გაზაფხული, რომელიც წლების განმავლობაში ზომიერი ტემპერატურითა და თანდათანობითი დათბობით გვახსოვდა, დღეს სულ უფრო ხშირად ძლიერი წვიმებით, ქარითა და ამინდის მკვეთრი ცვლილებებით ხასიათდება. მეცნიერები ათწლეულებია აფრთხილებენ მსოფლიოს, რომ გლობალური დათბობის ფონზე სეზონებს შორის საზღვრები თანდათან წაიშლებოდა. მათი შეფასებით კი ეს პროცესი დღეს უკვე დაწყებულია.

საერთაშორისო ორგანიზაციების ბოლო მონაცემებით, ბოლო ათწლეული დაკვირვებების ისტორიაში ყველაზე ცხელი აღმოჩნდა, ხოლო ევროპა კლიმატის ცვლილების ერთ-ერთ ყველაზე სწრაფად გამთბარ რეგიონად რჩება. სპეციალისტები ვარაუდობენ, რომ ახალი ტემპერატურული რეკორდების დამყარების ალბათობა მომდევნო წლებშიც მაღალია.

და ცხადია, რომ კლიმატის ცვლილება მხოლოდ სიცხეს არ ნიშნავს. მეცნიერები ყურადღებას ამახვილებენ ნალექების რეჟიმის ცვლილებაზეც. ზოგ რეგიონში გახანგრძლივებულ გვალვებზე, სხვაგან კი უეცარ და ინტენსიურ წვიმებზე, რომლებიც წყალდიდობების რისკს ზრდის.

რაც შეეხება საქართველოს, რომლის ზოგიერთ რეგიონში გასული დღეების განმავლობაში თოვდა, მთავარ გამოწვევებად რჩება უფრო ხანგრძლივი და ცხელი ზაფხული, ძლიერი წვიმებისა და დატბორვების გახშირება, ასევე სეზონური ციკლის ცვლილება. სწორედ ამიტომ სულ უფრო ხშირად ისმის მოწოდება, რომ თბილისს ჰქონდეს სიცხის ტალღების მართვისა და მოსახლეობის დაცვის გეგმა. რამდენად მაღალ ტემპერატურას ველით ზაფხულში და რა უნდა იყოს სამოქმედო გეგმა?

სტუმარი: მამუკა გვილავა - გარემოსდაცვითი შეფასების ექსპერტი

#ახალიამბები #BusinessMediaGeorgia