ათენში მცხოვრები ქართველებისთვის სილამაზის კვირეული და საგანმანათლებლო პროექტი იწყება, რომელიც ესთეტიკურ მედიცინას, პროფესიულ განვითარებასა და საერთაშორისო შესაძლებლობებს აერთიანებს. 29 მაისიდან, მხოლოდ 3 დღის განმავლობაში, საბერძნეთის დედაქალაქს ქართველი სპეციალისტები ეწვევიან. ვიზიტის ფარგლებში, პაციენტებს შესაძლებლობა ექნებათ მიიღონ ინექციური და კოსმეტოლოგიური პროცედურები, კანის პროფესიული დიაგნოსტიკა და პერსონალიზებული სილამაზის გეგმა. მნიშვნელოვანია, რომ პროექტი სცდება მხოლოდ სამედიცინო მომსახურების ფარგლებს და მასშტაბურ საგანმანათლებლო ხასიათს ატარებს. საქართველოდან ინექციური და კლასიკური კოსმეტოლოგიის სტუდენტებს ეძლევათ შანსი, ჩაერთონ გაცვლით პროგრამაში და საერთაშორისო პრაქტიკული გამოცდილება მიიღონ ათენში მოღვაწე დარგის სპეციალისტებთან ერთად. ამასთან, პროექტის ფარგლებში დაგეგმილია ექსკლუზიური კურსი პიარის როლზე ესთეტიკურ მედიცინაში, რომელიც მოიცავს ექიმების პერსონალურ ბრენდინგს, სოციალური მედიის მართვასა და ბიუთი ინდუსტრიაში ნდობის მოპოვების სტრატეგიებს.

სტუმრები: სალიტა მერკვილაძე - დერმატო-ვენეროლოგი, დერმატო-კოსმეტოლოგი
მარიამ პაკაცოშვილი - პიარის სპეციალისტი

#ქალებისნარატივი მარიამ იზორიასთან ერთად

#ახალიამბები #BusinessMediaGeorgia