ბავშვთა დაცვის საერთაშორისო დღის აღსანიშნავად, „არქიმ“ პატარა არქელებისთვის განსაკუთრებული ღონისძიება გამართა. გრანდ ავენიუს ტერიტორიაზე მოწყობილ სპეციალურ სივრცეში, ბავშვებს მრავალფეროვანი გასართობი პროგრამა დახვდათ - ანიმატორები, ზღაპრის გმირები, ბატუტი, სახეზე მოხატვა, სახალისო თამაშები, ბუშტების მასტერკლასი და სხვადასხვა სასუსნავი. 1 ივნისთან დაკავშირებული ღონისძიებები „არქისთვის“ უკვე ტრადიციად იქცა და კომპანია ყოველწლიურად ზრუნავს, რომ ეს დღე პატარებისთვის დაუვიწყარ გამოცდილებად აქციოს. გამონაკლისი არც წლევანდელი წელი ყოფილა - ღონისძიებას უამრავი პატარა არქელი მშობლებთან ერთად დაესწრო და ორი საათის განმავლობაში დრო მხიარულ, აქტიურ და შემეცნებით გარემოში გაატარა. შეგახსენებთ, რომ არქის უკვე დასრულებული აქვს 55 პროექტი, ხოლო მიმდინარე 31 პროექტი აქვს. ამასთან კომპანია 70 000-მდე არქელს აერთიანებს, როგორც თავად კომპანიაში ამბობენ არქელებზე ზრუნვა კომპანიის ღირებულებების განუყოფელი ნაწილია, რასაც ყოველთვის განსაკუთრებულ ყურადღებას უთმობენ.


#ახალიამბები #BusinessMediaGeorgia