გარემოს ეროვნული სააგენტო მომდევნო დღეების განმავლობაში საქართველოში ტემპერატურის განსაკუთრებულ მატებას ელის. დღევანდელი პროგნოზით, თბილისში ჰაერი 37 გრადუსამდე გათბება.
ქუთაისში მოსალოდნელი ჰაერის ტემპერატურა ასევე 37გრადუსია - ბათუმში კი მიმდინარე კვირის განმავლობაში ტემპერატურა 30 გრადუსის ნიშნულზე იქნება.
მოქალაქეებისთვის სიცხეში მოქცევის რეკომენდაციები გამოაქვეყნა დაავადებათა კონტროლისა და საზოგადოებრივი ჯანმრთელობის ეროვნულმა ცენტრმა. ენსიდისი მოქალაქეებს, განსაკუთრებით კი ისეთ მოწყვლად ჯგუფებს როგორიცაა ახალშობილები და ბავშვები, ორსულები, ხანდაზმულები,ქრონიკული დაავადების მქონე პირები, ადამიანები, ვისაც შენობის გარეთ მოუწოდებს დიდი რაოდენობით არაარკოჰოლური სითხის მიღებისკენ და მარალინტენსიური ფიზიკური აქტივობის თავშეკავებისკენ მოუწოდებს.
"დღის ყველაზე ცხელ პერიოდში არ გახვიდეთ ქუჩაში, მოერიდეთ ცილის მაღალი შემცველობის მქონე პროდუქტებს.ქუჩაში გასვლისას ატარეთ ნატურალური მასალის, ღია ფერის, თავისუფალი ტანსაცმელი, ფართოფარფლებიანი ქუდი, კეპი, ქოლგა, მზისგან დამცავი სათვალე. არ დატოვოთ ბავშვები და შინაური ცხოველები გაჩერებულ სატრანსპორტო საშუალებებში.თუ იგრძენით თავბრუსხვევა, სისუსტე, შფოთვა, ძლიერი წყურვილი ან თავის ტკივილი, მოთავსდით გრილ ადგილას და სასწრაფოდ მიმართეთ ექიმს“,- აღნიშნულია რეკომენდაციებში.
ამასთან, დაავადებათა კონტროლის ეროვნულ ცენტრში განმარტავენ, რომ მაღალი ტემპერატურით გამოწვეული მთავარი რისკებია: გაუწყლოვნება, ორგანიზმის გადახურება, რომელმაც, შესაძლოა, გააუარესოს გულ-სისხლძარღვთა და რესპირაციული დაავადებების მქონეპირთა ჯანმრთელობის მდგომარეობა.

სტუმარი: გუგა ქაშიბაძე - დამწვრობის ცენტრის ხელმძღვანელი;


#ახალიამბები #BusinessMediaGeorgia