საქართველოს უნივერსიტეტმა უმასპინძლა ცნობილ არქიტექტორსა და პედაგოგს - ოსამუ ოკამურა-ს, რომელიც ურბანული სიცოცხლისუნარიანობისა და ადამიანზე ორიენტირებული ქალაქების ერთ-ერთი გამორჩეული მკვლევარია. ღონისძიება მოიცავს ლექციასა და დისკუსიას სტუდენტებთან, აკადემიურ პერსონალსა და პროფესიულ საზოგადოებასთან. ოსამუ ოკამურა ამჟამად არის Czech Centre Tbilisi-ის დირექტორი და მრავალი წლის განმავლობაში იკავებდა მნიშვნელოვან აკადემიურ და პროფესიულ პოზიციებს საერთაშორისო სივრცეში. ლექციის ფარგლებში სპიკერმა ისაუბრა თანამედროვე ქალაქების განვითარებაზე, ადამიანზე ორიენტირებულ ურბანულ გარემოზე და იმაზე, თუ როგორ შეიძლება ქალაქები გახდეს უფრო ინკლუზიური, ცოცხალი და მდგრადი. ღონისძიებამ სტუდენტებს მისცა შესაძლებლობა, უშუალოდ გაცნობოდნენ საერთაშორისო პრაქტიკას, მიეღოთ პროფესიული ხედვა და ჩართულიყვნენ ღია დისკუსიაში მსოფლიო არქიტექტორთან.


#ახალიამბები #BusinessMediaGeorgia