„საქართველო–პოლონეთის სავაჭრო ბრუნვა მიმდინარე წლის იანვარ-ივლისში 193 მილიონ 900 ათასი აშშ დოლარამდე შემცირდა. აღსანიშნავია, რომ ბოლო ხუთი წლის განმავლობაში ეს პირველი შემთხვევაა, როდესაც ორი ქვეყნის სავაჭრო ურთიერთობები კლებას აჩვენებს.“
„სტატისტიკის მიხედვით, პოლონეთთან სავაჭრო ბრუნვა ბოლო წლებში სტაბილურად იზრდებოდა. 2020 წელს ის 161 მილიონ დოლარს შეადგენდა, 2024 წლისთვის კი 382 მილიონ დოლარს გადააჭარბა.
იმპორტში ყველაზე დიდი წილი პოლონეთიდან შემოტანილ საქონელზე მოდის — 164 მილიონ 800 ათას დოლარზე. მთავარი პროდუქტებია ავტომობილები და შაქარი.TOP-10-ში ასევე ფიგურირებს: მედიკამენტები, შოკოლადი, ტრაქტორები, საკონდიტრო ნაწარმი, სატვირთო მანქანები, კოსმეტიკა, სატელევიზიო აპარატურა და გაყინული ბოსტნეული.
რაც შეეხება ექსპორტს, საქართველოდან პოლონეთში 29 მილიონი დოლარის პროდუქცია გავიდა. ძირითადი საექსპორტო საქონელია ღვინო, მზა ნაწარმი და თხილი. ასევე გაჰქონდა შესაფუთი პაკეტები, საბურავები, თიხა, სამედიცინო ინსტრუმენტები, მსუბუქი ავტომობილები და მინერალური წყლები.

სტუმარი: გვანცა გრიგალაშვილი - პოლონეთის ინვესტიციების და ვაჭრობის სააგენტოს თბილისის ოფისის ხელმძღვანელი;

#ახალიამბები #BusinessMediaGeorgia