საქართველოს საკაბელო ინდუსტრიის ერთ-ერთი ლიდერი, „საქკაბელი“ საერთაშორისო ბაზარზე პოზიციების გამყარებას განაგრძობს.

ამჯერად „საქკაბელის“ პროდუქციით ერევანში Dalan Technopark-ის - სომხეთის ერთ-ერთი ყველაზე მასშტაბური მულტიფუნქციური ტექნოლოგიური ცენტრის - მშენებლობა მიმდინარეობს. Dalan Technopark-ი ერთ სივრცეში თანამედროვე საოფისე და კომერციულ ფართებს, სასტუმროს, რესტორნებს, სპორტულ კომპლექსსა და მრავალფეროვან ინფრასტრუქტურას გააერთიანებს. პროექტი LEED Gold-ისა და BOMA A კლასის საერთაშორისო სამშენებლო და მართვის სტანდარტების შესაბამისად ხორციელდება. სწორედ ამიტომ, შენობის უსაფრთხოებისა და საიმედოობის უზრუნველსაყოფად, Dalan Technopark-ის ელექტრიფიკაციისთვის „საქკაბელის“ წარმოების ცეცხლმედეგი და ჰალოგენისგან თავისუფალი კაბელები შეირჩა. აღსანიშნავია, რომ „საქკაბელი“ სომხეთის ბაზარზე ექსპორტს 2010 წლიდან ახორციელებს და მისი პროდუქცია არაერთ მნიშვნელოვან ინფრასტრუქტურულ და სამშენებლო პროექტშია გამოყენებული. Dalan Technopark-ის მშენებლობაში „საქკაბელის“ ჩართულობა კიდევ ერთხელ ადასტურებს იმ მრავალწლიან ნდობას, რომელსაც სომეხი პარტნიორები და დეველოპერები „საქკაბელსა“ და ქართულ წარმოებას უცხადებენ.


#ახალიამბები #BusinessMediaGeorgia