ზოგადად, მეღვინეობა ხომ ბერვად ბევრად მეტია, ვიდრე მხოლოდ კომერცია, ხშირ შემთხვევაში ეს საგვარეულო ისტორიის გაცოცხლებაცაა. სწორედ ასე შეიქმნა შატო ლე ბერიძე, მარტვილის რაიონში, სოფელ ნახურცილავოში, რომელსაც ადგილობრივები „ლებერიდეს“ ეძახიან. ეს არის მიწა, რომელიც დამფუძნებლის დიდმა ბაბუებმა ოდესღაც ოქროთი შეიძინეს. ოჯახის ისტორიამ ბევრი ქარტეხილი გაიარა - ტყვარჩელის მაღაროებში მძიმე შრომა, შემდეგ გაგრაში ცხოვრება და აფხაზეთის ომის გამო იძულებითი ემიგრაცია. თუმცა, 2013 წელს, ოჯახმა მიიღო ფუნდამენტური გადაწყვეტილება: დაბრუნებულიყვნენ სამშობლოში, ზუსტად იმ საგვარეულო მიწაზე და დაეწყოთ ბიზნესი, რომელიც მათ ფესვებს გააცოცხლებდა. დღეს „შატო ლე ბერიძე“ მარტვილში ხელით დაკრეფილ, ბუნებრივად და ევროპულად ფერმენტირებულ პრემიუმ კლასის ოჯალეშს აწარმოებს და მომხმარებელს საუკუნოვან გემოს თანამედროვე სტანდარტებით სთავაზობს.

სტუმარი: ნათია ბერიძე - “შატო ლე ბერიძე”, დამფუძნებელი

#ქალებისნარატივი ლიკა მეგუთნიშვილთან ერთად

#ახალიამბები #BusinessMediaGeorgia