ხილი სამხრეთ ამერიკიდან შემოიტანონ. ამასთან, არადამაიმედებელ პროგნოზებს აკეთებენ ზეთისხილის საერთაშორისო საბჭოს წარმომადგენლებიც, რომლებიც ამბობენ, რომ მიმდინარე წელს მოსავალი 2.4 მილიონი ტონით შემცირდება, რაც მნიშვნელოვანი კლებაა გასულ წელთან მიმართებით და ის საგრძნობლად ჩამოუვარდება მსოფლიოში გაზრდილ მოთხოვნას. შემცირებულ მოსავალს ელოდებიან ესპანეთში, საბერძნეთში, იტალიაში და მაროკოში - რაც მდგომარეობას კიდევ უფრო ამწვავებს. გარდიანის ცნობით, მოსალოდნელია პროდუქტზე ფასების საგრძნობლად გაძვირება. საბერძნეთში ამბობენ, რომ ფასები სავარაუდოდ 100%-ით გაიზრდება. ზეთისხილის რთველი საქართველოში სულ ცოტა ხანში სტარტს აიღებს- რა პროგნოზები კეთდება საქართველოში ზეთისხილის მოსავალთან დაკავშირებით და ექნება თუ არა მსოფლიოს მასშტაბით დარგში არსებულ კრიზისს გავლენა საქართველოზე? სტუმარი: გიორგი სვანიძე - „ქართული ზეთისხილის“ დამფუძნებელი; #ახალიამბები #BusinessMediaGeorgia
საქართველოს ბიზნეს სექტორში რუსული გავლენა განსაკუთრებით ელექტროენერგიის სექტორში შეინიშნება. რუსულ გავლენებს ქართულ ბიზნესში ანგარიში აისეტის კვლევითმა ცენტრმა მიუძღვნა. როგორც ორგანიზაციაში აღნიშნავენ, რუსი ბიზნესები ან რუსეთის მოქალაქეები უშუალოდ ფლობენ ან აკონტროლებენ ელექტროენერგიის გამომუშავების, მიწოდების, გადაცემის ან ვაჭრობის პროცესს. რუსული გავლენა შეინიშნება ბუნებრივი ნავთობის სექტორშიც. ნაკლები ან ნულოვანი გავლენა შეინიშნება საბანკო, ტურიზმის, მშენებლობისა და სახმელეთო გადაზიდვების მიმართულებით. რა რისკებს ხედავენ ეკონომისტები რუსულ ბიზნესებსა და მათ გავლენებში? რა დასახელებული რისკების პარალელურად, რა ძირითად რეკომენდაციებს აჟღერებენ ექსპერტები? #ახალიამბები #BusinessMediaGeorgia
2022 წელს მაუწყებლების სარეკლამო შემოსავლები 10 მილიონი ლარით, 63 მილიონ 600 ათას ლარამდე შემცირდა. საერთაშორისო გამჭვირვალობა-საქართველოს მონაცემებით, მედიის ფინანსებზე კომპლექსურად იმოქმედა გაუარესებულმა კანონმდებლობამ, ბიზნესგარემოში გაზრდილმა თვითცენზურამ და მედიაზე გაზრდილმა წნეხმა. ანგარიშის მიხედვით, ჯამური სარეკლამო შემოსავლების ყველაზე დიდი ნაწილი, 27 მილიონი ლარი, “იმედის ჰოლდინგმა” მიიღო. შემდეგ მოდიან: “მთავარი არხი” - 10 მლნ მლნ ლარით; “მედიაჰოლდინგი” “რუსთავი 2” - 9 მლნ ლარით; “ტელეკომპანია პირველი” - 5.8 მლნ ლარით და “ფორმულა” - 5.7 მლნ ლარით. გასულ წელს მილიონ ლარამდე შემოსავალი მიიღო ღიად პრორუსული და ანტიდასავლური დღის წესრიგის მქონე ტელევიზია „ალტ ინფომ“. გამჭვირვალობის მონაცემებით, გასულ წელს, პოლიტიკურმა პარტიებმა რეკლამაზე ჯამში 1.1 მლნ ლარი დახარჯეს. თანხის ნახევარზე მეტი - 688.3 ათასი ლარი მმართველ პარტია “ქართულ ოცნებაზე” მოდიოდა. #ახალიამბები #BusinessMediaGeorgia
სახელმწიფო საწარმოების მოგება ისტორიულ მაქსიმუმზეა, თუმცა ძირითადად, კურსთაშორისი სხვაობიდან მიღებული მოგების ხარჯზე. ფინანსთა სამინისტროს მონაცემებით, სახელმწიფო საწარმოების წმინდა მოგებამ გასულ წელს 1.3 მლრდ ლარი შეადგინა, საიდანაც 86%-ზე მეტი, სწორედ კურსთაშორისი სხვაობიდან მიღებული მოგებაა. სამინისტრის ფისკალური რისკების ანგარიშში აღნიშნულია, რომ საწარმოთა ბოლო 2 წლის მოგება მდგრადი არ არის და ვალუტის გაუფასურების შემთხვევაში შესაძლოა მაჩვენებელი ზარალის მიმართულებით შებრუნდეს. ანგარიშის მიხედვით, საწარმოებს ამ მომენტში შანსი აქვთ, საგარეო სესხების საშინაოთი ჩანაცვლების გზით, სავალუტო მოწყვლადობა შეამცირონ. #ახალიამბები #BusinessMediaGeorgia
#ბიზნესსიახლეები bm.ge-სგან / 02.10.2023 USAID-ს ქართული ღვინის პოპულარიზაციისთვის $2.5 მილიონი აქვს გამოყოფილი - პაატა შეყელაძე; ვენახები რომ ბადეებით აღვჭურვოთ, ერთი ვენახის ფასი დაგვიჯდება - მეღვინე; "პარკ რეზორტ წყალტუბო" გაფართოვდა - ინვესტიცია 5 მილიონი ლარია; ქართული თაფლის ექსპორტი იზრდება; გვინდა, სასტუმროს ნომრების რიცხვი 50-მდე გავზარდოთ - Hameau Mukhrani; ვცდილობთ ევროპელ მომწოდებლებთან საქმიანი ურთიერთობები დავამყაროთ - Matters; #ახალიამბები #BusinessMediaGeorgia
სახელმწიფო საწარმოების მოგება ისტორიულ მაქსიმუმზეა, თუმცა ძირითადად, კურსთაშორისი სხვაობიდან მიღებული მოგების ხარჯზე. ფინანსთა სამინისტროს მონაცემებით, სახელმწიფო საწარმოების წმინდა მოგებამ გასულ წელს 1.3 მლრდ ლარი შეადგინა, საიდანაც 86%-ზე მეტი, სწორედ, კურსთაშორისი სხვაობიდან მიღებული მოგებაა. რას წერს მთავრობა ფისკალური რისკების ანალიზის დოკუმენტში და როგორ მიმდინარეობს სახელმწიფო საწარმოების კორპორატიზაციის პროცესი, ფინანსთა მინისტრის პირველ მოადგილემ, გიორგი კაკაურიძემ გააკეთა ამ თმასთან დაკავშირებით განცხადებები. #ახალიამბები #BusinessMediaGeorgia
ფეროშენადნობების ბაზარზე არსებულ ტენდენციებზე, შეცვლილ ფასებსა და სასაქონლო ნაკადებზე ფეროშენადნობთა მწარმოებელი ქვეყნების წარმომდგენლები დღეს თურქეთში მსჯელობენ. კონფერენციაზე, რომელსაც საქართველოდან ფეროს მწარმოებლებიც ესწრებიან, როგორც თურქეთის, ასევე მსოფლიო ბაზარზე არსებულ ვითარებას გაეცნობიან. ცნობისთვის, ფეროშენადნობების ბაზარზე კრიზისი კვლავ გრძელდება, მკვეთრად შემცირებულია საქართველოდან ფეროს ექსპორტიც, მაგალითად აგვისტოში ექსპორტზე მხოლოდ 3.6 მლნ დოლარის ფეროშენადნობები გავიდა. წელს სულ 115 მლნ დოლარის ფეროშენადნობები გავიდა ექსპორტზე, კლება წლიურად 69%-ია. როგორია ბაზრის უახლესი ტენდენციები? სტუმარი: ნუგზარ კევლიშვილი - „ფეროშენადნობთა ასოციაციის" პრეზიდენტი; #ახალიამბები #BusinessMediaGeorgia
2022 წელს სატელევიზიო სარეკლამო ბაზრის მოთამაშეების შემოსავალი 10 მილიონი ლარით შემცირდა - ამის შესახებ საერთაშორისო გამჭვირვალობა საქართველოს კვლევაშია აღნიშნული. კვლევის ავტორები სატელევიზიო შემოსავლების შემცირების მთავარ ფაქტორად საქართველოს კანონმდებლობაში შეტანილი ცვლილებებს ასახელებენ, რაც მედიაში აზარტული თამაშების შესახებ რეკლამის განთავსების აკრძალვას ითვალისწინებს. რა ხდება დღეს სარეკლამო ბაზარზე? #ახალიამბები #BusinessMediaGeorgia
დაანონსებული კრიზისი არ შედგა - ეს განცხადება ნათია თურნავას ეკუთვნის. ეროვნული ბანკის პრეზიდენტის მოვალეობის შემსრულებელს გუშინ BMGTV-ის გადაცემა "ბიზნესის კვირეულში" სტუმრობისას, წამყვანმა ჰკითხა: "რამ წარმოშვა კრიზისი ეროვნულ ბანკში" . თურნავა უარყოფს, რომ საფინანსო სექტორის მარეგულირებელში რაიმე სახის კრიზისის შეიქმნა. თურნავა ირწმუნება, რომ არსებულ მდგომარეობაში დიდი წვლილი ქვეყანაში არსებულმა პოლიტიზებულმა გარემომ ითამაშა. სებ-ის პრეზიდენტის მოვალეობის შემსრულებელი გვარწმუნებს, რომ ეროვნულმა ბანკმა იპოვა ფორმულა, რომლითაც სავალუტო ფონდის პროგრამის აღდგენაზე მუშაობენ, ეს ფორმულა კი კანონში ერთგვარ ცვლილებებს მოიცავს, რომლის მიხედვითაც, მენეჯმენტის საკითხი გაუმჯობესდება. #ახალიამბები #BusinessMediaGeorgia
მუსიკოსი “მარსიდან” - ბრუნო მარსის კარიერა და მიღწევები #ახალიამბები #BusinessMediaGeorgia
#ბიზნესსიახლეები bm.ge-სგან / 29.09.2023 რაჭულ მეღვინეობა-მევენახეობას საკმაოდ რთული პერიოდი გველოდება - „ღვინუკა“; "გაყიდვები 200%-ით გაიზარდა" - როგორ ვითარდება შოკოლადის წარმოება საქართველოში? “ქვეყანაში ბევრი ინფრასტრუქტურული პროექტია, შესაბამისად კადრების დეფიციტი იგრძნობა”- სამშენებლო კომპანია “ინსი”; საქართველოს ბანკისა და საქართველოს ფერმერთა ასოციაციის ორგანიზებით „აგროსექტორის ტექნოლოგიური გამოწვევები“ ჩატარდა; “სასტუმრო სრული დატვირთვით მუშაობს და ვემზადებით ზამთრის სეზონისთვის” - პანორამა ბახმარო; #ახალიამბები #BusinessMediaGeorgia
სამშენებლო სექტორი კადრების მწვავე დეფიციტზე საუბრობს და პრობლემის რამდენიმე ძირითად მიზეზს ასახელებს. მათ შორის შრომით მიგრაციას და ქვეყანაში მიმდინარე პროექტების როგორც მასშტაბურობის, ისე რაოდენობის ზრდას. სექტორის წარმომადგენლები ამბობენ, რომ დღეს ინდუსტრიაში კონკურენტუნარიანი ანაზღაურებაა, თუმცა პრობლემა მაინც პრობლემად რჩება. მიღმა ამისა სექტორის წარმომადგენლები ითხოვენ სახელმწიფო ტენდერებში გრძელვადიანი პროექტების შემთხვევაში ინდექსაციის კომპონენტის გათვალისწინებას. #ახალიამბები #BusinessMediaGeorgia
ციფრული ლარის პროექტი ახალ ეტაპზე გადადის. ეროვნული ბანკი, ცენტრალური ბანკის ციფრული ვალუტის სისტემის ტექნოლოგიური შესაძლებლობების გამოსაცდელად და მიზნობრივი გამოყენების შესაძლო სფეროების გამოსავლენად, შეზღუდული წვდომის რეალური საპილოტე გარემოს შექმნას გეგმავს. გრძელვადიანი კვლევისა და სათანადო განხილვების შემდეგ, ეროვნულმა ბანკმა 9 კომპანია შეარჩია. სებ-ის განცხადებით, ამ ორგანიზაციებს პლატფორმის რეალურ გარემოში ტესტირებისთვის შესაბამისი გამოცდილება და საკმარისი ტექნოლოგიური პოტენციალი გააჩნიათ. რა ეტაპების გავლა მოუწევს პროექტს რეალურად ციფრული ლარის შექმნამდე და რას ცვლის ახალი ტექნოლოგიის დანერგვა ეკონომიკისთვის? სტუმარი: დავით კიკვიძე - "ფინტექ ასოციაციის" პრეზიდენტი; #ახალიამბები #BusinessMediaGeorgia