კომპანიის სახელწოდება: შპს “პრემიუმ ვებ სოლუშენს”; ბრენდული სახელწოდება myvideo (შემდგომში, ასევე „კომპანია“ ან myvideo)
საიდენტიფიკაციო კოდი: 404503042
იურიდიული მისამართი: საქართველო, ქ. თბილისი, დ. თორაძის ქუჩა № 9
ფაქტობრივი მისამართი: საქართველო, ქ. თბილისი, ნუცუბიძის ქუჩა № 14
კომპანიის შესახებ დამატებითი ინფორმაცია შეგიძლიათ იხილოთ ვებგვერდზე: www.myvideo.ge
წინამდებარე საჩივრების წარდგენისა და განხილვის წესები (შემდგომში: „წესები“) შემუშავებულია “მაუწყებლობის შესახებ” საქართველოს კანონის და „ელექტრონული კომუნიკაციების შესახებ“ საქართველოს კანონის მოთხოვნების საფუძველზე და არეგულირებს myvideo-ის ვიდეოგაზიარების პლატფორმის მომსახურებასთან და მაუწყებლობის ტრანზიტის მომსახურებასთან დაკავშირებული საჩივრების წარდგენის, მიღების, განხილვისა და გადაწყვეტის წესებსა და პროცედურებს.
საჩივრების დროულად განხილვისა და ობიუქტურად გადაწყვეტის მიზნით, “კომპანიაში” შექმნილია და ფუნქციონირებს საჩივრების განმხილველი კომიტეტი (შემდგომში: “კომიტეტი”).
„კომიტეტის“ ფუნქციაა ვიდეოგაზიარების პლატფორმის მომსახურებასთან დაკავშირებული (მათ შორის განთავსებული/ასატვირთი ვიდეო კონტენტის დაბლოკვა/წაშლასთან, ანგარიშის დაბლოკვა/გაუქმებასთან, საავტორო და მომიჯნავე უფლებების დარღვევასთან, პირადი/კონფიდენციალური მონაცემების გამჟღავნებასთან, დაუშვებელი პროდუქციის განთავსებასთან და/ან თაღლითობასთან დაკავშირებული) საჩივრების და მაუწყებლობის ტრანზიტის მომსახურებასთან დაკავშირებული საჩივრების განხილვა და გადაწყვეტილებების მიღება.
“კომიტეტი” შედგება „კომპანიის“ დირექტორის ბრძანებით დანიშნული სამი წევრისგან, რომელთაგანაც ერთ-ერთი ინიშნება “კომიტეტის” თავმჯდომარედ.
“კომიტეტს” ჰყავს მდივანი, რომელიც უზრუნველყოფს შემოსული საჩივრების აღრიცხვას, კატეგორიზაციას, საჩივრის მასალების მომზადებას და საჩივრის დოკუმენტაციისა და გადაწყვეტილებების დაარქივებას.
„კომიტეტი” თავის საქმიანობაში ხელმძღვანელობს ობიექტურობის, მიუკერძოებლობის, სამართლიანობისა და გამჭვირვალობის პრინციპებით.
“კომიტეტი” ახორციელებს საჩივრების არსებით განხილვას და იღებს ობიექტურ, დასაბუთებულ გადაწყვეტილებას.
საჩივრის წარმდგენი შესაძლოა იყოს (შემდგომში ასევე, “მომჩივანი” ან “საჩივრის წარმდგენი პირი”):
საჩივარი “კომიტეტს” წარედგინება წერილობითი ფორმით:
საჩივარი უნდა შეიცავდეს:
საჩივრის წარდგენიდან, 3 სამუშაო დღეში, “კომიტეტი” ამოწმებს განეკუთვნება თუ არა საჩივარში მოცემული საკითხის განხილვა “კომიტეტის” უფლებამოსილებას და არის თუ არა საჩივარი/ინფორმაცია სრულყოფილად წარმოდგენილი.
თუ საკითხის განხილვა მიეკუთვნება “კომიტეტის” კომპეტენციას და წარმოდგენილი საჩივარი სრულყოფილია, “კომიტეტი” იღებს გადაწყვეტილებას საჩივრის დასაშვებად ცნობის თაობაზე, რაც ეცნობება საჩივრის წარმდგენ პირს.
თუ წარდგენილი საჩივარი არ აკმაყოფილებს ამ წესებით და კანონმდებლობით განსაზღვრულ მოთხოვნებს, “კომიტეტი” საჩივრის წარმდგენ პირს განუსაზღვრავს ვადას ხარვეზის აღმოსაფხვრელად, რომელიც არ უნდა იყოს 5 სამუშაო დღეზე ნაკლები.
აღნიშნული ვადის ათვლა იწყება შეტყობინების ადრესატისთვის ჩაბარებიდან. ამ შემთხვევაში საჩივრის განხილვის ვადის დინება შეჩერებულად ითვლება.
საჩივრის განხილვის ვადის დინება განახლდება ხარვეზის აღმოფხვრისთანავე.
თუ დადგენილ ვადაში საჩივრის წარმდგენი პირი არ აღმოფხვრის ხარვეზს, “კომიტეტი” იღებს გადაწყვეტილება საჩივრის განუხილველად დატოვების შესახებ და ატყობინებს აღნიშნულის შესახებ საჩივრის წარმდგენ პირს.
ხარვეზის აღმოფხვრის შემთხვევაში, “კომიტეტი” იღებს გადაწყვეტილებას საჩივრის დასაშვებად ცნობის თაობაზე, რაც ეცნობება საჩივრის წარმდგენ პირს.
“კომიტეტი” საჩივარს განიხილავს და გადაწყვეტილებას იღებს საჩივრის წარდგენიდან/რეგისტრაციიდან 15 კალენდარული დღის ვადაში.
განსაკუთრებულ შემთხვევებში, ვადა შეიძლება გაიზარდოს გონივრული ვადით, რაც ეცნობება მომჩივანს.
“კომიტეტი” საჩივარს განიხილავს ზეპირი მოსმენის სხდომის გარეშე. “კომიტეტი” უფლებამოსილია საჩივრის წარმდგენი პირისგან მოითხოვოს დამატებითი დოკუმენტაცია ან მოთხოვნის/გარემოებების დაზუსტება.
“კომიტეტის” თითოეულ წევრს აქვს ერთი ხმის უფლება. გადაწყვეტილება მიიღება ხმათა უბრალო უმრავლესობით.
“კომიტეტის” წევრს, რომელიც არ ეთანხმება უმრავლესობას, შეუძლია წერილობით ჩამოაყალიბოს თავისი განსხვავებული აზრი. განსხვავებული აზრი დაერთვის გადაწყვეტილებას.
“კომიტეტი” უფლებამოსილია მიიღოს ერთ-ერთი შემდეგი გადაწყვეტილება:
„კომიტეტის“ გადაწყვეტილებაში აღინიშნება:
საჩივრის დაკმაყოფილებაზე უარის ან საჩივრის ნაწილობრივ დაკმაყოფილების შესახებ გადაწყვეტილება ჩაბარებულად ითვლება საჩივარში მითითებულ საფოსტო მისამართზე, ელეტრონულ მისამართზე, საკონტაქტო ნომერზე გადაწყვეტილების გაგზავნით ან პირადად ჩაბარებით.
თუ მომჩივანს მითითებულ საფოსტო მისამართზე/ელეტრონულ მისამართზე/საკონტაქტო ნომერზე გადაწყვეტილება ვერ ჩაბარდა, დროული ინფორმირების ვალდებულების შესრულების მიზნით, “კომიტეტი” უფლებამოსილია გამოიყენოს ინფორმირების ზეპირი ფორმა.
საჩივრის თაობაზე მიღებული გადაწყვეტილება შეიძლება გასაჩივრდეს მისი მომჩივანისათვის ჩაბარებიდან 1 (ერთი) თვის ვადაში, საქართველოს კომუნიკაციების ეროვნულ კომისიაში ან სასამართლოში ან საქართველოს კომუნიკაციების ეროვნულ კომისიასთან მოქმედი ელექტრონული კომუნიკაციებისა და მაუწყებლობის სფეროების მომხმარებელთა ინტერესების საზოგადოებრივი დამცველის (ომბუდსმენის) სამსახურში (https://momkhmarebeli.comcom.ge/).