10 ოქტომბერს, ფსიქიკური ჯანმრთელობის მსოფლიო დღეს, გაფორმდა ურთიერთთანამშრომლობის მემორანდუმი რითეილ ასოციაციასა და კომპანია COS - Concept of Safety-ს შორის. კომპანია COS – Concept of Safety უკვე რამდენიმე წელია ბიზნეს სექტორში შრომის უსაფრთხოების კულტურის განვითარებაზე მუშაობს. თუმცა ბოლო პერიოდში კომპანია კიდევ უფრო ღრმად ჩაეშვა იმ საკითხში, რაც უსაფრთხო სამუშაო გარემოს საფუძველს ქმნის - თანამშრომელთა ფიზიკურ და მენტალურ ჯანმრთელობაში.

სწორად ამიტომ მემორანდუმის გაფორმების თარიღი სიმბოლურად ფსიქიკური ჯანმრთელობის მსოფლიო დღეს მოხდა. დღეს, როდესაც თითქმის ყველა სექტორი დგას მაღალი სამუშაო დატვირთვის, ემოციური სტრესისა და ტალანტების შენარჩუნების გამოწვევების წინაშე, აუცილებელია კომპანიებმა თანამშრომელზე ზრუნვა სტრატეგიულად განიხილონ.

სტუმრები: სოფიო ქაშაკაშვილი - რითეილ ასოციაციის აღმასრულებელი დირექტორი;
სოფიო მამესწარაშვილი - Cos - ტრენინგების განვითარების ლიდი

#ახალიამბები #BusinessMediaGeorgia