ვირტუალური აქტივების პროვაიდერები, ანუ კომპანიები, რომლებიც მომხმარებლებს კრიპტოაქტივების ფლობა განკარგვის სერვისს სთავაზობენ სრულად სებ-ის ზედამხედველობის ქვეშ მოექცევიან - ამას ითვალისწინებს ეროვნული ბანკის შესახებ ორგანულ კანონში შესატანი ცვლილებები, რომლებიც ქართული ოცნების უმრავლესობამ დაარეგისტრირა. ცვლილებების ავტორად საფინანსო-საბიუჯეტო კომიტეტის თავმჯდომარე პაატა კვიჟინაძე და ოცნების 10-მდე დეპუტატი არის მითითებული.

VASP-ების რეგულირების საკითხები ქართულ კანონმდებლობაში 2022 წლის 9 სექტემბერს განხორციელებული ცვლილებებით შევიდა, რის შედეგადაც სებ-მა 2023 წელს VASP-ების რეგისტრაცია დაიწყო. დღეის მდგომარეობით რეგისტრირებულია 27 ვირტუალური აქტივის მომსახურების პროვაიდერი და კიდევ რამდენიმე სუბიექტის მიმართ მიმდინარეობს სარეგისტრაციო წარმოება. ვირტუალური აქტივის მომსახურების პროვაიდერზე ეროვნული ბანკის ზედამხედველობა დღეის მდგომარეობით შემოიფარგლება ვირტუალური აქტივის მომსახურების პროვაიდერის საქმიანობის რეგისტრაციითა და რეგისტრაციის გაუქმებით, ადმინისტრატორთა შესაფერისობის კრიტერიუმების დადგენით, ფულის გათეთრებისა და ტერორიზმის დაფინანსების აღკვეთის ხელშეწყობის მიზნით შემოწმებითა და რეგულირებით, ვირტუალური აქტივის გადაცემისას თანმხლები ინფორმაციის განსაზღვრით.

სტუმარი: ლუკა ლომსაძე - Focus Verify-ს დამფუძნებელი

#ახალიამბები #BusinessMediaGeorgia