„თეგეტა მოტორსის“ ორგანიზებით, მსოფლიოში საბურავების ერთ-ერთმა უმსხვილესმა მწარმოებელმა Bridgestone-მა თბილისში პრემიუმ კლასის ორი ახალი მოდელი – Turanza 6 ENLITEN და Alenza LX200 ENLITEN – ოფიციალურად წარადგინა. Bridgestone-ი მსგავსი მასშტაბის პრეზენტაციებს მსოფლიოს სხვადასხვა ქვეყანაში მართავს, თუმცა წელს საერთაშორისო ღონისძიების მასპინძლობა სწორედ საქართველოს ერგო. კომპანიების განცხადებით, ეს გადაწყვეტილება „თეგეტა მოტორსსა“ და იაპონურ ბრენდს შორის თითქმის სამი ათწლეულის განმავლობაში ჩამოყალიბებული წარმატებული პარტნიორობის კიდევ ერთი დასტურია. სტუმრებს საშუალება ჰქონდათ, არა მხოლოდ გაცნობოდნენ ახალი საბურავების ტექნოლოგიურ სიახლეებს, არამედ სპეციალურად მოწყობილი ტესტდრაივის ფარგლებში მათი შესაძლებლობები რეალურ საგზაო პირობებშიც გამოეცადათ. მწარმოებლის ინფორმაციით, ახალი მოდელები თანამედროვე ავტომობილების, მათ შორის ელექტრომობილების მოთხოვნებზეა მორგებული და მძღოლებს უსაფრთხოების, კომფორტის, დაბალი ხმაურისა და საწვავის ეფექტიანობის გაუმჯობესებულ მაჩვენებლებს სთავაზობს.


#ახალიამბები #BusinessMediaGeorgia