საგადასახადო კოდექსში დაგეგმილი ცვლილებების ფონზე, რომელიც მსუბუქ ავტომობილებზე, განსაკუთრებით 6 წელზე მეტი ასაკის მანქანებზე აქციზის მნიშვნელოვან ზრდას ითვალისწინებს, „საქმიან დილაში“ ამერიკიდან შემოგვიერთდება გიორგი წურწუმია, ავტოდილერი და კომპანიების CG Luxury Autos-ისა და American Auto Sale-ის დამფუძნებელი. მისი შეფასებები განსაკუთრებით საინტერესოა, რადგან ახალი რეგულაციით ძველი ავტომობილებისთვის აქციზის განაკვეთი ფაქტობრივად სამმაგდება, რაც პირდაპირ აისახება იმპორტის ღირებულებასა და საბოლოო ფასებზე.

გიორგი წურწუმია, რომელსაც მრავალწლიანი გამოცდილება აქვს როგორც ავტომობილების ექსპორტში, ისე ამერიკულ სადილერო ბაზარზე, ისაუბრებს — რამდენად შეცვლის ეს გადაწყვეტილება მომხმარებლის არჩევანს, რა გავლენა ექნება ბაზარზე ხელმისაწვდომ ავტომობილებზე და რამდენად რეალისტურია ავტოპარკის სწრაფი განახლება მსგავსი საგადასახადო პოლიტიკის პირობებში.

სტუმარი: გიორგი წურწუმია - CG Luxury Autos-სა და American Auto Sale-ის დამფუძნებელი

#ახალიამბები #BusinessMediaGeorgia