შუახევი ჰესი - დამოუკიდებელი საქართველოში აშენებული დღემდე ყველაზე დიდი ენერგოობიექტი, უკვე 5 წელია წარმატებით გამოიმუშავებს ელექტროენერგიას. 2020 წლიდან დღემდე ,,შუახევი ჰესმა“ 200 გიგავატ საათზე მეტი ელექტროენერგია გამოიმუშავა და ყოველდღიურად მნიშვნელოვან როლს ასრულებს ჩვენი ქვეყნის ენერგოუსაფრთხოების გაძლიერების პროცესში. ამავდროულად, უნდა აღინიშნოს, რომ შუახევი ჰესი 2023 წლიდან ყოველწლიურად აჭარბებს საპროექტო მაჩვენებელს. ენერგოკომპანიამ ჰესების კასკადის მართვის პროცესში თანამედროვე, უახლესი ტექნოლოგიების გამოყენება ოპერირების დაწყებისთანავე დაიწყო. შუახევის ჰიდროელექტროსადგურში დაინერგა მონიტორინგის სისტემა, რომელიც დაფუძნებულია რეალურ დროში მონაცემების ზუსტი სენსორული მაჩვენებლებისა და ჰიდრავლიკური კონსტრუქციების, კაშხლების, გვირაბების და აღჭურვილობის ანალიზზე.

შუახევის ჰიდროელექტროსადგურში დიგიტალიზაციის პროექტების ინტეგრაციამ მნიშვნელოვანი წინსვლა გამოიწვია შემოდინების პროგნოზირებაში, ისეთი სისტემების გამოყენებაში, როგორიცაა: პაუელის შემოდინების პროგნოზირება და თოვლის საზომი კვლევები. ამ ტექნოლოგიურმა დანერგვამ მნიშვნელოვნად გააუმჯობესა შემოდინების გამოთვლების სიზუსტე და უზრუნველყო ქსელში ელექტროენერგიის წარმოების ზუსტი დაგეგმვა. ვრცელია, თანამედროვე სისტემების და ტექნოლოგიების ჩამონათვალი, რასაც ენერგოკომპანია ,,აჭარისწყალი ჯორჯია” შუახევი ჰესის მართვის პროცესში ყოველწლიურად ნერგავს. 2025 წელს ჰიდროელექტროსადგურში დაინერგა ახალი ციფრული სისტემა, სადაც QR კოდის საკანერებით ხდება ჰესის ძირითადი და დამხმარე მოწყობილობების, ამავდროულად სათავე ნაგებობების შემოწმება და მონაცემების შენახვა ჰესის ძირითად სერვერზე.

მიმდინარე წელს ჰიდროელექტროსადგურმა უკვე გამოიმუშავა 354 მილიონ კვტსთ ელექტროენერგია. პროექტის გუნდს მოლოდინი აქვს, რომ საპროექტო მაჩვენებელს წელსაც გადააჭარბებენ. და მოახერხებენ კიდეც, რადგან გონიერი და პროფესიონალი ინჟინრების, ენერგეტიკოსების და სხვა პროფესიის პროფესიონალების ხელშია ამ კომპანიის მართვა, მადლობა მათ ინვესტორებს ნორვეგიულ ქლინ ენერჯი ინვესტტს და ინდური ტატა ფაუერს.

#ახალიამბები #BusinessMediaGeorgia