ავტოსაგზაო შემთხვევების რიცხვი იზრდება. შინაგან საქმეთა სამინისტროს ოფიციალური სტატისტიკის მიხედვით, 2025 წლის პირველ 6 თვეში 2 860 ავტოსაგზაო შემთხვევა მოხდა, რის შედეგადაც,დაიღუპა 216 ადამიანი, ხოლო დაშავდა 2816.
შინაგან საქმეთა სამინისტროს სტატისტიკის თანახმად ავტოსაგზაო შემთხვევების თითქმის ნახევარი - 1369 შემთხვევა თბილისში მოხდა. დედაქალაქში ავარიების მსხვერპლთა რიცხვი 50-ია.
რეგიონებიდან ყველაზე მეტი ავტოსაგზაო შემთხვევა იმერეთში ფიქსირდება - 316 ერთეულით, რასაც 45 ადამიანის სიცოცხლე ემსხვერპლა.
შემდეგ მოდის აჭარა - ამ შემთხვევაში, ავარიების რაოდენობა 201-ს დაღუპულთა რიცხვი კი 30-ს შეადგენს. წლევანდელი 6 თვის შედეგები, წინა წლის ანალოგურ პერიოდთან მიმართებით, საშუალოდ 20%-ით გაზრდილ ლეტალობას, ხოლო დაშავებულთა რიცხვის 14%-იან ზრდას ასხავს. თავად საგზაო შემთხვევების მაჩვენებლები კი 2024-ის 2 კვარტალთან შედარებით, 12%-ით არის გაზრდილი. სტატისტიკა აჩვენებს, რომ საქართველოში ათასი საავტომობილო შემთხვევა საშუალოდ ას ადამიანს კლავს და ათასზე მეტს ასახიჩრებს.


#ახალიამბები #BusinessMediaGeorgia