BMG-ის ფოკუსშია, შუახევის ჰესების კასკადი - დამოუკიდებელი საქართველოს ისტორიაში აშენებული ყველაზე მასშტაბური ენერგო ობიექტი და ყველაზე მსხვილი ინვესტიცია ენერგეტიკის სექტორში.2020 წლიდან დღემდე შუახევის ჰესების კასკადმა, რომელიც შედგება 178 მგვტ შუახევი ჰესის და 9 მგვტ სიმძლავრის სხალთა ჰესებისგან, გამოიმუშავა 2 360 (GWh) გეგავატსაათი ელექტროენერგია. 5 წელზე მეტია რაც ჰესების კასკადი წარმატებით ოპერირებს რითაც ზრდის ქვეყანაში ელექტროენერგიის შიდა წარმოებას და აძლიერებს საქართველოს ენერგეტიკულ უსაფრთხოებას.

ჩემი ინფორმაციით, წელსაც გამორჩეული წელი ჰქონდა ,,აჭარისწყალ ჯორჯიას '' ტექნოლოგიური მიღწევების ნაწილში. მიმდინარე წელს კომპანიაში დაინერგა ახალი სისტემა, სადაც ქიუარ კოდის დასკანერებით, ხდება ჰესის ძირითადი და დამხმარე მოწყობილობების, ამავდროულად სათავე ნაგებობების შემოწმება და მონაცემების შენახვა ჰესის ძირითად სერვერზე. ენერგო კომპანიის გრძელვადიანი გეგმაა საუკეთესო საერთაშორისო პრაქტიკებისა და სტანდარტების შესაბამისად ჰესის მართვა მთლიანად ციფრული ტექნოლოგიებით აწარმოოს.

ამავდროულად, უკვე 10 წელია, რაც ,,აჭარისწყალი ჯორჯია" სოციალური პასუხისმგებლობის სრულიად ახალ სტანდარტს ქმნის ენერგეტიკის სექტორში. ამ პერიოდის განმავლობაში, ადგილობრივი მოსახლეობის მხარდასაჭერად: განათლება და ცნობიერების ამაღლება, ინფრასტრუქტურული გაუმჯობესება და თემების განვითარება - განხორციელებულია ასობით პროექტი, დახარჯულია 9 000 000 ლარზე მეტი და ამ ინიციატივებმა ჯამურად 8 000-ზე მეტ ადგილობრივს მოუტანა სარგებელი. კომპანიის გუნდი, მუდმივად აგრძელებს ადგილობრივ თემებთან მუშაობას და მათი ინტერესების გათვალისწინებით და ჩართულობით, სოციალური პროექტების განხორციელებას.



#ახალიამბები #BusinessMediaGeorgia