ელიავას სახელობის ინსტიტუტს გასულ წელს 100 წელი შეუსრულდა. ინსტიტუტი მნიშვნელოვან სამეცნიერო-კვლევით საქმიანობას ახორციელებს. აღსანიშნავია, რომ ინსტიტუტს აქვს ბაქტერიოფაგების მსოფლიოში ერთ-ერთი ყველაზე მდიდარი და დიდი კოლექცია. წლების განმავლობაში ქვეყნისთვის უმნიშვნელოვანეს დაწესებულებას არაერთი მიღწევა დაუგროვდა. სტუმარი: მზია ქუთათელაძე - “ელიავას სახელობის ინსტიტუტის” დირექტორი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
2023 წლის 14 ივნისს, საქართველოს პარლამენტმა “პერსონალურ მონაცემთა დაცვის შესახებ” ახალი კანონი მიიღო. აღნიშნული კანონი ძალაში 2024 წლის პირველი მარტიდან შევა და ის როგორც კერძო, ასევე საჯარო სექტორზე გავრცელდება. კანონის შეუსრულებლობის შემთხვევაში ჯარიმებისა და სანქციების თავიდან ასაცილებლად, მნიშვნელოვანია იურიდიული მომსახურება. კომპანია JG Counselor სწორედ ამ მომსახურებით უზრუნველყოფს თავის მომხმარებელს. რა ცვლილებებია კანონში, ამასთან რა მომსახურებას შესთავაზებს კლიენტებს კომპანია? სტუმარი: ნინი შენგელია - JG Counselor-ის ბიზნეს განვითარების დეპარტამენტის ხელმძღვანელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ორგანიზებული, სსიამოვნო გარემოში ჩატარებული ღონისძიება სტუმრებისთვის ყოველთვის გამორჩეულად დასამახსოვრებელია. მეტიც, მაგალითად კომპანიის “ივენთები”ხშირად მათი რეპუტაციის განმსაზღვრელიც არის. ხოდა ასეთი წარმატებული, ორგანიზებული ივენთების უკან ის პროფესიონალები დგანან, რომლებიც თითოეულ დეტალზე ზედმიწევნით და დიდი ყურადღებით ზრუნავენ. ქლიქ ჰოლდინგი სწორედ ასეთი პროფესიონალების გაერთიანებაა, რომელიც მრავალ წლიანი გამოცდილების მქონე ივენთოლოგმა დააფუძნა. კომპანია პორტფელში არაერთ წარმატებულ ივენთს და ასევე არაერთ კმაყოფილ, ბედნიერ მომხმარებელს აერთიანებს. როგორი იყო 2023 წელი კომპანიისთვის და რა სიახლეები აქვს ქლიქ ჰოლდინგს? სტუმარი: მაკა ყუბუსიძე - Click Holding-ის დამფუძნებელი; #ქალებისნარატივი მარიამ იზორიასთან ერთად ~ #ახალიამბები #BusinessMediaGeorgia
მერიკო კოკაიამ მარკეტინგისა და კომუნიკაციების მიმართულებით არაბულ ბაზარზე საკმაოდ დიდ წარმატებას მიაღწია, რაც უპირველესად მსოფლიოს წამყვან კომპანიებთან თანამშრომლობასა და მსხვილი, საერთაშორისო პროექტების განხორციელებას უკავშირდება. ერთ-ერთი ასეთი, დუბაის ექსპო 2020-ია, რომლის წარმატებაში შეტანილი წვლილისა და ქვეყნის წინაშე დამსახურებისთვის ოქროს მედლით დაჯილდოვდა. მერიკო კოკაია ამჟამად აქტივაციებისა და სპონსორობის მიმართულებით საკონსულტაციო კომპანია RISE Group-ის დირექტორია და მისი პორტფელში ისეთი მიმდინარე პროექტები ერთიანდება, რომლისკენაც მთელი მსოფლიოს ყურადღებაა მიმართული. სტუმარი: მერიკო კოკაია - RISE Group, ბრენდის აქტივაციებისა და სპონსორობის მიმართულების დირექტორი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ძველი ტრადიციებით, ახლებური ხედვით, დიდი სიყვარულით - ამ კონცეფციით კომპანია “ჯინ ჰენდ ქიჩენი” ქართულ ბაზარზე 2021 წლიდან გამოჩნდა. საუბარია საოჯახო ბიზნესზე, რომელმაც თავდაპირველად ოპერირება სასაჩუქრე ნაკრებებით დაიწყო, მერე იყო პასკები, რომელიც მომხმარებლის ფავორიტ პროდუქტად მალევე იქცა, წელს კი კომპანიის პორტფელს ახალი მიმართულება - ქეითერინგის მომსახურება ემატება, შესაბამისად ჰენდ ენდ ჩიქენის საქმიანობის ნაწილი ფურშეტების, ივენთებისა და სხვადასხვა დღესასწაულების ორგანიზება გახდება. რას სთავაზობს ჯინ ჰენდ ქიჩენი მომხმარებელს და რა სიახლეები აქვთ მიმდინარე წლისთვის? სტუმარი: თიკო ჯინჭარაძე - “ჯინ ჰენდ ქიჩენის” დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მომავლის პროფესიის დაუფლება, სასჯელის მოხდის პერიოდში - სწორედ ამ მიზნით კომპანია რე:სქული საქართველოში სრულიად უნიკალურ პროექტს ახორციელებს: 15 მსჯავრდებული ქალი 10 თვის განმავლობაში ყველაზე მოთხოვნად და მაღალანაზღაურებად UI/UX დიზაინს შეისწავლის, ხოლო საპატიმროდან გამოსვლის შემდეგ მათ დასაქმებაზე რე:სქულთან ერთად მისი თანადამფუძნებელი ორგანიზაცია რე:ინვენთიც იზრუნებს. სტუმარი: სალომე მგელაძე - “რე:სქულის” დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
უკვე 20 წელია, თბილისში ორსაუკუნოვანი მემკვიდრეობის მქონე ჩეხური ავეჯის ბრენდი TON-ი ქართველ წარმომადგენლებთან თანამშრომლობს და შედეგად ქართველ მომხმარებელს აქვს შესაძლებლობა შეიძინოს სკამის როგორც ლეგენდარული, არქეტიპული მოდელები, რომლებიც როგორ თავად გრეხილი ავეჯის ფუძემდებელმა მიხაელ ტონეტმა, მოგვიანებით კი სხვა მოდერნისტმა თუ თანამედროვე დიზაინერებმა შეიმუშავეს. როგორია ევროპაში გრეხილი ავეჯის უმსხვილესი მწარმოებლის 20-წლიანი წარმატების ისტორია საქართველოში? სტუმარი: მარიამ მამაცაშვილი - TON-ის წარმომადგენელი და CEO #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ამერიკული ტექნოლოგიური გიგანტსა და ქართულ კომპანიას შორის თანამშრომლობა დაიწყო. საუბარი კომპანია სფეისემ-ზე რომელიც სულ ახლახან Nvidia Inception-ის პროგრამას შეუერთდა. ეს არის პროგრამა, რომელიც ტექნოლოგიურ სტარტაპებს პროდუქტის განვითარების, პროტოტიპირებისა და დეველოპმენტის კრიტიკულ ეტაპებზე ეხმარება. რას გულისხმობს აღნიშნულ პროგრამაში მონაწილეობა და რა შესაძლებლობებს ხსნის ეს პროცესი ქართული კომპანიისთვის? სტუმარი: ნათია ჯიჭონაია - SpaceM-ის მარკეტინგის მენეჯერი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
უნიკალური სტილისტიკა, აქცენტირებული ფერები, ფორმების სიმარტივე, გამორჩეული კონცეფცია, ბუნებრივი, გარემოსთან მისადაგებული მასალების გამოყენება და ხელწერა, რომელიც ნებისმიერ პროექტს სავიზიტო ბარათად დაჰყვება - ეს არქიტექტურისა და დიზაინის სტუდია NS-ია, რომელიც ქართულ ბაზარზე 2013 წლიდან გამოჩნდა და აგერ უკვე ათ წელზე მეტია საინტერესო, მრავალფეროვანი და საკმაოდ განსხვავებული ნამუშევრების შექმნით გვანებივრებენ. კომპანიის ანგარიშზე უკვე ბევრი წარმატებული, მათ შორის საკმაოდ მსხვილმასშტაბიანი პროექტი ერთიანდება და გეგმები წინ, კიდევ უფრო დიდი. სტუმარი: ნინი ჭანტურია - NS STUDIO-ს თანადამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
Skillwill-ის და UN Women-ის თანამშრომლობის ფარგლებში, სქილვილის სტუდენტებმა UN Women-ის ბენეფიციარი მცირე მეწარმეებისთვის, სრულიად უფასოდ, სტუდენტური პროექტის სახით, ციფრული პროდუქტების შექმნაზე იმუშავეს. პროგრამული უზრუნველყოფისა და ციფრული მარკეტინგის კურსების მიმდინარეობისას, შეიქმნა სტუდენტების agile ჯგუფები, რომლებმაც კომპანიების/მეწარმეების რეალური ციფრულ პროდუქტების შექმნაზე იმუშავეს. სტუმარი: ლანა ჩხარტიშვილი - "Skillwill საქართველოს" დირექტორი; #ქალებისნარატივი ლიკა მეგუთნიშვილთან ერთად; #ახალიამბები #BusinessMediaGeorgia
2014 წელს მსოფლიოში უძველესი ოქროს მაღაროს-საყდრისის კულტურული მემკვიდრეობის ძეგლის დასაცავად “საყდრისის კომიტეტი” შეიქმნა, რომელიც, უკვე 8-წელია წარმატებით ფუნქციონირებს და ქართული კულტურის ძეგლების დაცვა-პოპულარიზაციის მიმართულებით არაერთი პროექტი განახორციელა. სტუმარი: ნინო ბურჭულაძე - “საყდრისის კომიტეტი კულტურული მემკვიდრეობისთვის“ დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მომხმარებელთა უფლებები, სახელმწიფო შესყიდვები, სამედიცინო დავები - ის იმ სამოქალაქო დავების მცირე ჩამონათვალია, რომელიც ადვოკატ ნინო ლიპარტიას იურიდიულ პორტფელში ერთიანდება. ნინომ საადვოკატო, სამეცნიერო და პედაგოგიური მიმართულება 2010 წლიდან დაიწყო და მას შემდეგ პრინციპში არც გაჩერებულა. მის ანგარიშზე არაერთ საქმესთან ერთად, სხვადასხვა საერთაშორისო და ადგილობრივი, წარმატებით განხორციელებული პროექტები ერთიანდება და ამავე დროს, მუდმივად ზრუნავს, ფიქრობს, შრომობს - ადვოკატების პროფესიულ განვითარებაზე. სტუმარი: ნინო ლიპარტია - “საქართველოს ადვოკატები დამოუკიდებელი პროფესიისათვის” თავმჯდომარე; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
სულ რაღაც 1 წლის წინ თბილისში, აბაშიძის ქუჩაზე პრემიუმ ხაზის თეთრეულის ქართული მაღაზია - ზეზეწარი გაიხსნა. ქართული ბრენდი მომხმარებელს განსხვავებული დიზაინისა დს ხარისხიანი თეთრეულის გარდა სხვადასხვა აქსესუარების ფართო ასორტიმენტსაც სთავაზობს. როგორია ოპერირების 1-წლიანი პერიოდი განვითარების რა ეტაპზეა ბრენდი? სტუმარი: მარიკელა ახვლედიანი - “ზეზეწარის” დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მიმდინარე კვირის უქმეებზე, 29 იანვარს სასტუმრო ბილტომრში დასაქმების პრობლემის გადაწყვეტის მიზნით უპრეცედენტო ციფრული ეკოსისტემის წარდგენა მოხდება. საუბარია - talents.ge-ზე, რომელიც ციფრული დასაქმებისა და პიროვნული თუ პროფესიული განვითარების თანამედროვე პლატფორმას წარმოადგენს. ის USAID-ის მხარდაჭერით შეიქმნა. სტუმრები: თამარ ბოსიკაშვილი - Aisitec-ის თანადამფუძნებელი; ნათია კაპანაძე - USAID-ის ეკონომიკური უსაფრთხოების პროგრამის გენდერის და ახალგაზრდების საკითხების ექსპერტი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
გარემოს ნარჩენებით დაბინძურება თანამედროვე სამყაროს ერთ-ერთი მასშტაბური გამოწვევაა მთელ მსოფლიოში. საქართველოც ამ პრობლემის წინაშე დგას. ჩვენს ქვეყანაში ყოველწლიურად, დაახლოებით 1.1 მილიონი ტონა მყარი მუნიციპალური ნარჩენი წარმოიქმნება. პარალელურად კი ინერტული ნარჩენები დღეს მთელ მსოფლიოში მოიაზრება, როგორც ერთ-ერთი მნიშვნელოვანი რესურსი, რომელიც შეიძლება გადამუშავდეს და ეკონომიკურ ბრუნვაში ჩაერთოს. სწორედ ამ საკითხს ეხმაურება - ეკა ასათიანი და მისი წამოწყებაც. მეწარმე პლასტიკის ნარჩენებისგან ისეთ ნივთებს ქმნის, როგორიც არის მაგალითად ჩანთა, ქუდი, მაგიდის გადასაფარებელი და ასე შემდეგ. ნივთების რეალიზაცია კი მის მიერ შექმნილ პლატფორმაზე - plastic watcher.ge-ზე ხდება. სტუმარი: ეკა ასათიანი - Plasticwatcher.ge-ის დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
“ანის სკოლა" არის ლიდერობის და მოტივირების სივრცე ბავშვებისთვის. ემოციების მართვა, თვითპრეზენტაცია და ეფექტური კომუნიკაცია - ეს ის თვისებებია, რომლებსაც ანის სკოლა ბავშვებს უვითარებს. რა პროგრამებს აერთიანებს ანის სკოლა? სტუმარი: ანი ჩერქეზიშვილი - “ანის სკოლის" დამფუძნებელი #ქალებისნარატივი მარიამ იზორიასთან ერთად; #ახალიამბები #BusinessMediaGeorgia
დაახლოებით ერთი წლის წინ ბაზარზე ახალი ტურისტული კომპანია გამოჩნდა. საუბარია ამბასადორი თრეველზე, რომელიც მომხმარებელს გარდა სტანდარტული, ტურისტული სერვისებისა, მეტი კომფორტისთვის, ისეთ მომსახურებებსაც სთავაზობს როგორიცაა მაგალითად ჩარტერულ რეისები. კიდევ რა სერვისების სპექტრი ერთიანდება ამბასადორი თრეველის ქვეშ, ამასთან როგორია კომპანიის სამომავლო გეგმები? სტუმარი: სალომე თოთიბაძე - “ამბასადორი თრეველის” დირექტორი; #ქალებისნარატივი მარიამ იზორიასთან ერთად; #ახალიამბები #BusinessMediaGeorgia
ყაზბეგი არის ადგილი, რომელიც ზამთარშიც ტურისტებისთვის საინტერესო მიმართულებაა. როგორ მიმდინარეობს ზამთრის ტურისტული სეზონი ყაზბეგში, რა დატვირთულობით მუშაობს სასტუმრო ბიზნესი? სტუმარი: ცირა ფიცხელაური - “ინტურისტი ყაზბეგის” დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მესტიის ტურისტულ სეზონს ყოველწლიურად ახლავს უამრავი პრობლემა. ბუნებრივი რესურსებით მდიდარი მხარე, თითქმის ვერც ერთ წელს ვერ ახერხებს საკმარისი რაოდენობის ტურისტების მოზიდვას. ან თუ ახერხებს, შემდგომ უკვე ტურისტების შენარჩუნებაა პრობლემა, რადგან ელექტროენერგიის ხშირი წყვეტა ჯავშნების გაუქმებას იწვევს. გასულ კვირას მესტიაში ელექტრო ენერგიის მოხმარების ისტორიული რეკორდი დაფიქსირდა. ჭარბი მოხმარება, კი მესტიის გადაუჭრელ პრობლემასთან - კრიპტოვალუტის მაინინგთან არის დაკავშირებული. - რა მდგომარეობაა წლევანდელ სეზონზე მესტიაში, რა პრობლემები აქვს ბიზნესს? სტუმარი: თათია თეთრაშვილი - ბუდე მესტია, ჩაიბუდეს დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
“ქალების მიერ ქალებისათვის შექმნილი ბრენდი” - საუბარია “ნინეაზე”, ბრენდზე, რომელსაც ჩვენი მაყურებელი კარგად იცნობს. მინიმალური ინვესტიციით, სამი მეგობრის მიერ დაწყებულ საქმეს დღეს უკვე საკმაოდ წარმატებული გაგრძელება აქვს. სახლში სანებივრო ხარისხიანი სამოსი მხოლოდ ქართულ ბაზარს აღარ სჯერდება და საექსპორტო მიმართულებითაც კონკრეტულ ნაბიჯებს დგამს. რა სიახლეები დაუგროვდა კომპანიას 2023 წელს? სტუმარი: ნინო ლეჟავა - "ნინეას" დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
7 წლის წინ ქართულ ბაზარზე ოპერირება დაიწყო ტყავის აქსესუარების მწარმოებელმა კომპანია ნიკოლომ. ხარისხი, სტილი და კომფორტი, როგორც ბრენდის დამფუძნებელი ამბობს, ეს ის სამი მახასიათებელია, რომელიც ნიკოლოს თითოეულ პროდუქტში იგრძნობა. კომპანიის ერთ-ერთი მთავარი მიღწევა კი ერთგული მომხმარებელია, რომლის დაგროვება ნიკოლომ წლების განმავლობაში შეძლო. როგორი იყო განვლილი 2023 წელი ბრენდისთვის და რა სიახლეები დაგროვდა? სტუმარი: ნინო სუხიტაშვილი - Nicolo-ს დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Xperience - ეს არის კომპანია , რომელიც 2018 წელს დაფუძნდა. მისი მიზანი კი მასშტაბურია - დაეხმაროს კომპანიებს, როგორც შიდა სტრუქტურულ ორგანიზაციაში, ისე მომხმარებლების გამოცდილების კვლევასა თუ გაუმჯობესებაში. რას გულისხმობს კომპანიის ეს მიმართულება და რა გეგმები აქვს Xperience ქართულ ბაზარზე? სტუმარი: ნინო დავითაშვილი - Xperience-ის დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ყოველ წელს, ფლორენციაში, დანტე ალიგიერის სახლ-მუზეუმში საშობაო გამოფენა იხსნება. წლევანდელი გამოფენა გამორჩეული იყო იმით, რომ მასში ქართველი ხელოვანი მონაწილეობდა. გამოფენამ დამთვალიერებლებს 16 დეკემბრიდან 11 იანვრამდე უმასპინძლა. ადგილზე საგამოფენო ნამუშევრების შეძენაც შესაძლებელი იყო. სტუმარი: მზია მაკალათია - ხელოვანი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Tasteit - არის პლატფორმა, რომელიც ადამიანებს საჭმლით აკავშირებს. უფრო მარტივად რომ ვთქვათ ის საჭმლის მეგობრებს ფუდმეითებს აკავშირებს. საიდან გაჩნდა მისი შექმნის იდეა, რა სიახლეები აქვთ სტარტაპის დამფუძნებლებს? სტუმარი: გიორგი ურუშაძე - Tasteit, დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ღონისძიება ღია ცის ქვეშ, ქორწილი, კონფერენცია, თიმბილდინგი, ფესტივალი, პროდუქტის წარდგენა, - ეს იმ სერვისების მცირე ჩამონათვალია, რასაც კომპანია D.Tale Events მომხმარებლებს სთავაზობს. ღონისძიების მართვის ბიურო - ქართულ ბაზარზე 2018 წლიდან გამოჩნდა და მას შემდეგ, კომპანიის ანგარიშზე უკვე არაერთი როგორც მსხვილი, ისე მცირე მასშტაბის ღონისძიებაა. მომხმარებლებს შორის კი, არიან როგორც ადგილობრივი, ისე საერთაშორისო კომპანიები. როგორია D.Tale Event-ის 6-წლიანი წარმატების ისტორია და მიმდინარე სიახლეები? სტუმარი: რუსო აბზიანიძე - D.tale, თანადამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ჯანსაღი კვება უნდა იყოს გემრიელი - ქართულ ბაზარზე ახალი კომპანია “ბალანსის” სლოგანი, რომელიც მომხმარებლებს ჯანსაღი კვების რაციონის გამოძახების სერვისს სთავაზობს. აღსანიშნავია “ბალანსის” მენიუც, რომელშიც ჯანსაღი საკვების საკმაოდ მრავალფეროვანი არჩევანია წარმოდგენილი, თანაც ისე, რომ 28 დღის განმავლობაში არც ერთი კერძი არ მეორდება. სტუმარი: ნუცა სურგულაძე - “ბალანსის” თანადამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ცელიაკია ეს არის წვრილი ნაწლავის დაავადება, რომელიც გამოწვეულია ცილა გლუტენის მოუნელებლობით. გლუტენი შედის ისეთ მარცვლეულში, როგორიცაა, ხორბალი, ჭვავი, ქერი და სხვა. დაავადების მართვა ამ ეტაპზე მხოლოდ სწორი, გლუტენის გარეშე კვებით არის შესაძლებელი. სხვათა შორის, სულ ცოტა ხნის წინ, ჯანდაცვის სამინისტრომ დანერგა საკვები ვაუჩერები ცელიაკის მქონე ბავშვებისთვის. ვაუჩერის განაღდებით ყოველთვიურად კონკრეტულ მაღაზიებში 200 ლარის ღირებულების გლუტენის გარეშე პროდუქტების მიღება არის შესაძლებელი. სტუმარი: ქეთი ტაბატაძე - “საქართველოს ცელიაკიის ეროვნული ასოციაციას” დამფუძნებელი; #ქალებისნარატივი ლიკა მეგუთნიშვილთან ერთად; #ახალიამბები #BusinessMediaGeorgia
ფენილკეტონურიის მქონე 18 წლამდე ბავშვებისთვის საკვები პროდუქტების ფინანსურ მხარდაჭერის მიზნით, 2024 წლის თებერვლიდან სახელმწიფო ვაუჩერული პროგრამა ამოქმედდება, რომელშიც საქართველოს მასშტაბით, ყველა 18 წლამდე ასაკის ფენილკეტონურიის მქონე პირი განცხადების საფუძველზე ჩაერთვება პროგრამაში და ისარგებლებს ყოველთვიური 200 ლარიანი ვაუჩერით. ვაუჩერის საფუძველზე ბენეფიციარს საშუალება მიეცემა კონკრეტულ კვების ობიექტებში, სადაც ფენილკეტონურიის მქონე პაციენტებისთვის განკუთვნილი საკვები იყიდება, სასურველი საკვები შეიძინოს. განვმარტავ, რომ ფენილკეტონურია - ეს არის იშვიათი გენეტიკური დაავადება, რომელსაც ხშირად ნივთიერებათა ცვლის დარღვევასაც უწოდებენ. ამ დიაგნოზის მქონე პაციენტებს ცილების გადამუშავების ფუნქცია არ აქვთ, ამიტომ მათი რაციონი მკაცრად შეზღუდულია. ისინი მთელი ცხოვრების განმავლობაში საჭიროებენ დიეტას და მათი კვების რაციონიდან ცილოვანი საკვები სრულად ამოღებულია. სტუმარი: ია მგალობლიშვილი - „საქართველოს მშობელთა ასოციაცია ფენილკეტონურიისთვის“ დამფუძნებელი; #ქალებისნარატივი ლიკა მეგუთნიშვილთან ერთად; #ახალიამბები #BusinessMediaGeorgia
სამშობლოს პეიზაჟი - ასე ჰქვია ახალგაზრდა ქართველი ხელოვანის, თეკლა მელაძის ნახატს, რომელიც 27 იანვარს, არც მეტი არც ნაკლები შაპიროს აუქციონზე გაიყიდება. თეკლა მელაძე კი არის გოგო, რომელმაც ქართული და საერთაშორისო პრესა ერთდროულად აალაპარაკა და ჯერ კიდევ 18 წლის ასაკში ხელოვნებაში სრულიად ახალი მიმდინარეობა - მონოტონიზმი შექმნა. დაიწყო ერთ ოქროსფერში ხატვა და დაამკვიდრა უნიკალური სტილი, რომელმაც ხელოვნებათმცოდნეები სრულად აღაფრთოვანა. სტუმარი: თეკლა მელაძე - მხატვარი; #ქალებისნარატივი ლიკა მეგუთნიშვილთან ერთად; #ახალიამბები #BusinessMediaGeorgia
განტვირთვის, დასვენების, კომფორტის, ან სულაც ეფექტიანი სამუშაო პროცესისთვის სახლისა თუ ოფისის ინტერიერში ავეჯს განსაკუთრებული როლი აკისრია და შესაბამისად, მნიშვნელოვანია, მისი სწორად არჩევაც უმნიშვნელოვანესი საკითხია. ხშირად შესაძლოა, შოურუმებში არსებულმა ან ინტერნეტსივრცეში ნანახმა ვარიანტი მაინცდამაინც არ მოგვწონდეს და გვინდოდეს რაღაც სრულიად განსხვავებული გვქონდეს, ისეთი, როგორიც ჩვენს წარმოდგენაში იქმნება. სწორედ მომხმარებლის წარმოსახვისა და ჩანაფიქრის რეალობად ქცევის მიზნით, წლების წინ ნანიკო ქავთარაძემ შექმნა ავეჯის ბრენდი NK Design Studio - რომელიც მომხმარებელს მისთვის სასურველი ავეჯის დამზადებას სთავაზობს. სტუმარი: ნანიკო ქავთარაძე - NK DESIGN STUDIO-ს დამფუძნებელი; #ქალებისნარატივი ლიკა მეგუთნიშვილთან ერთად; #ახალიამბები #BusinessMediaGeorgia
მესტუმრე - ასე ჰქვია პროექტს, რომელიც მაკ ჯორჯიას მიერ განხორციელებულ პროექტს, რომელიც პანსიონებში მცხოვრებ ხანდაზმულებთან ახალგაზრდების სოციალურ ინტეგრაციას მოიაზრებს. უფრო კონკრეტულად პროექტი მიზნად ისახავს, კვირაში ერთხელ ერთი საათის განმავლობაში მცხოვრებ მოხუცებს ახალგაზრდებთან რეგულარული სოციალური ინტერაქციისა და საზიამოვნო საქმიანობით დაკავების შესაძლებლობა მისცეს. მოხალისეებს პროექტში ჩართვა და მონაწილეობა როგორც ფიზიკურახ, ისე ონლაინ ფორმატში შეუძლიათ. სტუმარი: ელენე ბერაძე - “მესტუმრეს” პროექტის მენეჯერი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ზამთარი საქართველოში სეზონური ვირუსების გავრცელებისთვის აქტიური დროა. ის ყოველწლიურად აქტიურდება და ათასობით ადამიანს აავადებს. მაღალი სიცხე, სისუსტე, თავისა და სახსრების ტკივილი - ვირუსით გამოწვეული დაავადებების სიმპტომებს ბოლო პერიოდში სულ უფრო მეტი ადამიანი უჩივის. რომელი ვირუსები ცირკულირებს ამჟამად ქვეყანაში, რა საფრთხის შემცველია თითოეული მათგანი, რას უნდა მივაქციოთ ყურადღება და არსებობს თუ არა ამ ვირუსებისგან თავის დაცვის გზა? სტუმარი: მაია ჩხაიძე - “ი.ციციშვილის სახელობის ბავშვთა კლინიკის“ სამედიცინო დირექტორი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
2022 წელს, მაკო იმედაშვილი, ჰობი ბიზნესად აქცია და შექმნა ბრენდი - მულინე, რომელიც ბაზარს ქართული თემატიკიდან დაწყებული, თანამედროვე ელემენტებით დასრულებული, შარფების ფართო არჩევანს სთავაზობს, თუმცა, ბრენდის ბიზნესსაქმიანობა მხოლოდ შარფების შექმნით არ შემოიფარგლება და პორტფელი არაერთ სხვა აქსესუარსაც მოიცავს - თითოეული მათგანს კი უნიკალური ხელწერა, ხასხასა ფერები და ხარისხი გამოარჩევს. სტუმარი: მაკო იმედაშვილი - “მულინეს” დამფუძნებელი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ფაქტს, რომ ქართული საიუველირო ხელოვნება რომ განსაკუთრებული და გამორჩეულია, არაერთი ჩვენამდე მოღწეული სამუზეუმო ექსპოზიცია თუ არტეფაქტი ადასტურებს. ამ უძველესი ტრადიციების თანამედროვეობაში გაცოცხლება და 21-ე საუკუნის სტილთან მორგება კომპანია „ცვარამ" განიზრახა, რომელიც ავთენტური ხასიათის გამორჩეულ სამკაულს გვთავაზობს. იმ შედეგების მიღმა კი, რომელიც დღეს კომპანიის ანგარიშზეა, საკმაოდ ხანგრძლივი კვლევის, მუშაობისა და ანტიკური საიუველირო ტექნოლოგიების აღდგენის შრომატევადი პროცესი დგას. როგორ დაიწყო და ვითარდება ქართული ბიზნესის ისტორია, ამბებს მისი საოპერაციო დირექტორისგან? სტუმარი: მეგი ჩიხრაძე - “ცვარას” საოპერაციო მენეჯერი; #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
პარმა ხელნაკეთი ჩანთების ბრენდია, რომელიც ბაზარზე მომხმარებლის წინაშე პირველი პროდუქტით 2020 წელს წარსდგა. კომპანიისთვის ახალი მიზნების დასახვის წელი აღმოჩნდა 2023. გასულ წელს პარმამ განვითარების ახალი სტარტეგია დასახა და ახალ ეტაპზე გადავიდა. რა სიახლეები აქვს ბრენს და როგორი იყო პარმასთვის 2023? სტუმარი: მარიამ გოგსაძე - “პარმას” დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მისის პიანო ნიუ-იორკიდან სტუმარი: მანანა მამულაიშვილი - მუსიკოსი, მომღერალი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
მიუსაფარი ძაღლების პრობლემასთან ერთად, იმატა ადამიანების მიერ, ცხოველებზე ძალადობის შემთხვევებმა. სამწუხაროდ ბოლო რამდენიმე დღეში ძალადობის არაერთი ფაქტი ვხილეთ, შეიძლება ითქვას, რომ სიტუაცია არა თუ სწორდება - არამედ პირიქით უარესდება. როგორ უნდა მოგვარდეს უპირველესად ცხოველთა ძალადობის, შემდგომ კი მიუსაფარი ცხოველების პრობლემა? სტუმარი: მარიამ ჩხიკვიშვილი - „საქართველოს წვრილი ცხოველების ვეტერინართა ასოციაციის“ პრეზიდენტი #ქალებისნარატივი მარიამ იზორიასთან ერთად; #ახალიამბები #BusinessMediaGeorgia
2021 წელს ორგანიზაცია “ეკოცენტრი” დაარსდა, რომლის საქმიანობაც რუსთავში ატმოსფერული ჰაერის ხარისხის გაუმჯობესება და გარემოსდაცვითი საკითხების პოპულარიზაციაა. მისი შემოქმედი - თინათინ მაღედანი სამოქალაქო მოძრაობის „გავიგუდეთ“ ხელმძღვანელია. 2023 წელს მნიშვნელოვანი აღიარება მოიპოვეს. "ეკო ცენტრი" და "გავიგუდეთ" საფრანგეთის საელჩოს 2023 წლის ადამიანის უფლებათა პრემიის გამარჯვებული გახდა ჯანმრთელობისა და ჯანსაღი გარემოს უფლების დაცვის მიმართულებით. რას ნიშნავს ეს აღიარება მათთვის, რა პროექტებია დაგეგმილი 2024 წლისთვის? სტუმარი: თინათინ მაღედანი - “ეკო ცენტრის” დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
„ერასმუს პლუსი“ - საზღვარგარეთ განათლების მიღების შესაძლებლობა; სტუმარი: თათია რუსიშვილი - “ერასმუსის სტუდენტური ქსელის” განათლების ოფიცერი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
AMIRBARI – Hospitality & More - სტუმარმასპინძლობის ახლებური ხედვა სტუმარი: ქეთევან ამირბარი - “ამირბარის” დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ბევრი ადამიანი ახალი წლის შვებულებას მოგზაურობაში ატარებს და დღესასწაულებს სხვადასხვა ქვეყანაში ხვდება. ასეთი მოგზაურობის დაგეგმვას მომხმარებელი რამდენიმე თვით ადრეც იწყებს და არჩევანს ფასების, სადღესასწაულო განწყობის, და კიდევ სხვა უამრავი ფაქტორის გათვალისწინებით აკეთებს. რომელი მიმართულებები იყო და არის მოთხოვნადი ქართველი ტურისტებისთვის ამ სეზონზე? სტუმარი: სალომე ბერაია - Pegas Touristik-ის გენერალური დირექტორი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
სამეგრელოში, კერძოდ ზუგდიდში პირველი ღამის კლუბი "ბჟამინოლი" გაიხსნა. რა თქმა უნდა, ეს მეგრული სიტყვაა, რომელიც ნიშნავს ადგილს, საიდანაც მზე შემოდის. როგორც “ბჟამინოლის” შემოქმედები ამბობენ ეს არის სივრცე, რომელიც სიახლეს და ნათელ აზრებს შემოიტანს. სტუმარი: ცაბუნია ვართაგავა - კლუბი “ბჟამინოლის” დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
რამდენიმე წლის წინ, ცოლ-ქმარმა გადაწყვიტეს დაემუშავებინათ მიწა, რომელიც ფაფრის მიკროზონაში მემკვიდრეობით ერგოთ. აღმოჩნდა, რომ აქ საუკეთესო ხარისხის საფერავი იზრდება, ეს გახდა მთავარი მოტივაცია “ექიმის ბიო-მარნის” შექმნის. რა გზა გაიარეს პირველ ბოთლამდე, რა წარმატებები დაგროვდა ამ დროისთვის? სტუმარი: მარინა კაკიაშვილ-რუაძე - “ექიმის ბიო-მარნის” დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
შინაურ ცხოველებს რომ სწორი მოვლა სჭირდებათ ამაზე ყველა ვთანხმდებით, თუმცა ძალიან ბევრმა, მათ შორის შინაური ცხოველების პატრონებმა არ ვიცით, თუ რაში მდგომარეობს, რას ნიშნავს, სწორი მოვლა პატრონობა. სწორედ ამ მიზნით და პასუხისმგებლობით, შეიქმნა Modern Dog Resort მოდერნ დოგ რეზორტი - უსაფრთხო მხიარული და მულტიფუნქციონალური სივრცე ჩვენი ოთხფეხა მეგობრებისთვის. სტუმარი: თაკო გოგიჩაიშვილი - Modern Dog Resort-ის თანადამფუძნებელი; #ქალებისნარატივი მარიამ იზორიასთან ერთად. #ახალიამბები #BusinessMediaGeorgia
მალე მაყურებელი იხილავს ფილმს, დიმიტრი უზნაძის მოღვაწეობის და შრომების პოპულარიზაციის შესახებ. ფილმის მიღმა, დიმიტრი უზნაძის შთამომავალმა გადაწყვიტა შეექმნა სივრცე, სადაც განწყობის თეორიაზე დაფუძნებული პრაქტიკული მოდელების შექმნით ადამიანები დაინახავენ, თუ როგორ არის შესაძლებელი განწყობის თეორიის გამოყენება თანამედროვე ცხოვრებაში. სტუმარი: სალომე ინაძე - დიმიტრი უზნაძის შთამომავალი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ნატურალური კოსმეტიკა საქართველოდან - “პიელ ნატურალსი” სტუმარი: თათუკა ლომაძე - "პიელ ნატურალსის" დამფუძნებელი #ქალებისნარატივი ლიკა მეგუთნიშვილთან და მარიამ იზორიასთან ერთად #ახალიამბები #BusinessMediaGeorgia
"კირკე კერამიკა" - ქართულ მოტივებზე შექმნილი თიხის ნამუშევრები სტუმარი: ნათია ჭიღიტაშვილი - "კირკე კერამიკას" დამფუძნებელი #ქალებისნარატივი ლიკა მეგუთნიშვილთან და მარიამ იზორიასთან ერთად #ახალიამბები #BusinessMediaGeorgia
"კოსმოს" კოსმიური წლის შეჯამება სტუმარი: სოფი მუხულიშვილი - "კოსმოს" დამფუძნებელი; #ქალებისნარატივი მარიამ იზორიასთან ერთა #ახალიამბები #BusinessMediaGeorgia
ხელოვნება როგორც ბიზნესი ნაია გვიმრაძე - ხელოვანი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართული ტრადიციული ლურჯი სუფრის შთაგონებით შექმნილი ბრენდი - “ძველი სუფრა” სტუმარი: თეკლა ერქვანიძე - “ძველი სუფრის” დამფუძნებელი; #ქალებისნარატივი ლიკა მეგუთნიშვილთან ერთად. #ახალიამბები #BusinessMediaGeorgia