საქსტატის მონაცემებით, 2024 წელს საქართველოში საფინანსო მომსახურების საქმიანობით დაკავებული საწარმოების შემოსავლებმა 12.1 მილიარდი ლარი შეადგინა, რაც 2023 წლის 10.5 მილიარდ ლართან შედარებით გაზრდილი მაჩვენებელია.

შემოსავლის უდიდეს ნაწილს (76.9%) საპროცენტო და მასთან გათანაბრებული შემოსავლები შეადგენდა, 9.5% საკომისიო შემოსავლებზე მოდიოდა, ხოლო დარჩენილი 13.6% სხვა სახის შემოსავლებზე განაწილდა.

2024 წლის დასასრულისთვის საფინანსო მომსახურების საქმიანობით დაკავებული საწარმოების სალაროში განთავსებული იყო 2.9 მლრდ. ლარი ნაღდი ფულის სახით. ამავე დროს, ფიქსირებული და არაწარმოებული აქტივების ნარჩენმა (საბალანსო) ღირებულებამ 2.5 მლრდ. ლარი შეადგინა.

გასულ წელს საფინანსო მომსახურების საქმიანობით დაკავებულ საწარმოებში დასაქმებულთა საშუალო წლიური რაოდენობა 42.5 ათასს შეადგენდა, რომელთაგან 65.9% ქალი იყო.

რაც შეეხება სადაზღვევო კომპანიებს, მათ მიერ გამომუშავებულმა პრემიამ 1.1 მლრდ. ლარი შეადგინა, საიდანაც 41.7% სამედიცინო დაზღვევაზე მოდიოდა, 11.8% – ქონების დაზღვევაზე, 9.2% – სიცოცხლის დაზღვევაზე, 6.7% – სახმელეთო ტრანსპორტის გამოყენებასთან დაკავშირებულ სამოქალაქო პასუხისმგებლობის დაზღვევაზე, 1.4% – უბედური შემთხვევის დაზღვევაზე, ხოლო დანარჩენი (29.2%) სხვა სახის დაზღვევაზე განაწილდა.

2024 წელს სადაზღვევო კომპანიების მიერ ანაზღაურებული დამდგარი სადაზღვევო ზარალი 707.6 მლნ. ლარით განისაზღვრა, რომლის 52.6% სამედიცინო (ჯანმრთელობის) დაზღვევაზე მოდიოდა, 5.5% – სიცოცხლის დაზღვევაზე, 4.6% – სახმელეთო ტრანსპორტის გამოყენებასთან დაკავშირებულ სამოქალაქო პასუხისმგებლობის დაზღვევაზე, 4.5% – ქონების დაზღვევაზე, 0.3% – უბედური შემთხვევის დაზღვევაზე, ხოლო დანარჩენი (32.5%) სხვა სახის დაზღვევაზე განაწილდა.

სტუმარი: დევი ხეჩინაშვილი - საქართველოს სადაზღვევო ასოციაცია-ის ხელმძღვანელი;

#ახალიამბები #BusinessMediaGeorgia