მთავრობამ საირიგაციო წყლის მიწოდების სუბსიდირების სქემა დაამტკიცა. სემეკის მიერ დადგენილი ახალი ტარიფებით 1 მორწყვის საფასური გაუმრიცხველიანებელი ფერმერებისთვის 116,5 ლარამდე ძვირდება, მაშინ როცა აქამდე ფერმერებს ამ მომსახურებაში წლიურად მხოლოდ 75 ლარის გადახდა უწევდათ, დასავლეთ საქართველოში კი ტარიფი უფრო ნაკლები - 45 ლარი იყო.

სემეკის დადგენილებით, ტარიფი სხვადასხვა კულტურებზე განსხვავებულია, მაგალითად ერთწლიანი კულტურების 1 მორწყვა 116.5 ლარი იქნება (დღგ ჩათვლით), მრავალწლიანი კულტურების მორწყვის ფასი კი 102 ლარი.

მნიშვნელოვანია, რომ ახალი ტარიფების დადგენის ფონზე, მთავრობა ფერმერებს სარწყავი წყლის გამოყენებაზე ნაწილობრივ სუბსიდირებას სთავაზობს, რაც სეზონზე სამ მორწყვას მოიაზრებს.

რა წილს ფარავს გამრიცხველიანებული ფერმერებისთვის ახალი დადგენილება და რას ფიქრობენ ფერმერები?

სტუმარი: ნიკო ნიკოლაძე - ნუშისა და კაკლის ასოციაციის სამეთვალყურეო საბჭოს წევრი;

#ახალიამბები #BusinessMediaGeorgia