მრავალპროფილურმა კლინიკამ New Hospitals-მა საერთაშორისო სამედიცინო სერვისების წამყვან ორგანიზაცია International SOS-თან თანამშრომლობის ხელშეკრულება გააფორმა. ხელშეკრულების ფარგლებში New Hospitals-ი საქართველოში წარმოადგენს International SOS-ის ბენეფიციარებისთვის სამედიცინო მომსახურების ოფიციალურ პროვაიდერს, რაც მოიცავს როგორც გადაუდებელ, ისე გეგმურ სამედიცინო სერვისებს მოგზაურთა მედიცინის მიმართულებით.დეტალური შერჩევისა და ინსპექტირების პროცესის შედეგად კლინიკამ სრულად დაადასტურა ორგანიზაციის მიერ დადგენილ მკაცრ საერთაშორისო მოთხოვნებთან შესაბამისობა. შერჩევის პროცესის ფარგლებში შეფასდა კლინიკის სამედიცინო მომსახურების ხარისხი, ინფრასტრუქტურა, პერსონალის კვალიფიკაცია და საერთაშორისო სტანდარტების შესაბამისობა საქართველოში.აღნიშნული პარტნიორობა წარმოადგენს მნიშვნელოვან ეტაპს კლინიკის საერთაშორისო ცნობადობის გაზრდის პროცესში და ადასტურებს, რომ ნიუ ჰოსპიტალსი აკმაყოფილებს საერთაშორისო სტანდარტებს, როგორც სამედიცინო მომსახურების ხარისხის, ისე პაციენტის უსაფრთხოებისა და სერვისის ორგანიზების კუთხით.


#ახალიამბები #BusinessMediaGeorgia