ამერიკული ავტოინდუსტრიის ლიდერმა, Ford-მა სახელგანთქმული ავტომობილის, Ford Focus-ის გამოშვება 27 წლის თავზე შეაჩერა. არსებული ინფორმაცია ოფიციალურ გვერდზე გავრცელდა. დგინდება, რომ Focus-ის მოდელის ბოლო ერთეული ნოემბრის ბოლოს აიგება, რითაც წარმოება სრულად შეწყდება. აღსანიშნავია, რომ Focus-ის გამოშვებით კომპანიამ კომპაქტური ავტომობილების კუთხით ახალი სტანდარტი დანერგა და ამ მიმართულებით ბაზრის ლიდერად დიდ ხანსაც რჩებოდა. 27 წლის განმავლობაში კომპანიამ Focus-ის 12 მილიონი ერთეული გაყიდა, რაც მას Ford-ისთვის ერთ-ერთ ყველაზე წარმატებულ მოდელად აქცევს.

აქვე უნდა ითქვას, რომ სახელგანთქმული მოდელის გამოშვების დასრულება Ford-ის მიერ შემუშავებული იმ საერთო სტრატეგიის ნაწილია, რომელიც ყურადღების სხვა მიმართულებებზე გადატანას და სედანებისა თუ ელექტრომობილების წარმოების შემცირებას ითვალისწინებს. ამ კუთხით, Focus-ი ერთადერთი გამონაკლისი არ არის. Ford-მა უკვე შეაჩერა Mondeo-სა და Fiesta-ს გამოშვებაც.

#ახალიამბები #BusinessMediaGeorgia