კონფიდენციალურობის/პერსონალური მონაცემების დაცვის განაცხადი
კომპანიის სახელწოდება: შპს „პრემიუმ ვებ სოლუშენს“ (შემდგომში: „კომპანია“ ან myvideo ან “ჩვენ”)
საიდენტიფიკაციო კოდი: 404503042
მისამართი: იურიდიული მისამართი -საქართველო, ქ. თბილისი, დ. თორაძის ქუჩა № 9; ფაქტობრივი მისამართი - საქართველო, ქ. თბილისი, ნუცუბიძის ქუჩა № 14;
განაცხადი შესაძლოა, პერიოდულად განახლდეს, რის თაობაზეც ინფორმაცია აისახება myvideo-ს ვებ-გვერდზე და გაცნობებთ აღნიშნულის თაობაზე.
დოკუმენტის პირველ გვერდზე მოცემულია განაცხადის განახლების უკანასკნელი თარიღი.
კონფიდენციალურობის/პერსონალური მონაცემების დაცვის განაცხადის გავრცელების ფარგლები
წინამდებარე განაცხადი ვრცელდება:
- myvideo-ს მომხმარებლებზე, რომლებიც სარგებლობენ ჩვენი მომსახურებებით, (მათ შორის ვიდეოგაზიარების პლატფორმისა და მაუწყებლობის ტრანზიტის მომსახურებით), შემოდიან myvideo-ზე, სხვადასხვა საკომუნიკაციო არხის საშუალებით შემოდიან ჩვენთან კომუნიკაციაში ან და/ან მონაწილეობას იღებენ ჩვენს გამოკითხვებში, აქციაში, გათამაშებაში.
- იმ ფიზიკურ პირებზე, რომლებიც არ არიან myvideo-ს მომხმარებლები თუმცა მოგვმართავენ ჩვენი მომსახურების მიღების და/ან ინფორმაციის მიწოდების მოთხოვნით;
თუ თქვენ სარგებლობთ/გეგმავთ ისარგებლოთ ჩვენი ერთი ან რამდენიმე მომსახურებით, იგულისხმება, რომ თქვენ გაეცანით და იზიარებთ წინამდებარე განაცხადის პირობებს.
პერსონალური მონაცემების დამუშავების პრინციპები და გარანტიები
მონაცემები უნდა დამუშავდეს კანონიერად, სამართლიანად, მონაცემთა სუბიექტისთვის გამჭვირვალედ და მისი ღირსების შეულახავად;
მონაცემები უნდა შეგროვდეს/მოპოვებული უნდა იქნეს მხოლოდ კონკრეტული, მკაფიოდ განსაზღვრული და ლეგიტიმური მიზნებისთვის;
მონაცემები უნდა დამუშავდეს მხოლოდ იმ მოცულობით, რომელიც აუცილებელია შესაბამისი ლეგიტიმური მიზნის მისაღწევად.
მონაცემები იმ მიზნის თანაზომიერი უნდა იყოს, რომლის მისაღწევადაც ისინი მუშავდება;
მონაცემები უნდა იყოს ნამდვილი, ზუსტი და, საჭიროების შემთხვევაში, განახლებული. მონაცემთა დამუშავების მიზნების გათვალისწინებით, არაზუსტი მონაცემები უნდა გასწორდეს, წაიშალოს ან განადგურდეს გაუმართლებელი დაყოვნების გარეშე;
მონაცემები შეიძლება შენახულ იქნეს მხოლოდ იმ ვადით, რომელიც აუცილებელია მონაცემთა დამუშავების შესაბამისი ლეგიტიმური მიზნის მისაღწევად.
იმ მიზნის მიღწევის შემდეგ, რომლისთვისაც მუშავდება მონაცემები, ისინი უნდა წაიშალოს, განადგურდეს ან შენახული უნდა იქნეს დეპერსონალიზებული ფორმით, გარდა იმ შემთხვევისა, თუ მონაცემთა დამუშავება/შენახვა განსაზღვრულია კანონმდებლობით და წარმოადგენს პროპორციულ ზომას დემოკრატიულ საზოგადოებაში აღმატებული ინტერესების დასაცავად;
მონაცემების უსაფრთხოების დაცვის მიზნით მონაცემთა დამუშავებისას მიღებული უნდა იქნეს ისეთი ტექნიკური და ორგანიზაციული ზომები, რომლებიც სათანადოდ უზრუნველყოფს მონაცემთა დაცვას, მათ შორის, უნებართვო ან უკანონო დამუშავებისგან, შემთხვევითი დაკარგვისგან, განადგურებისგან ან /და დაზიანებისგან;
myvideo აცხადებს, რომ პერსონალური მონაცემების დამუშავებას განახორციელებს კანონიერი, წინამდებარე განაცხადით განსაზღვრული საფუძვლების, მიზნებისა და პრინციპების შესაბამისად.
პერსონალური მონაცემების დამუშავების საფუძვლები და მიზნები
ჩვენ ვამუშავებთ თქვენს პერსონალურ მონაცემებს ერთი ან რამდენიმე ქვემოთ მოცემული კანონიერი საფუძვლით, კერძოდ:
- თქვენი მოთხოვნის/განცხადების განხილვის საფუძვლით;
- ჩვენი კანონიერი/ლეგიტიმური ინტერესების დაცვის უზრუნველყოფის საფუძვლით;
- ჩვენზე კანონმდებლობით დაკისრებული ვალდებულებების შესრულების საფუძვლით;
- თქვენი თანხმობით.
პერსონალური მონაცემების მოპოვების წყაროები და მონაცემები, რომელსაც ვამუშავებთ
პერსონალური მონაცემების მოპოვება ხორციელდება კომპანიისათვის თქვენ მიერ მოწოდებული და ქვემოთ ჩამოთვლილი ერთი ან რამდენიმე წყაროდან.
თქვენს პერსონალურ მონაცემებს ვაგროვებთ, როდესაც თქვენ:
- სხვადასხვა საკომუნიკაციო არხის საშუალებით მოგვმართავთ ჩვენ ან ჩვენს უფლებამოსილ წარმომადგენელს ჩვენი მომსახურების მიღების და/ან ინფორმაციის მოწოდების მოთხოვნით ან გადიხართ იდენტიფიცირების პროცესს;
- შემოდიხართ და ათვალიერებთ ჩვენ ვებ-გვერდს (ჩვენი ვებ-გვერდის მონიტორინგსა და თქვენი მონაცემების მოგროვებას ვახორციელებთ ე.წ. „მზა ჩანაწერების“ (cookies-ის) საშუალებით; „მზა ჩანაწერები“ გამოიყენება თქვენს შესახებ სხვადასხვა ინფორმაციის შესაგროვებლად, ასევე იმ ვებ გვერდების ჩამონათვალის შესანახად რომელსაც ის ეწვია, ეს ინფორმაცია გამოიყენება ვებ-გვერდის ოპტიმიზაციისათვის და თქვენი გამოცდილების გასათვალისწინებლად. თუ თქვენ არ გსურთ, რომ თქვენმა ბრაუზერმა შეინახოს „მზა ჩანაწერები“, თქვენ შეგიძლიათ გამორთოთ „მზა ჩანაწერების“ მიღების ოფცია თქვენი ბრაუზერის პარამეტრებიდან.
- მონაწილეობას იღებთ ჩვენს გამოკითხვაში, აქციაში, გათამაშებაში და/ან სხვა ფორმით შემოდიხართ ჩვენთან კომუნიკაციაში;
- რეგისტრირდებით (ქმნით მომხმარებლის ანგარიშს) და სარგებლობთ ჩვენი ვებ-გვერდით, იყენებთ ცხელ ხაზს და ონლაინ საკონსულტაციო ფუნქციონალს (ონლაინ ჩეთს) ან გვიგზავნით წერილს ფოსტით ან ელ.
- ფოსტით;
- მოგვმართავთ საჩივრით/პრეტენზიით, მათ შორის, დაზიანების აღმოფხვრის, მომსახურების ხარისხის უზრუნველყოფის ან/და ნებისმიერი სხვა ხარვეზის გასწორების მოთხოვნით;
- მოგვმართავთ პერსონალური მონაცემების გაცემის, გასწორების, წაშლის ან დამუშავების შეწყვეტის მოთხოვნით.
მონაცემები, რომელსაც ვამუშავებთ
პერსონალური მონაცემების კატეგორიები და დამუშავების მოცულობა დამოკიდებულია თქვენს მიერ მიღებულ მომსახურებებზე, ჩვენთან განხორციელებული კომუნიკაციის ფორმაზე, თქვენს მოთხოვნაზე და თქვენს სტატუსზე.
წინამდებარე განაცხადით განსაზღვრული საფუძვლებით და მიზნებისთვის შესაძლოა დამუშავდეს შემდეგი მონაცემები:
- თქვენი საიდენტიფიკაციო და უფლებამოსილების დამადასტურებელი მონაცემები: სახელი, გვარი, პირადი ნომერი, მისამართი, ტელეფონის ნომერი/საკონტაქტო ნომერი, ელექტრონული ფოსტის მისამართი, ასაკი, დაბადების თარიღი და სქესი;
- პირადობის მოწმობის/პასპორტის ასლი და/ან ონლაინ იდენტიფიცირების ფარგლებში მიღებული ბიომეტრიული მონაცემები;
- მონაცემები თქვენ მიერ მიღებული მომსახურებ(ებ)ის შესახებ, მათ შორის, მონაცემები მომსახურების დამატების, გაუქმების ან ცვლილების თაობაზე;
- მონაცემები ჩვენი ვებ-გვერდით, მობილური აპლიკაცი(ებ)ით, ცხელი ხაზით და ონლაინ მომსახურების პორტალით სარგებლობის თაობაზე, ასევე, ინფორმაცია თქვენი სარეგისტრაციო მონაცემების (მომხმარებლის სახელი და პაროლი);
- მომსახურებასთან დაკავშირებით, თქვენ მიერ განხორციელებული კომუნიკაციის მონაცემები, მათ შორის, ელ-ფოსტით/ფოსტით/ონლაინ საკონსულტაციო (ონლაინ ჩეთის) პროგრამით შემოსული წერილობითი ინფორმაცია, ქოლ-ცენტრში შემოსული ზარების აუდიო ჩანაწერი;
- თქვენთვის მოწოდებული მომსახურების ხარისხის თაობაზე მონაცემები და დაზიანებების დეტალური სტატისტიკა;
- თაღლითურ ქმედებებთან/ფროდთან და ინფორმაციული უსაფრთხოების დარღვევასთან დაკავშირებული მონაცემები;
- ჩვენი და ჩვენი პარტნიორი კომპანიების (რომელთა მომსახურებაზეც თქვენ წვდომა გაქვთ ჩვენი შეთავაზების/ერთობლივი შეთავაზების ფარგლებში) მომსახურებით/პროდუქტებით სარგებლობისა და თქვენი ინტერესების თაობაზე მონაცემები, ასევე ინფორმაცია ჩვენი და/ან ჩვენი პარტნიორი კომპანიების მომსახურებების/პროდუქტების თაობაზე მიღებული მარკეტინგული შეთავაზებებისა და შეტყობინებების შესახებ;
- თქვენი მონაცემების დამუშავების შედეგად მიღებული ინფორმაცია, მათ შორის, სეგმენტის /კატეგორიის და პროფილის შესახებ.
- თქვენი პერსონალური მონაცემების გასწორების, წაშლის, გაცემის, დამუშავებაზე თანხმობის ან დამუშავების შეწყვეტის მოთხოვნის თაობაზე ინფორმაცია;
- ნებისმიერი ის სხვა მონაცემი, რომლის დამუშავებაზეც თქვენ თანხმობა განაცხადეთ და/ან რომლის დამუშავების ვალდებულებაც გვეკისრება კანონმდებლობით.
პერსონალური მონაცემების გაზიარება
ჩვენ შესაძლოა გავუზიაროთ თქვენი მონაცემები:
- ჩვენს პარტნიორ კომპანიებს, რომელთა მომსახურებითაც თქვენ სარგებლობთ/ისარგებლეთ ჩვენი შეთავაზების ფარგლებში;
- შესაბამის მხარეს/პირს კომპანიის შერწყმის და/ან წილის შეძენის შემთხვევაში;
- კანონმდებლობით განსაზღვრულ შემთხვევებში, შესაბამის უფლებამოსილ სამართალდამცავ ორგანოებს და/ან სახელმწიფო უწყებებს;
- სხვა სხვა პირებს, თქვენი თანხმობის შემთხვევაში.
ყველა ზემოაღნიშნულ შემთხვევებში პერსონალური მონაცემების გაზიარება მოხდება მხოლოდ იმ მინიმალური მასშტაბით, რაც აუცილებელია შესაბამისი მიზნის მისაღწევად და/ან რაც გათვალისწინებულია/სავალდებულოა კანონმდებლობით.
პერსონალური მონაცემების შენახვის ვადები
პერსონალურ მონაცემებს ვინახავთ იმ ვადით, რომელიც აუცილებელია შესაბამისი მიზნის მისაღწევად და/ან განსაზღვრულია კანონმდებლობით.
მოქმედი კანონმდებლობის შესაბამისად, თქვენს საიდენტიფიკაციო და საკონტაქტო მონაცემებს, აპარატურის/მოწყობილობის მონაცემებსა და მომსახურების გაწევის/მოწოდების თაობაზე მონაცემებს ვინახავთ არაუმეტეს 4 წლის ვადით, ხოლო გადახდების შესახებ ინფორმაციას, ისევე როგორც მიღებული ან გაწეული მომსახურების შესახებ ინფორმაციას - მომსახურების გაწევიდან/კომუნიკაციის განხორციელებიდან არაუმეტეს 4 წლის განმავლობაში.
მონაცემების შენახვისთვის გათვალისწინებული ვადების ამოწურვისთანავე, მაგრამ არაუმეტეს 30 დღის განმავლობაში უზრუნველვყოფთ ამ მონაცემების წაშლას ან განადგურებას.
თქვენი უფლებები
თქვენ უფლება გაქვთ:
- გამოითხოვოთ ინფორმაცია იმ მონაცემის თაობაზე, რომელიც მუშავდება თქვენს შესახებ;
- გაეცნოთ და მიიღოთ იმ მონაცემების ასლები, რომელსაც ჩვენ ვამუშავებთ თქვენ შესახებ;
- მოგვთხოვოთ თქვენ შესახებ არსებული მცდარი, არაზუსტი ან/და არასრული მონაცემების გასწორება, განახლება ან/და შევსება;
- ნებისმიერ დროს, ყოველგვარი განმარტების ან დასაბუთების გარეშე გამოიხმოთ თქვენ მიერ გაცემული თანხმობა, თუ არ არსებობს მონაცემთა დამუშავების სხვა საფუძველი;
- მოითხოვოთ თქვენი მონაცემების დამუშავების შეწყვეტა, დაბლოკვა, წაშლა ან განადგურება;
- სტრუქტურიზებული, საზოგადოდ გამოყენებადი და მანქანურად წაკითხვადი ფორმატით მიიღოთ თქვენს მიერ მოწოდებული მონაცემები ან მოითხოვოთ ამ მონაცემთა სხვა დამუშავებისთვის პასუხისმგებელი პირისთვის გადაცემა
- ავტომატიზებული დამუშავების, მათ შორის, პროფაილინგის შედეგად მიღებული გადაწყვეტილების და იმ ლოგიკის შესახებ, რომელიც გამოიყენება ამგვარი გადაწყვეტილების მისაღებად, აგრეთვე მონაცემთა დამუშავებაზე მისი გავლენისა და დამუშავების მოსალოდნელი/სავარაუდო შედეგის თაობაზე;
- მიიღოთ ინფორმაცია მონაცემთა უსაფრთხოების დარღვევის იმგვარი ინციდენტის შესახებ, რომელიც მაღალი ალბათობით გამოიწვევს მნიშვნელოვან ზიანს ან/და მნიშვნელოვან საფრთხეს შეუქმნის ადამიანის ძირითად უფლებებსა და თავისუფლებებს.
თქვენ უფლება გაქვთ, ამ თავით გათვალისწინებული ინფორმაცია მიიღოთ მისი მოთხოვნიდან არაუგვიანეს 10 სამუშაო დღისა.
ეს ვადა განსაკუთრებულ შემთხვევებში და სათანადო დასაბუთებით შეიძლება გაგრძელდეს არაუმეტეს 10 სამუშაო დღით, რის შესახებაც დაუყოვნებლივ გეცნობებათ.
მონაცემთა გამოყენების შეწყვეტა, წაშლა ან განადგურება
თქვენ უფლება გაქვთ, მოგვთხოვოთ თქვენს შესახებ მონაცემთა დამუშავების (მათ შორის, პროფაილინგის) შეწყვეტა, მონაცემების წაშლა ან განადგურება.
თქვენი მოთხოვნის მიღებიდან არაუგვიანეს 10 სამუშაო დღისა (თუ საქართველოს კანონმდებლობით სხვა რამ არ არის დადგენილი) ჩვენ შევწყვეტთ თქვენი მონაცემების დამუშავებას ან/და წავშლით ან გავანადგურებთ თქვენს მონაცემებს.
ჩვენ შესაძლოა უარი გითხრათ თქვენი მოთხოვნის დაკმაყოფილებაზე, თუ არსებობს მონაცემების დამუშავების სხვა საფუძველი, მაგ: მონაცემთა შენახვის ვალდებულება გათვალისწინებულია კანონით და/ან მონაცემების შენახვა საჭიროა იმ მიზნის მისაღწევად, რომლისთვისაც განხორციელდა მონაცემთა შეგროვება.
უარის შემთხვევაში თქვენ განგემარტებათ უარის თქმის საფუძველი და ასევე გეცნობებათ აღნიშნული უარის გასაჩივრების წესი.
გთხოვთ, გაითვალისწინოთ, რომ თუ თქვენ მოითხოვთ ისეთი მონაცემების დამუშავების შეწყვეტას, რომელიც აუცილებელია თქვენთვის კონკრეტული მომსახურების მოწოდებისათვის, ჩვენ ვეღარ შევძლებთ თქვენთვის შესაბამისი მომსახურების გაწევას.
მონაცემთა დამუშავების შეწყვეტის, წაშლის ან განადგურების შესახებ ინფორმაციას მიიღებთ შესაბამისი მოქმედების განხორციელებისთანავე, დაუყოვნებლივ, მაგრამ არაუგვიანეს 10 სამუშაო დღისა.
როგორ დაგვიკავშირდეთ
წინამდებარე განაცხადთან, თქვენი მონაცემების დამუშავებასთან დაკავშირებით შეკითხვების არსებობის და/ან მოთხოვნის დაფიქსირების სურვილის შემთხვევაში, გთხოვთ,