ისრაელური მედიის ინფორმაციით, ირანის „ექსპერტთა საბჭომ“ ლიკვიდირებული აიათოლა ალი ხამენეის მეორე ვაჟი, მოჯთაბა ხამენეი ქვეყნის ახალ ლიდერად გამოაცხადა. მოჯთაბა ხამენეი ულტრაკონსერვატიული ბანაკის ერთ-ერთი ყველაზე გავლენიანი ფიგურაა. ის მამის მსგავსად რადიკალური პოზიციებით გამოირჩევა, რაც გამოიხატება რეჟიმის მოწინააღმდეგეების სასტიკ ჩახშობაში ქვეყნის შიგნით და აგრესიული საგარეო პოლიტიკის მხარდაჭერაში. მოჯთაბა საშუალო რანგის სასულიერო პირია და თეოლოგიას ყუმის სემინარიაში ასწავლიდა. მიუხედავად იმისა, რომ მას არასდროს ჰქონია ოფიციალური პოლიტიკური თანამდებობა, ის წლების განმავლობაში ითვლებოდა მამის გარემოცვის „კარისმცველად“ და უმჭიდროესი კავშირი ჰქონდა „ისლამური რევოლუციის გუშაგთა კორპუსთან“. მამის მსგავსად მასაც დიდძალი, თუმცა ჩრდილში არსებული ქონება აქვს. უძრავი ქონება, ოქრო, ბრილიანტი - მოკლედ ახალი აიათოლას ქონება მილიონობით დოლარს აჭარბებს. რა ქონებას ფლობს ირანის ახალი უზენაესი ლიდერი?

#ახალიამბები #BusinessMediaGeorgia