„ნარჩენების მართვის ბიზნეს ასოციაციამ" რამდენიმე დღის წინ 6 თვის ანგარიში წარადგინა, რომლის მიხედვითაც, ნახევარ წელში 1820 ტონა ნარჩენი საბურავი შეგროვდა. ეს რიცხვი სხვა ქვეყნების მონაცემებს თუ შევაგროვებთ შესაძლოა არც ისე დიდი ჩანს, თუმცა გასულ წელთან შედარებით მონაცემი მნიშვნელოვნად არის გაზრდილი, მითუმეტეს რომ საქართველოში ამ მხრივ გამოცდილება ევროპული ქვეყნებისგან განსხვავებით ძალიან მწირია. თავად ასოციაციამ უშუალოდ ნარჩენების ამოღება 2023 წლიდან დაიწყო. წლევანდელი გეგმის მიხედვით კი ნარჩენი საბურავების გადამამუშავებელი (რეციკლირების) საწარმოს შექმნაა, რომლის სიმძლავრე საწყის ეტაპზე წელიწადში 5 ათასი ტონა იქნება, შემდგომ წლებში კი ეს მაჩვენებელი გაიზრდება.
ა(ა)იპ „ნარჩენების მართვის ბიზნეს ასოციაცია“ მწარმოებლის გაფართოებული ვალდებულების ორგანიზაციაა, რომელიც უზრუნველყოფს ნარჩენი საბურავების, ზეთებისა და აკუმულატორების შეგროვება-გადამუშავებას. ამ ეტაპზე, ასოციაციას საბურავების შეგროვების 2 მსხვილი პუნქტი აქვს თბილისსა და ბათუმში. „ნარჩენების მართვის ბიზნეს ასოციაციის" ინფორმაციით, უახლოეს პერიოდში შეგროვების პუნქტების დამატებაც იგეგმება.

სტუმრები:⤵️
➡️ვანო მთვრალაშვილი - ნარჩენების მართვის ბიზნეს ასოციაციის აღმასრულებელი დირექტორი;
➡️ნიკა ხოდელი - ნარჩენების მართვის ბიზნეს ასოციაციის ვიცე-პრეზიდენტი, "ვინტოს" აღმასრულებელი დირექტორი;

#ახალიამბები #BusinessMediaGeorgia