დღეს დეპოზიტების დაზღვევის სისტემაზე და მის სააგენტოზე ვისაუბრებთ საქართველოში და ეს სტრუქტურა ანუ დეპოზიტების დაზღვევის სააგენტო 2017 წლის 3 ივლისს დაარსდა „დეპოზიტების დაზღვევის სისტემის შესახებ“ საქართველოს კანონის შესაბამისად.

ეს თემა თავის დროზე ინიცირებული და ბოლომდე მიყვანილი იყო ბატონი ირაკლი კოვზანაძის მიერ, რომელსაც მოკითხვებს ვუთვლი ჩვენი სტუდიიდან, თუ არ ვცდები, ამჯერადაც იბიარდის მიერ გამართულ საერთაშორისო ღონისძიებას ესწრება. საქმიანმა საზოგადოებამ ასევე მინდა იცოდეს

რომ დეპოზიტების დაზღვევის სააგენტო დამოუკიდებელი საჯარო სამართლის იურიდიული პირია, რომლის მთავარი ფუნქციაა საქართველოში მოქმედ ყველა კომერციულ ბანკში და მიკრობანკში არსებული რეზიდენტი და არარეზიდენტი პირების დეპოზიტების დაზღვევა. „კომერციული ბანკების საქმიანობის შესახებ“ საქართველოს კანონის და „მიკრობანკების საქმიანობის შესახებ“ საქართველოს კანონის შესაბამისად, ნებისმიერი კომერციული ბანკის და მიკრობანკის მიმართ ლიკვიდაციის, პროცესის დაწყების შემთხვევაში, დეპოზიტების დაზღვევის სააგენტო 20 კალენდარული დღის ვადაში უზრუნველყოფს დეპოზიტორების კუთვნილი თანხების ანაზღაურებას დადგენილი ზღვრის ფარგლებში. რაც მთავარია, ეს არ არის საშტატო განრიგით ან წლიური ბალანსით გადატვირთული სააგენტო, სააგენტოს ორგანიზაციული სტრუქტურა ჩამოყალიბდა საუკეთესო საერთაშორისო პრაქტიკის გათვალისწინებით. სააგენტოში, ხელმძღვანელის ჩათვლით, 6 თანამშრომელია - ფინანსური ექსპერტი/ანალიტიკოსი (2), იურისტი, ანაზღაურების ექსპერტი და ადმინისტრაციის სპეციალისტი.

2022 წლის სექტემბერში, სააგენტოს უფროსის თანამდებობაზე, ღია კონკურსის გზით, შეირჩა და დაინიშნა ლევან თოდუა. სააგენტოს ზედამხედველობას უწევს სამეთვალყურეო საბჭო საქართველოს ფინანსთა მინისტრის, საქართველოს ეკონომიკის და მდგრადი განვითარების მინისტრის, ეროვნული ბანკის პრეზიდენტის და კომერციული ბანკების მიერ შერჩეული 2 დამოუკიდებელი წევრის შემადგენლობით. და როგორც მოგახსენეთ, დეპოზიტების დაზღვევის სააგენტო ადმინისტრირებას უწევს ქვეყანაში დეპოზიტების დაზღვევის სისტემას და უზრუნველყოფს მის გამართულ და ეფექტიან ფუნქციონირებას.

რამდენად სწ

#ახალიამბები #BusinessMediaGeorgia