პოლიციის რეიდები რეგიონებში

მთელი ღამის განმავლობაში ფოთში, ახალციხესა და ბორჯომში სამართალდამცავები, ე.წ. რეიდებს ატარებდნენ.

ნიღბებითა და იარაღით აღჭურვილი პოლიციის თანამშრომლები ავტომობილებს აჩერებდნენ და მძღოლებს პირადობის დამადასტურებელ მოწმობებს სთხოვდნენ.

შემოწმებაში ჩართული იყვნენ როგორც საპატრულო, ასევე კრიმინალური პოლიციის თანამშრომლები.

შინაგან საქმეთა სამინისტროში აცხადებენ, რომ საქართველოს მთელ ტერიტორიაზე, საზოგადოებრივი წესრიგის დაცვის მიზნით, რიგითი საპოლიციო შემოწმება მიმდინარეობს.