ქართული ბრენდი "რექლესი" ქართველმა მომხმარებელმა პირველად 2020 წელს გაიცნო. ეს არის ტანსაცმლის ბრენდი, რომელიც სპეციალურად თინეიჯერებისთვის შეიქმნა და მათ გემოვნებას, სურვილებს, ყოველდღიურ პრობლემებსა თუ ცვალებად განწყობებს ეფუძნება. ბრენდი რომელიც მხოლოდ სამოსს კი არ ქმნის, არამედ ახალი თაობის ცხოვრების სტილისა და მათი ღირებულებების შესახებ ჰყვება მნიშვნელოვან ამბავს. ბრენდის 6-წლიანი განვითარების ისტორია სწორედ ამ იდეებისა და ახალგაზრდული სულისკვეთების გარშემო ერთიანდება, რაც მას თანამედროვე ქართულ ბაზარზე გამორჩეულ ადგილს უმკვიდრებს. სტუმარი: სალომე გველესიანი - RECKLESS, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართული ფეხსაცმლის წარმოების ისტორია მეოცე საუკუნის დასაწყისში გლიკერია ჯანელიძის სახელს უკავშირდება, რომელმაც თბილისში პირველი სახელოსნო-ფაბრიკა გახსნა და საკუთარი გამორჩეული ხელწერით ევროპული აღიარებაც მოიპოვა, რაც 1910-იან წლებში პარიზის გამოფენაზე მიღებული ოქროს მედლით დაგვირგვინდა. ეს საუკუნოვანი ტრადიცია დღეს ახალ სიცოცხლეს იძენს და ბაზარზე ჩნდებიან ბრენდები, რომლებიც ისტორიულ ხარისხს თანამედროვე მხატვრულ ხედვასა და ინდივიდუალიზმს უხამებენ. სწორედ ასეთია ბრენდი „ხუხუა“, რომლის მთავარი სლოგანია „ფეხსაცმელი, რომელიც შეუმჩნეველი არ დარჩება“. არასრული ორი წელია, რაც კომპანია ქართველი მომხმარებლისთვის ხარისხიან, ფერად და განსხვავებულ ფეხსაცმელს ქმნის, რომლის თითოეული დიზაინის უკან პროფესიით მხატვარი დგას. ბრენდის იდეა საქართველოს კუთხეების, განსაკუთრებით კი აფხაზეთის გამორჩეული სილამაზით არის შთაგონებული, რაც მის პროდუქციას კიდევ უფრო ემოციურსა და ავთენტურს ხდის. წარმატებული სტარტიდან სულ მოკლე დროში „ხუხუას“ საერთაშორისო ბაზარზე გასვლის გეგმებიც ჰქონდა. სტუმარი: ნათია ლატარია - “ხუხუა”, ბიზნესის განვითარების მენეჯერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
„გოგორა“ - ეს არის ბრენდი, სადაც ბავშვებზე ზრუნვა და თანამედროვე დიზაინი ერთმანეთს ხვდება. კომპანიის საქმიანობა მხოლოდ მაღალი ხარისხის საბავშვო ავეჯის წარმოებით არ შემოიფარგლება; ეს არის სოციალური მისია, რომელიც მიზნად ისახავს ქვეყანაში ბავშვის განვითარებაზე ორიენტირებული გარემოს შექმნასა და ამ მიმართულებით ცნობიერების ამაღლებას. „გოგორას“ თითოეული ნივთი პატარების შემეცნებითი და ფიზიკური ზრდისთვის იქმნება, რაც მათ ყოველდღიურობას უფრო საინტერესოსა და უსაფრთხოს ხდის. სტუმარი: ნინო რაზმაძე - "გოგორა", დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Proxima Solutions-ი 11-წლიანი გამოცდილების მქონე ERP-სისტემების დეველოპერული კომპანიაა. Proxima-ს სერვისების პორტფელშია, როგორც სამუშაო პროცესების მართვის სისტემების დანერგვა, ასევე მობილური აპლიკაციების დეველოპმენტი, მონაცემთა ანალიზი და ბიზნესისთვის აუცილებელი სხვა სერვისები. Proxima Solutions-ი საქართველოში ორი დიდი დასავლური კომპანიის - Microsoft-ის და Odoo-ს პარტნიორია… როგორ ეხმარება Proxima ქართულ კომპანიებს და რა საინტერესო გადაწყვეტებს სთავაზობს ის Odoo-ს პლატფორმის მეშვეობით? სტუმარი: ნინო კაკაბაძე - Proxima Solutions, odoo-ს პროდუქტის განვითარების ხელმძღვანელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ხელოვნური ინტელექტის დანერგვა სამუშაო გარემოში დღეს არა მხოლოდ ტექნოლოგიური, არამედ ღრმა კულტურული ტრანსფორმაციაა, სადაც ლიდერ პოზიციებს საინფორმაციო ტექნოლოგიების, ფინანსური სექტორისა და მარკეტინგის სფეროები იკავებენ, თუმცა პროცესის ეპიცენტრში სულ უფრო მეტად HR დეპარტამენტები ექცევიან. LinkedIn-ის უახლესი გლობალური კვლევების ანალიზი აჩვენებს, რომ HR პროფესიონალთა 70%-ზე მეტი AI-ს განიხილავს როგორც „ნიჭის მართვის“ რევოლუციურ ინსტრუმენტს, რომელიც მათ საშუალებას აძლევს, რუტინული ადმინისტრირებიდან სტრატეგიულ პარტნიორობაზე გადავიდნენ; კერძოდ, ეიჩარების როლი დღეს ტრანსფორმირდება „ცვლილებების აგენტად“, რომელმაც უნდა უზრუნველყოს თანამშრომელთა გადამზადება (upskilling), ეთიკური ბალანსის დაცვა ალგორითმულ გადაწყვეტილებებსა და ადამიანურ ინტუიციას შორის, და რაც მთავარია, იმგვარი გარემოს შექმნა, სადაც AI არა ადამიანის შემცვლელად, არამედ მისი შესაძლებლობების გამაფართოებელ პარტნიორად აღიქმება. კვლევები ადასტურებს, რომ იმ ორგანიზაციებში, სადაც HR აქტიურად მართავს AI-ს ინტეგრაციის პროცესს და ფოკუსირებულია „მომავლის უნარების“ განვითარებაზე, თანამშრომელთა ჩართულობა და პროდუქტიულობა საგრძნობლად მაღალია, რადგან ტექნოლოგიური პროგრესი აქ არა შიშს, არამედ განვითარების ახალ პერსპექტივას უკავშირდება. რა როლი აქვს სამუშაო პროცესებში ეიაის ჩართულობას და რა ვითარებაა დღეს ამ მიმართულებით საქართველოში? სტუმარი: სალომე ღაჭავა - HRPA-ს აღმასრულებელი დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
„ვაუჩი“ - საჩუქრის ჩუქების ვებ-პლატფორმა როგორია მოთხოვნა wowchy-ზე მოახლოებულ დღესასწაულებთან დაკავშირებით? wowchy – 2025 წლის შეჯამება და სამომავლო გეგმები სტუმარი: თათია ხაინდრავა - “ვაუჩი”, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
პროფესია - სტომატოლოგი; როგორ ვითარდება სტომატოლოგიური დარგი საქართველოში? - რჩევები მომავალ ექიმებს; სტუმრები: ნუცა ზურაბიანი - ექიმი, იმპლანტოლოგი-ორთოპედი ნანა სულაძე - ექიმი, ბავშვთა სტომატოლოგი. #ქალებისნარატივი მარიამ იზორიასთან ერთად #ახალიამბები #BusinessMediaGeorgia
პროფესია - ექიმის - უკან ადამიანები დგანან, ადამიანები, რომლებიც ცდილობენ თავიანთი ცოდნა, ენერგია და მზრუნველობა სხვების ჯანმრთელობასა და სილამაზეს მოახმარონ, პარალელურად კი შეინარჩუნონ ოჯახური ჰარმონია და იყვნენ საუკეთესო მაგალითი შვილებისთვის. სტუმარი: დაკო სუდაძე - დერმატოლოგი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საბავშვო ტანისამოსისა და აქსესუარების მწარმოებელი ბრენდი „უნიკი“ უკვე 6 წელია სტაბილურად იზრდება და სამკერვალოსთან ერთად, ბაზარზე უკვე შოურუმითაც არის წარმოდგენილი. როგორ იქცა ონლაინ-გაყიდვები ბიზნესის მთავარ მამოძრავებელ ძალად და როდის გავა ქართული საბავშვო სამოსი ექსპორტზე? სტუმარი: მაგდა ზაქარიაშვილი - “უნიკი”, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
როგორი იყო თბილისელების ჩაცმულობა საუკუნეების წინ - ანნა მერკვილაძის სამკერვალო #ახალიამბები #BusinessMediaGeorgia
მაღაზიათა ქსელები, ბანკები, სამედიცინო დაწესებულებები თუ სამშენებლო სექტორი ეს იმ ინდუსტრიების მცირე ჩამონათვალია, რომლის ვიზუალურ მხარეზეც კომპანია სტიჩი ზრუნავს. ბრენდი აწარმოებს ნებისმიერი სირთულისა და დანიშნულების უნიფორმებსა და სპეცტანსაცმელს. თუმცა, „სტიჩი“ მხოლოდ სამკერვალო არ არის ,კომპანია მომხმარებელს სთავაზობს სრული ციკლის მომსახურებას: დიზაინის შემუშავებიდან დაწყებული, ეკომეგობრული ბეჭდვითა და ქარგვით დამთავრებული. მათი პორტფელი მოიცავს აქსესუარების დამზადებასაც - იქნება ეს შარფები, დროშები თუ ბრენდირებული ჩანთები. „სტიჩის“ მთავარი ხელწერა, როგორც კომპანიაში აღნიშნავენ, ხარისხი და გუნდური მუშაობაა, რაც საბოლოო ჯამში დამკვეთ კომპანიას ეხმარება, გაზარდოს ცნობადობა და დაიცვას საერთაშორისო სტანდარტები. როგორ ვითარდება ბრენდი და რა მონაგარს ასახავს 2025-ის შედეგები? სტუმარი: ეკა კამკამიძე - "სტიჩი", თანადამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
საქართველოში საქორწინო ტურიზმის პოპულარიზაცია და
საქართველოში საქორწინო ტურიზმის პოპულარიზაციისთვის ტურიზმის ეროვნულმა ადმინისტრაციამ კომპანია VIVAAH WEDDING PARTIES ORGANAZING-ს 592 613 დოლარის ღირებულების ხელშეკრულება გაუფორმა. VIVAAH WEDDING-ი ქორწილების დაგეგმვისა და ორგანიზების წამყვანი კომპანიაა, რომელიც კლიენტებს სთავაზობს ქორწილთან დაკავშირებით ყველა ტიპის მომსახურებას: ადგილის შერჩევას, გადაღებას, საქორწილო დეკორაციებს და სხვა სახის მომსახურებას. ასევე საკმაოდ ფართოა იმ ქვეყნების ჩამონათვალი, სადაც როგორც საიტზე ვკითხულობთ, კომპანია ქორწინების ცერემონიას აორგანიზებს. როგორც ირკვევა, დუბაიში რეგისტრირებული კომპანიისგან ტურიზმის ადმინისტრაცია მარკეტინგულ სარეკლამო მომსახურებას სამ ეტაპად ერთი წლის განმავლობაში მიიღებს. ხელშეკრულების დანართების თანახმად, სარეკლამო ღონისძიებები ძირითად საქორწინო მიმართულებით საქართველოს პოპულარიზებას ეხება. ღონისძიებები დუბაისა და ინდოეთის სამ ქალაქში გაიმართება: მუმბაიში, დელიში და აჰმედაბადში. კიდევ ერთი ღონისძიების ჩატარება იგეგმება დუბაიში. შესყიდვების სააგენტოზე გამოქვეყნებული დოკუმენტის მიხედვით, ხელშეკრულების ღირებულება მოიცავს, როგორც მომსახურების, ასევე ხელშეკრულების შესრულებასთან დაკავშირებით გაწეულ ყველა ხარჯს. აქვე იმასაც შეგახსენებთ, რომ 2025 წელს, ტურიზმის ადმინისტრაციამ ინდურ ბაზარზე ტურიზმის მარკეტინგის წარმართვისთვის 407 ათას დოლარად კომპანია THINKSTRAWBERRIES LUXURY TRAVEL MARKETING PVT-ი დაიქირავა. სტუმარი: ანა კირკიტაძე - OA Global DMC Georgia, დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
იცით თუ არა, რომ მე-19 საუკუნის 80-90-იან წლებში, გორი ნამდვილი სამოთხე იყო ტკბილეულის მოყვარულთათვის? ქალაქში დიდი რაოდენობით და ფართო ასორტიმენტით იყიდებოდა სხვადასხვა სახის კანფეტები, შოკოლადები, კარამელები, კრემიანი ნამცხვრები თუ „კულიჩები“. გორის პირველი კონდიტერები კი სპეციალურად მოწვეული ოსტატები იყვნენ თბილისიდან, რუსეთიდან და საზღვარგარეთიდანაც კი. მათ შორის გამორჩეული იყო ტრაპზონიდან ჩამოსული, სომხური წარმოშობის თურქი - ჟაკ ოვანიანი. მას ჭავჭავაძის ქუჩაზე ჰქონდა პატარა, მაგრამ ძალიან კარგად მოწყობილი საკონდიტრო, რომელსაც მარტივად და ლაკონიურად - „ჟაკი“ ერქვა. რატომ გავიხსენე ეს ისტორია? იმიტომ, რომ ტკბილეულის კეთება მხოლოდ რეცეპტების ცოდნა არ არის, ეს არის ტრადიცია, სტუმარზე ზრუნვა და მუდმივი განვითარება. სწორედ ამ ტრადიციის თანამედროვე გამგრძელებელია ჩვენი დღევანდელი სტუმარი. კომპანია „ტკბილი“ სულ რაღაც 2022 წელს დაარსდა. მათმა ისტორიამ სტარტი ონლაინ სივრცეში აიღო. თუმცა, დიდი შრომისა და უწყვეტი განვითარების შედეგად, დამფუძნებელმა და მისმა გუნდმა შეძლეს, რომ დღეს უკვე საკუთარი საკონდიტროებითა და ორი ფილიალით იყვნენ წარმოდგენილნი. სტუმარი: სალომე ბიწაძე - “ტკბილი”, დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
საქართველოში შაქრის წარმოება ძმებ ზუბალაშვილებთან არის დაკავშირებული. 1837 წლის დასაწყისში ქართველმა მეწარმემ იაკობ ზუბალაშვილმა მიიღო ნებართვა რუსეთის იმპერიის მთავრობისგან შაქრის საწარმოს ასაშენებლად. საწარმოს პირველი შენობა თბილისში აშენდა , კონკრეტულად ვერაზე - პეტრიაშვილის ქუჩაზე, რომელიც ახლა ღვინის ქარხნის ფუნქციას ეწევა. #ახალიამბები #BusinessMediaGeorgia
საქართველოში რამდენიმე თვეა შაქრის ახალი ბრენდი "შაქარი მარგებელი" გამოჩნდა, მისი მწარმოებელი კომპანია ჯანი პლიუსია სადაც აცხადებენ, რომ „შაქარი მარგებელი“ 6-ჯერ ტკბილია, რაც იმას ნიშნავს, რომ მომხმარებელი 6-ჯერ ნაკლებ კალორიას იღებს. კომპანიაში ისიც აღნიშნეს რომ „შაქარი მარგებელის“ უსაფრთხოება და ეფექტიანობა შეისწავლეს თსსუ-ის ფარმაკოლოგიური და სამკურნალო საშუალებების კვლევის ჯგუფმა და თსუ-ის მორფოლოგიის ინსტიტუტმა, რაც საბოლოოდ საქართველოს ჯანდაცვის სამინისტროს მიერ დადასტურდა. რამდენად იზრდება მოთხოვნა შაქარი მარგებელზე და სად იყიდება პროდუქტი? სტუმარი: ია ბახტურიძე - “ჯანი პლიუსის” კომერციული დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
PMC კვლევითი ცენტრის განახლებული სტატისტიკა აჩვენებს, რომ იანვარში სასტუმროებში ფასი წლიურად 9%-ით გაიზარდა - მათი ინფორმაციით წლიურად კი ზრდაა, თუმცა იანვარში საქართველოს სასტუმროს ფასების ინდექსი წინა თვესთან შედარებით, 0.8%-ით არის შემცირებული. სტუმარი: მარიამ ჯაში - PMCG, უმცროსი მკვლევარი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
იანვარში სასტუმროებში ფასი წლიურად 9%-ით გაიზარდა - PMC კვლევითი ცენტრი განახლებულ სტატისტიკას აქვეყნებს. მათი ინფორმაციით წლიურად კი ზრდაა, თუმცა იანვარში საქართველოს სასტუმროს ფასების ინდექსი წინა თვესთან შედარებით, 0.8%-ით არის შემცირებული. PMC კვლევითი ცენტრის ცნობითვე, ყველაზე მაღალი საშუალო ფასი 5-ვარსკვლავიან სასტუმროებზე მცხეთა-მთიანეთში - 1016 ლარი, თბილისში - 535 ლარი და კახეთში - 518 ლარი იყო. კახეთში პრემიუმ კლასის სასტუმრო ბოდბე, 2024 წელს გაიხსნა. ბოდბე 130ზე მეტ ნომერს - სპა და ფიტნეს ცენტრებს, ღია და გარე აუზებს, ღვინის ბარს, მარანს, მაღალი კლასის რესტორანს, ლაუნჯ ბარს 360 გრადუსიანი ხედით და საკონფერენციო დარბაზს აერთიანებს. ჩვენი დღევანდელი სტუმარი ქეთი ბახტურიძეა, ის ბოდბეს მარკეტინგის მიმართულებას ხელმძღვანელობს, აქვე გეტყვით, რომ მას მარკეტინგისა და კომუნიკაციების სფეროში 15-წლიანი გამოცდილება. მისი პროფესიული პორტფოლიო აერთიანებს როგორც ადგილობრივ, ისე საერთაშორისო ბაზრებს , მათ შორის სრულიად განსხვავებულ ინდუსტრიებში - იქნება ეს F&B, ხელოვნება, წარმოება, ელექტრონული კომერცია თუ ღვინის სექტორი. სტუმარი: ქეთი ბახტურიძე - “ბოდბე”, მარკეტინგის ხელმძღვანელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
PMC კვლევითი ცენტრის უახლესი მონაცემები საქართველოს სასტუმრო სექტორში საინტერესო, არაერთგვაროვან დინამიკაზე მიუთითებს. 2026 წლის იანვარში ფასების საერთო ინდექსი წინა თვესთან შედარებით მცირედით შემცირდა, თუმცა წლიურ ჭრილში სურათი რადიკალურად განსხვავებულია და თითქმის 9%-იანი ზრდა ფიქსირდება. საგულისხმოა კონტრასტი სეგმენტებს შორისაც: სანამ ბრენდირებულ და მაღალი კლასის სასტუმროებში ღირებულების კლება შეინიშნება, საოჯახო ტიპის განთავსების ობიექტებში ფასები, პირიქით, იზრდება. ამასთან, ყველაზე მაღალი ღირებულება 5-ვარსკვლავიან სეგმენტში კვლავ მცხეთა-მთიანეთში ნარჩუნდება, სადაც ნომრის ფასი საშუალოდ 1000 ლარს აჭარბებს. Best Western Premier Batumi 14 სართულისგან შემდგარი 5 ვარსკვლავიანი სასტუმროა, რომელიც ბათუმში, ზურაბ გორგილაძის ქუჩაზე მდებარეობს. 100-ზე მეტი ნომერი, სპა, საცურაო აუზი, რესტორნები. როგორია სასტუმრო სექტორში არსებულ ვითარება? სტუმარი: თამარ მაზიაშვილი - Best Western Premier Batumi დირექტორი და გენერალური მენეჯერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
1872 წელს თბილისში საპნისა და სანთლების ქარხანა გაიხსნა. მისი მფლობელი ანა ტოლე - გრინერი იყო. საწარმოში ქარხნული წესით ამზადებდნენ საპონს და სტეარინის სანთლებს. 1880 წელს ქარხანაში 600 ფუთი სტეარინის სანთელი და 15 000 ფუთი საპონი დამზადდა. ხელნაკეთი სანთლების დამზადების წესს და ისტორიას დღეს ქართველი მეწარმეებიც აგრძელებენ და ბოლო წლების ჭრილში არაერთი, ახალი, ორიგინალური კომპანიაც გაჩნდა, მათგან ერთ-ერთი GlowcandleGeo-ა, ეს არის კომპანია, რომელიც დეკორატიულ სურნელოვან სანთლებს ქმნის. როგორია კომპანიის ისტორია, განვითარება და გეგმები? სტუმარი: ნანუკა ქობულაძე - GlowcandleGeo-ს დამფუძნებელი; #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართული ხელნაკეთი პროდუქციის მრავალფეროვნებასა და ბუნებრიობაზე საუბრისას, გვერდს ვერ ავუვლით ბრენდს „კუმპიტო“, რომელიც ბაზარზე 2020 წელს გამოჩნდა და ამ ინდუსტრიაში მალევე დაიკავა საკუთარი ნიშა. ეს არის კომპანია, რომელიც მომხმარებელს ნატურალური ინგრედიენტებისგან დამზადებულ, უმაღლესი ხარისხის საპნებსა და თავის მოვლის საშუალებების ფართო ასორტიმენტს სთავაზობს. ბრენდი აქტიურ კომუნიკაციას ინარჩუნებს მომხმარებელთან და მუდმივად მონაწილეობს სხვადასხვა თემატურ გამოფენა-გაყიდვებში, რაც კიდევ უფრო უსვამს ხაზს მათ მზარდ ცნობადობასა და განვითარებას. სტუმარი: ნინო გუნია - “კუმპიტოს” დამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ქართული სოციალური საწარმო „გახდი ჩემი მეგობარი“ ამტკიცებს, რომ ბიზნესი შეიძლება იყოს ორიენტირებული არა მხოლოდ მოგებაზე, არამედ ადამიანების გაძლიერებაზე. ეს არის სივრცე, სადაც ფუნქციონირებს სახელოსნო და იქ დასაქმებული შეზღუდული შესაძლებლობის მქონე პირები საკუთარი ხელით ქმნიან გამორჩეული დიზაინის სანთლებსა და სხვა ხელნაკეთ ნივთებს. სტუმარი: ლია ასანიშვილი - სოციალური თერაპევტი, სანთლების სახელოსნოს ხელმძღვანელი, კავშირის გამგეობის წევრი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
1821 წლის სამ თებერვალს ელიზაბეთ ბლეკუელი დაიბადა, ის იყო პირველი ამერიკელი მედიკოსი ქალი, რომელმაც მიიღო სამედიცინო ხარისხი აშშ-ში. ის ასევე გახლდათ ქალთა სამედიცინო განათლების პიონერი, სოციალური და მორალური რეფორმატორი აშშ-სა და ბრიტანეთში. #ახალიამბები #BusinessMediaGeorgia
ყველის წარმოების მრავალსაუკუნოვანი ისტორია დღეს ახალ სიცოცხლეს პოულობს იმ ახალგაზრდა მეწარმეებთან, რომლებიც ტრადიციასა და კრეატივს ერთმანეთს სრულყოფილად უხამებენ. სწორედ ასეთი ამბავია „ჩიზუკა“ - ბრენდი, რომლის ფესვებიც ჯერ კიდევ 1996 წელს, წალკის რაიონის სოფელ სანთაში დაწყებულ საოჯახო ბიზნესს უკავშირდება. თითქმის სამი ათწლეულის წინ დათესილი მარცვალი დღეს უკვე თანამედროვე, ინოვაციურ წარმოებად იქცა, რომელიც ქართულ ბაზარზე დამოუკიდებლად მეორე წელია ოპერირებს და მომხმარებელს არა მხოლოდ კლასიკურ გემოებს, არამედ სრულიად უნიკალურ, ფერად ყველს სთავაზობს. „ჩიზუკას“ წარმატების ფორმულა საკუთარ ფერმასა და ადგილობრივ ფერმერებთან მჭიდრო თანამშრომლობაშია, რაც ნედლეულის უმაღლეს ხარისხს განაპირობებს. განსაკუთრებული აღნიშვნის ღირსია ბრენდის გამბედაობა და მუდმივი ძიების პროცესი - მათ უკვე მოახერხეს ბაზრის გაოცება ვიზუალურად და გემოვნურად გამორჩეული პროდუქციით, ახლა კი კიდევ ერთ ექსპერიმენტულ სიახლეს, იასამნისფერი ლავანდას ყველს წარადგენენ. სტუმარი: ვიკა იობიძე - "ჩიზუკა", თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ყველაფერი 1815 წელს, 3 თებერვალს, შვეიცარიაში დაიწყო, როდესაც პირველი კომერციული ყველის ქარხნის გახსნამ სამუდამოდ შეცვალა რძის პროდუქტების ინდუსტრია და საფუძველი ჩაუყარა იმ ლეგენდარულ ხარისხს, რომლითაც ეს ქვეყანა დღემდე ამაყობს. შვეიცარიული ყველის ისტორია სათავეს ალპების მაღალმთიან საძოვრებზე, ადგილობრივი ფერმერებისა და ბერებისგან იღებს, რომლებიც ჯერ კიდევ შუა საუკუნეებში რძის შენახვის უნიკალურ გზებს ეძებდნენ და პირველ "მაგარ ყველს" ამზადებდნენ. მას შემდეგ, რაც 1815 წელს იოჰან ემანუელ ეფინგერმა ბერნის კანტონში პირველი კომერციული საწარმო გახსნა, ამ პროდუქტმა ლოკალური მეურნეობებიდან გლობალურ ბაზრებზე გადაინაცვლა. მე-19 საუკუნეში შვეიცარიელმა ემიგრანტებმა თავიანთი ცოდნა და ტექნოლოგია ამერიკაში, რუსეთსა და აღმოსავლეთ ევროპაში გაავრცელეს, რამაც საფუძველი ჩაუყარა ყველის წარმოების დღევანდელ გლობალურ მასშტაბებს. ორსაუკუნოვანი განვითარების შემდეგ, თანამედროვე ყველის წარმოება უკვე გასცდა მხოლოდ ტრადიციული რეცეპტების ჩარჩოებს და მაღალტექნოლოგიურ, ზუსტ მეცნიერებად იქცა, სადაც გადამწყვეტი მნიშვნელობა ენიჭება როგორც ნედლეულის ხარისხს, ისე უსაფრთხოების სტანდარტებსა და პროფესიულ განათლებას. დღეს მსოფლიო ტენდენცია სწორედ "ფერმიდან სუფრამდე" ჯაჭვის სრულ კონტროლსა და ეკოლოგიურად სუფთა, პრემიუმ კლასის პროდუქციის შექმნას გულისხმობს. სწორედ ამ მრავალსაუკუნოვანი შვეიცარიული გამოცდილებისა და თანამედროვე სტანდარტების საქართველოში დანერგვის საუკეთესო მაგალითია დმანისში მდებარე „შვეიცარიული აგრარული სკოლა კავკასია“, რომელსაც ჩვენი სტუმარი ხელმძღვანელობს. სასიამოვნოა, რომ 2021 წელს განხორციელებული 13-მილიონიანი ინვესტიციის შედეგად, საქართველოში გაჩნდა სივრცე, რომელიც ერთდროულად აერთიანებს თანამედროვე ფერმას, ყველის ქარხანასა და რაც მთავარია, სასწავლო შენობას ახალი თაობის პროფესიონალებისთვის. სტუმარი: თინა მახარაძე - შვეიცარიული სკოლა "კავკასია", დირექტორი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
თანამედროვე სამყაროში ტექნოლოგიების ათვისება კომპანიებისთვის უკვე აღარ არის მხოლოდ არჩევანი, ეს გადარჩენისა და განვითარების აუცილებელი პირობაა, რადგან გლობალური ტენდენციები ცხადყოფს, რომ ბიზნესები სულ უფრო აქტიურად ნერგავენ ციფრულ გადაწყვეტებს ეფექტიანობისა და კონკურენტუნარიანობის ზრდისთვის. ტექნოლოგიებს აქვს უნიკალური ძალა, გაათანაბროს შესაძლებლობები, შეამციროს უთანასწორობა, წაშალოს გეოგრაფიული საზღვრები და დაანგრიოს ის სტერეოტიპი, რომელიც პროფესიებს გენდერული ნიშნით ყოფს, რადგან საქართველოში ეს სფერო ჯერ კიდევ ხშირად აღიქმება „კაცების საქმედ“. სწორედ ამ ბარიერების მსხვრევას ახერხებს ჩვენი დღევანდელი სტუმარი, „ტექნოლოგიების ევანგელისტი“ ნინუცა ნანიტაშვილი, რომლის მთავარი მიზანია საზოგადოება დაუმეგობრდეს თანამედროვე ტექნოლოგიებს და ეკონომიკამ ამისგან მაქსიმალური სარგებელი მიიღოს. ნინუცა, რომელიც გუგლის გუნდთან ერთად საქართველოდან დისტანციურად მუშაობს და მთელ ევროპას ფარავს, ქმნის პროგრამებსა და აქსელერატორებს ასობით სტარტაპისა თუ დამფუძნებლისთვის? სტუმარი: ნინუცა ნანიტაშვილი - ტექნოლოგიების ევანგელისტი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Global Tech Weekend ყველაზე მასშტაბური დეცენტრალიზებული ტექნოლოგიური მოძრაობა და კავკასიასა თუ ცენტრალურ აზიაში ინოვაციების ქალაქგაფართოებული ფესტივალების სერიაა. გლობალური ინოვაციების რუკაზე კავკასიისა და ცენტრალური აზიის რეგიონების მონიშვნისა და მათი ერთმანეთთან დაკავშირების ხედვით, აღნიშნული მოძრაობა 2024 წელს ლოს-ანჯელესში დაარსდა. დაარსებიდან სულ რაღაც ერთ წელიწადში, GTW-ი იდეების, კაპიტალისა და კრეატიულობის გამაერთიანებელ მძლავრ პლატფორმად იქცა. ტრადიციული კონფერენციებისგან განსხვავებით, GTW მასპინძელ ქალაქებს ცოცხალ ინოვაციურ ეკოსისტემებად გარდაქმნის. გამორჩეულმა ღონისძიებამ საქართველოს კარი პირველად გასულ წელს შეაღო. 2025 წელს თბილისში Global Tech Weekend Tbilisi-ის რეკორდული დებიუტის შემდეგ, სადაც 17 ქვეყნიდან 10,000-ზე მეტი დამსწრე, 120 სპიკერი, 130 სპონსორი და 70-ზე მეტი ინვესტორი შეიკრიბა, პროექტი მასშტაბებს კიდევ უფრო ზრდის. 2026 წელს GTW საკუთარ უნიკალურ დეცენტრალიზებულ მოდელს ტაშკენტში (აპრილი), თბილისსა (ივნისი) და ბაქოში (ოქტომბერი) განახორციელებს. აღნიშნულ ტრილოგიას კი, 23-27 მარტს, სან-ფრანცისკოს ბიზნეს კვირეული საზეიმოდ გახსნის. სტუმარი: მარიამ ჭიკაძე - Global Tech Weekend Tbilisi-ის მარკეტინგის ხელმძღვანელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
Helio AI-იმ უზბეკეთში ოფიციალური წარმომადგენლობა გახსნა Helio AI 2025 წელს აჯამებს - რა გეგმები აქვს სტარტაპს სამომავლოდ? სტუმარი: ნინი მოსიაშვილი - Helio AI, თანადამფუძნებელი #ქალებისნარატივი მარიამ იზორიასთან ერთად #ახალიამბები #BusinessMediaGeorgia
ეკატერინე ჯანდიერი - პირველი ქართველი აგრონომი ქალი #ახალიამბები #BusinessMediaGeorgia
✔️ ქალების როლი კლიმატმედეგ და კლიმატგონივრულ აგროსექტორსა და ბიზნესში ✔️ “საქართველოს ფერმერთა ასოციაცია” - 2025 წლის შეჯამება და სამომავლო გეგმები სტუმარი: ნათია გელაშვილი - “საქართველოს ფერმერთა ასოციაცია”, ანალიტიკისა და კვლევის დეპარტამენტის ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
„სუხიშვილები კარნეგი ჰოლში“ - კულტურის გამორჩეული ბრენდების ეს სინერგია და სიტყვათა შეთანხმება სრულიად საკმარისია იმის წარმოსადგენად, თუ რა მასშტაბის მოვლენასთან გვქონდა საქმე. სუსხიანი იანვრის საღამოს კარნეგი ჰოლის სცენა ქართული ქორეოგრაფიის ენერგიით დაიფარა, თუმცა სცენის მიღმა არსებობდა მეორე, უხილავი და უმნიშვნელოვანესი მხარე - ორგანიზება.ღონისძიება, რომელმაც 2700-მდე სტუმარს, მათ შორის, მსოფლიო კულტურული ელიტის გამორჩეულ წარმომადგენლებს, დიპლომატიურ კორპუსსა და ბიზნეს-ლიდერებს უმასპინძლა, კარნეგი ჰოლს კულტურათაშორისო დიალოგის გადაკვეთის წერტილად აქცია. სწორედ ეს იყო ღონისძიების ორგანიზატორის, „ემოლას ქორფორეიშენის“ მთავარი მიზანიც.„ემოლას ქორფორეიშენი“ ამერიკაში დაფუძნებული კომპანიაა, რომელიც ფაქტობრივად ხიდს წარმოადგენს შემოქმედებით ინდუსტრიებს, დიპლომატიურ ინსტიტუტებსა და გლობალურ აუდიტორიას შორის. კომპანია, რომლის დამფუძნებელსაც, სალომე ლილუაშვილი-პარქსს, საქართველოში ყველაზე რეიტინგული მეგა-შოუების კეთების მრავალწლიანი გამოცდილება აქვს, დღეს უკვე ოკეანის მიღმა ქართული კულტურის ექსპორტს უდგს სათავეში. მისი მისიაა, აჩვენოს ევროპული და ქართული კულტურული მემკვიდრეობა თანამედროვე ხედვით და პროექტების სრული ციკლი მართოს - იდეიდან საერთაშორისო აღიარებამდე. სტუმარი: სალომე ლილუაშვილი - პარკსი - Emolas Corporation, დამფუძნებელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
17 იანვარს მანჰეტენის შუაგულში, მე-7 ავენიუსა და 57-ე ქუჩის გადაკვეთაზე ისტორია დაიწერა. ზუსტად იქ, სადაც 135 წელია მსოფლიო ლეგენდები იქმნებიან - სადაც თავის დროზე „ბითლზი“, ლუი არმსტრონგი და მარია კალასი იდგნენ - ქართული ნაციონალური ბალეტი „სუხიშვილები“ წარსდგა. კარნეგი ჰოლის ტრიუმფი იყო ლოგიკური გაგრძელება იმ გზის, რომელიც სუხიშვილებმა 1945 წლიდან გაკვალეს. სწორედ მაშინ, ილიკო სუხიშვილმა და ნინო რამიშვილმა დააფუძნეს საქართველოს პირველი პროფესიონალური სახელმწიფო ანსამბლი და საფუძველი ჩაუყარეს ბრენდს, რომელმაც დროს ნამდვილად გაუსწრო. რიცხვები, რომლებიც ამ სახელის უკან დგას, ნებისმიერი ბიზნესისთვის საოცნებოა: 500-ზე მეტი საერთაშორისო ტურნე, ხუთი კონტინენტი, 90-ზე მეტი ქვეყანა და 10 000-ზე მეტი კონცერტი, რომელსაც ჯამში 50 მილიონზე მეტი მაყურებელი დაესწრო. ამავდროულად, „სუხიშვილები“ გახდა პირველი ფოლკლორული ანსამბლი მსოფლიოში, რომელსაც ლა სკალას დიდებულმა სცენამ უმასპინძლა, სხვადასხვა დროს კი ოვაციებით შეეგებნენ როიალ ალბერტ ჰოლში, მეტროპოლიტენ ოპერასა თუ მედისონ სკვერ გარდენში. დღეს, დაარსებიდან რვა ათწლეულის შემდეგ, ამ უზარმაზარ მემკვიდრეობას და გლობალურ ბრენდს უკვე მესამე თაობა უძღვება. სწორედ მათ ხელში შეიძინა ანსამბლმა ახალი სიცოცხლე - ტრადიციული ქორეოგრაფიისა და თამამი, თანამედროვე ექსპერიმენტების სინთეზით, რაც ბრენდის სიცოცხლისუნარიანობის მთავარი ფორმულა აღმოჩნდა. სწორედ ამ სწორი მენეჯმენტის შედეგია კარნეგი ჰოლის ანშლაგიც, რომლის ორგანიზება და ქართული კულტურის ექსპორტი ამერიკულ ბაზარზე „ემოლას ქორფორეიშენმა“ უზრუნველყო. დღეს „ქალების ნარატივში“ ვისაუბრებთ იმაზე, თუ როგორ იმართება ლეგენდა. განვიხილავთ კარნეგი ჰოლის ემოციებს, 80-წლიან ისტორიას და ცხადია, თბილისში, 9-10 თებერვალს დაგეგმილ კონცერტებს. სტუმარი: ნინო სუხიშვილი - ანსამბლი "სუხიშვილები", სამხატვრო ხელმძღვანელი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
ტრადიციული ბანკინგის ტრანსფორმაციაზე საუბრისას, შეუძლებელია არ ვახსენოთ ის ძალა, რომელიც დღეს თამაშის წესებს ცვლის - ეს არის ფინტექი. თუ გლობალური ბანკები ადაპტაციას ცდილობენ, ტექნოლოგიური კომპანიები პირდაპირ ქმნიან ახალ რეალობას. სწორედ ასეთია საერთაშორისო კომპანია Moka United, რომელიც ფინანსურ-ტექნოლოგიურ სერვისებს დიდ ბრიტანეთს, რუმინეთს, აზერბაიჯანს, უზბეკეთს, თურქეთსა და, რაც მთავარია, საქართველოს აწვდის. მათი პორტფელი სრულად ფარავს ციფრული ეკოსისტემის საჭიროებებს: დაწყებული საერთაშორისო ფულადი გზავნილებითა და ჭკვიანი სეიფებით, დასრულებული ციფრული საფულეებითა და გადახდების Smart ყუთებით. რა ხერხებით ცდილობს კომპანია ციფრული ფინანსების უზარმაზარ სამყაროში პოზიციების გაძლიერებას და ზოგადად, რა პერსპექტივები აქვს ქართულ ფინტექ ბაზარს? სტუმარი: ნინო ჭედია - Moka United Georgia-ს გენერალური დირექტორი #ქალებისნარატივი ლიკა მეგუთნიშვილთან ერთად #ახალიამბები #BusinessMediaGeorgia
მასშტაბის მართვის ხელოვნება - ინტერვიუ ნონა ონიანთან/ „სილქ როუდ ჯგუფის“ ფინანსური დირექტორი
საერთაშორისო საკონსულტაციო ორგანიზაციის, Grand View Research-ის უახლესი მონაცემებით, (plastikuri qirurgia- kadrebi envato.) ესთეტიკური მედიცინის მსოფლიო ბაზრის მოცულობამ უკვე 112 მილიარდ დოლარს გადააჭარბა, ხოლო 2026 წლისთვის, არსებული 10%-იანი ზრდის ტემპით, ეს ციფრი 140 მილიარდიან ნიშნულს მიუახლოვდება. სტატისტიკა აჩვენებს, რომ პლასტიკური ქირურგია ფუფუნების საგნიდან პრაგმატულ ეკონომიკურ სექტორად ტრანსფორმირდა. მსოფლიო ტენდენციას სრულად იზიარებს და იმეორებს საქართველოც. რიცხვებში ასახული შედეგები ადასტურებს, რომ პლასტიკური ქირურგია, როგორც ბიზნესი, ქვეყანაში უკვე შემდგარია. ადგილობრივი ბაზრის ფასწარმოქმნა საკმაოდ კომპლექსურია და ის პროცედურის სირთულესა და გამოყენებულ მასალებზეა დამოკიდებული - ოპერაციების ღირებულება საშუალოდ 2-3 ათასი ლარიდან იწყება და რთული სარეკონსტრუქციო ჩარევების დროს 50 000 ლარსაც კი აჭარბებს. მართალია, ლოკალური მომხმარებლისთვის ეს სეგმენტი დაბალბიუჯეტურად არ ითვლება, თუმცა გლობალურ ჭრილში სწორედ ფასი ქმნის საქართველოს მთავარ კონკურენტულ უპირატესობას. ევროპისა და ამერიკის შეერთებულ შტატებთან შედარებით, საქართველოში მაღალი ხარისხის სერვისის მიღება 4-ჯერ ან 5-ჯერ ნაკლებ ფასადაა შესაძლებელი. სწორედ საფასო სხვაობა აჩენს სამედიცინო ტურიზმის განვითარების უზარმაზარ პერსპექტივას, თუმცა, როგორც სფეროს წარმომადგენლები განმარტავენ, ეს პოტენციალი ქვეყანაში ჯერ კიდევ აუთვისებელია. მათივე მოსაზრებით, უცხოელი პაციენტების მზარდი ნაკადის მიუხედავად, დარგის გლობალურ მოთამაშედ ჩამოყალიბებას კერძო სექტორს, ტურისტულ კომპანიებსა და სახელმწიფოს შორის გაცილებით მჭიდრო კოორდინაცია სჭირდება. ექსპერტების შეფასებით, თუ მომხმარებელთა ზრდის ტემპი შენარჩუნდება, მომდევნო წლებში საქართველოს აქვს რეალური შანსი, პლასტიკური ქირურგიის მსოფლიო რუკაზე ანგარიშგასაწევ ძალად პოზიციონირდეს. როგორ უნდა ვაქციოთ ეს პოტენციალი სისტემურ ეკონომიკურ შედეგად და რა გამოწვევების წინაშე დგას დღეს ქართული ესთეტიკური მედიცინა? სტუმარი: სალომე სვანაძე - "ჟორდანიას სამედიცინო ცენტრი", ქირურგიული დეპარტამენტის ხელმძღვანელი, პლასტიკური ქირურგი #ქალებისნარატივი #ახალიამბები #BusinessMediaGeorgia
როდესაც ინფლუენსერ მარკეტინგის ევოლუციაზე ვსაუბრობთ, შეუძლებელია გვერდი ავუაროთ იმ ადამიანებს, რომლებმაც სოციალურ ქსელებში ეკრანული გამოცდილება და პერსონაჟის მიმართ არსებული მრავალწლიანი ნდობა შემოიტანეს. დღეს მსახიობობა აღარ შემოიფარგლება მხოლოდ თეატრის სცენით ან სატელევიზიო ეკრანით; პირიქით, პროფესიონალი მსახიობები ციფრულ სივრცეში ყველაზე ორგანული და ემოციური კონტენტის შემქმნელებად იქცნენ, რადგან მათ ყველაზე უკეთ იციან ამბის თხრობის ხელოვნება და მაყურებელთან გულწრფელი კავშირის დამყარებაა. სტუმარი: ანა ტყებუჩავა - მსახიობი, ინფლუენსერი #ქალებისნარატივი მარიამ იზორიასთან ერთად #ახალიამბები #BusinessMediaGeorgia