2026 წლიდან გზის ინფრასტრუქტურის მშენებლებისთვის ახალი რეგულაციები ამოქმედდება. კერძოდ, ინფრასტრუქტურის სამინისტრო მომავალი წლიდან გზების მშენებლობაში მოდიფიცირებული ასფალტის გამოყენებას მოითხოვს.

გზის ხარისხისა და უსაფრთხო გადაადგილების უზრუნველსაყოფად, საავტომობილო გზების დეპარტამენტი გეგმავს, 2026 წლიდან სახელმწიფო პროექტებში გზის საფარის ზედა ფენისთვის სავალდებულოდ განსაზღვროს მოდიფიცირებული ასფალტო ბეტონის გამოყენება.

ამ საკითხზე სამინისტროში კერძო სექტორთან შეხვედრა რამდენიმე დღის წინ გაიმართა. სამინისტროს მესვეურები განმარტავენ, რომ მოდიფიცირებული ასფალტი მნიშვნელოვნად აუმჯობესებს გზის საფარის გამძლეობასა და მდგრადობას როგორც მაღალი ტემპერატურის, ისე ყინვის პირობებში. რას ცვლით, ახალი რეგულაციები საგზაო ინფრასტრუქტურის მშენებელი კომპანიებისთვის, რამდენად იყენებს ბიზნესი ასფალტო ბეტონის მოდიფიკაციის თანამედროვე ტექნოლოგიებს და ხარისხობრივად ახალი სტანდარტის საგზაო სამუშაოები რამდენად დიდ ხარკებთან იქნება დაკავშირებული?

სტუმარი: ტიტე ჯიშიაშვილი - Caucasian Infrastructure Technology-ის დირექტორი

#ახალიამბები #BusinessMediaGeorgia