"ოცნების" მთავრობა კი გარემოსდაცვაზე ზრუნვას აგრძელებს. გასული კვირის ბოლოს ცნობილი გახდა, რომ 6 წელზე ძველი ავტომობილები სრულად აღარ აიკრძალება, თუმცა განბაჟების ღირებულება 6-ჯერ გაიზრდება. ანუ აქციზი ერთ კუბურ სანტიმეტრზე 4.5 ლარი იქნება, რითაც ძველი ავტომობილების შემოყვანა შეიძლება ითქვას, რომ სრულად აზრს კარგავს. ირაკლი კობახიძე ამბობს, რომ გადაწყვეტილება გარემოზე ზრუნვისთვის არის მიღებული, თუმცა კორექტირება კერძო სუბიექტების ინტერესების გამო მოხდა.

მეორე დიადი გადაწყვეტილება, ასევე გარემოზე ზრუნვით ახსნილი, ეხება პლასტიკის ბოთლების აკრძალვას. ოცნება აპირებს, რომ 1 ივლისიდან საზოგადოებრივი კვების ობიექტების მიერ მომხმარებლისთვის პლასტმასის ბოთლებით სასმლის მიწოდება აიკრძალოს, ხოლო 2027 წლის 1 თებერვლიდან ის ჩვენი ცხოვრებიდან სრულად გაქრეს. ეს ნიშნავს რომ პლასტმასის ბოთლებით სასმელების წარმოება იმპორტი და ბაზარზე განთავსება შეუძლებელი იქნება. რა ეფექტი ექნება რეალობაში ზემოთ ხსენებული გადაწყვეტილებებს როგორც გარემოზე, ისე ჯანმრთელობასა და ეკონომიკაზე?

სტუმარი: ხათუნა გოგალაძე - გარემოს დაცვის ყოფილი მინისტრი

#ახალიამბები #BusinessMediaGeorgia