საქართველოს უნივერსიტეტის ლიტერატურული კონკურსის „ფოლიო X“-ის გამარჯვებულები ცნობილია. ფოლიო X“ უკვე ათი წელია ახალგაზრდა ავტორებისთვის ერთ-ერთ მნიშვნელოვან ლიტერატურულ პლატფორმას წარმოადგენს. კონკურსმა არაერთ დამწყებ მწერალს მისცა შესაძლებლობა, საკუთარი შემოქმედება ფართო აუდიტორიისთვის გაეცნო და პროფესიული განვითარების პირველი მნიშვნელოვანი ნაბიჯები გადაედგა. ამჯერად კონკურსი საიუბილეო გახლდათ. კონკურსის მე-10 სეზონში მონაწილეობისთვის საქართველოს სხვადასხვა უნივერსიტეტის სტუდენტებისა და სკოლის მოსწავლეებისგან 150-მდე პროზაული ნაშრომი შემოვიდა. წელს კონკურსის მთავარი შემოქმედებითი გამოწვევა იყო „აღმოაჩინე მეტი“ - იდეა, რომელმაც მონაწილეებს მისცა შესაძლებლობა, სრულიად თავისუფალი ინტერპრეტაციით შეექმნათ ისტორიები და ნაცნობში ახალი აღმოეჩინათ. საკონკურსო ნამუშევრები ქართველმა მწერალმა და ლიტერატორმა გიორგი კეკელიძემ შეაფასა, რომელმაც სამი გამარჯვებული გამოავლინა. კონკურსის ყველა მონაწილემ შედეგების მიუხედავად, საქართველოს უნივერსიტეტისგან მონაწილეობის სერტიფიკატი მიიღო.


#ახალიამბები #BusinessMediaGeorgia