„სასწაულებს აკეთებდა“ , - ილია მეორე მამა გაბრიელზე
არსებობს ადამიანი, რომლის გულშიც ოჯახის წევრებიც აღარ ეტევიან
ადამიანები არიან პესიმისტები და ოპტიმისტები, ჩვენ ვინ უნდა ვიყოთ
ადამიანი, რომელიც იგრძნობს საკუთარ ცოდვებს...
მე მახსენდება ჩემი ვიზიტი ინდოეთში . ერთი სახელმწიფო მოღვაწე გამოდიოდა და მან თქვა ასეთი სიტყვები: ეკლესია ემსგავსება ბურთს, რაც უფრო ძლიერად დაარტყამ ის უფრო მაღლა ავა. აი, ამიტომ ჩვენ უნდა ვიფრობდეთ იმის შესახებ თუ რა როლი ეკისრება ეკლესიას ჩვენი ერისა და ქვეყნის წინაშე.
ჩვენი ეკლესია მუდამ იყო ის ძალა, რომელიც ამთლიანებდა და ადუღაბებდა ჩვენს ერსა. ჩვენ ვმადლობთ უფალს, რომ მოგვცა ასეთი სულიერი ძალა. მე მინდა, რომ მთელ ერს ჰქონდეს ეს ერთსულოვნება.
საქართველოს ეკლესია ყველაფერს აკეთებს იმისთვის, რომ მშვიდობა და ერთსულოვნება სუფევდეს ჩვენს ქვეყანაში. ასეთი სულისკვეთებით მოვდივართ ჩვენ პირველი საუკუნიდან.
საქართველოს ეკლესიის ავტოკეფალიას აქვს დიდი მნიშვნელობა ჩვენს ცხოვრებაში. ბევრი რამ არის დამოკიდებული საქართველოს ეკლესიაზე. საქართველოს ეკლესიის დამოუკიდებლობა მუდამ წინ უსწრებდა ქვეყნისა და ერის დამოუკიდებლობას.
ძალიან ხშირად ჩვენ გვეუბნებიან, რომ ეკლესია უნდა დადგეს რომელიმე მხარეს. ეკლესია დგას ჩვენი ერის სადარაჯოზე. სადაც ჩვენი ერია, მთლიანი ერი. იქ არის ეკლესია.
მე მინდა ვთქვა, რომ ეკლესია მტკიცედ დგას იმ პოზიციაზე, რომ საქართველო უნდა იყოს ერთიანი და მთლიანი. ჩვენ ვიცით, რომ სხვადასხვა ქვეყნებში არსებობს პატარა ერების უმცირესობები. აი, ყველამ რომ მოისურვოს თავისუფლება და დამოუკიდებლობა, ეს გამოიწვევს დაუსრულებელ ომებს. ეს იქნება საშინელი მოვლენა მთელი მსოფლიოსთვის. საქმე ის არის, რომ გაერთიანებული ერების ორგანიზაციაში არსებობს ორი შეუსაბამო წინადადება. ერთიმხრივ ის რომ გაერო მხარს უჭერს დამოუკიდებლობასა და გამოყოფას. ამავე დროს ის ამბობს, რომ იცავს სახელმწიფოს ტერიტორიულ მთლიანობას. ეს ორი წინადადება ეწინააღმდეგება ერთმანეთს, ჩვენ უნდა ვიყოთ ფრთხილად, ფხიზლად, რომ საქართველო დარჩეს მთლიანი.
ეკლესია შედგება ორი ბერძნული სიტყვისგან. ექ და კლეო ბერძნული სიტყვებია. შორს არის ადამიანი და უფალის უხმობს მას, რომ მოიდეს იგი.
ეკლესია ღვთის მადლით არის ჩვენი სულიერი ძალა. აი, თქვენ წარმოიდგინეთ, ეკლესია რომ არ ყოფილიყო, იარსებებდა ქართველი ერი. ეკლესია რომ არ ყოფილიყო, გამთლიანდებოდა ქართველი ერი. მრავალი მაგალითი შეიძლება მოვიყვანოთ იმისა თუ რამდენად დიდია ძალა ეკლესიისა.
ეკლესია იყო, არის და იქნება ჩვენი ქვეყნის სულიერი ძალა. ჩვენი ქვეყნის გამაერთიანებელი ძალა. საქართველოს ეკლესია გამოირჩევა მსოფლიო მართლამდიდებელი ეკლესიებისგან. გამოირჩევა იმით, რომ მთელი ისტორიის მანძილზე იგი ადუღაბებდა ჩვენს ერსა, სულიერად აძლიერებდა მას, ამთლიანებდა და დღესაც ამას აკეთებს ჩვენი ეკლესია.
ეკლესია არის ძალა. ის სულიერი ძალა, რომელიც სულიერად ასაზრდოებს ჩვენს ერსა.
ეკლესია ეს არის მადლით სავსე ძალა. მადლი, რომელიც არის უძლურთა მკურნალი და ნაკლულევანთა აღმავსებელი.
უფალი ბრძანებს: ,,და კლდესა ამას ზედა აღვაშენო ეკლესია და ბჭენი ჯოჯოხეთისანი ვერ ერეოდნენ მას’’. მართლაც დიდია ძალა ეკლესიისა, ეკლესია არის სულიერი სამყარო. ეკლესია არის ღვთისგან დაარსებული და ვერავითარი მიწიერი გონება ვერ მიწვდება მას. ვერას დააკლებს.
ეკლესია ფიქრობს, დაახლოვოს დაპირისპირებული ადამიანები. ყველა ჩვენგანმა უნდა იფიქროს იმის შესახებ, რომ შეიძლება არსებობდეს განსხვავებული აზრი, განსხვავებული ხედვა, მაგრამ თუ ეს აზრი ავნებს ქვეყანას, ერს, მაშინ უნდა დათმოს ადამიანმა განსხვავებული აზრი და უნდა იმუშაოს, იშრომოს ერის საკეთილდღეოდ და ერის მთლიანობისათვის.
ეკლესია ღვთის მადლით არის ჩვენი სულიერი ძალა. აი, თქვენ წარმოიდგინეთ, ეკლესია რომ არ ყოფილიყო, იარსებებდა ქართველი ერი. ეკლესია რომ არ ყოფილიყო, გამთლიანდებოდა ქართველი ერი. მრავალი მაგალითი შეიძლება მოვიყვანოთ იმისა თუ რამდენად დიდია ძალა ეკლესიისა.
ეკლესია დგას ჩვენი ერის სადარაჯოზე, სადაც ჩვენი ერია, მთლიანი ერი, იქ არის ეკლესია.
ჩვენი ეკლესია ეს არის სასწაულებრივად მკვდრეთით აღდგომილი ეკლესია. თქვენ მოგისმენიათ, რომ თითქოს მე ეკლესია ჩავიბარე სუდარაგადაფარებული , მაგრამ ეს არ არის სწორი. აი, იმ სუდარაგადაფარებულ ეკლესიაში იყო ძლიერი სული და მადლის სულისა წმიდისა. აი, ამ წმიდა სულმა გამოაცოცხლა საქართველოს ეკლესია.
პატრიარქი დალოცავს აბიტურიენტებს - 2014.18 მაისი 12:00 სთ
უფალი ბრძანებს: ,,და კლდესა ამას ზედა აღვაშენო ეკლესია და ბჭენი ჯოჯოხეთისანი ვერ ერეოდნენ მას’’. მართლაც დიდია ძალა ეკლესიისა, ეკლესია არის სულიერი სამყარო. ეკლესია არის ღვთისგან დაარსებული და ვერავითარი მიწიერი გონება ვერ მიწვდება მას. ვერას დააკლებს.
აი, დღეს, ჩვენ განსაკუთრებით უნდა ვიფიქროთ, თუ რა არის ჩვენთვის ტაძარი. როგორ უნდა შევიდეთ ტაძარში, ეს არ უნდა იყოს ჩვენთვის ჩვეულებრივი შენობა. როცა შემოდის ადამიანი ტაძარში . უნდა თქვას ლოცვა: შევიდე სახლსა, ტაძარსა წმიდასა შენსა, შიშითა შენითა. შიშით უნდა შევიდეს, შიში ღვთისა უნდა ჰქონდეს ადამიანს. როგორც ამბობენ წმიდა მამები: ეს არის კარიბჭე სასუფეველისა. ჩვენი შვილები ტაძარში უნდა იზრდებოდნენ და იქ უნდა იღებდნენ არამარტო ცოდვას, არამედ აღზრდას.
მე მინდა გითხრათ, რომ რთული და მძიმე მდგომარეობაა. ბევრი პრობლემა დგას საქართველოს წინაშე. და ყველაფერი უნდა გაკეთდეს, რომ შევინარჩუნოთ ჩვენ ერთსულოვნება. ღმერთმა მოგვცეს მშვიდობა და საქართველოს ერთსულოვნება.
ჩვენ განსაკუთრებული ყურადღება უნდა მივაქციოთ ჩვენ მთლიანობასა და ერთსულოვნებას. ჩვენ უნდა ვიცოდეთ, რომ ეშმაკი ყოფს ჩვენს ქვეყანას და ღმერთი ამთლიანებს. ჩვენი ეკლესია საუკუნეებს მანძილზე ასრულებდა ღვთის ნებას. ამთლიანებდა ჩვენს ერს და დღესაც ერთ-ერთი პირველი მოვალეობა არის: ჩვენი ერის და ქვეყნის მთლიანობა.
ძალიან ხშირი შემთხვევაა, როდესაც სხვა აზრის მქონე ადამიანებს , ჩვენ მივიჩნევთ უცხო ადამიანებად. ჩვენ უნდა გვახსოვდეს, რომ ჩვენ ყველანი ვართ ძმები და ერთსულოვნება უნდა სუფევდეს ჩვენში.
მე შევთხოვ უფალს, ჩვენ შევტხოვთ უფალს, რომ ეს წელის იყოს საქართველოს გამთლიანების წელი. ეს წელიწადი იყოს მშვიდობის წელი. ეს წელიწადი იყოს სათნოების წელის. ადამიანებს შორის იყოს ურთიერთგაგება და ერთსულოვნება. ჩვენ გადავრჩებით, ჩვენ გადაგვაფარებს ყოვლადწმიდა ღვთისმშობელი თავის კალთას.
ყველაფერი უნდა გავაკეთოთ, რომ ერი გამთლიანდეს. ყველაფერი უნდა გავაკეთოთ, რომ ჩვენში ერთსულოვნება სუფევდეს.
ადამიანებს შორის იყოს ურთიერთგაგება და ერთსულოვნება. ჩვენ გადავრჩებით, ჩვენ გადაგვაფარებს ყოვლადწმიდა ღვთისმშობელი თავის კალთას.
ჩვენ იმედი გვაქვს, ჩვენ ვფიქრობთ, რომ ერთსულოვნება დაისადგურებს საქართველოში. ჩვენ გველოდება დიდი საქმეები, ჩვენ გვევალება მშენებლობა. ყველა ადამიანს ევალება ააშენოს საკუთარი სულიერი ტაძარი.
ყოველი განსაცდელის დროს, ჩვენ არ უნდა დავკარგოთ ღვთის იმედი. ჩვენ უნდა გვახსოვდეს, რომ უფალი განაგებს ჩვენს ცხოვრებას. აწმყოსა და მომავალს. თუ გვექნება ღვთის იმედი, ჩვენ მუდამ გამარჯვებულნი ვიქნებით.
საქართველოს უფალი უგზავნის განსაცდელს, მაგრამ უგზავნის ისეთ განსაცდელს, რომელსაც ჩვენ ავიტანთ, ჩვენ დავძლევთ. როცა ჩვენ ვეცემით და აღარ გვაქვს ძალა, უფალი მოდის ჩვენთან და გვეხმარება ჩვენი ჯვრის ტარებაში, რომ შევძლოთ წინსვლა.
დღეს, განსაცდელში საქართველო. ზოგიერთი ფიქრობს, რომ ჩვენ დავკარგეთ აფხაზეთი , სამაჩაბლო, მაგრამ ჩვენ ასე არ უნდა ვიფიქროთ. ჩვენ არ დაგვიკარგავს ეს ძირძველი ქართული მიწა-წყალი. ჩვენ დროებით ვერ ვაკონტროლებთ მას. ჩვენ უნდა გვახსოვდეს, რომ აფხაზეთი და სამაჩაბლო მუდამ იყო და დარჩება საქართველოს შემადგენლობაში.
წმიდა მამები ტიროდნენ, როდესაც მათ არ ჰქონდათ განსაცდელი. ისინი ამბობდნენ: ,,ღმერთმა დაგვივიწყაო’’ და ღმერთი უგზავნიდა მათ მწუხარებას. ჩვენ უნდა გვახსოვდეს, რომ განსაცდელი არის უფლისგან მოვლენილი და მას აუცილებლად ჩაანაცვლებს სიხარული.
ჩვენ ვცხოვრობთ ძალიან რთულ პერიოდში. როცა განსაცდელი მოდის საქართველოსკენ, ჩვენ არ უნდა შეგვეშინდეს მისი. ქართველი ხალხი ძლიერია სულით, ძლიერია გონებით, ძლიერია ფიზიკურად და სულიერად. ასე რომ ქართველ ხალხს ვერავითარი გარე და შიდა მტერი ვერ დაამარცხებს.
რა განსაცდელიც უნდა იყოს მოვლენილი , ჩვენ არასდროს არ უნდა დავკარგოთ სამი სათნოება: მართლმადიდებლური რწმენა, სიყვარული და სასოება, ანუ იმედი. ეს მუდამ უნდა ახლდეს ადამიანს და თუ ეს ახლავს ადამიანს, მაშინ ის ძალიან ბედნიერია.
ჩვენ ვცხოვრობთ ურთულეს პერიოდში, როცა მრავალი განსაცდელი დგას ჩვენი ქვეყნისა და მსოფლიოს წინაშე. ჩვენ უნდა გვახსოვდეს, რომ იმ პრობლემების გადაწყვეტა , რომელიც ჩვენ წინაშე, შეგვიძლია მტკიცე რწმენით. ეს არის სიყვარული, ეს არის სიკეთის თესვა. ეს არის იმედი უფლისა და მომავლისა.
უპირველეს ყოვლისა ადამიანმა არ უნდა დაკარგოს იმედი ღვთისა, იმედი მომავლისა და ადმიანისა. ადამიანმა უნდა იცოდეს, რომ თუ ერთი საქმე არ გამოდის, აუცილებლად არსებობს მეორე საქმე. მე არაერთხელ მითქვამს თქვენთვის, რომ არსებობს ჩიხი და კედელი, მაგრამ იმ კედელს შეუძლია შემოუაროს და აირიდოს თავიდან.
არასდროს არ უნდა დაკარგოს ადამიანმა იმედი ღვთისა . არ არსებობს სიტუაცია, რომლიდანაც გამოსავალი არ არსებობს.
სახე , ხატება ღვთისა წარუშლელია ადამიანში. წყალობა ღვთისა აღემატება ნებისმიერ ცოდვას. ადამიანს მუდამ უნდა ჰქონდეს იმედი ღვთისა, ჩვენს ერს მუდამ უნდა ჰქონდეს იმედი ღვთისა.
არ დაკარგოთ იმედი. ყველაფერი კარგად იქნება. საქართველო დამშვიდდება და დადგება სამშვიდობო გზაზე.
რა არის ჯვარი ადამიანისთვის, ერისთვის?! ეს არის ის გზა, რომელიც უნდა გაიაროს ყველა ადამიანმა და ყველა ერმა. თავისი ცხოვრებით უნდა შექმნას ადამიანმა ჯვარი, უპირველეს ყოვლისა ეს არის ძალა. უდიდესი მადლი, რომელიც ეძლევა ადამიანს და ამასთან ერთად ეს არის გამოცდა , განსაცდელი. რომელსაც უნდა გაუძლოს ადამიანმა და უნდა განვლოს გოლოგოთის გზა. უპირველეს ყოვლისა ადამიანმა უნდა შემქნას ჯვარი, ეს არის ვერტიკალური სწრაფვა ღვთისაკენ და სწრაფვა ზეცისკენ. ურთიერთობა ადამიანებსა და უფალს შორის. სწრაფვა ჰორიზონტალური, სწრაფვა ადამიანისკენ.
ჩვენ უნდა გვახსოვდეს, რომ ჯვარცმა ჩვენ უკვე გამოვიარეთ. ჯვარცმის შემდეგ გრძელდება ცხოვრება, არის აღდგომა და ამაღლება. აი, ეს ელოდება საქართველოს.
ჯვარი არის ჩვენი თანამგზავრი, ჯვარი არის ჩვენი ბედი. ჯვარი უნდა ატაროს ადამიანმა და ბოლომდე უნდა გავიდეს, ბოლომდე უნდა მიიტანოს.
ღმერთმა დაგლოცოთ და ღმერთმა მოგცეთ სიბრძნე. სიბრძნე სოლომონისა და გული წრფელი და წმინდა, სული წრფელი და გონება გახსნილი რომ ჩვენ შევძლოთ ერთმანეთის შენდობა. ერთმანეთის პატიება, იმიტომ რომ ჩვენ ყველანი ღვთის შვილები ვართ და საქართველოს შვილები.
ღმერთმა დაგლოცოთ, გაგახაროთ, გაგაძლიეროთ . ღმერთმა გააძლიეროს და გაამთლიანოს საქართველო. ღმერთმა ინებოს, რომ უცხოეთში მყოფი ქართველები მალე დაუბრუნდნენ საქართველოს.