თიბისის მხარდაჭერითა და HT Solutions-ის ორგანიზებით, 1 ივლისს, უკვე მეშვიდედ ტექნოლოგიური კონფერენცია Change Inspire 2026 გაიმართება. კონფერენცია ტექნოლოგიების, ბიზნესისა და ინოვაციების სფეროს წამყვან წარმომადგენლებს გააერთიანებს და როგორც ორგანიზატორები აღნიშნავენ 1000 ზე მეტ მონაწილეს ელიან. გასული 6 წლის განმავლობაში Change Inspire რეგიონში ერთ-ერთ ყველაზე გავლენიან ტექნოლოგიურ პლატფორმად არის ჩამოყალიბებული, რომელიც ყოველწლიურად აერთიანებს საერთაშორისო ტექნოლოგიურ კომპანიებს, ბიზნესის ლიდერებს, ინოვატორებსა და ტექნოლოგიურ პროფესიონალებს, ქმნის ცოდნის გაზიარების, პროფესიული განვითარების და ახალი პარტნიორობების შესაძლებლობებს. წლევანდელი კონფერენციის მთავარი თემაა „Big Tech. Global Legends. One Future.“ ღონისძიება თავს მოუყრის მსოფლიოს წამყვანი ტექნოლოგიური კომპანიების წარმომადგენლებს, მათ შორის NVIDIA-ს, Google-ის, Amazon-ის, Microsoft-ის, Google Cloud-ისა და AWS-ის ექსპერტებს, რომლებიც ტექნოლოგიური განვითარების უახლეს ტენდენციებსა და დამსწრეებს გამოცდილებას გაუზიარებენ.

სტუმრები: გიორგი ვარამიშვილი - თიბისის ტექნოლოგიების მმართველობის და პროცესების მართვის განყოფილების უფროსი.
ნინო გვაზავა - HT Solutions -ის მმართველი პარტნიორი


#ახალიამბები #BusinessMediaGeorgia