ავლაბრის მეტროში ძლიერი წვიმის დროს წყლის ჩამოსვლის ფაქტზე თბილისის მერიაში მოკვლევა იწყება. დედაქალაქის მერის, კახა კალაძის განცხადებით, საკითხს აუდიტის სამსახური და მერის მოადგილეები შეისწავლიან. კალაძემ მთავრობის სხდომაზე აღიარა, რომ რეაბილიტაციიდან 2 წლის თავზე არსებული ხარვეზები ნათელი და ამასთან მიუღებელია.

კახა კალაძე აცხადებს, რომ უნდა დადგინდეს, პასუხისმგებლობა ეკისრება თუ არა სამუშაოების შემსრულებელ კომპანიას, ზედამხედველს ან პროექტის მიმღებ მხარეს. მისივე შეფასებით, მსგავსი შემთხვევები აზიანებს როგორც მუნიციპალიტეტის იმიჯს, ისე მთლიანად მერიის მიმართ ნდობას.

ავლაბრის მეტრო არ არის პირველი და არც მეორე უხარისხოდ შესრულებული პროექტი არც თბილისში და არც რეგიონებში. გასული კვირის ბოლოს მოსული ძლიერი წვიმის გამო ნახევარ ქალაქს სანიაღვრე სისტემების პრობლემები ჰქონდა, მათ შორის იყო ასევე ახალ რეაბილიტირებული წერეთლის გამზირი.

რას ხმარდება თბილისის ბიუჯეტის ფინანსები?

სტუმარი: საბა ბუაძე - კოალიცია ძლიერი საქართველოს ერთ-ერთი ლიდერი, პოლიტიკოსი

#ახალიამბები #BusinessMediaGeorgia