საქალაქო სასამართლოს გადაწყვეტილებას “თავისუფალი დემოკრატები” სააპელაციო სასამართლოში ასაჩივრებენ. პარტიის სარჩელი, რომელიც “თავისუფალმა დემოკრატებმა” ცენტრალური საარჩევნო კომისიის წინააღმდეგ შეიტანეს პირველმა ინსტანციამ არ დააკმაყოფილა . პარტია ცესკოს თავმჯდომარის იმ განკარგულების გაუქმებას ითხოვს, რომლის მიხედვითაც, “მრეწველებმა” არჩევნებზე მიღებული ხმების მიუხედავად, იმის გამო, რომ პარლამენტში ერთი წევრი შეიყვანეს, სახელმწიფოსგან უფრო მეტი დაფინანსება მიიღეს, ვიდრე “თავისუფალმა დემოკრატებმა”, რომელსაც არჩევნებზე უკეთესი შედეგი ჰქონდა. ამ დაფინანსებით “მრეწველობა გადაარჩენს საქართველოს’ კვალიფიციური სუბიექტი გახდა და შესაძლებლობა მიეცა, რომ ყველა დონის საარჩევნო კომისიაში საკუთარი წევრი ჰყავდეს. პარტია “მრეწველობა გადაარჩენს საქართველოს” წარმომადგენლები მთელი ქვეყნის მასშტაბით საარჩევნო ადმინისტრაციებში “თავისუფალი დემოკრატების” დაახლოებით 3 800 წევრს ჩაანაცვლებენ.
ოპოზიციური პარტიები 8 ოქტომბრის საპარლამენტო არჩევნებზე არსებული დარღვევების გამოძიებას ითხოვენ. 9 ოპოზიციურმა პარტიამ ხელი ერთობლივ განცხადებას მოაწერა, სადაც იმ მიზეზებზეა საუბარი, რის გამოც მათი შეფასებით არჩევნების შედეგები არალეგიტიმურია. ამასთან, პოლიტიკური სუბიექტები საარჩევნო სისტემის ძირეულ ცვლილებას ითხოვენ. განცხადების ავტორები მიიჩნევე, რომ აუცილებლად უნდა იყოს გამოძიებული კონკრეტული დარღვევები, სადაო უბნებზე გაიხსნას და გადაითვალოს ხმები. ოპოზიციას მმართველ გუნდში უპასუხეს.
გუბერნატორებთან თათბირი, სადაც ივანე მერაბიშვილმა 2007 წლის აქციის დარბევის და მომიტინგეებზე ზემოქმედების გეგმა მოყვა. მცხეთამთიანეთის ყოფილი გუბერნატორი ერთერთი იყო, რომელიც 4 ნოემბერს შინაგან საქმეთა სამინისტროს ყოფილ შენობაში სხვა გუბერნატორებთან ერთად დაიბარეს. მოწმის ჩვენების მიხედვით, თათბირზე მერაბიშვილმა თქვა, რომ უნდა ეცემათ მომიტინგეები და ამას კუდი შეასრულებდა, კეზერაშვილს ბიზნესმენები ყავდა ჩაბარებული, სამართლებრივ საკითხებს კი ადეიშვილის პროკურატურა მოაგვარებდა. როგორ განხორციელდა გეგმა, ეს უკვე პროცესზე იმ დაზარალებულებმა გაიხსენენს, რომლებიც 7 ნოემბერს აქციაზე იმყოფებოდნენ. გიორგი კობერიძე გიამბობთ დეტალებს.
“ოკუპირებული ტერიტორიების შესახებ” კანონი შესაძლოა, შეიცვალოს. პარლამენტი 2013 წელს ინიცირებული კანონპროექტის განხილვას აგრძელებს, რომლის მიხედვითაც საოკუპაციო ხაზის უკანონოდ გადაკვეთა სისხლის სამართლებრივი პასუხისმგებლობის ნაცვლად თავდაპირველად ადმინისტრაციულ ჯარიმას ითვალისწინებს. რა გახდა არსებულ კანონში ცვლილებების აუცილებლობის მიზეზი - თორნიკე ხურციძე გიამბობთ
ერთი წელი მთავარი პროკურორის რანგში, რეფორმები და ანგარიში, რომელიც 2016 წლის 9 თვიან პერიოდს მოიცავს - მთავარი პროკურორი ირაკლი შოთაძე საპროკურორო საბჭოს წევრების წინაშე საქმიანობის ანგარიშით წარსდგა. რა გაკეთდა საგამოძიებო უწყების მიერ, როგორია დანაშაულების გამოძიების სტატისტიკა. შოთაძე ამბობს, რომ მისი მთავარი დაპირება, ხუთი წლის შემდეგ ახალ მთავარ პროკურორს გაცილებით დამოუკიდებელი პროკურატურა ჩააბაროს, ძალაშია. შოთაძემ ჟურნალისტებთან რამდენიმე გახმაურებული საქმის გამოძიების თაობაზეც ისაუბრა. როგორ აფასებენ მთავარი პროკურორის ანგარიშს საპროკურორო საბჭოს წევრები და როგორია პარლამენტარების პოზიცია თამარ წიკლაური გვიამბობს, თამარ გისმენთ.
კვირის ბოლოს გაირკვევა, ვინ იქნება საფრანგეთის რესპუბლიკური პარტიის პრეზიდენტობის კანდიდატი. წინასაარჩევნო რბოლას ყოფილი პრეზიდენტი ნიკოლა სარკოზი გამოეთიშა, ამჟამად ბრძოლა ყოფილ პრემიერებს ალან ჟუპესა და ფრანსუა ფიონს შორის მიმდინარეობს. რესპუბლიკელ მეტოქეებს შორის ბოლო დებატების ერთ-ერთი მთავარი თემა რუსეთთან ურთიერთობა იყო. წინასაარჩევნო რბოლა საფრანგეთში, ნახეთ ქეთი ჩოხელის რეპორტაჟში.
დიდი გარიგება ფარმაცევტულ ბაზარზე. „საქართველოს ჯანდაცვის ჯგუფი“ „ფარმადეპოს“ 25 მილიონ დოლარად შეძენას და მის „ჯიპისისთან” შერწყმას გეგმავს. კონკურენციის სააგენტოს თანხმობის შემთხვევაში შერწყმის შედეგად ქვეყანაში ახალი სააფთიაქო ქსელი “ჯორჯიან ფარმასი” გამოჩნდება. ბაზრის მსხვილი მოთამაშეები და ექსპერტები ბაზრის მონოპოლიზების საფრთხეზე საუბრობენ. გარიგების დეტალები და მხარეთა პოზიციები ნახეთ რეპორტაჟში.
2008 წლის ომისა და ეკონომიკური კრიზისის შედეგად თბილისში დაწყებული მშენებარე 120-მდე ობიექტი ამ დრომდე გაჩერებულია. მთავრობის მიერ სამშენებლო კომპანიებისათვის დაწესებული შეღავათების მიუხედავად, მათ ისევ ფინანსური პრობლემები აქვთ. რა მდგომარეობაა ბაზარზე, რა პრეტენზია აქვს დეველოპერების ნაწილს ხელისუფლებისადმი და როგორი მათი პასუხი - მარიამ სეთურიძე, გიორგი კიკვაძე დეტალებით
ალექსანდრე ჯეჯელავა განათლების განვითარების ახალ სტრატეგიაზე მუშაობს. პროექტის შემუშავება დასასრულს უახლოვდება და უწყებაც მის პრეზენტაციას მალე გეგმავს. მინისტრობის კანდიდატის განცხადებით, ამ სტრატეგიაში უმნიშვნელოვანესი ადგილი ექნება მასწავლებელთა განვითარების სქემას. ჯეჯელავა მიიჩნევს, რომ პედაგოგებს პროფესიული მოვალეობის შესრულების დროს მეტი თავისუფლება სჭირდებათ, უნდა შემცირდეს მათ წინაშე არსებული ბიუროკრატიული ბარიერები. ცვლილებები იქნება, მასწავლებლების გამოცდებთან დაკავშირებითაც. თავად სიტყვა გამოცდა ამოღებული იქნება და ასევე გაუქმდება საგამოცდოდ დაწესებული ბარიერებიც. რა სიახლეებს ითვალისწინებს სამინისტროს ახალ სტრატეგიაში მასწავლებელთა განვითარების სქემა ნახეთ გენო ოსიყმაშვილისა და ზურა პატარიძის რეპორტაჟში
25 ნოემბერს მსოფლიო ქალთა მიმართ ძალადობის აღკვეთის საერთაშორისო დღეს აღნიშნავს. აქციას თბილისიც შეუერთდა. დილიდან სხვადასხვა ადგილობრივმა და საერთაშორისო ორგანიზაციებმა დედაქალაქში სიმბოლური ღონისძიებები გამართეს. თემასთან დაკავშირებით დღესვე სახალხო დამცველმა გაეროს ქალთა ორგანიზაციის წარმომადგენელთან ერთად განცხადებაც გაავრცელა. როგორ შეხვდა ქალთა მიმართ ძალადობის აღმოფხვრის დღეს თბილისი და როგორია სტატისტიკა, ნათია ხართიშვილი გიამბობთ.
მოხეში მცხოვრები მუსლიმები რელიგიის საკითხთა სახელმწიფო სააგენტოს მიერ შექმნილი კომისიის საქმიანობასთან დაკავშირებით განცხადებას ავრცელებენ. ისინი რელიგიის სააგენტოსა და კომისიიას, რომელმაც მოხეში არსებული შენობის ისტორიული მესაკუთრე უნდა დაადგინოს უნდობლობას უცხადებენ და პრობლემის მოგვარებას მთავრობას სთხოვენ. სოფელ მოხეში მცხოვრები მუსლიმები მეჩეთისთვის ისტორიული შენობის გადაცემას ითხოვენ, რასაც მართლმადიდებელი მოსახლეობა ეწინააღმდეგება. რელიგიის სააგენტოში განმარტავენ, რომ განცხადებას 1 დეკემბერს დაგეგმილი კომისიის სხდომის შემდეგ გააკეთებენ
ავტოსაგზაო შემთხვევა მცხეთაში - შემთხვევის შედეგად ერთი სამხედრო მოსამსახურე გარდაიცვალა. პირველი ქვეითი ბრიგადის „პიკაპის“ ტიპის ავტომანქანა ხიდიდან მტკვარში გადავარდა. სამი სამხედრო მოსამსახურე მცხეთიდან თბილისში, „გიგანტის“ დასახლებაში მდებარე უზრუნველყოფის ბატალიონის მიმართულებით გადაადგილდებოდა. უბედური შემთხვევის შედეგად კაპრალი ოლღა ადუაშვილი გარდაიცვალა. ქვედანაყოფის ორი სამხედრო დაშავდა. დაშავებული სამხედროები ამჟამად გორის სამხედრო ჰოსპიტალში იმყოფებიან. მათი ჯანმრთელობის მდგომარეობა დამაკმაყოფილებელია. გორის სამხედრო ჰოსპიტალში მყოფი დაშავებული სამხედრო მოსამსახურეები თავდაცვის მინისტრის მოადგილემ მოინახულა. გარდაცვლილის დაკრძალვასთან დაკავშირებულ ყველა ხარჯს სახელმწიფო დაფარავს. 2030-ი უსამძიმრებს გარდაცვლილის ოჯახს.
პერსონალურ მონაცემთა დაცვის ინსპექტორის მორიგი გაფრთხილება - მათი ინფორმაციით, საქართველოსა და მის ფარგლებს გარეთ Google-ს მომხმარებლებმა შემაშფოთებელი შეტყობინება მიიღეს. კერძოდ საუბარია Gmail-ის ანგარიშების შესაძლო გატეხვაზე. იმ პირებს შორის, რომლებსაც შეტყობინებები დაეგზავნათ, ჟურნალისტები, დიპლომატები, არასამთავრობო ორგანიზაციების წარმომადგენლები და აქტივისტები არიან. პერსონალურ მონაცემტა დაცვის ინსპექტორის აპარატი მომხმარებელს ურჩევს, გაითვალისწინონ Google-ის რეკომენდაცია და თუ გამაფრთხილებელი მეილი მიიღეს, ისარგებლონ ორმაგი ვერიფიკაციით. ამასთან, პერსონალურ მონაცემთა დაცვის ინსპექტორის აპარატში განმარტავენ, რომ იმ პირებმა, რომლებმაც მიიღეს შეტყობინება, აუცილებლად შეცვალონ Google-ის ანგარიშის პაროლი. მეილისა და სოციალური ქსელის მომხმარებლებს ორმაგი ვერიფიკაციით სარგებლობას ურჩევენ აიტი სპეციალისტებიც.
პატრიოტთა ალიანსისა და ნაციონალური მოძრაობის შემდეგ პრემიერობისა და მინისტრობის კანდიდატები უმრავლესობის წევრებს შეხვდნენ. რა შეკითხვები ჰქონდათ მმართველი გუნდის წევრებს და რა პასუხი მიიღეს მომავალი მინისტრებისგან - ირაკლი აკობია ისაუბრებს პირდაპირ ეთერში ქუთასიდან
6 საათიანი შეხვედრა ოპოზიციასთან. გიორგი კვირიკაშვილმა პარლამენტში სამთავრობო პროგრამა წარადგინა და ოპონენტების შეკითხვებს უპასუხა. მინისტრთა კაბინეტის შემადგენლობამ საკუთარი ხედვა ჯერ ფრაქცია “პატრიოტთა ალიანსს”, შემდეგ კი “ნაციონალური მოძრაობისგან” დაკომპლექტებულ საპარლამენტო უმცირესობას გააცნო. მთავრობის შემადგენლობისთვის ხმის მიცემას არც პატრიოტთა ალიანსი და არც ნაციონალური მოძრაობა არ აპირებს. ოპოზიციასთან შეხვედრის სხდომის დეტალები ნახეთ რეპორტაჟში.
არჩევნები ხმაურის ფონზე - თბილისის სახელმწიფო უნივერსიტეტში თვითმართველობის არჩევნები სტუდენტთა ნაწილის აქციისა და პროტესტის ფონზე ჩატარდა. საარჩევნო პროცესის ჩაშლას აუდიტორია 115-ის წევრები შეეცადნენ, ისინი უნივერსიტეტის სხადასხვა კორპუსში განთავსებულ საარჩევნო უბნებთან მივიდნენ და მათი პიკეტირება მოახდინეს. საარჩვენო უბნების პიკეტირების მიუხედავად, ცენტრალურმა საარჩევნო კომისიამ არჩვნები ჩაშლილად არ გამოაცხადა, რადგან ჯერ კიდევ დღის პირველ ნახევარში მონაწილეობის მისაღებად სტუდენტთა 10 პროცენტზე მეტი გამოცხადდა. რა შედეგებით დასრულდა თვითვმმართველობის არჩევნები - დეტალებზე თბილისის სახელმწიფო უნივერსიტეტიდან ნიკა მუკბანიანი ისაუბრეს. ნიკა გისმენთ.
არჩევნები ხმაურის ფონზე - თბილისის სახელმწიფო უნივერსიტეტში თვითმართველობის არჩევნები სტუდენტთა ნაწილის აქციისა და პროტესტის ფონზე ჩატარდა. საარჩევნო პროცესის ჩაშლას აუდიტორია 115-ის წევრები შეეცადნენ, ისინი უნივერსიტეტის სხადასხვა კორპუსში განთავსებულ საარჩევნო უბნებთან მივიდნენ და მათი პიკეტირება მოახდინეს. საარჩვენო უბნების პიკეტირების მიუხედავად, ცენტრალურმა საარჩევნო კომისიამ არჩევნები ჩაშლილად არ გამოაცხადა, რადგან ჯერ კიდევ დღის პირველ ნახევარში მონაწილეობის მისაღებად სტუდენტთა 10 პროცენტზე მეტი გამოცხადდა.
აჭარაში არასაზღვაო სეზონზე ვიზოტორთა რაოდენობამ იმატა. აჭარის ტურიზმის დეპარტამენტმა უცხოელ ვიზიტორთა შესახებ კვლევა გამოაქვეყნა, რომლის შედეგადაც 909 უცხოელი ვიზიტორი გამოიკითხა. კვლევის მიხედვით, ტურისტები საშუალოდ 2-3 ღამით რჩებიან და საშუალოდ 1 000 ლარს ხარჯავენ. რა აჩვენა კვლევამ და რას ფიქრობენ ტურისტები - სოფო ჟღენტის რეპორტაჟი ბათუმიდან
მოსწავლე ახალგაზრდობის ეროვნული სასახლის ახალმა ხელმძღვანელმა საკუთარი გეგმა და ხედვები ჟურნალისტებს გააცნო. როგორ ხედავს ახალი დირექტორი 75 წლიანი ისტორიის მქონე სკოლისგარეშე დაწესებულების განვითარებას, რა წრეები ფუნქციონირებს მოსწავლე ახალგაზრდობის სასახლეში და რომელია ყველაზე მოთხოვნადი მიმართულებები, ნახეთ მაკა ლაშხიას რეპორტაჟში.
გენერალური შტაბის უფროსს ახალი მოადგილეები ჰყავს. გენერალმა ვლადიმერ ჩაჩიაბაიამ პირველ მოადგილედ პოლკოვნიკი ნიკოლოზ ჯანჯღავა წარადგინა. რა ნიშნით შეირჩნენ შეიარაღებული ძალების გენერალური შტაბის მოადგილეები, როგორია მათი სამხედრო კარიერა და როგორ აფასებენ მათ ექსპერტები, დეტალები ნახეთ ლიკა ალელიშვილისა და ჯაბა ჩიტიძის რეპორტაჟში.
ინიციატივა, რომელიც მსჯავრდებულ დედებს და მათ მცირეწლოვან შვილებს ეხებათ. სასჯელაღსრულების მინისტრის მოვალეობის შემსრულებელი მთავრობას და პარლამენტს სთავაზობს, მსჯავრდებულ დედებს საკუთარი მცირეწლოვანი შვილის ნახვის საშუალება უფრო ხშირად მიეცეთ. საუბარია იმ ბავშვებზე, რომელიც პატიმარმა ქალებმა ციხეში გააჩინეს და სამ წლამდე საპატიმროში სპეციალურ ცენტრში დედასთან ერთად ცხოვრობდნენ. სამი წლის შემდეგ კი საპატიმრო დაატოვებინეს. რას ფიქრობენ ამ ინიციატივაზე თავად ცვლილებების ადრესატები, არასამთავრობოები და პარლამენტარები -- თემაზე გიორგი კობერიძე მუშაობდა
ევროპარლამენტი ევროკავშირის წევრებს მოუწოდებს, თურქეთთან გაწევრიანების შესახებ მოლაპრაკებები შეწყვიტონ. რეკომენდაციული ხასიათის რეზოლუციას ევროპარლამენტის წევრთა უმრავლესობამ მხარი დაუჭირა. ევროდეპუტატები დარწმუნებულები არიან, რომ თურქეთი ავტორიტარიზმისკენ მიემართება. ანკარა კი აცხადებს, რომ ევროაპრლამენტის დოკუმენტს იურიდიული ძალა არ აქვს. ევროპარლამენტის პოზიცია თურქეთთან მოლაპარაკებების გაგრძელების საკითზე, ნახეთ ქეთი ჩოხელის რეპორტაჟში.
მორიგი გადასინჯული განაჩენი - მთავარი პროკურატურა 2011 წელს ცოტნე გამსახურიდას მიერ ქრთამის მიცემის ფაქტზე გამოტანილი განაჩენის გადასინჯვის მოთხოვნით სააპელაციო სასამართლოს მიმართავს. დამოუკიდებელი საქართველოს პირველი პრეზიდენტის შვილის საქმეზე პროკურატურამ ხელახალი გამოძიება აწარმოა და დაადგინა, რომ ცოტნე გამსახურდიას დანაშაულის პროვოცირება სასჯელაღსრულების დეპარტამენტის მაღალი თანამდებობის პირებმა მოუწყვეს და შემდეგ მტკიცებულებები გააყალბებს. საქმის რა ახალ დეტალებზე საუბრობენ მთავრ საგამოძიებო უწყებაში და რას აცხადებს 2012 წელს შეწყალებული ცოტნე გამსახურდია ? ნიკა მუკბანიანი, ზურა პატარიძე გიამბობთ.
"თავისუფალი დემოკრატების" სარჩელი საქალაქო სასამართლოში - პარტია ცენტრალური საარჩევნო კომისიის მიერ გამოქვეყნებულ განკარგულებას ასაჩივრებს, რომელიც პარტიების დაფინანსებას შეეხება. მათ იურიდიულ დახმარებას საქართველოს ახალგაზრდა იურისტთა ასოციაცია უწევს. “თავისუფალ დემოკრატებში აცხადებენ, რომ მრეწველებისთვის წლიური დაფინანსების სახით 300 000 ლარის მიცემა კანონს ეწინააღმდეგება, რადგან სიმონ ნოზაძე, რომელიც პარლამენტში ახლა მრეწველებს წარმოადგენს, არჩვნების პერიოდში რეგისტრირებული იყო , როგორც ბლოკის უპარტიო წევრი. ასევე არაკანონიერს უწოდებენ იმ ფაქტსაც, რომ მრეწველების შემთხვევში მოხდა წინა არჩევნების შედეგად მიღებული დაფინანსებისა და საპარლამენტო არჩევნების შედეგად მიღებული თანხების დაჯამება. თავისუფალი დემოკრატების სრჩელს უსაფუძვლოს უწოდებს პარტია “მრეწველობა გადაარჩენს საქართველოს” თავმჯდომარე. ზურაბ ტყემალაძე მზად არის ჩაერთოს სასამართლო პროცესში, მისი განცხადებით, ის სასამართოს ყველა იმ დოკუმენტაციას წარუდგენს, რომელიც დაფინანსების კანონიერებას დაადასტურებს. მმართველ პარტიაში კი აცხადებენ, რომ ცესკოს განკარგულება კანონიერია.
საქართველოსა და ბრიტანეთის ურთიერთობის ახალი ეტაპი. ამერიკის შეერთებული შტატებისა და თურქეთის შემდეგ, გაერთიანებული სამეფო საქართველოსთვის ოფიციალურად რიგით მესამე სტრატეგიული პარტნიორი ხდება. ქვეყნებს შორის წლების განმავლობაში მიმდინარე ე.წ “უორდ როფის დიალოგი” გაცილებით მასშტაბური და სტრატეგიული ხდება. ინფორმაცია საქართველოში გაერთიანებული სამეფოს სახელმწიფო მინისტრის სტუმრობისას გახდა ცნობილი. ევროპისა და ამერიკის საკითხებში ბრიტანეთის სახელმწიფო მდივანს, ალან დუნკანს , გიორგი კვირიკაშვილმა და გიორგი მარგველაშვილმა უმასპინძლეს. უცხოელი სტუმარი ე.წ საზღვრისპირა სოფლებშიც ჩავიდა, სოფელ ხურვალეთში გავლებული მავთულხლართები მოინახულა და ადგილზე არსებულ სიტუაცასაც გაეცნო. ანა ბროლაძე გვიერთდება პირდაპირ ეთერში ქართულ-ბრიტანული ურთიერთობების ახალი პერსპექტივით. ანა, რა სფეროებს მოიცავს თანამშრომლობა და რას მიიღებს საქართველო ამ ურთიერთობიდან?
მინისტრობის 18 კანდიდატი და პარლამენტის 15 კომიტეტი - მთელი დღის განმავლობაში სამთავრობო პროგრამას საკანონმდებლო ორგანოში უსმენდნენ. შეკითხვები, პასუხები და პოლიტიკური განცხადებები - ოპოზიცია სამთავრობო პროგრამისა და კანდიდატების მხარდაჭერას არ აპირებს. მმართველი გუნდი კი მთავრობისთვის ნდობის გამოცხადებისთვის ემზადება. მინისტრობის კანდიდატებმა პირველი მხარდაჭერა საპარლამენტო კომიტეტებისგან უკვე მიიღეს. რა შეკითხვები ჰქონდათ კანონმდებლებს და როგორი იყო მინისტრობის კანდიდატების პასუხი მიშა ფეიქრიშვილი და თორნიკე ხურციძე ისმენდნენ მინისტრების გამოსვლებს კომიტეტებში. თავდაპირველად მიშა ფეიქრიშვილი დღის ყველაზე ხმაურინი განცხადებებით, რომლის ავტორიც იუსტიციის მინისტრია.
✔მთავრობის ახალი შემადგენლობა, მინისტრობის კანდიდატთა პირველი განცხადებები და განახლებული კაბინეტი პარლამენტის გადაწყვეტილების მოლოდინში! როგორია მთავრობის ახალი შემადგენლობა და სამთავრობო პროგრამა?! ვინ რატომ დატოვა თანამდებობა და ვინ შეინარჩუნა პოსტი?! რა კრიტერიუმით მოხდა კანდიდატების შერჩევა და მიიღებს თუ არა გიორგი კვირიკაშვილის გუნდი საპარლამენტო უმრავლესობის მხარდაჭერას?! თემის დეტალებითა და პოლიტიკური შეფასებებით - მიშა ფეიქრიშვილი.
✔ცვლილებები გენერალურ შტაბში და საქართველოს შეიარაღებული ძალების გენშტაბის ახალი ხელმძღვანელის გეგმები! რა რეფორმების განხორციელებას გეგმავს ქართულ ჯარში ვლადიმერ ჩაჩიბაია და როგორ აფასებენ მას სამხედრო ექსპერტები?! რა ფორმით მოხდება წვევამდელების გაწვევა და რა ცვლილებები განხორციელდება საჰაერო თავდაცვის სისტემაში?! დეტალები - ლიკა ალელიშვილის რეპორტაჟში.
✔ბრძოლა ნდობის ჯგუფისთვის და ოპოზიციის კანდიდატები ერთმანეთის პირისპირ! წარადგენს თუ არა “პატრიოტთა ალიანსი” ემზარ კვიციანის კანდიდატურას თავდაცვისა და უშიშროების კომიტეტის თავმჯდომარის მოადგილის თანამდებობაზე და ვის უპირისპირებს მას “ნაციონალური მოძრაობა”?! რა შანსები აქვთ კანდიდატებს და ოპოზიციის კვოტით, ვინ მოიპოვებს ადგილს ნდობის ჯგუფში?! უმრავლესობისა და უმცირესობის შეფასებები - გიორგი კობერიძის რეპორტაჟში.
ქვეითთა გადასასვლელზე არსებული პრობლემები, დიდი სიჩქარით მოძრავი ავტომობილები და დავიწყებული ე.წ ზებრა გადასასვლელები - ეს იმ პრობლემათა არასრული ჩამონათვალია, რომელზე ყურადღების გამახვილებაც მშრალ ხიდზე გამართული აქციის მონაწილეებმა სცადეს. “გაუღიმე და გაატარე” კამპანია დღეს დაიწყო და ორი თვის განმავლობაში გაგრძელდება. თეო ბარბაქაძე, არჩილ ვაჟიკაშვილი დეტალებით
გალერეა “იარტში” გივი აღაპიშვილის პერსონალური გამოფენა სახელწოდებით “როგორც შევძელი” გაიხსნა. მსოფლიოში ცნობილი მხატვრის ნამუშევრების გამოფენა თბილისში პირველად გაიმართა. ძველთან ერთად გალერეაში, ბოლო 2 წლის განმავლობაში შესრულებული ნამუშევრებიც გამოიფინა. გივი აღაპიშვილის სადიპლომო ნამუშევარი ტრეწიაკოვის გალერეამ ჯერ კიდევ 70-იან წლებში შეიძინა და მას შემდეგ ცნობილი მხატვრის სურათები მსოფლიოს სხვადასხვა ქვეყნის კოლექციებსა და მუზეუმებში არის შენახული. დღესვე აღაპიშვილის კატალოგის პრეზენტაციაც გაიმართა, დამთვალიერებელს ცნობილი მხატვრის შემოქმედების ნახვა “იარტში” დღეიდან 29 ნოემბრის ჩათვლით შეეძლება.
ამერიკის შეერთებული შტატების შემდეგ, მნიშვნელოვანი არჩვნების მოლოდინში ევროპაა. საფრანგეთი ახალი პრეზიდნეტის ასარჩევად ემზადება. ვინ არიან საარჩევნო რბოლის ფავორიტები და რომელ კანდიდატებს შორის პროგნოზირებენ მეორე ტურს, ნახეთ ქეთი ჩოხელის რეპორტაჟში.
ღვიძლის გადანერგვის შედეგად გარდაცვლილი ორი პაციენტი და კლინიკა ლანცეტი, რომელსაც სახელმწიფო რეგულირების სააგენტომ ორგანოების გადანერგვის ნებართვა გაუუქმა. ადამიანის უფლებათა ცენტრის ინფორმაციით, საქმე ოპერაციების შემდეგ გარდაცვლილ ორ პაციენტს ეხება. რას აცხადებენ რეგულირების სააგენტოში, რას მოითხოვს ადამიანის უფლებათა ცენტრი და რა პასუხი აქვთ კლინიკა ლანცეტში - ნიკა მუკბანიანი, სულხან ელბაქიძე დეტალებით
დავით კეზერაშვილისა და ალექსანდრე ნინუას სასამართლო პროცესი გაიმართა თბილისის საქალაქო სასამართლოში. დღევანდელ სხდომაზე პროკურატურის ერთი მოწმე დაიკითხა, რომელიც 2008 წელს თავდაცვის სამინისტროს გაერთიანებულ შტაბში შესყიდვების დეპარტამენტს ხელმძღვანელობდა. ნოდარ ქვირითაიამ სასამართლოსთვის მიცემულ ჩვენებაში განაცხადა, რომ მაშინდელი თავდაცვის მინისტრის დავით კეზერაშვილის მიერ გაცემული ბრძანება, რომელიც საჯარისო ნაწილის არაგეგმიურ სწავლებას ეხებოდა არ უნახავს. მისი ღირებულება კი 5 მილიონ 60 ათასი ევრო იქნებოდა. ამასთან, ქვირითაიას ჩვენების მიხედვით, მსგავსი შინაარსის წვრთნა 2008 წლის იანვარში არც ჩატარებულა. დღესვე მოსამართლემ ბრალდებულებისთვის აღკვეთის ღონისძიების შეცვლაზეც იმსჯელა და ორივეს კვლავ წინასწარ პატიმრობა დაუტოვა. ბრალდება თავდაცვის ყოფილ მინისტრსა და თავდაცვის სამინისტროს შესყიდვების სამსახურის ყოფილ უფროს, სახელმწიფო ბიუჯეტიდან 5 მილიონ 60 ათასი ევროს გაფლანგვას ედავება. პროკურატურის ინფორმაციით, თანხა კეზერაშვილმა ერთერთ ოფშორულ კომპანიაში გადარიცხა.
დეპუტატ ვალერი გელაშვილის ცემისთვის ერეკლე კოდუას მიერ ყოფილი სპეცრაზმელებისთვის გადახდილი მადლობა და 500 დოლარიანი პრემია. საქმეზე, რომელთან დაკავშირებითაც ექსპრეზიდენტს უფლებამოსილების გადამეტებისთვის აქვს ბრალი წარდგენილი, სპეციალური ოპერატიული დეპარტამენტის ის ყოფილი თანამშრომლები დაიკითხენ, რომლებმაც დეპუტატის ცემის დავალება შეასრულეს. თუმცა, მოწმეების ჩვენებების მიხედვით, მათ ოპერაციის შემდეგ მედიიდან შეიტყვეს, რომ ის პარლამენტის დეპუტატი იყო. ვისგან და რა დავალება მიიღეს ყოფილმა სპეცრაზმელებმა, ოპერაციის შესრულების შემდეგ რა უთხრა მათ სოდის ყოფილმა ხელმძღვანელმა ერეკლე კოდუამ და რატომ არ ენდობა მოწმეების ჩვენებებს ბრალდებულის ადვოკატი, გიორგი კობერიძე გიამბობთ.
16 წუთი და 27 წამი - პარლამენტში, საქართველოს პრეზიდენტს, მიმართვისთვის ეს დრო დასჭირდა. სავალდებულო მისალმების, საზოგადოებისთვის გადახდილი მადლობისა და დეპუტატებისთვის მილოცვის შემდეგ, იმ პრიორიტეტებზე ისაუბრა, რომელიც გიორგი მარგველაშვილის შეფასებით, მომავალი 4 წლის განმავლობაში საკანონმდებლო საქმიანობის მთავარი ორიენტირი უნდა იყოს. პრეზიდენტმა ახალ პარლამენტს, დიალოგი და თანამშრომლობა რამდენიმე მიმართულებით შესთავაზა, მარგველაშვილის გზავნილები და ადრესატთა პასუხები ნახეთ თამარ წიკლაურის რეპორტაჟში.
118 ხმით სამის წინააღმდეგ - საქართველოს მეცხრე მოწვევის პარლამენტის თავმჯდომარედ ირაკლი კობახიძე დაამტკიცეს. ახალი მოწვევის პარლამენტის პირველ ხდომას, ფიცის დადებას და პირველ პოლიტიკურ განცხადებებს - ლიკა ალელიშვილი გაგაცნობთ.
მეცხრე მოწვევის პარლამენტის პირველი სხდომა და პირველი საკადრო გადაწყვეტილებები, პირველი სხდომა თითქმის რვა საათს გაგრძელდა, დღის ბოლოს კი პარლამენტის თავმდჯომარემ, პრემიერის მოვალეობის შემსრულებელმა და პრეზიდენტმა პირველი სამუშაო შეხვედრა გამართეს. როგორია სხდომის დასრულების შემდეგ გაკეთებული პირველი განცხადებები მიშა ფეიქრიშვილი ჩაგვერთვება დეტალებით ქუთაისიდან. მიშა გისმნეთ.
მთაწმინდაზე, ერთ-ერთი ქუჩა, დღეიდან კოტე მახარაძის სახელობის იქნება. ინიციატივა თბილისისი მერიას ეკუთვნის. დამსახურებული არტისტი და სპორტული კომენტატორი, კოტე მახარაძე მეგობრებმა და ოჯახის წევრებმა, დიდუბის პანთეონში კიდევ ერთხელ გაიხსენეს. კოტე მახარაძეს დღეს 90 წელი შეუსრულდებოდა. სულხან ელბაქიძე, მაკა ლაშხია დეტალებით.
ექსპო ჯორჯიას მე-11 პავილიონში საბავშვო წიგნის ილუსტრაციისა და წიგნის ხელოვნების მესამე საერთაშორისო ფესტივალი ’’ გაიხსნა. წინა წლებთან შედარებით, ,,თბილისის წიგნის დღეები’’ მრავალფეროვანი პროგრამით გამოირჩევა. როდემდე გასტანს წიგნის ფესტივალი და რა ელოდება დამთვალიერებელს, ნახეთ თეო ბარბაქაძის რეპორტაჟში.
ქართული კინომემკვიდრეობა საქართველოს უბრუნდება. რუსეთის „გოს ფილმო ფონდმა“ შეთანხმების მიხედვით კულტურის სამინისტროს ცნობილი ქართველი რეჟისორების 4 ფილმი გადასცა. ლეო ესაკიას „ჰოლტზე“ და „ამერიკანკა“ , მიხეილ ჭიაურელის „უკანასკნელი საათი“ და ნუცა ღოღობერიძის „ბუბა“. 2 წლის წინ მიღწეული შეთანხმების შედეგად უახლოესი წლების განმავლობაში საქართველოში 706 მოკლემეტრაჟიანი, სრულმეტრაჟიანი, ანიმაციური და დოკუმენტური ფილმის დაბრუნება იგეგმება. როგორ ჩაიარა ქართული უნიკალური ფილმების გადმოცემის ცერემონიამ, როდის დაუბრუნდება ცნობილი რეჟისორების სხვა ფილმები ქვეყანას და რა ისტორიას ინახავს ქართული კინომემკვიდრეობა , ნათია ხართიშვილი გიამბობთ
წინანდალში „რედისონის“ მშენებლობის საკითხზე იმსჯელეს საპარტნიორო ფონდში, სადაც აშშ-ის მთავრობის განვითარების საფინანსო ინსტიტუტის წარმომადგენელთან შეხვედრა გაიმართა. ცნობილია, რომ აშშ-ის განვითარების საფინანსო ინსტიტუტი საპარტნიორო ფონდთან ერთად „რედისონის“ პროექტის განხორციელებაში მიიღებს მონაწილეობას.