საქართველოში ადგილობრივი ელექტრონული კომერციის ბაზარი ნელი ტემპით იზრდება, რისი ერთ-ერთი მთავარი მიზეზი ონლაინ ვაჭრობის უცხოური პლატფორმებია. ელექტრონული კომერციის ასოციაციაში აცხადებენ, რომ ადგილობრივ კომპანიებს კონკურენციის გაწევა განსაკუთრებით ჩინურ პლატფორმა ტემუსთან უჭირთ, რომლის წილიც საქართველოს ბაზარზე სულ უფრო მზარდია. ასოციაციაში მიაჩნიათ, რომ ბაზრის ადგილობრივ მოთამაშეებს ხელშემწყობი მექანიზმები სჭირდებათ. ბაზრის მონაწილეების ნაწილი კი განსხვავებულ ტენდენციებზე საუბრობს და ამბობს, რომ მზარდი კონკურენციის მიუხედავად, ქართული პლატფორმები მომხმარებლებისთვის აქტუალური რჩება.


#ახალიამბები #BusinessMediaGeorgia