ეროვნული ბანკი საბანკო სექტორს ახალ მოთხოვნას უწესებს. პარლამენტში უკვე ინიცირებულია „ეროვნული ბანკის“ შესახებ ორგანულ კანონში ცვლილებები, რომლის მიხედვითაც ბანკებს შესაძლო ფინანსური კრიზის დაზღვევის მიზნით სარეზოლუციო ფონდში თანხების წინსწრებით მობილიზება მოუწევთ. ფინანსთა სამინისტროსა და ეროვნული ბანკის მიერ მომზადებული კანონპროექტის მიხედვით, ფონდის შექმნა რეზოლუციის ჩარჩოს ნაწილია, რომელიც ბანკის ფინანსური სირთულეების ადრეული იდენტიფიკაციისთვის, საერთაშორისო სავალუტო ფონდისა და მსოფლიო ბანკის რეკომენდაციებით შემუშავდა. სარეზოლუციო ფონდში აკუმულირებულმა თანხებმა მიზნობრივ ოდენობას უნდა მიაღწიოს, რომელიც კანონპროექტით განისაზღვრა, რომ დაზღვეული დეპოზიტების მთლიანი მოცულობის 3%-ს უნდა შეადგენდეს. ამ მოცულობით ფონდის შევსებამდე ბანკებს დრო 2025 წლიდან 2033 წლამდე აქვთ განსაზღვრული. ეროვნულ ბანკში არ ელიან, რომ ბანკებისთვის ახალი რეგულაცია წნეხი იქნება. ეროვნული ბანკის ყოფილ პრეზიდენტს, მოქმედ დეპუტატ რომან გოცირიძეს კი მოლოდინი აქვს რომ ახალი ვალდებულების გაჩენა გავლენას იქონიებს საპროცენტო განაკვეთებზე. ანალოგიური კითხვა ჰქონდა საფინანსო-საბიუჯეტო კომიტეტის თავმჯდომარესაც. #ახალიამბები #BusinessMediaGeorgia
#ბიზნესსიახლეები bm.ge-სგან / 10.11.2023
ეროვნული ბანკი საბანკო სექტორს ახალ მოთხოვნას უწესებს. პარლამენტის საფინანსო-საბიუჯეტო კომიტეტმა დღეს განიხილა „ეროვნული ბანკის“ შესახებ ორგანულ კანონში ცვლილებები, რომლის მიხედვითაც ბანკებს შესაძლო ფინანსური კრიზის დაზღვევის მიზნით სარეზოლუციო ფონდში თანხების წინსწრებით მობილიზება მოუწევთ. ფინანსთა სამინისტროსა და ეროვნული ბანკის მიერ მომზადებული ცვლილებები ეხება ყველა ბანკს, როგორც საქართველოში მოქმედ კომერციულ ბანკებს, ისე უცხოური ბანკების ფილიალებს. წარმოდგენილი კანონპროექტით მათ ახალი ბუფერის შექმნა და სარეზოლუციო ფონდში გარკვეული ფინანსური სახსრების წინსწრებით აკუმულირების ვალდებულება უჩნდებათ. #ახალიამბები #BusinessMediaGeorgia
საქართველომ შესაძლოა თავისუფალი ვაჭრობის არეალი გააფართოოს. ახალი სამიზნე სამხრეთ კორეაა, რომელთანაც თავისუფალი ვაჭრობის შეთანხმებებზე მოლაპარაკებების დაწყება იგეგმება. ეს გეგმა მთავრობას წლების წინაც ჰქონდა, თუმცა მხოლოდ ახლა დაიგეგმა მოლაპარაკებების პირველი რაუნდი, რომელიც 2024 წლის პირველ კვარტალში შედგება. სამხრეთ კორეას და საქართველოს შორის ვაჭრობა არც ისე მოცულობითია და იმპორტი სჭარბობს. 9 თვეში ამ ქვეყნიდან 84 მლნ დოლარის იმპორტი განხორციელდა. რაც შეეხება ექსპორტს, საექსპორტო კალათის ღირებულება მხოლოდ 4 მლნ აღწევდა და წლების განმავლობაში 8,9 მლნ დოლარზე მეტი არ ყოფილა. ამ ქვეყანაში საქართველოდან გადის სპილენძს ნარჩენები, ავტონაწილები, ვაქცინები, პლასტმასის ნარჩენები და ღვინო. რას შეცვლის ექსპორტიორებისთვის თავისუფალი ვაჭრობის ხელშეკრულება და რა რეალური ბენეფიტები აქვს მსგავს ხელშეკრულებებს? სტუმარი: გვანცა მელაძე - ექსპორტის განვითარების ასოციაციის სამეთვალყურეო საბჭოს წევრი; #ახალიამბები #BusinessMediaGeorgia
კერძო სექტორის ნაწილის შრომის უსაფრთხოების სპეციალისტების კვალიფიკაციას აკრიტიკებს. კომპანიებში აცხადებენ, რომ სპეციალისტების გადამზადების რამდენიმე თვიანი პერიოდი საკმარისი არ არის. როგორც მსხვილ ბიზნეს ასოციაციებში აღნიშნავენ, არის შემთხვევები, როდესაც სპეციფიკურ სამუშაო ადგილებზე დაქირავებულმა სპეციალისტებმა წესები არ იციან ან მათი თეორიული ცოდნა პრაქტიკულს არ შეესაბამება. კერძო სექტორი სისტემის შეცვლას ითხოვს. რა გამოწვევებია შრომის უსაფრთხოების სპეციალისტების გადამზადების პროცესში და როგორია ჯანდაცვის სამინისტროს შეფასება? #ახალიამბები #BusinessMediaGeorgia
რას მოუტანს საქართველოს სტატუსი და EU-სთან მოლაპარაკებების გახსნა? ევროკომისიის დადებითი რეკომენდაციის შემდეგ წინ ევროსაბჭოს სხდომა და წევრი 27 სახელმწიფოს გადაწყვეტილებაა. რონდელის ფონდის მკვლევარს კახა გოგოლაშვილს მოლოდინი აქვს, რომ კანდიდატის სტატუსის მიღებიდან მყისიერად უნდა ველოდოთ, რომ ქვეყნის საკრედიტო რეიტინგი აიწევს, მეტად დაინტერესდებიან ინვესტორები საქართველოთი და ამის ხარჯზე მოხდება დასაქმების ზრდა და ეკონომიკური განვითარება. გარდა იმისა, რომ სტატუსის მიღების შემდეგ ქვეყანას ეხსნება მეტი შესაძლებლობა ინვესტიციების მოსაზიდად, ამასთან საქართველოს ევროკავშირისგან მეტი ფინანსური დახმარების მიღება შეეძლება. ეს არსებული გათვლებით წლის განმავლობაში დაახლოებით 300 მილიონი ევროა, რომელსაც ქვეყანა გრანტების სახით მიიღებს. საერთაშორისო გამჭვირვალობა-საქართველოს მთავარი ეკონომისტის ბესო ნამჩავაძის განცხადებით, სტატუსი ნიშნავს, რომ საქართველო ახლოსაა ევროკავშირში გაწევრიანებასთან და ეხსნება წვდომა დაფინანსებაზე, თუმცა რა მოცულობის თანხებს მიიღებს საქართველო ევროკავშირისგან, მისი შეფასებით ეს დამოკიდებული იქნება რეფორმების ტემპზე. #ახალიამბები #BusinessMediaGeorgia
“ბათუმში საპილოტე რეჟიმში ტურიზმის გადასახადი შესაძლოა 2025 წლიდან ამოქმედდეს”- USAID-ის ეკონომიკური მმართველობის ფარგლებში საკითხის მოკვლევა მიდის და სხვადასხვა სცენარები განიხილება. როგორც ტურისტული ფესტივალი "ტურისტერის" ორგანიზატორი მამუკა ბერძენიშვილი ამბობს, თავდაპირველად ბათუმში ტურისტული გადასახადის მოცულობა 1 ღამეში 1 ლარი იქნება, თუმცა პერიოდულად ის გაიზრდება. წინასწარ ჩატარებული მოკვლევის საფუძველზე აღნიშნული გადასახადიდან ქალაქს შეუძლია პირველ ეტაპზე 5-6 მილიონი ლარის შემოსავლის მიღება, რომელიც სხვადასხვა მიმართულებებზე დაიხარჯება. ინიციატივის ავტორები, ვარაუდობენ, რომ თუ პროცესები შეფერხების გარეშე წარიმართება ბათუმი გახდება პირველი ქალაქი საქართველოში, სადაც ტურისტული გადასახადი იმოქმედებს. ტურიზმის ინდუსტრიის წარმომადგენლების ნაწილი ინიციატივას დადებითად აფასებს და ამბობს, რომ ამ გადასახადს ტურისტები არაერთ ევროპულ ქალაქში იხდიან და ის მუნიციპალიტეტების დონეზე ადგილობრივი ინფრასტრუქტურის გამართვას, თუ მარკეტინგული აქტივობების განხორციელებას ხმარდება. მათი თქმით, ეს ტურისტულ მომსახურებას გააძვირებს, მაგრამ არა იმდენით, რომ ამან ვიზიტორებს მნიშვნელოვნად გაუზარდოს ხარჯი. #ახალიამბები #BusinessMediaGeorgia
სვანეთი ზამთრის სეზონს ძველი პრობლემებით ხვდება - "ელექტროენერგიის წყვეტა უკვე დაწყებულია - ამის შესახებ ბიემჯის სასტუმრო „ფალიანის“ დამფუძნებელმა ეკა გველესიანმა განუცხადა. მისი თქმით, არსებული ვითარება სეზონთან დაკავშირებით დადებით მოლოდინებს ვერ გააჩენს. ტურისტული ბიზნესის წარმომადგენელი ამბობს, რომ ელექტროენერგიის სტაბილური მიწოდების და პრობლემების აღმოფხვრის გარეშე, სეზონი შარშანდელივით ჩავარდება. ის, რომ სვანეთში მაინინგის მოხმარება კვლავ გამოწვევაა, ადასტურებენ ენერგეტიკისა და წყალმომარაგების ეროვნულ კომისიაში. როგორც სემეკის თავმჯდომარემ დავით ნარმანიამ ბიემჯისთან აღნიშნა, მომზადებულია დოკუმენტი, რომელშიც სამოქმედო გეგმაა შემუშავებული. დოკუმენტის მიხედვით, ქსელის საიმედოობა უნდა გაიზარდოს, გამრიცხველიანება მასშტაბური გახდეს და სამთავრობო უწყებებმა, დარღვევის შემთხვევაში, შესაბამისი ზომები მიიღონ. მისი ინფორმაციით, დოკუმენტი მთავრობას უკვე გადაეგზავნა. #ახალიამბები #BusinessMediaGeorgia
#ბიზნესსიახლეები bm.ge-სგან / 09.11.2023 „ვისოლ ჯგუფი“ „საბვეისთან“ მასტერ ფრენჩაიზის ხელშეკრულების საფუძველზე საქართველოში 80 რესტორანს გახსნის; თბილისის რომელ უბანში იყიდება ყველაზე მეტი ბინა? - კვლევა; როგორ ვითარდება გასტროტურიზმი საქართველოში? მარწყვის სასათბურე მეურნეობა "აგროსფეისი" იყიდება; ბაზარზე ხელნაკეთი კანფეტების ახალი ბრენდი Handy Candy გამოჩნდა; #BMG #ბიზნესმედია #საქმიანები #ახალიამბები #BusinessMediaGeorgia
რას მოუტანს საქართველოს სტატუსი და EU-სთან მოლაპარაკებების გახსნა? ევროკომისიის დადებითი რეკომენდაციის შემდეგ წინ ევროსაბჭოს სხდომა და წევრი 27 სახელმწიფოს გადაწყვეტილებაა. სწორედ ევროკავშირის წევრი კანდიდატი ქვეყნის სტატუსის მიღების შემდეგ შეეძლება საქართველოს ევროკავშირთან წევრობაზე მოლაპარაკებები გახსნას. რა ფასი აქვს სტატუსს და რა სარგებლის მიღების შესაძლებლობა უჩნდება ამით ქვეყანას, ეს არის ის, რაც საქართველოს ძალიან ბევრ მოქალაქეს აინტერესებს. #ახალიამბები #BusinessMediaGeorgia
“ბათუმში საპილოტე რეჟიმში ტურიზმის გადასახადი შესაძლოა 2025 წლიდან ამოქმედდეს”- USAID-ის ეკონომიკური მმართველობის ფარგლებში საკითხის მოკვლევა მიდის და სხვადასხვა სცენარები განიხილება. როგორც ტურისტული ფესტივალი "ტურისტერის" ორგანიზატორი მამუკა ბერძენიშვილი ამბობს, თავდაპირველად ბათუმში ტურისტული გადასახადის მოცულობა 1 ღამეში 1 ლარი იქნება, თუმცა პერიოდულად ის გაიზრდება. წინასწარ ჩატარებული მოკვლევის საფუძველზე აღნიშნული გადასახადიდან ქალაქს შეუძლია პირველ ეტაპზე 5-6 მილიონი ლარის შემოსავლის მიღება, რომელიც სხვადასხვა მიმართულებებზე დაიხარჯება. როგორც აფასებს ბიზნესი ქვეყანაში ტურიზმის გადასახადის შესაძლო დანერგვას და როგორია ამ მიმართულებით პრაქტიკა ევროპულ ქალაქებში? #ახალიამბები #BusinessMediaGeorgia
დაგროვებითი პენსიის კანონში ცვლილებები 3 იანვრიდან ამოქმედდება. საპენსიო სააგენტოს ინფორმაციით, 2024 წლის 3 იანვრიდან საქართველოს პარლამენტის მიერ "დაგროვებითი პენსიის შესახებ" საქართველოს კანონში განხორციელებული ცვლილების თანახმად პორტფელების განაწილების პროცესი ამოქმედდება. კერძოდ, 3 იანვრიდან ყველა ის პირი, ვისაც 2023 წლის 6 აგვისტოდან 6 სექტემბრამდე არ მიუღია გადაწყვეტილება, კვლავ დაბრუნდება კონსერვატიულ ანუ ნაკლებადრისკიან პორტფელში. აღნიშნული ცვლილების შემდეგ, სქემის ყველა მონაწილეს ექნება საინვესტიციო პორტფელის ყოველ 12 თვეში ერთხელ შეცვლის უფლება. საპენსიო დანაზოგებმა ამ ეტაპზე უკვე 4 მილიარდ ლარს გადააჭარბა. ამ დროისათვის ფონდში 4 მილიარდ 76 მლნ ლარზე მეტია აკუმულირებული, რომელიც ამჟამად, სამი ტიპის პორტფელში გადანაწილებული - ნაკლებრისკიანში, საშუალო და მაღალრისკიან ანუ დინამიურ პორტფელში - რა გეგმა აქვს მომდევნო წლებში საპენსიო სააგენტოს, სად იქნება დაბანდებული ჩვენი დანაზოგები და ამ ვითარებაში რამდენად არის შესაძლებელი საპენსიო ფონდის მთავარი მიზნის მიღწევა, რომ საპენსიო ასაკში ღირსეული პენსია მივიღოთ? სტუმარი: გოგა მელიქიძე - „საპენსიო სააგენტოს“ უფროსი საინვესტიციო ოფიცერი; #ახალიამბები #BusinessMediaGeorgia
სვანეთი ზამთრის სეზონს ძველი პრობლემებით ხვდება - "ელექტროენერგიის წყვეტა უკვე დაწყებულია - ამის შესახებ BMG-ის სასტუმრო „ფალიანის“ დამფუძნებელმა ეკა გველესიანმა განუცხადა. მისი თქმით, არსებული ვითარება სეზონთან დაკავშირებით დადებით მოლოდინებს ვერ გააჩენს. პრობლემებმა, რაც ათწლეულებია სვანეთში ადრესატამდე ჯერ ვერ მიაღწია. ტურისტული ბიზნესის წარმომადგენელი ამბობს, ელექტროენერგიის სტაბილური მიწოდების და პრობლემების აღმოფხვრის გარეშე, სეზონი შარშანდელივით ჩავარდება. რამდენად მასშტაბურია პრობლემა წელს და რა გეგმა აქვს ხელისუფლებას სვანეთის ელექტრომომარაგება მოაწესრიგოს. რას ამბობს ბიზნესი და რა ინიციატივა აქვს სემეკს? #ახალიამბები #BusinessMediaGeorgia
#ბიზნესსიახლეები bm.ge-სგან / 08.11.2023 განსაკუთრებული შეთავაზება VR Shekvetili Forest Beach-ისგან, რომლითაც ახალ წლამდე ისარგებლებთ; როგორ განვითარდება ველნეს კურორტი "ბიოლი"? "ლაბორატორია ამბროლაურში გავხსენით, უახლოეს მომავალში მესტიაშიც ვგეგმავთ" - "მედიქალ ვორლდი"; ქართული, მეტალოპლასტმასის კარ-ფანჯარა კანადაში გაიყიდება; "გუდაურმა კურორტისთვის ერთ-ერთი ყველაზე დიდი ბაზარი - ისრაელი დაკარგა" - ჰოტელიერი; „საქართველოში ძალიან რთულია, პროდუქტის შესაქმნელად, ხარისხიანი ნედლეული იყიდო“ - სოფო ჩიქოვანი; #ახალიამბები #BusinessMediaGeorgia
ევროკომისიის პრეზიდენტის ურსულა ფონ დერ ლაიენის განცხადებით, ევროკავშირი მხარს უჭერს საქართველოსთვის ევროკავშირის კანდიდატის სტატუსის მინიჭებას, ამასთან განსაზღვრავს დათქმებს, რომელთან ერთადაც ამ რეკომენდაციას გასცემს. დათქმები, რომლებშიც განსაზღვრულია ცხრა პრიორიტეტული მიმართულება, რომელთა შესახებაც საქართველომ პროგრესი უნდა აჩვენოს, რეკომენდაციებს შორისაა ქვეყნისთვის მნიშვნელოვანი ინსტიტუტების დამოუკიდებლობის, მათ შორის ეროვნული ბანკის დამოუკიდებლობის უზრუნველყოფაც. "საპარლამენტო ზედამხედველობის შემდგომი გაუმჯობესება, განსაკუთრებით უსაფრთხოების სამსახურებზე. საკვანძო ინსტიტუტების, განსაკუთრებით საარჩევნო ადმინისტრაციის, ეროვნული ბანკისა და კომუნიკაციების მარეგულირებელი კომისიის ინსტიტუციური დამოუკიდებლობისა და მიუკერძოებლობის უზრუნველყოფა,"- წერია ევროკომისიის მიერ მომზადებულ გაფართოების ანგარიშში. ეკონომიკური პოლიტიკის თვალსაზრისით, ევროკავშირი ხაზს უსვამს დეოლიგარქიზაციის მნიშვნელობას. დოკუმენტში ასევე საუბარია ანტიკორუფციული ბიუროს დამოუკიდებლობის უზრუნველყოფაზეც. #ახალიამბები #BusinessMediaGeorgia
ევროკომისია რეკომენდაციას იძლევა, საქართველო გახდეს EU-ს წევრობის კანდიდატი- ამის შესახებ დღეს ევროკომისიის პრეზიდენტი ურსულა ფონ დერ ლაიენმა განაცხადა. მისივე თქმით, ეს ხაზს უსვამს იმ შთამბეჭდავ და ძალიან ცალსახა პოზიციას საქართველოს მოსახლეობის უმრავლესობისა, რომ იქცნენ ევროკავშირის წევრებად. #ახალიამბები #BusinessMediaGeorgia
რა ფასი აქვს ევროკომისიის დღევანდელ გადაწყვეტილებას და რისთვის სჭირდება საქართველოს ევროკავშირის კანდიდატი ქვეყნის წევრის სტატუსი? სტუმარი: ზაზა შენგელია - EPRC-ის მკვლევარი; #ახალიამბები #BusinessMediaGeorgia
"დავა ადასტურებს, რომ საქართველო არ იქნება სანქციების არიდების ადგილი"- თურნავა უსმანოვის სარჩელზე #ახალიამბები #BusinessMediaGeorgia
კერძო სექტორის ნაწილი პოტენციური რისკების მქონე ნაგებობებზე ადრეული განგაშის სისტემების მონტაჟს ითხოვს. საქართველოს მაღალი კაშხლების ეროვნულ კომიტეტში აცხადებენ, რომ ქვეყანაში მსგავსი ტიპის სისტემები მხოლოდ ორ ჰესზეა დამონტაჟებული. შესაბამისად, ენერგეტიკოსები თვლიან, რომ კაშხლების კონტროლი და რეგლამენტი აუცილებელია. ენერგეტიკის ყოფილი მინისტრის, დავით მირცხულავას განცხადებით, მსგავსი სისტემები მხოლოდ ჟინვალჰესსა და ენგურჰესზეა დამონტაჟებული. როგორც ის ამბობს, ქვეყანაში უამრავი კაშხალია, რომელიც 60 წელზე მეტი ხნისაა და მათი კონტროლი ახალ კაშხლებთან ერთად, აუცილებელია. მირცხულავას ინფორმაციით, კაშხლების უსაფრთხოების კანონმდებლობის შემუშავებაში ფრანგი და შვეიცარიელი სპეციალისტები იყვნენ ჩართული და მათთან ერთად საკითხის სრულყოფილად ჩამოსაყალიბებლად საკმაოდ დიდი სამუშაოა გაწეული. bmg-იმ კანონმდებლობის საკითხზე სემეკის თავმჯდომარეს, დავით ნარმანიასაც ჰკითხა, თუ როდის შევა პარლამენტში სექტორის მიერ შემუშავებული ცვლილებების პროექტი. ნარმანია ზუსტ თარიღს ვერ ასახელებს, თუმცა ამბობს, რომ კანონპროექტი უმაღლეს საკანონმდებლო ორგანოს მალე წარედგინება, ხოლო მისი ძალაში შესვლის საკითხი უკვე პარლამენტზე იქნება დამოკიდებული. #ახალიამბები #BusinessMediaGeorgia
1 წელი ჯანდაცვის სისტემაში DRG-ის დანერგვიდან - 1 ნოემბერს ერთი წელი შესრულდა, რაც საყოველთაო ჯანდაცვის პროგრამაში მონაწილე კლინიკები დიაგნოზთან შეჭიდული ჯგუფების მიხედვით დაფინანსების ახალ სისტემაზე გადავიდნენ. დაფინანსების DRG-ის მოდელზე გადასვლამ რიგ სამედიცინო მომსახურებაზე არსებული ტარიფების ზრდა, ნაწილზე კი პირიქით კლება გამოიწვია. როგორც სამედიცინო დაწესებულებების წარმომადგენლები ამბობენ, განსაკუთრებით პრობლემურია მაღალტექნოლოგიური ქირურგიის მიმართულებით არსებული ახალი ტარიფები. ასევე კომბინირებული ოპერაციების შემთხვევაში, ფინანსდება მხოლოდ ერთი ჩარევა, რაც ასევე კრიტიკულად ფასდება კლინიკების მხრიდან. რამდენად მნიშვნელოვანია ტარიფების გადახედვა, ამის შესახებ პარლამენტში ჯანდაცვის კომიტეტზე ცნობილმა ონკოქირურგმა ისაუბრა. როგორც ირკვევა DRG-ზე გადასვლის შემდეგ ტარიფები ონკოლოგიურ ქირურგიაზე 5-ჯერ მაინც შემცირდა, არსებული დაფინანსება კი მომსახურების თვითღირებულებასაც ვერ ფარავს. კლინიკებისთვის კი უფრო მომგებიანი შეიძლება იყოს პაციენტები საოპერაციოდ თურქეთის კლინიკებში გააგზავნონ. მაღალტექნოლოგიურ ქირურგიაზე ტარიფების გადახედვას ითხოვს ჯანდაცვის ასოციაციაც. როგორც ირკვევა ახალი დაფინანსების პირობებში პრობლემურია რეანიმაციული ტარიფებიც. #ახალიამბები #BusinessMediaGeorgia
#ბიზნესსიახლეები bm.ge-სგან / 07.11.2023 არ გამოვრიცხავთ, რომ სადაზღვევო პაკეტები გაძვირდეს - PSP დაზღვევა; "რკოს" მმართველ გუნდს "თამაშობანას" დამფუძნებლები შეუერთდნენ; ბაზისბანკი ტირიფონის ბაღების ფინანსური პარტნიორია; „ბიზნესის სუბსიდირებას არ ვეთანხმები, მაგრამ მანდარინის სუბსიდირება სოციალური პროექტია“ - „აჭარა ტრეიდინგ გრუპი“; თბილისში ახალი საკონდიტრო კაფე "განჯინა" გაიხსნა; #ახალიამბები #BusinessMediaGeorgia
1 წელი ჯანდაცვის სისტემაში DRG-ის დანერგვიდან - 1 ნოემბერს ერთი წელი შესრულდა, რაც საყოველთაო ჯანდაცვის პროგრამაში მონაწილე კლინიკები დიაგნოზთან შეჭიდული ჯგუფების მიხედვით დაფინანსების ახალ სისტემაზე გადავიდნენ. დაფინანსების DRG-ის მოდელზე გადასვლამ რიგ სამედიცინო მომსახურებაზე არსებული ტარიფების ზრდა, ნაწილზე კი პირიქით კლება გამოიწვია. სამედიცინო დაწესებულებების მხრიდან განსაკუთრებული კრიტიკა მაღალტექნოლოგიურ ოპერაციების ახალ განფასებას მოჰყვა. ამაზე საუბარი იყო ასევე დღევანდელ ჯანდაცვის კომიტეტზეც. #ახალიამბები #BusinessMediaGeorgia
80 000-მდე მიწის ნაკვეთი და აგარაკი, რომელიც ჯერ კიდევ საბჭოთა პერიოდის დროს კოლექტიური მებაღეობის ფარგლებში სხვადასხვა დაწესებულებების თანამშრომლებზე საქართველოს მასშტაბით გაიცა ძირითადი ნაწილი დღესაც დაურეგისტრირებელია. საარქივო მასალები ამ მიმართულებით მომუშავე საინიციატივო ჯგუფმა დაამუშავა და დღეს მიწის ნაკვეთების მფლობელებს მისი რეგისტრაციის პროცესში კონსულტაციებს უწევს. კონკრეტულ პირებს ეს მიწები დაკარგული ჰგონიათ. როგორ შეიძლება აღნიშნული მიწის ნაკვეთების დაკანონება რეგისტრაცია? სტუმარი: ბონდო ყიფიანი - ადვოკატი; #ახალიამბები #BusinessMediaGeorgia
კერძო სექტორის ნაწილი პოტენციური რისკების მქონე ნაგებობებზე ადრეული განგაშის სისტემების მონტაჟს ითხოვს. საქართველოს მაღალი კაშხლების ეროვნულ კომიტეტში აცხადებენ, რომ ქვეყანაში მსგავსი ტიპის სისტემები მხოლოდ ორ ჰესზეა დამონტაჟებული. შესაბამისად, ენერგეტიკოსები აცხადებენ, რომ კაშხლების კონტროლი და რეგლამენტი აუცილებელია. როგორც ირკვევა, კაშხლების უსაფრთხოებისა და შემოწმებების შესახებ სემეკი კანონპროექტს ამზადებს და ნაგებობის ნებისმიერი მფლობელი ვალდებული იქნება, უსაფრთხოების ნორმები მაქსიმალურად დაიცვას. როგორია საქართველოში კაშხლების უსაფრთხოების დონე და რა ცვლილებას გეგმავს მარეგულირებელი? #ახალიამბები #BusinessMediaGeorgia
მიუხედავად იმისა, რომ საერთაშორისო ბირჟაზე ხორბლის ფასი მცირდება, მწარმოებლები ბაზარზე პურის გაიაფებას არ ელიან. კერძო სექტორში აცხადებენ, რომ ფასი, რომელიც ბოლო 2 წელია პურზე ფიქსირდება სტაბილურად შენარჩუნდება. ჯორჯიან ბეიქერსის თანადამფუძნებლის მიხეილ ფარულავას თქმით, პურის ფასის მდგენელი რამდენიმე ფაქტორიდან მხოლოდ ერთის, პირობითად გაზის გაიაფება პროდუქტის ღირებულებას მნიშვნელოვნად ვერ ცვლის. მისი განმარტებით, როგორც პურზე, ისე საკონდიტრო ნაწარმზე ფასების შემცირება ფქვილის ფასის გამო ვერ ხერხდება. მიხეილ ფარულავა აღნიშნავს, რომ ფქვილის საიმპორტო 100-ლარიანი გადასახადის დაწესებამ ადგილობრივ ბაზარზე ფქვილის ღირებულების შემცირება შეაფერხა, რის გამოც მწარმოებლები პროდუქციაზე ფასებს ვერ ამცირებენ. #ახალიამბები #BusinessMediaGeorgia
#ბიზნესსიახლეები bm.ge-სგან / 06.11.2023 120 ადამიანს ვასაქმებთ და სურვილის შემთხვევაში მეტსაც ავიყვანთ - LGG; "მუშახელი დიდი პრობლემაა" - ბავშვის სამოსის ბრენდი "რკოს" გამოწვევები; ქართულ ბაზარზე მალე 3D ვირტუალური სივრცეების გენერატორი პლატფორმა გამოჩნდება; მანდარინის მოსავალი გასულ წელთან შედარებით, 20-30%-ით მეტია - კომპანიები მოლოდინებზე; „ქორენა“ აპრილიდან მოყოლებული დღემდე 100 პროცენტიანი დატვირთულობით მუშაობს; #ახალიამბები #BusinessMediaGeorgia
ონში, 11.8 მგვტ-ის სიმძლავრის ჰიდროელექტროსადგური აშენდება, ჩხოროწყუში კი 6 მეგავატამდე სიმძლავრის ჰესი. ჯამური ინვესტიცია ₾30 მლნ ლარია. ორივე პროექტი მთავრობის დღევანდელ სხდომაზე ვიცეპრემიერმა და ეკონომიკის მინისტრმა, ლევან დავითაშვილმა გამოიტანა. სხდომის შემდეგ ეკონომიკის მინისტრმა ჟურნალისტების კითხვებსაც უპასუხა. #ახალიამბები #BusinessMediaGeorgia
ონკოლოგიური ქირურგია ყველა ონკოპაციენტს დაუფინანსდება - განცხადება პრემიერ მინისტრმა გასულ კვირას, მთავრობის სხდომებზე გააკეთა. მთავრობის ადმინისტრაციის ცნობით, ქვეყნის მასშტაბით ყველა ონკოპაციენტი, გარდა საბიუჯეტო სახსრებით დაზღვეული პირებისა, ონკოლოგიური ქირურგია როგორც გეგმური, ისე გადაუდებელი ოპერაციები, მათ შორის დაზღვეულ ვეტერანებს და იმ პაციენტებს, რომელთა წლიური შემოსავალი 40 000 ლარზე მეტია, დაუფინანსდება. კიდევ ერთი ინიციატივა ქვეყანაში ონკოლოგიური პაციენტების ადრეული კვლევების დაფინანსების დაწყებას ეხება – რა როლი აქვს ინიციატივებში კერძო სადაზღვევო სექტორს, მიიღებს და თუ არა, და რა სქემით სახელმწიფო დაფინანსებას ის 720 ათასამდე პირი, ვინც კერძო სადაზღვევო პოლისებით სარგებლობს და უნდა განისაზღვროს თუ არა თამაშის ერთიანი წესები კერძო სადაზღვევო კომპანიების ჩართულობით? სტუმარი: სოფო ლებანიძე - „პსპ დაზღვევის“ სამეთვალყურეო საბჭოს თავმჯდომარე; #ახალიამბები #BusinessMediaGeorgia
წამლისა და ფარმაცევტული საქმიანობის შესახებ კანონპროექტის განხილვა გრძელდება. ჯანდაცვის კომიტეტმა პროექტს დღეს მეორე მოსმენით დაუჭირა მხარი. ცვლილება სახელმწიფოს მხრიდან ძვირად ღირებული, ინოვაციური მედიკამენტების მწარმოებლისგან ან სავაჭრო ლიცენზიის მფლობელთან პირდაპირი მოლაპარაკების გზით შესყიდვას გულისხმობს. მხარეებს შორის შეთანხმება კი კონფიდენციალური იქნება. შენიშვნების მიუხედავად, დღეს კომიტეტზე ჯანდაცვის სამინისტრომ კანონპროექტი კორექტირების გარეშე წარადგინა. რა კითხვები რჩება კერძო სექტორს და რას პასუხობს მას სამინისტრო? #ახალიამბები #BusinessMediaGeorgia
პური არ გაიაფდება. მიუხედავად იმისა, რომ საერთაშორისო ბირჟაზე ხორბლის ფასი მცირდება, მწარმოებლები ბაზარზე პურის გაიაფებას არ ელიან. კერძო სექტორში აცხადებენ, რომ ფასი, რომელიც ბოლო 2 წელია პურზე ფიქსირდება სტაბილურად შენარჩუნდება. რატომ არ იაფდება პური და რა არის ის ძირითადი ფაქტორები რაც პურის ფასს ადგენს? #ახალიამბები #BusinessMediaGeorgia
პარლამენტის წევრების ნაწილი ბიზნეს საქმიანობაშია ჩართული, რაც მათ კანონით ეკრძალება. ორგანიზაციამ დემოკრატიის ინდექსი-საქართველო ანგარიში წარადგინა, სადაც სახელმწიფო ორგანოების მხრიდან პარლამენტის წევრების ქმედებებში კორუფციის ნიშნებზე რეაგირებაა ნაჩვენები. კვლევაში აღნიშნულია, რომ პარლამენტის საპროცედურო საკითხთა კომიტეტი საქმეებზე არ რეაგირებს. კონსტიტუციონალისტები მიუთითებენ, რომ ქართული ოცნება კონსტიტუციას არღვევს. ვინ არიან დეპუტატები, რომლებიც კანონს არღვევენ და რა გამოსავალს ხედავენ არასამთავრობო სექტორში? #ახალიამბები #BusinessMediaGeorgia
#ბიზნესსიახლეები bm.ge-სგან / 03.11.2023 GM PHARMA საერთაშორისო ფარმაცევტულ გამოფენაზე “CPHI Barcelona 2023”; რამდენი მილიონის შემოსავალი აქვთ Apple-ის ქართულ რეალიზატორებს iPlus-სა და iTechnics-ს; მოსალოდნელია რეგულარის და დიზელის 10-15 თეთრით გაიაფება - იაკობიძე; მთავრობა არასტანდარტულ მანდარინს წელსაც დაასუბსიდირებს; შეაფერხებს თუ არა ბიზნესის საქმიანობას დისტრიბუციის მანქანებთან დაკავშირებული ცვლილებები? - LGG; საწარმოს გაფართოება და ექსპორტზე გასვლა - როგორია “ზარაფხანას” გეგმები? #ახალიამბები #BusinessMediaGeorgia
კიდევ ერთი სექტორი საიდანაც მთავრობა შემოსავლების ზრდას ელოდება, გადასახადის განაკვეთის ზრდის ფონზე, სათამაშო ბიზნესია. თუკი აქამდე სექტორის მოგების გადასახადის განაკვეთი 10%-ს შეადგენდა, ის 15%-მდე გაიზრდება, მოქალაქეთა მიერ მოგებული თანხის გატანა კი 2%-იანი საშემოსავლო გადასახადის ნაცვლად 5%-ით დაიბეგრება. რა რაოდენობის შემოსავალს მიიღებს ბიუჯეტი ცვლილებებით და რა გავლენა ექნება მთავრობის ინიციატივას ბიზნესზე? ანუკა ჯოხაძე თემის დეტალებით. #ახალიამბები #BusinessMediaGeorgia
5 ფეხბურთელი, რომელიც ოქროს ბურთს გამარჯვებულზე მეტად იმსახურებდა #ახალიამბები #BusinessMediaGeorgia
მალე ფერმერები მანდარინის მოსავლის აღებას დაიწყებენ. ჯერჯერობით ზუსტ შედეგებზე საუბარი რთულია, თუმცა ექსპორტიორი კომპანიები წინასწარ პროგნოზებს აკეთებენ. აღსანიშნავია ისიც, რომ არასტანდარტულს მანდარინს მთავრობა წელსაც დაასუბსიდირებს და ცხადია ეს სექტორის შედეგებზე აისახება - როგორი მოლოდინი აქვთ ექსპორტიორებს მოახლოებულ ნარინჯისფერ რთველთან დაკავშირებით და რომელ ქვეყნებში გეგმავენ ექსპორტს? #ახალიამბები #BusinessMediaGeorgia
საფონდო ბირჟაზე დაბალი აქტივობა ნარჩუნდება. წელს, ამ დრომდე ბირჟის სავაჭრო სესიებზე ლარში 24 გარიგება დაიდო, ჯამში 3.6 მლნ-ის მოცულობის აქციაზე. გარიგებების ღირებულება კი 157 963 ლარია. წლის 10 თვეში დოლარსა და ევროში გარიგებები არ დადებულა, მაშინ როდესაც 2022 წელს 2.4 მლნ დოლარის გარიგებები იყო დადებული ობლიგაციებზე. თუმცა ამავე დროს გაორმაგებულია ლარში დადებული გარიგებების რაოდენობა, ღირებულება კი, მკვეთრად გაზრდილია. აქტიურია არასაბირჟო გარიგებები. 10 თვეში ლარში 3.2 მლნ ლარის გარიგებებია დადებული, დოლარში 9.8 მლნ დოლარის ღირებულების, ხოლო ევროში 1.5 მლნ ევროს 18 გარიგება დაფიქსირდა. რა ტენდენციებია საფონდო ბირჟაზე, რა კონკრეტული ნაბიჯებია საჭირო ბირჟაზე ვაჭრობის გასააქტიურებლად და რამდენად ეხმარება კომპანიებს მხრიდან ფინანსური ანგარიშგებების წარმოება კაპიტალის ბაზრის განვითარებას? სტუმარი: ნინო ქურდიანი - "საქართველოს საფონდო ბირჟის" გენერალური დირექტორის მოვალეობის შემსრულებელი; #ახალიამბები #BusinessMediaGeorgia
პარლამენტის წევრების ნაწილი ბიზნეს საქმიანობაშია ჩართული, რაც მათ კანონით ეკრძალება. ორგანიზაციამ დემოკრატიის ინდექსი-საქართველო ანგარიში წარადგინა, სადაც სახელმწიფო ორგანოების მხრიდან პარლამენტის წევრების ქმედებებში კორუფციის ნიშნებზე რეაგირებაა ნაჩვენები. კვლევაში აღნიშნულია, რომ პარლამენტის საპროცედურო საკითხთა კომიტეტი საქმეებზე არ რეაგირებს. კონსტიტუციონალისტები მიუთითებენ, რომ ქართული ოცნება კონსტიტუციას არღვევს. ვინ არიან დეპუტატები, რომლებიც კანონს არღვევენ და რა გამოსავალს ხედავენ არასამთავრობო სექტორში? #ახალიამბები #BusinessMediaGeorgia
საქართველოს ფოსტამ თბილისში 170-მდე ჯიხური ბიზნესმენ ილია წულაიას კომპანიას მიაქირავა - ქვეიჯარით ის ჯიხურები გაიცა, რომელიც საქართველოს ფოსტას იჯარით აქვს აღებული და მათზე საგამონაკლისო წესი მოქმედებს. სატრანსპორტო ზონაში მყოფი ყველა სხვა ჯიხური კი, თბილისის მერიამ უკვე აიღო. ვის აქვს თბილისში ჯიხურის დადგმის უფლება, რა პროცესი უნდა გაიაროს ბიზნესმა ამისთვის და რა პირობებით გასცემს საქართველოს ფოსტა ქვემოიჯარეებისთვის მისთვის მინიჭებულ პრივილეგირებულ უფლებას? #ახალიამბები #BusinessMediaGeorgia
#ბიზნესსიახლეები bm.ge-სგან / 02.11.2023 GM PHARMA საერთაშორისო ფარმაცევტულ გამოფენაზე “CPHI Barcelona 2023”; 2024 წელს კომერციული ფართები გაძვირდება - თიბისი კაპიტალის კვლევა; „მთავარი სტაბილურობაა“ - პურის ფასის გაიაფების მოლოდინები არ არსებობს; "KTW ჯგუფს" ახალი ფინანსური დირექტორი ჰყავს; „ბაზარზე მოთხოვნა იმაზე მეტია, ვიდრე წარმოგვიდგენია“ - მეტალოპლასტმასის საწარმო LGG; #ახალიამბები #BusinessMediaGeorgia
ფინანსური ანგარიშგებისა და გამჭვირვალობის ჯილდოს - „ბარტას“ ფლობა გარკვეული ხარისხის ნიშნად იქცა ბიზნესისთვის. ამის შესახებ დაზღვევის სახელმწიფო ზედამხედველობის სამსახურის ხელმძღვანელი, დავით ონოფრიშვილი აცხადებს. მისი თქმით, მიუხედავად იმისა, რომ კომპანიები კანონმდებლობით არიან ვალდებულნი ფინანსური გამჭვირვალობის სტანდარტები დაიცვან, ამ ტიპის ჯილდოს არსებობა, მათთვის კიდევ უფრო მეტი სტიმულის მიმცემია. შეგახსენებთ, წლიური ანგარიშისა და გამჭვირვალობის ჯილდო ევროკავშირის და მსოფლიო ბანკის მხარდაჭერით 2019 წელს დაფუძნდა. 2023 წლის კონკურსის ფარგლებში განაცხადების მიღება 31 ოქტომბერს დასრულდა. გამარჯვებულებს სპეციალური ჟიური დეკემბერში დაასახელებს. #ახალიამბები #BusinessMediaGeorgia
თბილისში ვანდალიზმის შედეგად დაზიანებული საზოგადოებრივი საპირფარეშოების დემონტაჟი მოხდება, განცხადება თბილისის მერმა გუშინ მთავრობის სხდომაზე გააჟღერა. საუბარია კომპანია სითი ბოქსის ინფრასტრუქტურაზე, რომელიც ქალაქის მასშტაბით 36 ლოკაციაზეა განთავსებული. კალაძე ამბობს, რომ კომპანიასთან მოლაპარაკებები მიმდინარეობს. ამ კუთხით პრობლემის სიმწვავეზე ტურიზმის ინდუსტრიის წარმომადგენლები წლებია საუბრობენ, მომზადდა შესაბამისი პროექტიც, თუმცა ამ დრომდე ფაქტია გამოწვევა გამოწვად დარჩა. #ახალიამბები #BusinessMediaGeorgia
ფრენსის ნგანუ VS ტაისონ ფიური - კამერუნელი “მტაცებლის” დიდი ნაბიჯი კრივში #ახალიამბები #BusinessMediaGeorgia
საქართველოს განვითარების ფონდი ახალ ეტაპზე გადასასვლელად ემზადება. ახალი მენეჯმენტის და სამეთვალყურეო საბჭოს მიზანი საინვესტიციო საქმიანობის განახლება და ფონდის არსებობის საჭიროების დამტკიცებაა. საქართველოს განვითარების ფონდი საპარტნიორო ფონდის სამართალმემკვიდრეა, რომელსაც ახალი პროექტების დაფინანსება, სავალუტო ფონდის მოთხოვნით 2017 წლიდან ჰქონდა შეზღუდული... საპარტნიორო ფონდისგან განსხვავებით, სახეცვლილი ფონდის აქტივებში აღარ არიან მსხვილი სახელმწიფო საწარმოები საქართველოს რკინიგზა თუ ნავთობისა და გაზის კორპორაცია. რა აქტივები რჩება საქართველოს განვითარების ფონდის ქვეშ, როგორია ახალი მენეჯმენტის საინვესტიციო სტრატეგია და საიდან მოიზიდავს ფონდი დაფინანსებას, როდესაც სახელმწიფო გარანტორის როლზე დღეს უარს ამბობს? სტუმარი: დიმიტრი ხორავა - „საქართველოს განვითარების ფონდის“ საინვესტიციო დეპარტამენტის დირექტორი #ახალიამბები #BusinessMediaGeorgia
პარლამენტში მინისტრის საათის ფორმატში რეგიონული განვითარებისა და ინფრასტრუქტურის მინისტრს უსმენენ. ირაკლი ქარსელაძე საკანონმდებლო ორგანოში 2022 წლის ანგარიშით წარსდგა, თუმცა მან ყურადღება მიმდინარე წელს შესრულებულ პროექტებზეც გაამახვილა. მინისტრი დეპუტატების კითხვები უკვე მოისმინა. რა გზავნილები ჰქონდა მინისტრს? #ახალიამბები #BusinessMediaGeorgia
საქართველოში შეკერილ პროდუქციაზე მოთხოვნა მზარდია. საერთაშორისო ბრენდები ქართულ სამკერვალოებთან ხშირად თანამშრომლობენ, მათ შორის, მაგალითად საქართველოში იკერება მონკლერის პროდუქციაც. მოთხოვნის მიუხედავად, სამკერვალოებს წარმადობის გაზრდა უჭირთ, რადგან სამკერვალო ბიზნესიც იმ სექტორებს შორის არის, რომლებიც დღეს კადრების დეფიციტს განიცდიან. რამდენად მწვავეა დარგში ეს პრობლემა და რა გავლენას ახდენს სამკერვალოებზე კადრების სიმცირე? #ახალიამბები #BusinessMediaGeorgia
საქართველოს ფოსტამ თბილისში 170-მდე ჯიხური ბიზნესმენ ილია წულაიას კომპანიას მიაქირავა - ქვეიჯარით ის ჯიხურები გაიცა, რომელიც საქართველოს ფოსტას იჯარით აქვს აღებული და მათზე საგამონაკლისო წესი მოქმედებს. სატრანსპორტო ზონაში მყოფი ყველა სხვა ჯიხური კი, თბილისის მერიამ უკვე აიღო. ვის აქვს თბილისში ჯიხურის დადგმის უფლება, რა პროცესი უნდა გაიაროს ბიზნესმა ამისთვის და რა პირობებით გასცემს საქართველოს ფოსტა ქვემოიჯარეებისთვის მისთვის მინიჭებულ პრივილეგირებულ უფლებას? #ახალიამბები #BusinessMediaGeorgia
თიბისი კაპიტალი კომერციულ უძრავ ქონებაზე ფასების ზრდას პროგნოზირებს. საინვესტიციო ბანკის შეფასებით, 2023 წელს გაუმჯობესებულმა ბიზნეს აქტივობამ და დაჩქარებულმა მიგრაციამ კომერციულ უძრავ ქონებაზე მოთხოვნა გააქტიურა, მათ შორის მოთხოვნა გაიზარდა სავაჭრო და საოფისე ფართებზე. ,,თიბისი კაპიტალის” ინფორმაციით, თბილისის ქუჩის საცალო ვაჭრობაში იჯარის საშუალო ფასი 11.2%-ით გაიზარდა და 1 კვადრატულ მეტზე 19.3 დოლარს მიაღწია. ექსპერტების შეფასებით, მომდევნო წელს ამ მიმართულებით ქირის ფასები კიდევ 8%-ით გაიზრდება. თბილისის სავაჭრო ცენტრებში კი, იჯარის ფაქტობრივმა ფასებმა 9 თვეში 7.5%-იანი ზრდა აჩვენა. #ახალიამბები #BusinessMediaGeorgia
#ბიზნესსიახლეები bm.ge-სგან / 01.11.2023 LIMONATI BY BORJOMI - „ბორჯომი“ სასმელების ახალ კატეგორიაში შედის; “ქართული რძის პროდუქტებმა“ თბილისში ყველის გადამმუშავებელი ახალი ქარხანა გახსნა; სოფელ ჯვარში „ფერმერთა სკოლა“ იხსნება; “თიბისის” მხარდაჭერით ეჯაილ სამიტი გაიმართა; განბაჟების 300-ლარიანი ზღვარი ქართველ რიტეილერებს არაკონკურენტულ პირობებში აყენებს - ICR ჯგუფი; #ახალიამბები #BusinessMediaGeorgia
მომავალ წელს კომერციულ უძრავ ქონებაზე, შესაძლოა, ფასები გაიზარდოს. თიბისი კაპიტალის კვლევის თანახმად, 2023 წელს გაუმჯობესებულმა ეკონომიკურმა აქტივობამ და მიგრაციული ნაკადის ზრდამ, კომერციულ უძრავ ქონებაზე მოთხოვნა გაააქტიურა. მოთხოვნა გაზრდილია ქუჩის სავაჭრო ობიექტებზე, სავაჭრო ცენტრებსა და საოფისე სივრცეებზე. #ახალიამბები #BusinessMediaGeorgia
1 ივლისიდან ძალაში შევიდა ენერგოეფექტურობის მინიმალური სტანდარტები, რომელიც ეხება ყველა ახალ შენობას, განურჩევლად საკუთრების ფორმისა. თუ კერძო ან საჯარო დანიშნულების შენობა 50 კვადრატულ მეტრზე მეტია, მან ენერგოეფექტურობის მინიმალური მოთხოვნები უნდა დააკმაყოფილოს. მთავრობის შესაბამისი დადგენილებით განისაზღვრება როგორი უნდა იყოს მაგალითად, შენობის კონსტრუქცია, სახურავი, კედლები და კარ-ფანჯრები. იმისთვის, რომ სამშენებლო ნებართვა მიიღოთ, მოთხოვნილ დოკუმენტაციას ასევე თან უნდა ახლდეს სპეციალური პროგრამული უზრუნველყოფის გზით გაცემული დეკლარაცია, რომ ის შენობა, რომლის აშენებასაც გეგმავთ, ენერგოეფექტურობის მინიმალურ მოთხოვნებს დააკმაყოფილებს. რა შეცვალა ამ რეგულაციამ სამშენებლო სექტორში და აძვირებს თუ არა ენერგოეფექტურობის სტანდარტების დაკმაყოფილება მშენებლობას? სტუმარი: გიორგი აბულაშვილი - ენერგოეფექტურობის ცენტრის ხელმძღვანელი; #ახალიამბები #BusinessMediaGeorgia