საქართველოს ერთ-ერთი წამყვანი დეველოპერული კომპანია არქი და საერთაშორისო ბრენდი NEXT ევროპულ ბაზარზე პოზიციებს აძლიერებენ. კომპანიებმა პოლონეთის დედაქალაქ ვარშავაში ერთობლივი გაყიდვების ოფისი გახსნეს. ახალი წარმომადგენლობა ქალაქის ერთ-ერთ ყველაზე პრესტიჟულ ბიზნესცენტრში, The Warsaw HUB-ში განთავსდა და მიზნად ისახავს პოლონელი და ევროპელი ინვესტორებისთვის საქართველოში არსებული უძრავი ქონებისა და სასტუმრო პროექტების შესაძლებლობების გაცნობას. ოფისის გახსნას საქართველოს დიპლომატიური მისიის წარმომადგენლები, საერთაშორისო ინვესტორები, პარტნიორები და პოლონური ბიზნეს საზოგადოების წევრები დაესწრნენ. კომპანიების ხელმძღვანელებმა ღონისძიებაზე საერთაშორისო განვითარების გეგმებზე ისაუბრეს და აღნიშნეს, რომ ვარშავის ოფისი მნიშვნელოვანი ნაბიჯია საქართველოს საინვესტიციო პოტენციალის ევროპულ ბაზარზე წარმოსაჩენად. არქისა და NEXT-ის წარმომადგენლობა პოლონეთში მომხმარებლებს ადგილობრივ საკონსულტაციო მომსახურებას, საინვესტიციო მხარდაჭერას და კომპანიის მიმდინარე პროექტებზე პირდაპირ წვდომას შესთავაზებს.


#ახალიამბები #BusinessMediaGeorgia