AD BLACK SEA-მ უკვე მეცხრედ კრეატიული სამყაროს ეპიცენტრად აქცია ბათუმი და მთლიანად საქართველო. რა თქმა უნდა წელსაც კრეატიული ინდუსტრიის წამყვან მოთამაშეებს და კომპანიებს, ასევე, დამწყებ ტალანტებს, ნიჭიერებს და ასევე, აღიარებულ, საერთაშორისო სპიკერებს უმასპინძლეს.

კონკურსანტები მსოფლიოს სხვადასხვა ქვეყნიდან ერთმანეთს 14 კატეგორიაში ეპაექრებოდნენ. მათ საერთაშორისო ჟიურის 5 გუნდი აფასებდა, რომელიც 20 ქვეყნიდან მოწვეულ 28 წევრს აერთიანებდა.

რაც შეეხება ჯილდოებს: წლევანდელი გრანპრის მფლობელი ქართული სააგენტო Playmakers Georgia გახდა და ვულოცავ ამ არაჩვეულებრივ გუნდს, კიდევ ერთ გამორჩეულ აღიარებას,რომელიც მიხარია მათთან ერთად, და არც მიკვირს მათი ნიჭიერების, შრომის და გამორჩეული შემოქმედებით მიდგომების შემხედვარე.

საუკეთესო ადგილობრივი კლიენტი-PSP, საუკეთესო სააგენტო-Playmakers,საუკეთესო დამოუკიდებელი სააგენტო - Playmakers და საუკეთესო ქსელი - Saatchi & Saatchi გახდა.

გრანპრის მფლობელებს შორისაა, პსპ-ს რეკლამა - თავისუფლებაზე, 26 მაისზე - სათაურით, "ჩიტებს ფრენა არ ავიწყდებათ".

სტუმრები: ვატო ქავთარაძე - AD BLACK SEA, დამფუძნებელი;
სოფო კეჩხოშვილი - AD BLACK SEA კონკურსის დირექტორი


#ახალიამბები #BusinessMediaGeorgia