9 თვეში ადგილობრივი ექსპორტი, ანუ ექსპორტი რეექსპორტის გარეშე 7.5%-ით გაიზარდა და 2 მილიარდ 348 მლნ დოლარს გაუტოლდა. საქსტატის გამოქვეყნებული მონაცემებით, ადგილობრივმა ექსპორტი მთლიანი ექსპორტის 45.6%-ია, რაც გასული წლის მაჩვენებელზე ნაკლებია.

რაც შეეხება იმპორტს:საქონლის იმპორტი წინა წელთან შედარებით 9.7%-ით გაიზარდა და მან 13.4 მილიარდი დოლარი შეადგინა. იმპორტის მატება ძირითადად განაპირობა ავტომობილების იმპორტის 10%-იანმა მატებამ.

აქვე, თუ გაინტერესებთ ფულადი გზავნილების 9 თვის დათვლებიც. Galt & Taggart-მა ფულადი გზავნილების 2025 წლის პროგნოზი ზრდის მიმართულებით განაახლა. საინვესტიციო ბანკის კვირის მიმოხილვაში წერია: "9 თვის ფაქტობრივი მონაცემებიდან გამომდინარე, ჩვენი განახლებული პროგნოზით, ფულადი გზავნილები 3.6 მლრდ აშშ დოლარს მიაღწევს 2025 წელს (წინა პროგნოზი 3.5 მლრდ აშშ დოლარი იყო)".

სებ-ის მიხედვით, 2025 წლის სექტემბერში ფულადი გზავნილები წლიურად 12.1%-ით გაიზარდა 317.8 მლნ აშშ დოლარამდე, წინა თვის წლიური 10.7%-იანი ზრდის შემდეგ.

სტუმარი: ლაშა ქავთარაძე - Galt & Taggart-ის ეკონომისტი

#ახალიამბები #BusinessMediaGeorgia