Time-ის წლის ადამიანად "დუმილის დარღვევა" ის ქალები დაასახელა რომლებმაც შოუ-ბიზნესსა და საზოგადოებრივი ცხოვრების სხვა სფეროებში სექსუალური შევიწროვების შესახებ პირველად განაცხადეს Rehabshop - ის სარეკლამო კლიპი თბილისში Esquire-მა 2017 წლის საუკეთესო ფილმები დაასახელა YOUTUBE-ის ყველაზე პოპულარული ვიდეორგოლები
გასულ წელს მსოფლიოს 20 ყველაზე მონახულებად მუზეუმს ჯამში 108 მილიონი ვიზიტორი ეწვია. ბოლო სამი წლის განმავლობაში პირველად, მსოფლიოს ყველაზე მონახულებადი მუზეუმის სტატუსი დაკარგა ლუვრმა და მან მსოფლიოში მესამე ადგლი დაიკავა. 2015 წლის შემდეგ ლუვრში ვიზიტორების რაოდენობა 15%-ით შემცირდა, რისი მიზეზიც საფრანგეთში ტურისტების რაოდენობის შემცირებაა. ჩინეთის ნაციონალურ მუზეუმს კი ვიზიტორების რაოდენობა 3,5%-ით გაეზარდა და მან მსოფლიოს ყველაზე მონახულებად მუზეუმებს შორის პირველი ადგილი დაიკავა. Themed Entertainment Association-ის კვლევის მიზედვით, გასულ წელს ყველაზე მეტი ვიზიტორი შემდეგ მუზეუმებს ჰყავდა: • ჩინეთის ნაციონალური მუზეუმი - 7,5 მილიონი ვიზიტორი • ამერიკის კოსმოსური მუზეუმი - 7,5 მილიონი ვიზიტორი • ამერიკის ისტორიის ნაციონალური მუზეუმი - 7,1 მილიონი ვიზიტორი • მეტროპოლიტენის ხელოვნების მუზეუმი (აშშ) – 7 მილიონი ვიზიტორი • ბრიტანეთის მუზეუმი - 6,4 მილიონი ვიზიტორი • შანხაის მეცნიერებისა და ტექნოლოგიების მუზეუმი - 6,3 მილიონი ვიზიტორი. #მონახულებადიმუზეუმები
საქართველოს პირველმა ლედიმ პრეზიდენტის სარეზერვო ფონდიდან დაფინანსებული პროექტის "ადრეული ქორწინების პრევენცია ქვემო ქართლში" გამარჯვებული ახალგაზრდები დააჯილდოვა. პრეზიდენტის სასახლეში პროექტის შეჯამება გაიმართა, რომელიც კავშირმა "საფარი" საქართველოს პრეზიდენტის სარეზერვო ფონდის, გაეროს მოსახლეობის ფონდის (UNFPA) საქართველოს ოფისის და ნიდერლანდების საელჩოს მხარდაჭერით განახორციელა და რომელიც მიზნად ისახავდა ადრეული ქორწინების უარყოფითი მხარეების შესახებ ქვემო ქართლში მცხოვრები მოზარდებისა და ახალგაზრდების ინფორმირებულობის გაზრდასა და ცნობიერების ამაღლებას. პროექტის ფარგლებში მომზადებულმა ეთნიკურად აზერბაიჯანელმა ოცმა ახალგაზრდამ, ქვემო ქართლის 90 სკოლაში, აზერბაიჯანულ ენაზე უფროსკლასელებისთვის საინფორმაციო შეხვედრები ჩაატარა. შეხვედრები ადრეული ქორწინების საზიანო პრაქტიკას, საკანონმდებლო აქტებსა და არსებული ეროვნული რეფერალური მექანიზმის საკითხებს მოიცავდა. მოსწავლეებს დაურიგდათ სპეციალურად მომზადებული საინფორმაციო ბროშურები და თემატური კომიქსები.
აზიის წყნარი ოკეანის საერთაშორისო მეთერთმეტე ფესტივალზე მიღებული სპეციალური ჯილდოს შემდეგ, მარიამ ხაჭვანის „დედეს“ საფრანგეთში, იუნესკოს პატრონაჟითა და მიწვევით აჩვენებენ. სწორედ იუნესკოს პატრონაჟით გაიცემა განსაკუთრებული ჯილდოც, რომელიც ფილმმა ფესტივალზე დაიმსახურა. „დედე“ კულტურული მრავალფეროვნების ჯილდოს მფლობელი გახდა. განსაკუთრებით მნიშვნელოვანია, რომ ფილმი გადაღებულია იუნესკოს მსოფლიო მემკვიდრეობის სტატუსის მქონე ისტორიულ რეგიონში, სვანეთში. ფილმის ჩვენება იუნესკოს პარიზის სათაო ოფისში 12 დეკემბერს, APSA-სა და იუნესკოს დამფუძნებელი პარტნიორობის პატივსაცემად გაიმართება. ქართული მოკლემეტრაჟიანი ფილმი “სამი საფეხური” 2 გერმანული კინოფესტივალის გამარჯვებულია – ამის შესახებ ინფორმაციას საქართველოს კინემატოგრაფიის ეროვნული ცენტი ავრცელებს.კონკრეტულად, იოსებ (სოსო) ბლიაძის მოკლემეტრაჟიანი ფილმი „სამი საფეხური” , რომლის მსოფლიო პრემიერა 2017 წლის იანვარში International Film Festival Rotterdam-ზე შედგა, ორი გერმანული ფესტივალის გამარჯვებული გახდა.ფილმმა ბერლინში ჟიურის სპეციალური აღნიშვნა დაიმსახურა, ხოლო ქალაქ ვისბადენში ჩატარებულ, საერთაშორისო კონკურსის სექციაში საუკეთესო მოკლემეტრაჟიანი ფილმი გახდა.
ყირგიზეთის სკოლის ზოგიერთი ადმინისტრაცია, უფროსკლასელ გოგოებს ქალიშვილობის შესამოწმებლად გინეკოლოგთან აგზავნის. ამის შესახებ ინფორმაციას პორტალი Vesti.kg ავრცელებს. აღნიშნავენ, რომ მშობლები სკოლის ინიციატივას მხარს უჭერენ და ითხოვენ, რომ შემოწმება ქალმა ექიმმა ჩაატაროს. "ვარაუდობენ, რომ ამგვარი მეთოდით, თავიდან აიცილებენ სუიციდის შემთხვევებს, თუმცა ჩნდება რეზონანსული კითხვა: გამოიწვევს თუ არა იძულებითი შემოწმება სუიციდების ახალ ტალღას?", - წერს გაზეთი. 26 ნოემბერს ყირგიზეთში ადგილობრივი სოციოლოგიური კვლევის შედეგი გამოქვეყნდა, რომლის მიხედვითაც მოსახლეობის 89%-ს მიაჩნია, რომ ქალის უბიწოება ბედნიერი ოჯახის საწინდარია. მსგავსი ინფორმაცია 22 ნოემბერს, უზბეკეთის შესახებაც გავრცელდა. ადგილობრივი მედიის წყაროს ცნობით, მედშემოწმების მიზეზი "სუიციდის შემთხვევების აღმოფხვრის მიზნით ტარდება, რადგან უზბეკეთში ქალიშვილობის დაკარგვის ან დაორსულების შემთხვევაში, გოგოები სირცხვილის გამო, თავს იკლავენ". იმ გოგოების მშობლებთან, რომლებსაც უკვე დაიწყეს სქესობრივი ცხოვრება, ფსიქოლოგები და მასწავლებლები ჩაატარებენ გაკვეთილებს.
Apple ეკოლოგიურად სუფთა სმარტფონს შექმნის. საინტერესო ინფორმაცია ერთ-ერთ უცხოურ ფორუმზე გავრცელდა. როგორც ერთ-ერთი გამომწერი ირწმუნება, ის თავის iPhone X-ს თვალებით მართავს. უფრო ზუსტად კი განსხვავებით სხვა გაჯეტებისგან, მისი iPhone-ის მაღვიძარა ერთი მზერით ირთვება. სიახლემ ბევრი მომხმარებელი გააკვირვა, რადგან მსგავსი ფუნქციის შესახებ მობილურის აღწერილობაში არაფერი არ იყო ნათქვამი. თუმცა, აღსანიშნავია, რომ Apple-ს მთავარ სიახლეს ბევრი ნაკლიც აქვს, მაგალითად ის ძალიან ნელა იმუხტება და ე.წ. fastCahrger დამატებით თანხებთანაა დაკავშირებული. შერყეული რეპუტაციის გამოსასწორებლად ბრენდმა მორიგი ინოვაცია დააანონსა. Apple-ში იუწყებიან, რომ მორიგი სმარტფონი ეკოლოგიურად სუფთა იქნება და მისი გადამუშავებით მეორადი გამოყენების მატერიალი მიიღება.
ბერლინში ჯონ ლენონის დღიური იპოვეს. ლეგენდარული The Beatles-ის ერთ-ერთი დამაარსებლის პირად ნივთებს გერმანული პოლიციის თანამშრომლები ჩხრეკვის დროს გადააწყდნენ. გამოცემა “Deutsche Welle”-ს ცნობით, ლენონის საკუთრება ერთ-ერთ მამაკაცს აღმოაჩნდა და ის მათ შავ ბაზარზე გაყიდვას გეგმავდა. როგორც ჩანს, გერმანელმა ლენონის პირადი ნივთები მის ქვრივს იოკო ონოს 2006 წელს მოპარა. აღნიშნულ საქმესთან დაკავშირებით მეორე ეჭვმიტანილიც არსებობს და პოლიცია ამჟამად მის დაკავებაზე მუშაობს. რაც შეეხება ნაპოვნი საგნების ღირებულებას, ექსპერტების აზრით, საუბარი ათიათასობით ფუნტ სტერლინგზეა.
პრინც ჰარისა და მეგან მარკლის საქორწინო ცერემონია 2018 წლის მაისში გაიმართება. ამის შესახებ განცხადებას კენსინგტონის სასახლეში აკეთებენ. გავრცელებული ცნობით, წყვილი ჯვირსწერა უინძორის სასახლეში გაიმართება. განცხადებაში ასევე აღნიშნულია, რომ საქორწინო ცერემონიამდე მეგან მარკლი მოინათლება.
ბაჰრეინის მამაკაცთა გუნდმა No Woman No Cry შეასრულა - სოციალურ ქსელებში გავრცელდა ბაჰრეინის მამაკაცთა გუნდის მიერ შესრულებული ბობ მარლის სიმღერა ‘No Woman, No Cry’. შესრულებამ არაერთგვაროვანი რეაქციები გამოიწვია საზოგადოებაში. ბევრმა შეაქო უკვდავი სიმღერის რიმეიკი, ზოგმა კი მონარქიაში ქალთა უფლებების მდგომარეობაზე კიდევ ერთხელ გაამახვილა ყურადღება. ზოგიერთი Twitter-ის მომხმარებელი სარკასტულად წერდა, რომ იმ შემთხვევაში თუ გუნდი საუდის არაბეთიდან იქნებოდა, უფრო ლოგიკურია სიმღერას «No Woman No Drive» მისამღერი ჰქონოდა. ბაჰრეინში, სპარსეთის ყურის სხვა ქვეყნებთან შედარებით, ქალთა უფლებები ყველაზე კარგად არის დაცული. ამ პატარა სამეფოში ქალებს მანქანის მართვის, რესტორანში კაცების გვერდით ჯდომის, არჩევნებში ხმის მიცემის და პოლიტიკურ ცხოვრებაში მონაწილეობის უფლება აქვთ. 2002 წელს ბაჰრეინში ქალებმა არჩევნებში მონაწილეობის უფლება მიიღეს და დღესა ქალების რაოდენობა პარლამენტში 7% შეადგენს.